โครินธ์ อาเหร่อเล๊อ ต๊าบ่า 4:8 - ลีเทส่อพ๊าอาเซ เร๊อ เห่ขุทวาลู๊

⁸ ซี เตเน เร๊อ ล๋อ เต เด๊อ ซี โหล่ เต๊เห่เนอ อา โอ่ ลอปลี เฮ๊อ, ล๋อ จอแปแหร่ อ๊อแลแก เต๊เห่เนอ ซี พย๊าหนิ ลอปลี เฮ๊อ, ซี เตเน แลแค ฮู๊เนอ. ซี เตเน เกอเร๊อ แลแค เร๊อ ซี ทวา เจ๊อดื่อ เฮ๊อ คุ๊ย เด๊อ จอแปแหร่ อาเทออาเก่กู หนิ, หม่าแน๊เรอ เป เร๊อ เป ทวาเบ๊ เกอ ลา อู คุ๊ย โต่. แซ่ฮู๊ เป เก่ ทวา เต่อเกอ คุ๊ย เร๊อ ซี เนอ, แว ซิหยื่อ นอทวา เกอ ลา เฮ๊อ ซี คุ๊ย เฮ๊อ.

Eastern Kayah Shadaw Dialect

⁸ ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ ꤘꤣ ꤞꤤ꤭ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ ꤜꤢꤪ꤭ꤕꤜꤤ꤭ ꤟꤣꤧ, ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤟꤣꤧ, ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤔꤢꤧ ꤞꤤ꤭ ꤓꤝꤢ꤭ ꤡꤣꤧꤘꤢꤦ꤬ ꤟꤣꤧ ꤋꤝꤤ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤡꤣꤧꤟꤣꤧ ꤔ꤫ꤤ꤬, ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤚꤣꤧ꤬ ꤕꤢꤩ꤬ ꤓꤝꤢ꤭ꤙꤢꤩ ꤊꤣꤧ꤭ ꤜꤢ꤭ꤟꤤ ꤢꤨ꤭ ꤋꤝꤤ ꤒꤥ꤬꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ ꤒ꤫ꤣ꤬ꤊꤣꤧ꤭ ꤋꤝꤤ ꤔꤢꤧ ꤞꤤ꤭ ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ ꤊꤣꤧ꤭ ꤜꤢ꤭ ꤟꤣꤧ ꤞꤤ꤭ ꤋꤝꤤ ꤟꤣꤧ꤯

โครินธ์ อาเหร่อเล๊อ ต๊าบ่า 4:8 ပူးပေါင်းရင်းမြစ်များ

เตเด๊อะโลแถ่ 5:10

เหย่ซี เก่ เม จอแปแหร่ อา เตเอ่เตแร อาเงเนอ, เน เด๊อะทวาแถ่ เฮ๊อ เหย่ซี เร๊อ เพรหลู่แตเต เต๊เห่ เด๊อ จอแปแหร่ อาเทออาเก่กู เฮ๊อ. เร๊อ เหย่ซี เก่ เป๊อเต เด๊อ เห่ขุเออ ปา.”

ꤊꤢ꤬ꤜꤢ꤬ꤒꤤ 6:3

แกแย เตเพรเพร เด๊อ อา เฮ๊ เกอเร๊อ อาเหน่ เน๊อ, แว หม่า แกแย เด๊อ อู โหล่ดุหนิเล๊อะ เตเพร อา เฮ๊ หม่าแน๊เรอ อา เก่ หม่า ฮู๊เนอ หม่าโต่ เฮ๊เนอหม่า อา แลโฮ แล เกอเร๊อดื่อ อาเหน่ แพ๊.

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.

โครินธ์ อาเหร่อเล๊อ ต๊าบ่า 5:6

ซี จว๊า เฮ๊เบ่ แถ่โล โต่ ซีโหง่ ฮู๊เนอหม่า อาหม่า โต่. ซิเหน่แถ่ แลแค โหง่ ตือมือ เด๊อ อา เฮ๊ เน๊อ, “โฮหมื่อ ตีกี๊ฮู๊ แพ๊ เร๊อ อา เมโต๊โผ่ลอ ค๊อมู ต๊อกล่อ,” อู เฮ๊ เนอหม่า ซี ซิเง แวเฮ๊. ฮู๊เนอเรอ แกแย เออเตเพร อา เตซื๊อเนอ, อา เด๊อะทวาแถ่ เต่อเกอ ลอ เฮ๊อ ซี ตู๊หมู่ลอ อาเตซื๊อ เฮ๊อ.

โครินธ์ อาเหร่อเล๊อ ต๊าบ่า 1:5

เมเตเฮ๊เรอ, เด๊อ ซี เน๊อ ครี๊ ทวาแถ่เฮ๊อ ลู เต๊อเจ๋อ โต เฮ๊อ อาขว่าอาคยา, จอแปแหร่ เด๊อะบุ๊ยเด๊อะเตอเรอ เฮ๊อ ซี ปว๋า เต๊อเจ่อ เฮ๊อ. เร๊อ ล๋อ ซี เตเฮ๊เบ่เฮ๊โช เต๊เห่เนอ เบ่เบ่, ซี เตซิคว๊าซิเง เต๊เห่เนอ เบ่เบ่, อาเด๊อะบุ๊ยเด๊อะเตอเรอ ล๊อปลี เฮ๊อ ซี เฮ๊อ.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ꤜꤢꤨꤊꤢ꤬ 6:25

ซี เด๊อ อา เอ่ก๊อโอบา แลแค กู๊แหน่เออ เต๊เห่ ซี๋, เตจาเตจือ เก่ เบ่ หม่าแหน่ เจ๊อ แน๊ ซี ปา, ซี เก่ โอ่วีโอ่กอ เกอลาติ ปา! ซี เด๊อ อา งยา ฮา งยา แฮ่ น๊อ กู๊แหน่เออ เต๊เห่ ซี, เตจาเตจือ เก่ ป่อชิเต่อ หม่าแหน่ เจ๊อ ซี ปา, เมเตเฮ๊เรอ เบ๊อะเก่ แฮโต่ เด๊อ ซี เก่ ซิเปล เร๊อ ซิโหง่ซิเห่ เกอลาติ ปา!

เตเด๊อะโลแถ่ 3:17

‘แว ดุแหย่แถ่เซ เร๊อ แว โหล่ ปา เจ๊อ เตอเจ๋อ โต่, แว โหล่ อิเตเต๋ เนอ อาโอ่ ลอ เจ๊อ เฮ๊อ,’ เน เฮ๊จ๊อ ฮู๊เนอ หม่าแน๊เรอ เน ซิเปลซิหย่อ ลื๋อ ซิยอกล่าเบ่เกอเร๊อ เน, เน โซพ๊าโซแร, เน เป๊เส่คี๊, เน โอ่กาโกล เจ๋อ เร๊อ เน ซิเง เกอเร๊อ เนเหน่ โต่.

ฟีลิปปี 2:12

ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

โครินธ์ เนอบ่า ต๊าบ่า 11:1

แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

โครินธ์ อาเหร่อเล๊อ ต๊าบ่า 4:18

ซี เตเน แลแค เร๊อ แว แฮ โอ่เล เกอ ปา เด๊อ ซี โต่ อาขว่าอาคยา, เด๊อ ซีเกล เต๊เห่เห่เนอ อา แด่แถ่โล แลแค อาเหน่.

เพรโด่แนพู๊ เต๊เห่ 26:29

คูเปาโล เฮ๊ฉื่อ เน๊อ, “เด๊อ เตอเปลอฮู๊ อากู เบ่เบ่, อา งยา เจ๊อ เบ่เบ่, อา โหล่ดุน๊อโต่. แว กุยจ๊อเบ เป่ตื๊อ เนเตเพร อาเง หม่าโต่, แว กุยจ๊อเบ หนิเป่ลอ ล๋อ แกแย เด๊อ อา หนิโฮ แว เตเฮ๊เบ่ กู๊แหน่เออ เต๊เห่ เก่ ทวาแถ่เกอ ครี๊พู๊ แซ่เน๊อ แวเออ, หม่าแน๊เรอ เต เด๊อ แว ซิหยื่อ นอป่อชิเต่อเบ่เกอ ซี โต่ เนอหม่า อา โอ่ตื๊อแพ๊ ฮู๊ อู ด๊อตา แว เด๊อ ทอกู เร๊อ อู จอหม่า แว เร๊อ สู่เปลอต่อเท๊ เออเนอแพ๊.”

มัทธิว 5:1

เบ๊อะแบ่เจ่ เหย่ซู่ แม๊เถอะ เร๊อ แกแย เบ๊หมู่ เต๊เห่ เบ๊อะเนอ, อา จว๊าแถ่ โอ่แนโอ่ เด๊อ โฉ่ลู. เร๊อ อา โคเจ่ เต๊เห่ แฮ เด๊อ ลูโอ่.