โครินธ์ อาเหร่อเล๊อ ต๊าบ่า 6:9 - ลีเทส่อพ๊าอาเซ เร๊อ เห่ขุทวาลู๊9 แกแยฮา, แกแย มู๊แหม่รีแจ่ เต๊เห่เนอ อา ทวา หนิ เกออู จอแปแหร่ อา เทอพู๊เก่พู๊ เด๊อ ลูเทอลูเก่กู โต่ ปา เนอหม่า ซี ซิเง โต่ แอ? แซ่ฮู๊ ซี เก่ เมซื๊อ แต่ แลแค แต่เหม่ เนอ, เตเน ตาตา แลแค แว เฮ๊ ซี เออเนอ. แกแย เด๊อ อา ลือครวาเม เตซิหยื่อ ปาต๊าเปอเตอ เต๊เห่, แกแย เด๊อ อา จ๊อเบ เตแหย่โย เต๊เห่, แกแย เด๊อ อา จว๊าซื๊อ อูพู๊อูเม เต๊เห่, เพรคู เร๊อ เพรคู จว๊าซื๊อ แคลู เนอเต๊เห่, အခန်းကိုကြည့်ပါ။Eastern Kayah Shadaw Dialect9 ꤊꤣꤧ꤬ꤛꤢꤧ꤭ꤟꤢ꤭ ꤊꤣꤧ꤬ꤛꤢꤧ꤭ꤟꤢꤩ꤭, ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ ꤔ꤫ꤤ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤘꤣ ꤜꤢꤨ꤭ꤓꤣꤧ꤭ꤜꤢꤨ꤭ꤊ꤫ꤢꤩ꤬ꤊꤢꤨ꤭ ꤒꤥ꤬ ꤕꤢ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤒꤥ꤬ ꤟꤢꤧ꤭? ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤞꤢꤦ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤒꤣꤧ꤬ꤔꤢꤩ꤬ ꤒꤢ꤭ꤒꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤩ ꤞꤤ꤭ ꤣꤧ꤭ꤔꤣꤧ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢꤞꤢꤦ ꤢꤨ꤭ꤖꤢꤨꤢꤨ꤭ꤗꤢꤩ꤭ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤋꤢꤨ꤭ ꤔꤢꤧ ꤖꤚꤢꤩ꤬ꤋꤢꤨ꤭ ꤡꤝꤢꤞꤢꤦ ꤋꤛꤢ꤭ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬, အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 6:9
51 ပူးပေါင်းရင်းမြစ်များ
หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”
ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.
หม่าแน๊เรอ แว เฮ๊ ฮู๊เออ เนอหม่า, แว ซิหยื่อ เฮ๊ เร๊อ เบ่ แบ๊ซว๊าหนิ เร๊อ แกแย เด๊อ อา หยื่อเอ่ เกออู เหย่ซู่ครี๊ โต่ เนอเต๊เห่ แต่เหม่ ฮู๊เนอ หม่าโต่. เด๊อ เหย่ซี อาเกล เต๊เห่เห่เนอ แกแย เด๊อ อา จว๊าซื๊อ เพรเหมาะเพรคู, อา กู๊หว่ากู๊เว เอ่ เกอเร๊อดื่อ อาเง, อา เอ่โห่เอ่ฮี๊, อา จ๊อเบ แลแค เตแหย่โย ซี เต๊เห่เนอ อา โอ่ อาขว่าอาคยา, แว ซิหยื่อ เฮ๊ แกแย ฮู๊เนอ เต๊เห่ หม่าโต่. แกแย เด๊อ อา หยื่อเอ่ เกออู จอแปแหร่ โต่ เต๊เห่เนอ ซี เบ่ แบ๊ซว๊าหนิ เหย่ซี โต่ เก่เฮ๊เรอ, ซี เบ่ เถ่จว๊า ตาพาแก ปลื๊อลา เฮ๊อ เร๊อ เห่ขุ เออเนอ เฮ๊อ.
ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.
อู แกล่ ดี๊เจ ลู เนอหม่า, อู แกล่ปลูแกล่เผ่ เจ๊อ หม่าแน๊เรอ อา แกล่ เป่ ลอ อู เนอหม่า อา โอ่ แพ๊ เตเพร แพ๊, เร๊อ อู เด๊อะ เตแกล่ หนิคว๊าเก่ ตื๊อ อา เตเพร แพ๊ เนอหม่า ซี ซิเงดื่อ เฮ๊อ! ช๋า โหน่ปา, แซ่ฮู๊ ซี เก่ พย๊าหนิ เกออู เตบุ๊ยเตเตอเรอ เด๊อ จอแปแหร่ อา โอ่ เนอ เร๊อ ซี โต แอ๊จื๊อแอ๊เหร่, จ่าเพรอ ครวาเกอ แลแค จอแปแหร่ อาคยา แซ่เร๊อ แกแย แกล่ดี๊เจ เด๊อ อา ซิหยื่อ แกล่ เป่ อู เร๊อ อา ซิหยื่อ พย๊าหนิ เตแกล่ หนิคว๊าเก่ เออเนอ เต๊เห่ จ่าเพรอ แกล่ เนอ.
เหย่ซู่ เฮ๊ฉื่อ เหย่ซี เน๊อ, “แซ่ฮู๊ อู เก่ อี๊ลอแลโฮ จว๊าหนิ แต่ ซี แต่เหม่เนอ, โอ่รอโอ่เร แลแค ซีเหน่ นี๋ แกแย เด๊อ อา เก่ แฮ แด๊กว๊า แลโฮ แลแค อาเหน่ เร๊อ แวมุย ปาเนอ อา โอ่ เอ๊ ลู ปา. เร๊อ อา เก่ แด๊กว๊า แลโฮ แล เกอ เร๊อ แลแค อาเหน่ เน๊อ, ‘แว หม่า ครี๊ เฮ๊อ,’ เร๊อ ‘เบ๊อะผื่อโต่ เฮ๊อ,’ ฮู๊เนอ ปา ตื๊อดื่อเรอ ครอครวา แต่ แลแค เหย่ซี แต่เหม่ นี๋.
แว ซิหยื่อ เฮ๊เนอหม่า ฮู๊เตเฮ๊เร๊อ แกแย เด๊อ อา เฮ๊แล เกอเร๊อ แลแค อาเหน่ เร๊อ เพรหยื่อเอ่ เออ เต๊เห่ หม่าแน๊เรอ อา เก่ จว๊าซื๊อ เพรเหมาะเพรคู, อา แม๊ปู กู๊หว่ากู๊เว เอ่หนิเร๊อดื่อ อาเง, อา จ๊อเบ เตแหย่โย, แด๊เเหมาะเถ่อโย, เอ่มือโอแพร๊ หม่าโต่เรอ เอ่โห่เอ่ฮี๊ ซี เต๊เห่เนอ แบ๊ซว๊า แต่ เหย่ซี แต่เหม่. เบ๊อะเอ่เต่อโอเต่อ แพ๊ เร๊อ แกแย ฮู๊เนอ เต๊เห่ แพ๊ เนอ เอ่เต่อโอเต่อ แต่เหม่ เหม่.
เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.
ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.
ကြော်ငြာတွေ