โครินธ์ อาเหร่อเล๊อ ต๊าบ่า 4:5 - ลีเทส่อพ๊าอาเซ เร๊อ เห่ขุทวาลู๊5 ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา. အခန်းကိုကြည့်ပါ။Eastern Kayah Shadaw Dialect5 ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ꤘꤣꤧꤡꤢ꤭ ꤢ꤬ꤏꤣꤧꤢ꤬ꤋꤢꤩ꤭ ꤟꤢꤧ꤭ꤙꤢꤩ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤔꤣꤧ꤬, ꤡꤝꤢ ꤘꤣꤧꤡꤢ꤭ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬꤯ ꤥ꤬ꤕ꤫ꤢꤪ꤬ ꤒ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤟꤢꤧ꤭ ꤘꤣꤧꤡꤢ꤭ ꤢꤨ꤭ ꤕꤢ꤭ ꤒꤣ꤬ꤖꤥ ꤔꤣꤧ꤬꤯ ꤒꤢꤩ꤬ꤥ꤬ꤥꤥ꤬ꤙꤤ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤓꤢꤧ꤬ꤜꤥ꤭ ꤕꤢ꤭꤯ ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤘꤢꤪꤥꤘꤢꤪꤙꤤ ꤘꤣ ꤢ꤬ ꤔꤢꤪ꤭ꤗꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ ꤞꤤꤑꤢꤩ꤭ ꤕꤢ꤭꤯ ꤙꤣꤧꤔꤣꤧ꤬ꤋꤢꤩ꤭ ꤕꤢ꤭ ꤚꤣꤧ꤬, ꤟꤢꤨ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤗꤢꤩ꤬ ꤒꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤛꤢꤩ꤬ꤞꤤ꤭ ꤕꤢ꤭꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 4:5
48 ပူးပေါင်းရင်းမြစ်များ
“เบ๊อะเนออาเค ปาเนอ, แกแยพู๊คู หม่าเฮ๊อ แวเออ อา เตแฮแล เมม๊าเมแด เก่โอ่โล แถ่ เด๊อ ม๊อเล ปา. โทเรอ ล๋อแกแย โอ่เด๊อ เก่ปว๋าเต๊เก่ เก่โหง่เก่เห่ ลอ ปา. เหย่ซี เก่ แม๊เถอะ แลแค แกแยพู๊คู หม่าเฮ๊อ แวเออ อา เก่ แถ่ แด๊ แฮหนิ อ๊อโหล่ เด๊อ ม๊อเล ปา. เร๊อ อา เก่ โอ่เล๊อบา เจ๊อ เร๊อ อา เตโพรเตเตอเรอ เร๊อ อา เตอเรอฉว่าชอ เต๊เห่ปา.
เด๊อ แบ่เจ่ เหย่ซู่ เฮ๊ ฮู๊เออ อาขว่าอาคยา, โหง่ โลปีชีจว๊า บอบย่าลอ เด๊อ โป่แหว่ เพรหยื่อเอ่ เต๊เห่ อาเกล เร๊อ อา โคเจ่ เนอเตเพร อา เซอโต่ เฮ๊เนอ, อา เฮ๊ แลแค ฮู๊เนอ. หม่าแน๊เรอ แบ่เจ่ เหย่ซู่ เฮ๊ เร๊อ อา เซอโต่ ฮู๊เนอ หม่าโต่. อา เฮ๊ เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เนอ เร๊อ จู๊ดื่อ แว แพ๊, เนอหม่า เน เตเม หม่าโต่,” อา เฮ๊ ฮู๊เนอ แพ๊.
โคแบ๊ซว๊า, เน เก่ เฮ๊ อู เน๊อ, “เหย่ซี เนอหม่า แกแย แร๊โต่,” หม่าแน๊เรอ เน หม่า แกแย แร๊โต่ แซ่เน๊อ เหย่ซีซี แพ๊. เน เฮ๊ แลเปล๊หนิ เนเหน่ หม่า อาหนิ โต่. เบ๊อะเน เฮ๊ เร๊อ เหย่ซี หม่า แกแยจา เร๊อ จอแปแหร่ โตเบ่ เมจากาคยา เหย่ซี เบ๊อะเนอ, เน เมจากาคยา เกอเร๊อดื่อ เฮ๊อ เนเหน่, เมเตเฮ๊เรอ เน เร๊อ เน เม แซ่เกอ ฮู๊เนอเนอ แพ๊.
เบ๊อะจอแปแหร่ เด๊อะตา อา เตโพรเตเตอเรอ ฉว่าชอ เด๊อ เหย่ซู่ครี๊ เก่ เมจากาคยา อู ล๋อ ปลี ปา เตอเนอเนอ, อา เก่ แซ่ เกอดื่อ ฮู๊เนอ ปา. เบ๊อะเนออาเคปา, ล๋อ แกแย อา เหล่เตเน ด๊อโอ๊ด๊อบี๊ เต๊เห่เนอ, จอแปแหร่ เก่ เมจากาคยา ลอ เหย่ซี อาเตด๊อโอ๊ด๊อบี๊ เนอเต๊เห่ ปา. เออ หม่า เตซิครือมีลา เด๊อ แว โด่แน เป่ อู เออเนอเฮ๊อ.
แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.
หม่าแน๊เรอ, แว เฮ๊ ฮู๊เออ เร๊อ เด๊อ ซีเกล เนอ, แกแย เด๊อ อาซิปล่อ โต เกอ โต่ เนอ อาโอ่ เต๊เห่. เต เด๊อ แว ซิหยื่อ เฮ๊ เหย่ซี เนอหม่า ฮู๊เตเฮ๊เร๊อ, เป เพรโด่แนพู๊ เต๊เห่ อิซว๊าโค๊ เป่ อู เร๊อ เหล่โกลเหล่แบ่ เด๊อ อาโรเนอ อาโอ่ เตอเจ๋อ โต่. โท๊โต่ เพรหยื่อเอ่ เออ เด๊อ อา โอ่ เด๊อ วี เบ๊อะเต๋ ตีวี อากู เต๊เห่เนอ เบ่เบ่, เบ๊อะเหย่ซี จ๊อเบ เบ๊อะเนอ, อา เมแซ่ เกอ ลอ ฮู๊เนอ แพ๊.
หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.
เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.
เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.
แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.
ฮู๊เนอเร๊อ โป่แหว่ ซี๋, แด่ทูซิปล่อโต่ แลแค เด๊อ แบ่เจ่ แฮ คยาแซ๊ ปา โตโพ๊ เออเนอ นี๋. เตเนแม๊ เกอ แลแค เมอ เพรแฮเมเอ่แหล่ เตเพร โอ่ป่อแม๊ชือ เกอ เร๊อ อา เตเส่เตโพ เด๊อ อางูดุงูชอ เออเต๊เห่เนอ. อา เบ่ เป๊อแถ่ แด่ทูซิปล่อ โอ่ป่อหนิ เก่จือ ตา ลู่ เออ เด๊อ อา เมแด๊แถ่ เป่ ลู เตกลุยเตลุ๊ย เออเต๊เห่, โทเร๊อ อา เบ่ โอ่ป่อ โต่เด๊อ เก่จือ ตาเนอ เด๊อคยา เด๊อ อา เมเผระเมมี เป่ ลู เตเส่เตโพ เออเต๊เห่.
เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.
เร๊อ แว แม๊เถอะ แกแย เด๊อ อามุย โลเทอโลเก่ เร๊อ แกแย เด๊อ อู เตเน ปีตี๊ ลู เร๊อ อา เซอโทเฮ๊อ เต๊เห่ ก๊อถ่อโอ่ เด๊อ จ๊อแผ่ กุแกล๊บูดุ แถ่โล เออ อาเป๊เส่เง เนอ. อู โบ๊โมแถ่ ลีเต๊เห่ โทเรอ อู โบ๊โมแถ่ ลี เด๊อ อาโร ต๊าบ่า เด๊อ อู เอ๊ เร๊อ ลีเซอเพร เออ. แกแยเซอ เออเต๊เห่เนอ, อู เมจากาคยา เหย่ซี ฮู๊ อา เมน๊อ โทเฮ๊อ เนอ เร๊อ ฮู๊ อู ราม๊าโอ่ เด๊อ ลีเออ อากูเนอ เต๊เห่.
ကြော်ငြာတွေ