โครินธ์ อาเหร่อเล๊อ ต๊าบ่า 7:22 - ลีเทส่อพ๊าอาเซ เร๊อ เห่ขุทวาลู๊

²² เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.

Eastern Kayah Shadaw Dialect

²² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤓꤝꤢ꤭ ꤡ꤫ꤢꤦ꤬ ꤒꤣꤧ꤬ꤘꤢꤦꤚꤣꤧ꤬, ꤙꤣꤧ ꤔꤢꤧ꤬ ꤛ꤫ꤢꤦ꤬ꤢꤩ꤬ꤟꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤢꤧ꤬ꤟꤣꤧ ꤔꤢꤧ꤬ ꤟꤢꤨ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤔ꤫ꤤ꤬ ꤟꤣꤧ ꤒꤢꤩ꤬ꤕꤣꤧ꤬ꤜꤢ꤭ ꤔꤣꤧ꤬ ꤟꤣꤧ꤯ ꤟꤢꤨꤔꤣꤧ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ꤔꤢꤪ ꤡ꤫ꤢꤦ꤬ ꤒꤥ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤙꤣꤧ ꤢ꤬ ꤛ꤫ꤢꤦ꤬ꤢꤩ꤬ꤟꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤓꤝꤢ꤭ꤟꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤡ꤫ꤢꤦ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 7:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:16

โอ่เซอเพร แลแค ฮู๊ แกแย หนิ เตปาลา เนอเต๊เห่ นี๋. หม่าแน๊เรอ นอเอ่ แต่ ซี เตปาลา เออเนอ เร๊อ อา เก่ เมโอ๊เมบี๊แก แต่ ซี เตซื๊อเนอ แต่เหม่. หม่าแน๊เรอ โอ่เซอเพร แซ่ แลแค เร๊อ จอแปแหร่ อาหลู่ เต๊เห่เนอ.

ฟีเลโมน 1:16

เร๊อ เน พย๊าหนิ กาคยา คยาแซ๊ คูโอเนสิมัส เออเนอหมา อา หม่าปา ฮู๊ หลู่เล๊ เตเพร โต่, อาแร๊ เล๊อ เจ๊อ เร๊อ หลู่เล๊, อา ทวา เจ๊อ เฮ๊อ ฮู๋ ครี๊อาขว่าอาคยา, เร๊อโป่แหว่ ลู เตเพร เนอเจ๊อ เฮ๊อ. อา หม่า อาแซ่เน๊อ โป่แหว่ เด๊อ แว โมหนิเร๊อ ลู ตื๊อดื่อเรอ เน เก่ โมเล๊อ เจ๊อ ลู เร๊อ แว ปา, เมเตเฮ๊เรอ เน พย๊าหนิ กาคยา คยาแซ๊ อา ฮู๊ หลู่เล๊ เตเพร เร๊อ เด๊อ ครี๊อาขว่าอาคยา, เร๊อ โป่แหว่ ลู เนอเจ่อ ลอเฮ๊อ.

ꤊꤢ꤬ꤜꤢ꤬ꤒꤤ 5:13

แว โป่แหว่ ซี๋, แซ่ฮู๊ ซี เก่ พย๊าหนิ เตปาลา อาเงเนอเรอ, จอแปแหร่ เอ๊เฮ๊อ ซี เฮ๊อ. หม่าแน๊เรอ เด๊อ ซี พย๊าหนิ เตปาลา เออ อาขว่าอาคยาเร๊อ, นอเป๊อ แต่ ซีเหน่ เร๊อ ซี สุ่ยเทอพ๊าหย่า อา เตซิหยื่อซิลอ เนอเต๊เห่ แต่เหม่ นี๋. หม่าแน๊เรอ, ซี โต โม เกอเร๊อ ลู เตเพร เร๊อ เตเพร, ซี โต เมจว่าเกอ เกอเร๊อ ลู เตเพร เร๊อ เตเพร.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

ꤛꤢꤨꤘꤢ꤬ 1:1

แว หม่า คูยากอบ อาโป่ คูยูดาส, โท๊โต่ แว หม่า เหย่ซู่ครี๊ อาหลู่ เตเพร. แว ซิหยื่อ ราจว๊าเป่ แกแย เด๊อ เพ จอแปแหร่ เอ๊ เหย่ซี เร๊อ อา โม เกอเร๊อ เหย่ซี. โท๊โต่ เหย่ซู่ครี๊ โอ่ป่อ โฮ๊บี๊เตเก เกอเร๊อ เหย่ซี เนอเต๊เห่ อา โอ่.

เปโตร เนอบ่า ต๊าบ่า 1:1

เป จอแปแหร่ เร๊อ เพรเมแลเปล๊กา เป แบ่เจ่ เหย่ซู่ครี๊ เออเตเพร อา เตจ๊อเตเต อาขว่าอาคยา, ซี หม่า แกแย เต๊เห่ เด๊อ อา พย๊าหนิ เกอดื่อเฮ๊อ เตหยื่อเตแหน่ เด๊อ อาแซ่เน๊อ เป เออเต๊เห่ เฮ๊อ. เร๊อ แว ราจว๊าเป่ ซี ลีเออ. แว หม่า คูซีโมน เปโตร, เร๊อ แว ทวาดื่อ เหย่ซู่ครี๊ อาหลู่ เร๊อ อา เพรโด่แน เตเพร.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

โครินธ์ อาเหร่อเล๊อ ต๊าบ่า 9:19

แว หม่า เพรป่าลาพู๊ เตเพร เร๊อ อู เมจว่าเกอ น๊อ แว โต่ อาขว่าอาคยา, แว โหล่ หนิดา เหย่ซีโหง่ โต่. หม่าแน๊เรอ แซ่ฮู๊ อู เก่ หยื่อเอ่แหน่ โหร่ แบ่เจ่ เหย่ซู่ อาเงเนอ, แว ซิหยื่อ ทวา เป่ เจ๊อ แกแย ปว๋า เตเพร อาหลู่ เจ๊อ.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

โครินธ์ อาเหร่อเล๊อ ต๊าบ่า 7:21

เบ๊อะจอแปแหร่ เอ๊ เน เบ๊อะเนอ, เน ทวา เจ๊อ หลู่ เบ่เบ่, อา เหล่เฮ๊โอ่ เน๊อ โต่. หม่าแน๊เรอ เนแบ่เจ่ เก่ เฮ๊ เน เร๊อ ซิหยื่อ จว๊า เบ๊อะเตหม่า อาหนิ เฮ๊อ อา เก่ เฮ๊ เร๊อ เถ่จว๊า เนอ.

โครินธ์ อาเหร่อเล๊อ ต๊าบ่า 9:21

แซ่ฮู๊ แกแย เด๊อ อา ซิเง เกออู คูโมเสส อา เตซว๊าเตแส่ โต่ เต๊เห่ เก่ หยื่อเอ่ เกออู แบ่เจ่ เหย่ซู่ครี๊ อาเงเนอ, เบ๊อะแว โอ่ เกอ เด๊อ เหย่ซีเกล เบ๊อะเนอ, แว เมฮู๊ เป แกแยยิวพู๊ อาเหล่โกล เมเนอ โต่, แว เม แซ่เกอ ฮู๊ เหย่ซี เมเนอ แพ๊. หม่าแน๊เรอ แว ครวาลือ เม เกอ จอแปแหร่ อา เตซว๊าเตแส่ โต่, แว เฮ๊ ฮู๊เนอ หม่าโต่. เก่ เฮ๊ตาต๋าหม่า แว หม่า แกแย เตเพร เด๊อ อา ลือครวา เม แหน่เจ๊อ ครี๊ อา เตซว๊าเตแส่ เตเพร เจ๊อ.