โครินธ์ อาเหร่อเล๊อ ต๊าบ่า 7:21 - ลีเทส่อพ๊าอาเซ เร๊อ เห่ขุทวาลู๊

²¹ เบ๊อะจอแปแหร่ เอ๊ เน เบ๊อะเนอ, เน ทวา เจ๊อ หลู่ เบ่เบ่, อา เหล่เฮ๊โอ่ เน๊อ โต่. หม่าแน๊เรอ เนแบ่เจ่ เก่ เฮ๊ เน เร๊อ ซิหยื่อ จว๊า เบ๊อะเตหม่า อาหนิ เฮ๊อ อา เก่ เฮ๊ เร๊อ เถ่จว๊า เนอ.

Eastern Kayah Shadaw Dialect

²¹ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤔꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤔꤢꤧ꤬ ꤓꤝꤢ꤭ ꤡꤣꤧ ꤡ꤫ꤢꤦ꤬ ꤙꤢꤩ꤬ꤙꤢꤩ꤬, ꤢ꤬ ꤜ꤫ꤢꤩ꤬ꤟꤢꤩꤥ꤬ ꤔꤢꤧ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ꤙꤢꤧ꤬ꤡꤢꤩ꤬ ꤊꤢꤩ꤬ ꤟꤢꤩ ꤔꤢꤧ꤬ ꤔꤢꤧ ꤞꤤꤛ꤫ꤢꤦ꤬ ꤡꤝꤢ ꤙꤣꤧꤒꤢꤩ꤭ ꤗꤢ꤬ ꤢ꤬ꤔ꤫ꤤ꤬ ꤟꤣꤧ ꤢ꤬ ꤊꤢꤩ꤬ ꤟꤢꤩ ꤚꤣꤧ꤬ ꤓꤢꤩ꤬ꤡꤝꤢ ꤔꤣꤧ꤬꤯

โครินธ์ อาเหร่อเล๊อ ต๊าบ่า 7:21 ပူးပေါင်းရင်းမြစ်များ

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

โครินธ์ อาเหร่อเล๊อ ต๊าบ่า 12:13

ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

ꤜꤢꤨꤊꤢ꤬ 12:29

ฮู๊เนอ อาขว่าอาคยา, ซีเตเนเบ่กู่เบ่แก เบ่ยอเบ่สี่ แต่ แลแค แต่เหม่. โต เอ่แคร๊ ปา อิเต, โต โอแคร๊ ปา อิเตเนอ, เตเน แต่ แลแค แต่เหม่ นี๋.

เปโตร อาเหร่อเล๊อ ต๊าบ่า 5:7

จอแปแหร่ ซิปล่อโอ่ แม๊ตู่หนิ ซี อาขว่าอาคยา, แด่แถ่ แลแค ซี เตเบ่ยอเบ่สี่ ล๋อ ปลี เด๊อ จอแปแหร่ อาโอ่ เนอ.

ꤟꤤꤙꤚꤢꤨ 13:5

โอ่ตาพา แลแค เน๊อ เตโมเร๊อ รือ เต๊เห่ นี๋. ซิปล่อโป่เป่ เกอเร๊อ แลแค เร๊อ เต เด๊อ อา โอ่ เน๊อ เนเนอ เต๊เห่, เมเตเฮ๊เรอ จอแปแหร่ เฮ๊ เน๊อ, “แว แด่โอ่แก เน๊อ เน ตีกี๋ โต่, แว วีแก เร๊อ เน แตแค๋ โต่,” อา เฮ๊ ฮู๊เนอ.

ฟีลิปปี 4:11

แว เฮ๊ ฮู๊เออ เร๊อ อาโต เร๊อ แว โหล่รือ ฮู๊เนอ หม่าโต่, เมเตเฮ๊เรอ แว แม๊เถอะเบ่ เจ๊อ เตเมอาเหน่ เร๊อ แว ฮู๊เตเต๋ เบ่เบ่, จอแปแหร่ อิซว๊า โทเฮ๊อ แว เน๊อ แว เก่ แด่โมแจ่แว ซิปล่อ แพ๊.

ฟีลิปปี 4:6

เบ่ยอ แต่ แลแค เตอเจ๋อ แต่เหม่ นี๋. หม่าแน๊เร๊อ เด๊อ เตล๋อ ปลี อากูเนอ, กุยจ๊อเบ เร๊อ กุย แลแค เต เด๊อ ซี โอ่ เนอเต๊เห่, เร๊อ กุย แลแค เน๊อ เตเฮ๊บุ๊ยเฮ๊เตอเรอ จอแปแหร่ นี๋.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

ꤜꤢꤨꤊꤢ꤬ 21:34

“รอหนิ แลแค ซีเหน่ นี๋. เบ๊อะซี เอ่มือโอมือ เบ๊อะเนอ, ซี เมบูเมบย่า เต เนอเต๊เห่ เบ่เบ่, ซี เตเนกู่เตเนแก แลแค เร๊อ ซี เตโอ่เซอเพร เด๊อ เห่ขุเออ ตือทือ เต๊เห่เนอ เบ่เบ่, เมลอ แกเด แต่ ซี ม๊อเนอม๊อเซ เนอเต๊เห่ แต่เหม่ นี๋. ปาหม่า แกแยพู๊คู หม่าเฮ๊อ แวเออ อา แฮโต่คย๊า เด๊อ ซี โอ่ เบ๊อะซี เตเนเต่อโต่ เนอเตอเนอ เนอเตเซ ปา.

โครินธ์ อาเหร่อเล๊อ ต๊าบ่า 7:20

เบ๊อะจอแปแหร่ เอ๊ แกแย เตเพรเพร เบ๊อะเนอ, อา ทวา แกแย ฮู๊เต เตเพรเนอ อา โตเบ่ โอ่เซอเพร แฮเง ลา ฮู๊เนอ.

โครินธ์ อาเหร่อเล๊อ ต๊าบ่า 7:22

เมเตเฮ๊เร๊อ เน ทวา หลู่ หม่าแน๊เรอ, เบ๊อะเน หยื่อเอ่เฮ๊อ แบ่เจ่ เหย่ซู่ เบ๊อะเนอ, อา แด่เฮ๊อ เน ฮู๊ แกแย เตเพร เด๊อ อา หนิ เฮ๊อ เตปาลา เนอ เฮ๊อ. ฮู๊เนอเฮ๊อ แกแย เด๊อ อา ทวาน๊อ หลู่ โต่ เตเพรเนอ, เบ๊อะอา หยื่อเอ่เฮ๊อ แบ่เจ่ เหย่ซู่ครี๊ เบ๊อะเนอ, อา ทวาเฮ๊อ แบ่เจ่ เหย่ซู่ครี๊ อาหลู่ เฮ๊อ.