แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เบ๊อะจอแปแหร่ ตี๊หรี่แตแร เห่ขุเซ, เด๊อ เห่ขุเซปา, โทเรอ แกแยอาพู๊คู หม่าเฮ๊อ แวเออ เก่ โอ่แน เด๊อ กู่แกล๊เท แถ่โล ปา. ซี เด๊อ อา ครวา เกอแว เออเต๊เห่ เก่ โอ่แนน๊อ เกอดื่อ เด๊อ กู่แกล๊เท แถ่โล เช๊อเนอเม อาโอ่ เออเนอ ปา, เร๊อ ซี เก่ เมจากาคยา เร๊อ ดื่อ อิสราเอลพู๊ เช๊อเนอโหมะ เออเนอ ปา.
โครินธ์ อาเหร่อเล๊อ ต๊าบ่า 6:2 - ลีเทส่อพ๊าอาเซ เร๊อ เห่ขุทวาลู๊2 จอแปแหร่ อาแกแย เต๊เห่เนอ, อา เก่ เมจากาคยา แกแย เห่ขุพู๊ ปาเนอหม่า ซี ซิเง โต่ แอ? ซี หม่า แกแย เต๊เห่ เด๊อ อา เบ่ เมจากาคยา เจ๊อ แกแย เห่ขุพู๊ โอ่ เด๊อ เห่ขุ เออต๊าบ่า ลอ เจ๊อ ปา อาขว่าอาคยา, เตหรี่เตแก ปีตี๊ เออเต๊เห่ แพ๊ เร๊อ ซี โตเบ่ เฮ๊เบ่โปล เป่ แหน่ อู โต่ แอ? အခန်းကိုကြည့်ပါ။Eastern Kayah Shadaw Dialect2 ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤕꤢ꤭ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤒꤥ꤬ ꤟꤢꤧ꤭? ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤙꤢꤩ꤬ ꤘꤣꤧꤡꤢ꤭ ꤡꤣꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤜꤢꤪ꤭ ꤡꤣꤧ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤖꤢꤨꤙꤢꤪ꤭ꤖꤢꤨꤙꤤ ꤣꤧ꤭ꤒꤣꤧ꤬ꤟꤢꤩ꤬ ꤖꤢꤧ ꤚꤣꤧ꤬ ꤞꤤ꤭ ꤒꤥ꤭ꤙꤢꤩ꤬ ꤟꤢꤩꤙꤢꤩ꤬ꤕꤜꤥ꤭ ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤥ꤬ ꤟꤢꤧ꤭? အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 6:2
18 ပူးပေါင်းရင်းမြစ်များ
โทเรอ แว แม๊เถอะ จ๊อแผ่ กู่แกล๊เท แถ่โล เต๊เห่. แกแย โอ่แนโอ่ เด๊อ กู่แกล๊แถ่โล ลูเนอ เต๊เห่เนอ, อู เด๊อ เหย่ซี เตอเรอฉว่าชอ เด๊อ อา เก่ เมจากาคยา อู ปา. แว แม๊เถอะ เกอโป่ แกแย เด๊อ อา ข่าเด๊อะโล เร๊อ เหย่ซู่ อาหรี่อาแก เร๊อ อา แด๊โฉ่โด่แน เป่ อู จอแปแหร่ อาลาอาโหง่ เต๊เห่ อาขว่าอาคยา, อู ปาตือแก เหย่ซี แกโบ เต๊เห่ อา ซิปล่อเซอเพร. เตมีเตแหม่ เบ่เบ่, เตมีเตแหม่ อาเตแหย่โย เออเนอ เบ่เบ่, เหย่ซี จ๊อเบแถ่น๊อ เกออู โต่ ตื๊อเนอโทโต่. เตมีเตแหม่ เนอโตโด อา เตเมม๊าเมแด เด๊อ อู เบ่ เมม๊า เด๊อ มาเท๊ลู เนอเบ่เบ่, หม่าโต่เรอ อู เบ่ เมม๊า เด๊อ กู๊ขุลู เนอเบ่เบ่, อา พย๊าฉื่อน๊อ เกออู เตเมม๊าเมแด เตอเจ๋อ โต่. เหย่ซี เซอเพร กาคยา เร๊อ อา เป๊อ เต่อเกอ เต เร๊อ ครี๊ อาหน่าตีรี๊.
ฮู๊เนอเรอ, เตแป่เตเช เด๊อ แว แม๊เถอะเบ่ เออเต๊เห่เนอ, แว แด่เน๊ออาเส่ เตอเจ๋อ โต่. เต เด๊อ อา โอ่ จิจือหมะ เล๊อ เด๊อ แว ซิปล่อกู เต๊อเจ่อเนอหม่า หม่าเฮ๊อ เตตว่าเตแร๊ เด๊อ จอแปแหร่ เก่ เด๊อะ แว ปา เออเนอ แพ๊. เต เด๊อ เป แม๊เถอะแจ่ เต๊เห่เนอ, อา เก่ โอ่งยา แพ๊ เตอเปลอฮู๊ แพ๊, หม่าแน๊เรอ เต เด๊อ เป แม๊เถอะแจ่โต่ เต๊เห่เนอ, อา เก่ โอ่งยา เจ๊อ ตูจูเพร ปา.
ซี ซิเงเน๊อ แอ? เบ๊อะซี เด๊อะแล เฮ๊อ ซีเหน่ เด๊อ แกแย เตเพรเพร อา กู๊ยากู เร๊อ ซี เก่ ทวา เฮ๊อ ลู หลู่เล๊ เบ๊อะเนอ, ซี หนิดา อูโร อาโหง่ หม่า อา หนิปาโต่ เฮ๊อ. ซี เบ่ หนิดา แพ๊ตื๊อ อาโหง่ แพ๊, แวเฮ๊โต่? ฮู๊เนอเรอ เบ๊อะซี ทวา เตซื๊อ อาหลู่เล๊ เบ๊อะเนอ, อา เก่ ซูจว๊าแก ซี เด๊อ เตเซอ ปา. หม่าแน๊เรอ ซี เก่ หนิดา จอแปแหร่ อาโหง่ เฮ๊เรอ อา เก่ นอโอ่เซอเพร ซี เด๊อ ซี เก่ เมโต ลู ซิปล่อ ปา.
จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.
ကြော်ငြာတွေ