โครินธ์ อาเหร่อเล๊อ ต๊าบ่า 4:17 - ลีเทส่อพ๊าอาเซ เร๊อ เห่ขุทวาลู๊

¹⁷ เด๊อ เตหรี่เตแก เออ อาขว่าอาคยาเร๊อ แว นอแฮ เฮ๊อ คูทิโมธี เด๊อ ซี โอ่ เฮ๊อ. อา หม่า อาแซ่เน๊อ แวพู๊ เร๊อ แวเหน่ เด๊อ แว โม เกอเร๊อลู เร๊อ อาจ๊อ เกอ เร๊อ อาโหง่ เด๊อ แบ่เจ่ อากู เตเพร. แกแย เด๊อ อา ครวา ครี๊ อาคยา เต๊เห่เนอ, อา โตเบ่ โอ่เซอเพร แลแค ฮู๊เตเนอ, อา เก่ เด๊อะ ซิเหน่แถ่ คยา ซี ฮู๊ แว โอ่เซอเพร เฮ๊อ เออเนอ ปา. เออเนอหมา เต เด๊อ แว อิซว๊า เป่ แกแย เด๊อ อา หยื่อเอ่แหน่ เหย่ซู่ครี๊ เต๊เห่ เด๊อ เหล่โอ่ ปว๋า โต๊โผ่ เต๊เห่เนอ เฮ๊อ.

Eastern Kayah Shadaw Dialect

¹⁷ ꤘꤣ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤔꤢꤪ꤭ꤟꤢꤧ꤭ ꤟꤣꤧ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤘꤣ ꤞꤤ꤭ ꤥ꤬ ꤟꤣꤧ꤯ ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤠꤢꤧ꤭ꤖꤢꤨ ꤔꤢꤧ ꤠꤢꤧ꤭ꤔ꤫ꤢꤩ꤬ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤚꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤋꤛꤢ꤭ ꤞꤤ꤭ ꤟꤢꤨ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤣꤧ꤭ꤔꤣꤧ꤬ ꤕꤢ꤭꤯ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ ꤘꤣ ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 4:17 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 1:2

แว ราจว๊า เป่ ลีเออ เด๊อ คูทิโมธี เด๊อ อาแซ่เน๊อ แว พู๊เพรคู ต๊อต่อ เด๊อ เตหยื่อเตแหน่ อากู เตเพร อา โอ่. เพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะแลดื่อ อา เตบุ๊ยเตเตอเรอ เร๊อ เตซิยอ เร๊อ เตตู๊จุเตอเจ๊อ นี๋.

โครินธ์ อาเหร่อเล๊อ ต๊าบ่า 16:10

ช๋า คูทิโมธี แฮ เต่อเกอ ซี ปา เบ๊อะเนอ, แม๊ตู่ แร๊ อา นี๋, เมเตเฮ๊เรอ อา หม่า แบ่เจ่ อาหลู่เล๊ เตเพร เด๊อ อา แซ่เกอดื่อ เร๊อ แว เออเนอ เฮ๊อ.

โครินธ์ อาเหร่อเล๊อ ต๊าบ่า 7:17

ซี ปว๋า เตเพร โตเบ่ โอ่เซอเพร แฮเง แลแค ฮู๊ จอแปแหร่ เด๊อะตา ซี เบ๊อะอา เอ๊ ซี เบ๊อะเนอ. อา เม หนื่ออื่อ โท ลอ แหน่ เฮ๊อ เด๊อ เป เก่ โอ่เซอเพร ฮู๊เออ เนอ แหน่ เฮ๊อ. เตอิซว๊าอี๊แส่ ฮู๊เออเนอ, แว อิซว๊าตา ลอ โทเฮ๊อ เด๊อ เพรหยื่อเอ่ตู๊หมู่ตอกล๊อ อากู ปว๋า โต๊โผ่ เฮ๊อ.

ทิโมธี เนอบ่า ต๊าบ่า 1:2

แว ราจว๊า เป่ แวพู๊คู คูทิโมธี เด๊อ แหย่โย ตากยา, เด๊อ แว โม เกอเร๊อ อา เออเตเพร อา โอ่. เพ จอแปแหร่ เน๊อ เป แบ่เจ่ เหย่ซู่ครี๊ เก่ เด๊อะแลดื่อ เน เตบุ๊ยเตเตอเรอ, เตซิยอกล่าเบ่, เน๊อ เตตู๊จุเตอเจ๊อ นี๋.

โครินธ์ อาเหร่อเล๊อ ต๊าบ่า 16:1

กู๊แหน่เออ, แว ซิหยื่อ เฮ๊ ซี เร๊อ ซี โถ่ปล๊อ รือ เตหลู่แต เด๊อ ซี เก่ เมจว่า เร๊อ เพรหยื่อเอ่ เออ เด๊อ อา โซพ๊าโซแร เร๊อ อา โอ่ เด๊อ ยูดาห์เก่กู เนอเต๊เห่ อาหรี่อาแก. แว ซิหยื่อ เฮ๊ ซี เร๊อ ครวาเมเกอ ฮู๊ แว เฮ๊แก กาลาเทีย เพรหยื่อเอ่เต ตู๊หมู่ตอกล๊อ เนอเต๊เห่ เบ่เม เนอ.

โครินธ์ อาเหร่อเล๊อ ต๊าบ่า 14:33

เมเตเฮ๊เรอ, เบ๊อะซี แฮ จ๊อบู่จ๊อเบ โหร่ลู เบ๊อะเนอ, ซี เฮ๊โพร พรารื๊อพราเต๊ ผรว่า ลอ ลู โตโพ๊โต ฮู๊เนอ เร๊อ จอแปแหร่ ซิปล่อ โอ่ โต่. จอแปแหร่ ซิหยื่อ เด๊อ ซี เก่ เฮ๊ ซี เก่ เม แลแค เร๊อ อาแกล๊อาโกล เตเพร โท เตเพร ฮู๊เนอ.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

โครินธ์ อาเหร่อเล๊อ ต๊าบ่า 11:2

ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.

โครินธ์ อาเหร่อเล๊อ ต๊าบ่า 7:25

กู๊แหน่เรอ แว เก่ แด๊โฉ่โด่แนโปล เป่ ซี เร๊อ แกแย โอ่ เร๊อ หี่เร๊อเพร๊ ล๋ายโต่ เต๊เห่ อาหรี่อาแก. เตหรี่เตแก เออเนอหมา, แบ่เจ่ เมแกน๊อ โหง่ โต่. หม่าแน๊เรอ แว ซิหยื่อ เด๊อะซิเง เป่ ซี เร๊อ แว เตแม๊เถอะ. เมเตเฮ๊เรอ จอแปแหร่ ซิยอเร๊อ แว อาขว่าอาคยา, หยื่อเอ่หนิ แลแค แว เนอ.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

ทิโมธี เนอบ่า ต๊าบ่า 2:2

พย๊าหนิ เตอิซว๊า เด๊อ เน หนิโฮ โทเฮ๊อ เด๊อ แว เฮ๊โฉ่เป่ โทเฮ๊อ เน เด๊อ เพรข่าเฮ๊โล แกแยโอ่โร๊ อา เป๊เส่เง เนอเต๊เห่ นี๋. เร๊อ เด๊อะตา แฮเง เต เออเต๊เห่เนอ เน๊อ แกแย เด๊อ อาตาอาเต เหล่ซิเลหนิ อา เร๊อ อา อิซว๊าแจ่ แฮเง เป่ อู เนอเต๊เห่ อา กู๊ยากู นี๋.

โคโลสี 4:9

คูโอเนสิมัส เก่ แฮแล เต่อเกอ เร๊อ ลู ปา. อา หม่า แกแย เด๊อ อาจ๊อ เน๊อ อาโหง่ เร๊อ อู โม หนิเกอเร๊อ ลู เตเพร. อา หม่า ซี ดอกูพู๊ เร๊อดื่อ แพ๊. เหย่ซี เก่ แด๊โฉ่ เป่ ลอ ซี เน๊อ ล๋อ เตทวาแถ่ อาเหน่ เบ๊อะเออ เนอเต๊เห่ ปา.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

ฟีลิปปี 2:19

แซ่ฮู๊ แว เก่ ซิเงซีหรี่ซีแก เร๊อ อา เก่ เด๊อะอ๊าเด๊อะเหร่ เมโมแถ่โต่ โป่ แว ซิปล่อ ปา อาเงเนอ, อา เก่ โต แบ่เจ่ เหย่ซู่ อาซิปล่อ เฮ๊เร๊อ แว เก่ นอแฮ แพร เป่ ซี คูทิโมธี เด๊อ ซี โอ่ ปา เร๊อ อา เก่ กา แด๊โฉ่โล เป่ แว ปา.

เอเฟซัส 6:21

คูทีคิกัส หม่า เป โป่แหว่ เด๊อ เป โม เกอเร๊อ แหน่เจ๊อ ลู เตเพร, โท๊โต่ อา หม่า โป่แหว่ เตเพร, โท๊โต่ อา หม่า แบ่เจ่ อาหลู่เล๊ เด๊อ อาจ๊อ เตเพร. แซ่ฮู๊ ซี เก่ ซิเง เร๊อ แว โอ่โมโอ่แร๊ แอ, หม่า โต่ แอ, โท๊โต่ แว เมแคร๋ อิเตเตเนอ, อา เก่ แฮ แด๊โฉ่โล เป่ลอ ซี ปา.

โครินธ์ อาเหร่อเล๊อ ต๊าบ่า 11:16

หม่าแน๊เรอ, แว เฮ๊ ฮู๊เออ เร๊อ เด๊อ ซีเกล เนอ, แกแย เด๊อ อาซิปล่อ โต เกอ โต่ เนอ อาโอ่ เต๊เห่. เต เด๊อ แว ซิหยื่อ เฮ๊ เหย่ซี เนอหม่า ฮู๊เตเฮ๊เร๊อ, เป เพรโด่แนพู๊ เต๊เห่ อิซว๊าโค๊ เป่ อู เร๊อ เหล่โกลเหล่แบ่ เด๊อ อาโรเนอ อาโอ่ เตอเจ๋อ โต่. โท๊โต่ เพรหยื่อเอ่ เออ เด๊อ อา โอ่ เด๊อ วี เบ๊อะเต๋ ตีวี อากู เต๊เห่เนอ เบ่เบ่, เบ๊อะเหย่ซี จ๊อเบ เบ๊อะเนอ, อา เมแซ่ เกอ ลอ ฮู๊เนอ แพ๊.

โครินธ์ อาเหร่อเล๊อ ต๊าบ่า 4:15

ซ๊าร๊า เด๊อ อา อิซว๊าอี๊แส่ ซี เนอ อา โอ่ เจ๊อ อาเพร ตอซ๊อ หม่าแน๊เรอ ซีเพ หม่า อา โอ่ แพ๊ เตเพรเพร่ว แพ๊. เบ๊อะแว แด๊โฉ่โด่แน เป่ ซี เตซิครือมีลา เร๊อ ซี หยื่อเอ่แฮ เฮ๊อ ครี๊ เบ๊อะเนอ, แว ทวาเฮ๊อ ซีเพ เฮ๊อ.

มัทธิว 25:23

“เร๊อ อาแบ่เจ่ เฮ๊ฉื่อ ลู เน๊อ, ‘อ่อ, อาแร๊ แหน่เจ๊อ. เน หม่า เพรแรเต เด๊อ อาแร๊ เร๊อ อาจ๊อ เร๊อ แว. เน จ๊อ เร๊อ แว เด๊อะเน เตปีตี้วแพ๊ เออเต๊เห่ อาขว่าอาคยา, แว เก่ เด๊อะ โอ่เอ๊แถ่ เล๊อ โป่ เน เตแร เด๊อ เน เก่ เป๊อตี๊หรี่ เอ๊เล๊อ โป่ เร๊อ เออเนอ ปา. แฮ ซิครือซิลอ โหร่เกอดื่อ เร๊อ แว!’

มัทธิว 25:21

“อาแบ่เจ่ เฮ๊ฉื่อ ลู เน๊อ, ‘อ่อ, อาแร๊ แหน่เจ๊อ, เน หม่า เพรแรเต เด๊อ อาแร๊ เร๊อ อาจ๊อ เร๊อ แว. เน จ๊อ เร๊อ แว เด๊อะเน เตปีตี้วแพ๊ เออเต๊เห่ อาขว่าอาคยา, แว เก่ เด๊อะ โอ่เอ๊แถ่ เล๊อ โป่ เน เตแร เด๊อ เน เก่ เป๊อตี๊หรี่ เอ๊เล๊อ โป่ เร๊อ เออเนอ ปา. แฮ ซิครือซิลอ โหร่เกอดื่อ เร๊อ แว!’

มัทธิว 24:45

“หลู่ เด๊อ อาจ๊อ เร๊อ อา ลีแม เตเพรหม่า อูเป? หลู่ เด๊อ อาจ๊อ เตเพร หม่าหม่าเฮ๊อ แบ่เจ่ เด๊อะตา ลู เตแร เด๊อ อา เบ่ แม๊ตู่ โบ่เอ่โบ่โอหนิ หลู่เล๊ เด๊อ อาโร เต๊เห่ เด๊อลู กู๊ยากู, เร๊อ อาโบ่เอ่ โต เหย่ซี เร๊อ หน่าหลิ เออเตเพร เนอเฮ๊อ.

โครินธ์ อาเหร่อเล๊อ ต๊าบ่า 4:2

แกแย เด๊อ อู เด๊อะตา โค๊ลู เตเม เต๊เห่เนอ, อา โตเบ่ จ๊อเต เร๊อ อาเตเม.

เพรโด่แนพู๊ เต๊เห่ 16:1

คูเปาโล จว๊า เป่แฮ โป่ เด๊อ เง เร๊อ อา จว๊าโต่ เด๊อ วีเตอร์บี เร๊อ วีลิสตรา. เบ๊อะวีลิสตรา อากูเนอ, แกแย หยื่อเอ่ โอ่เตเพร เด๊อ อามุย เร๊อ คูทิโมธี. เร๊อ อาโหมะ หม่า แกแยยิวพู๊ เด๊อ อา หยื่อเอ่แหน่หยื่อรี เตเพร, หม่าแน๊เรอ อาเพ หม่า แกแยกรีกเมวเจอะพู๊ เตเพร.

โครินธ์ อาเหร่อเล๊อ ต๊าบ่า 4:14

แว ซิหยื่อ นอซิเตเร ซี เร๊อ แว รา จว๊า เป่ ซี ลี เออเนอ หม่าโต่. แว โมเร๊อ ซี ฮู๊ แวพู๊ เร๊อ แวเหน่ เนอ เร๊อ แว อิซว๊าอี๊แส่ จว๊า เกอเร๊อ ซี แพ๊.

โครินธ์ อาเหร่อเล๊อ ต๊าบ่า 11:34

หม่าแน๊เรอ เบ๊อะซี เอ่โอ แบ่เจ่ เตเอ่โอ บูโพ๊ เหมาะเฮ๊ เบ๊อะเนอ, เด๊อ ซีเกล เนอ, แกแย เตเพรเพร เก่ ซิเอ่ซิโอ ลาเล๊ เฮ๊อ เก่เฮ๊เรอ แซ่ฮู๊ จอแปแหร่ เก่ ปลี๊ ซี โต่ เนอ, ซี โตเบ่ เอ่โอ แฮ เหร่อ แลแค เด๊อ ซีหี่. เต เด๊อ แว โหล่ เฮ๊ อิซว๊าอี๊แส่ ซี เนอ อาโอ่ ปา เต๊เห่, หม่าแน๊เรอ แว เก่ เฮ๊ เป่ ซี ช๋า แว แฮโต่ เด๊อ ซี โอ่ ปา.

โครินธ์ เนอบ่า ต๊าบ่า 8:18

เป ปลวาจว๊า เต่อเกอ โป่แหว่ เตเพร เร๊อ อา. เพรหยื่อเอ่ตู๊หมู่ตอกล๊อ ปว๊าตู๊หมู่ ถู่เซ๊ เกอเร๊อ แหน่เจ๊อ ลู หนิ, เมเตเฮ๊เรอ อา หม่า เพรเม จอแปแหร่ อาเตเม เด๊อ อา เล แด๊โฉ่โด่แน เป่ อู เร๊อ เตซิครือมีลา อาหรี่อาแก เตเพร.

ฟีลิปปี 2:22

ซี ซิเงดื่อเฮ๊อ, คูทิโมธี หม่า แกแย งูดุงูชอ เตเพร. อา เมเต่อเกอ เฮ๊อ เต เร๊อ แว เด๊อ เตซิครือมีลา เก่ ดุแถ่ทูแถ่ อาเง เออเนอหม่า อา แซ่เจ๊อเฮ๊อ เร๊อ พู๊ เร๊อ เพ เนอเฮ๊อ.

ทิโมธี อาเหร่อเล๊อ ต๊าบ่า 1:18

แวพู๊คู คูทิโมธี, เตเด๊อ แว นอเม เน กู๊แหน่ เออเต๊เห่ เนอหม่า, อา ครวาเม เกอแพ๊ แกแย เต๊เห่ อา เตเฮ๊เบ่ หนื่ออื่อ เฮ๊อ เนหรี่เนแก เต๊เห่ เนอแพ๊. แซ่ฮู๊ เน เก่ เตช๊าแร๊ เต อาเงเนอ, นอเอ่ จอแปแหร่ อา เตเฮ๊เบ่ หนื่ออื่อ เออเต๊เห่ ฮู๊ อู นอ เอ่เน จู๊โกจู๊เบ เต๊เห่เนอ นี๋.

ꤒꤤꤒꤢꤨ 1:5

แว แด่แก เฮ๊อ เน เบ๊อะครีตกลื๊อ เออเนอหม่า แซ่ฮู๊ เน เก่ จว๊า ตี๊หรี่ เมโตเมเบ่ โทปลื๊อแก ลอ เต เด๊อ อา โหล่เมปา เด๊อ วีเออ ปว๊าวี อากู เนอเต๊เห่ แพ๊. เร๊อ เน เก่ แด่แถ่ เพรหยื่อเอ่ตู๊หมู่ตอกล๊อ โหมะพรูโหมะเผระ เต๊เห่ ฮู๊ แว ยูแกล๊ยูโกล โทเฮ๊อ เน เนอ นี๋.