โครินธ์ อาเหร่อเล๊อ ต๊าบ่า 4:4 - ลีเทส่อพ๊าอาเซ เร๊อ เห่ขุทวาลู๊

⁴ แว ซิปล่อ เออเนอ โมโม อา โม แพ๊, แว ซิปล่อ เออ อา แด่ กาคยา เร๊อ แว เตซื๊อ เตอเจ๋อ โต่. แว ซิปล่อ เออ อา เฮ๊ แว ฮู๊เตเต๋ เบ่เบ่, อาเหล่เฮ๊ โอ่ เตอเจ๋อ โต่. แว เมเต เออเนอ อาซื๊อ แอ, หม่า อาโต แอ เนอ, เพร เด๊อ อา ซิเง แวหรี่แวแก เร๊อ อา เก่ เจแม๊ แว ปา เตเพรเนอหม่า ตื๊อแพ๊ แบ่เจ่ เตเพร แพ๊.

Eastern Kayah Shadaw Dialect

⁴ ꤠꤢꤧ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ ꤗꤥ꤬ꤗꤥ꤬ ꤢ꤬ ꤗꤥ꤬ ꤖꤢꤧ, ꤠꤢꤧ꤭ ꤞꤤꤕꤜꤢꤪ꤬ ꤣꤧ꤭ ꤢ꤬ ꤘꤢꤧ꤬ ꤊꤢ꤬ꤋꤛꤢ꤭ ꤔꤢꤧ ꤠꤢꤧ꤭ ꤒꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯ ꤠꤢꤧ꤭ ꤞꤤꤕꤜꤢꤪ꤬ ꤣꤧ꤭ ꤢ꤬ ꤟꤢꤩ ꤠꤢꤧ꤭ ꤟꤢꤨꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ꤜ꤫ꤢꤩ꤬ꤟꤢꤩ ꤥ꤬ ꤒꤣ꤬ꤡꤣ꤬꤮ ꤒꤥ꤬꤯ ꤠꤢꤧ꤭ ꤗꤢꤩ꤬ꤒꤢꤩ꤬ ꤣꤧ꤭ꤔꤣꤧ꤬ ꤢ꤬ꤞꤢꤦ ꤟꤢꤧ꤭, ꤗꤢ꤬ ꤢ꤬ꤒꤥ꤭ ꤟꤢꤧ꤭ ꤔꤣꤧ꤬, ꤖꤚꤢꤩ꤬ ꤘꤣ ꤢ꤬ ꤞꤤꤑꤢꤩ꤭ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤢꤩ꤭ꤗꤢꤧ ꤠꤢꤧ꤭ ꤕꤢ꤭ ꤒꤣ꤬ꤖꤚꤢꤩ꤬ꤔꤣꤧ꤬ꤗꤢ꤬ ꤒꤢꤦꤖꤢꤧ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 4:4 ပူးပေါင်းရင်းမြစ်များ

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

โครินธ์ เนอบ่า ต๊าบ่า 5:10

เมเตเฮ๊เรอ, ช๋า โหน่ปาหม่า เป ปว๋า เตเพร เบ่แฮ โอ่ ลอ เด๊อ ครี๊ เหล่เมจากาคยา กู่แกล๊เท แถ่โล อาเป๊เส่เง ปา. เบ๊อะเป โอ่ เด๊อ เห่ขุเออ อาเค, ล๋อ เป เมโทเฮ๊อ เต เด๊อ อาแร๊ เต๊เห่เนอ เบ่เบ่, เต เด๊อ อาซื๊อ เต๊เห่เนอ เบ่เบ่, เป เก่ พย๊าหนิ เด๊อคยา เตเมหนิคว๊าเก่ ปา แอ, หม่า เป พย๊าหนิ โต่ แอ? เนอ, อา เก่ เจแม๊ ลอ เป ปว๋า เตเพร ปา.

โครินธ์ อาเหร่อเล๊อ ต๊าบ่า 4:5

ฮู๊เนอเรอ เตเมจากาคยา เบ๊อะแฮเบ่ แต่ล๋ายโต่ เนอ, จว๊า เมจากาคยา แต่ อู เตเพร๊ แต่เหม่. โอ่ป่อ โต่ แลแค เด๊อ แบ่เจ่ แฮ เมจากาคยา อู ปา โตโพ๊ เนอ. เตโอ่โอ๊โอ่บี๊ เด๊อ เตคี๊ อากู เต๊เห่เนอ, อา เก่ เด๊อะแถ่โล ปา. เร๊อ แกแย อา เตเตเน ด๊อโอ๊ด๊อบี๊ เด๊อ อา นอเม โค๊ลู เต๊เห่เนอ, จอแปแหร่ เก่ เด๊อะโล ซิเง ปา. เบ๊อะเนอเค ปา เนอ, ฮู๊ แกแย เตเพร เร๊อ เตเพร เม เต เนอ, จอแปแหร่ เก่ ถู่เซ๊หนิ เหย่ซี ปา.

ꤚꤥꤗꤢꤩ꤬ 2:13

จอแปแหร่ แด่จ๊อแด่เต แกแย เร๊อ อา หนิโฮน๊อ เตซว๊าเตแส่ ขว่าคยาเนอ หม่าโต่. จอแปแหร่ แด่จ๊อแด่เต แกแย เร๊อ อา ครวาเมเกอ ฮู๊ เตซว๊าเตแส่ เฮ๊แก โหง่ เนอเต๊เห่ แพ๊.

เพรโด่แนพู๊ เต๊เห่ 23:1

คูเปาโล แม๊จว๊าโต แกแยยิวพู๊ เด๊อ อา ทวาดุทวาเต เออเต๊เห่ เร๊อ อา เฮ๊ เหย่ซี เน๊อ, “แว โป่แหว่ ซี๋, เด๊อ แว ซิปล่อกูเนอ อา เด๊อะโล แว เร๊อ แว เตโอ่เซอเพร เด๊อ จอแปแหร่ อา เป๊เส่เงเออ, โต่กู๊แหน่เนอ, อาโพ๊อาแปละ เล๊อบา ลอปลี แพ๊.”

ꤛꤥ꤭ꤟꤢ꤬ 21:17

โทเรอ อา แด๊เฮอ โป่ ลู โซโพ๊โตโพ๊ เน๊อ, “เพยอห์น อาพู๊คู คูซีโมน, เน โม แว แอ?” แบ่เจ่ เหย่ซู่ ย๋อ แด๊เฮอ ลู เน๊อ, “เน โม แว แอ?” เนอ โซโพ๊เฮ๊อ อาขว่าอาคยา, อา โม ลูซิปล่อ โต่. เร๊อ อา เฮ๊ฉื่อ ลู เน๊อ, “แบ่เจ่, เน ซิเง ลอ เตปว๊าเต๊อเจ่อ, แว โม เน เนอหม่า เน ซิเง เฮ๊อ,” อา เฮ๊ ลู ฮู๊เนอ, เร๊อ แบ่เจ่ เหย่ซู่ เฮ๊ ลู เน๊อ, “แม๊ โบ่เอ่โบ่โอหนิ แว ซิหมิ เนอเต๊เห่ นี๋.

ꤚꤥꤗꤢꤩ꤬ 4:2

จอแปแหร่ เก่ แด่จ๊อแด่เต เพอับราฮัม เร๊อ อา เมแร๊ เต ขว่าคยา เก่เฮ๊เรอ อา เก่ พย๊าแถ่โล เกอเร๊อ อาเหน่ เน๊อ อา เม เตแร๊ เออเต๊เห่ ขว่าคยา เฮ๊เนอหม่า อาหนิ แพ๊. หม่าแน๊เรอ เด๊อ จอแปแหร่ อา เป๊เส่เง เนอ, อา พย๊าแถ่โล เร๊อ เตเออเต๊เห่ อาขว่าอาคยา เนอ อาหนิ โต่.

โครินธ์ อาเหร่อเล๊อ ต๊าบ่า 4:3

ซี เก่ เฮ๊เจ๊อ แว เร๊อ คูเปาโล หม่า แร๊หยื่อเอ่ หนิแจ่, อา แอ หม่า แร๊ หยื่อเอ่หนิ โต่ แอ เจ๊อ เบ่เบ่, อา เหล่เฮ๊โอ่ เร๊อโต่. แกแย เด๊อ อาโร เต๊เห่ เก่ เฮ๊ แว เบ่เบ่, อา เหล่เฮ๊โอ่น๊อโต่, เมเตเฮ๊เรอ แว เหน่แบ่แจ่ เร๊อดื่อ เจ๊อ เร๊อ แว เฮ๊แล เกอเร๊อน๊อ แวเหน่ ฮู๊ ซี เฮ๊ แว เนอ โตโพ๋ โต่.