โครินธ์ อาเหร่อเล๊อ ต๊าบ่า 4:9 - ลีเทส่อพ๊าอาเซ เร๊อ เห่ขุทวาลู๊

⁹ แว เฮ๊ ฮู๊เออ เมเตเฮ๊เรอ, อา แซ่ เน๊อ เป เพรโด่แนพู๊ เต๊เห่เนอ, จอแปแหร่ แด่ ปีตี๊เล๊อ เป เหล่โอ่ เน๊อ อูโร เต๊เห่. โท๊โต่ อาแซ่เน๊อ แกแย ตา เด๊อ ทอกู เต๊เห่ เด๊อ อู เตเร เมเซอ เฮ๊อ เหย่ซี เด๊อ แกแย ตูปลูเต๊เผ่ อา เป๊เส่เง เนอ. เร๊อ อาแซ่เน๊อ ล๋อ ม๊อขุ เตเน่วพู๊ เต๊เห่ เร๊อ แกแย เห่ขุพู๊ เต๊เห่ แม๊ แฮ ตาเต่อ ลอ เป เนอ.

Eastern Kayah Shadaw Dialect

⁹ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤢ꤬ ꤡ꤫ꤣ꤬ ꤔꤢꤧ ꤕꤢꤩ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤕꤣꤧ꤬ꤒꤤꤜꤣ ꤕꤢꤩ꤬ ꤢ꤬ ꤒ꤫ꤥ꤬ ꤔꤢꤧ ꤢꤨ꤭ꤚꤥ꤬ ꤒꤣꤧ꤬ꤟꤢꤩ꤬꤯ ꤓꤥ꤭ꤒꤥ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤒꤢ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤘꤣ ꤢꤨ꤭ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ꤞꤣꤧ꤭ ꤟꤣꤧ ꤛꤢꤩ꤬ꤞꤤ꤭ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯ ꤚꤣꤧ꤬ ꤢ꤬ꤞꤢꤧꤔꤢꤧ ꤜꤢꤪ꤭ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤗꤢꤧ ꤟꤢꤧ꤭ ꤒꤢ꤭ꤒ꤫ꤣ꤬ ꤜꤢꤪ꤭ ꤕꤢꤩ꤬ ꤔꤣꤧ꤬꤯

โครินธ์ อาเหร่อเล๊อ ต๊าบ่า 4:9 ပူးပေါင်းရင်းမြစ်များ

ꤟꤤꤙꤚꤢꤨ 10:33

โตโพ๊โพ๊ เนอ อู เม โตโมเต๊เก่ ซี, อู เมจาเมจือ ซี เด๊อ แกแย ตูปลูเต๊เผ่ อาเป๊เส่เง, โตโพ๊โพ๊เนอ ซี จว๊า เมจว่า เต่อเป่เกอ แกแย เด๊อ อู เมจาเมจือ เหย่ซี ฮู๊เนอ เต๊เห่.

ꤚꤥꤗꤢꤩ꤬ 8:36

ลีเทส่อพ๊ากู เฮ๊ เนอ, “เด๊อ ซีขว่าซีคยา เร๊อ, เป แม๊เถอะเบ่ เร๊อ เตเซอ เตอเน๋อ เหมาะเฮ๊ เจ๊อ. อู เตเน เป เร๊อ เปเออ อาแซ่เน๊อ ซิหมิ เด๊อ อู เตเร เมเซอ ลู เนอ,” อา เฮ๊ ฮู๊เนอ.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

ꤟꤤꤙꤚꤢꤨ 11:36

เต๊เห่เห่เนอ, อู เม ซิเตเร ลอปลี เหย่ซี, อู เป๊อเจ่ออิแช๊ ลอปลี เหย่ ซี, เร๊อ อู มือ เหย่ซี เร๊อ สู่เปลออิปลี๊, เต๊เห่เห่เนอ อู จอ เหย่ซี เร๊อ สู่เปลอต่อเท๊, เร๊อ อู ด๊อโน เหย่ซี เด๊อ ทอกู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

โครินธ์ เนอบ่า ต๊าบ่า 6:9

แกแย เด๊อ อา เตเนปีตี๊ เป เนอ อา โอ่ เต๊เห่ หม่าแน๊เรอ เปหรี่เปแก เนอ, จอแปแหร่ ซิเง ลอ แพ๊. เป เตเร พื่อเซอ โตโมโม เจ๊อ หม่าแน๊เรอ เป โอ่เซอเพร โต่ปา กู๊แหน่. อูมืออูปอ เจ๊อ เป หม่าแน๊เรอ เป เซอ แต่ล๋ายโต่โต่.

เพรโด่แนพู๊ เต๊เห่ 19:31

คูเปาโล อา โคแบ๊ซว๊า เด๊อ อา ทวา เอเชียเก่ ทวาดุทวาเต เนอเต๊เห่ เจ๊อเบ่เบ่, อา นอซูแฮ เตหรี่เตแก เด๊อ ลูโอ่ เร๊อ อา กุยซิยอ ลู เร๊อ นอแฮ เด๊อะโล แต่ อาเหน่ เด๊อ อู เหล่แลหวิแลวอ อาเหล่โอ่ เออเนอ แต่เหม่ อา แด๊โฉ่โล จว๊า เกอ ลู ฮู๊เนอเนอ.

เพรโด่แนพู๊ เต๊เห่ 19:29

เตตอปลอตือซือ โอ่ทวาแถ่ เร๊อ อา จว๊าปีชี ลอ เจ๊อ ตีวีลอ เจ๊อ. แกแย เบ๊หมู่ ปื่อหม่า มาซิโดเนียพู๊ คูกายอัส เร๊อ คูอาริสทารคัส เด๊อ อา จว๊า หนิซว๊าหนิโค เกอแน๊ คูเปาโล เออซิเนอ. เร๊อ อู จุ่ยจว๊า เหย่ซี เด๊อ อู เหล่เด๊อะโล เตแลหวิแลวอ อาเหล่โอ่ เบ๊อะวีกูเนอ.

โครินธ์ อาเหร่อเล๊อ ต๊าบ่า 15:19

เป เด๊อ อา หยื่อเอ่ ครี๊ เร๊อ อา โอ่เซอเพร ปา กู๊แหน่เออ เต๊เห่เนอ, เป หยื่อเอ่ ครี๊ เร๊อ เป เก่ แม๊ชือ แพ๊ตื๊อ เออตือทือ อาเง แพ๊, เป แม๊ชือ เด๊อ อา เก่ เมแลเปล๊กา เป ช๋าโหน่ปา ตือทือ อาเงเนอ อา เก่ โอ่โต่ เฮ๊เรอ, เด๊อ เห่ขุ เออเนอ, โต ซิยอเล๊อ เร๊อ แกแย ฮู๊ เป เออเต๊เห่ เนอหม่า อา โอ่ ปา โต่ เฮ๊อ.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.