โครินธ์ อาเหร่อเล๊อ ต๊าบ่า 7:18 - ลีเทส่อพ๊าอาเซ เร๊อ เห่ขุทวาลู๊

¹⁸ แกแย เด๊อ อา ดื๊อตีลี๊ โทเฮ๊อ พ๊า เร๊อ จอแปแหร่ เก่ เอ๊ ลู เต๊เห่เนอ, อา โตเบ่ เมโอ่เหม่แก หนิ อา เตดื๊อตีลี๊พ๊า อา เตม๊าเตแด เออเนอ โต่. แกแย เด๊อ อา ดื๊อตีลี๊ เกออู พ๊า โต่ เต๊เห่เนอ, จอแปแหร่ เก่ เอ๊ เหย่ซี เฮ๊เรอ อา โหล่ ดื๊อตีลี๊ ปา พ๊า โต่.

Eastern Kayah Shadaw Dialect

¹⁸ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤓꤥ꤭ꤟꤣꤧ ꤖꤢ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤢꤩ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤗꤢꤩ꤬ꤥ꤬ꤗ꤫ꤢꤩ꤬ꤊꤢꤧ꤭ ꤔ꤫ꤤ꤬ ꤢ꤬ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤣꤧ꤭ꤔꤣꤧ꤬ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤦꤒꤣꤧ꤬ꤜꤤ ꤊꤣꤧ꤭ꤢꤨ꤭ ꤖꤢ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤢꤩ ꤛꤢꤩ꤬ꤞꤤ꤭ ꤟꤢꤩꤚꤣꤧ꤬ ꤢ꤬ ꤜ꤫ꤥ꤬ ꤘꤢꤦꤒꤣꤧ꤬ꤜꤤ ꤕꤢ꤬ ꤖꤢ ꤒꤥ꤬꤯

โครินธ์ อาเหร่อเล๊อ ต๊าบ่า 7:18 ပူးပေါင်းရင်းမြစ်များ

เพรโด่แนพู๊ เต๊เห่ 15:5

หม่าแน๊เรอ ฟาริสี ตู๊หมู่ตอกล๊อ เด๊อ อา หยื่อเอ่แลแค เต อาเกล เต๊เห่ ก๊อถ่อ เฮ๊ เน๊อ, “แกแยยิวพู๊ หม่าโต่ เต๊เห่เนอ อา โตเบ่ ดื๊อตีลี๊ เกอ พ๊า, โทเรอ อู โตเบ่ เฮ๊ เต่อเป่เกอ เหย่ซี เร๊อ เหย่ซี โตเบ่ โครครวาเมเกอ คูโมเสส อา เตซว๊าเตแส่ เต๊เห่.”

เพรโด่แนพู๊ เต๊เห่ 15:28

แหย่โยบูโพ๊แบ่เจ่ เน๊อ ล๋อ เป เออเต๊เห่ ซิปล่อโต แคลู เร๊อ เตซว๊าเตแส่ เด๊อ อาโร เต๊เห่เนอ, เป ซิหยื่อ นอวี๊นอแย๊ ซี เตอเจ๋อ โต่. เป ซิหยื่อ นอลือครวาเม แพ๊ ซี เต เด๊อ อา โหล่ ครวาเม เนอเต๊เห่ แพ๊.

เพรโด่แนพู๊ เต๊เห่ 15:24

เป หนิโฮ เร๊อ แกแย เด๊อ เปเกล เต๊เห่ จว๊าโน เมดี๊แด ซี, โทเร๊อ เฮ๊กู่เฮ๊แก ลอ ซี, อู เฮ๊ ฮู๊เนอ หม่าแน๊เรอ เหย่ซี หม่า แกแย เด๊อ อา พย๊าหนิ เกอ เตอิซว๊าอี๊แส่ เด๊อ เปโอ่ เนอเต๊เห่ หม่าโต่.

เพรโด่แนพู๊ เต๊เห่ 15:19

ฮู๊เนอ อาขว่าอาคยา, คูยากอบ เฮ๊เกอ โป่ เน๊อ, “แว เตแม๊เถอะ โอ่ เด๊อ แกแยยิวพู๊ หม่าโต่ เด๊อ อา ตีรี๊ กาคยาโต เด๊อ จอแปแหร่ อา โอ่ เต๊เห่เนอ, เป โตเบ่ เมดี๊แดหนิ เหย่ซี โต่.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

เพรโด่แนพู๊ เต๊เห่ 21:21

หม่าแน๊เรอ เน จว๊า อิซว๊าอี๊แส่ แก โต่ แกแยยิวพู๊ เด๊อ อา จว๊าโอ่ เด๊อ แกแยยิวพู๊ หม่าโต่ อาเกล เต๊เห่ เร๊อ เน นอ วีแก เหย่ซี เร๊อ คูโมเสส อา เตซว๊าเตแส่ เต๊เห่. โท๊โต่ เน นอ ดื๊อตีลี๊ เกอ เหย่ซี อาพู๊ เต๊เห่ อาพ๊า โต่, โท๊โต่ เน นอ ครวาเมโตโคร เกอปา เหย่ซี เร๊อ แกแยยิวพู๊ อา เหล่โกลเหล่แบ่ เต๊เห่ โต่, อู เฮ๊ เป่ เหย่ซี ฮู๊เนอ.