โครินธ์ อาเหร่อเล๊อ ต๊าบ่า 4:15 - ลีเทส่อพ๊าอาเซ เร๊อ เห่ขุทวาลู๊

¹⁵ ซ๊าร๊า เด๊อ อา อิซว๊าอี๊แส่ ซี เนอ อา โอ่ เจ๊อ อาเพร ตอซ๊อ หม่าแน๊เรอ ซีเพ หม่า อา โอ่ แพ๊ เตเพรเพร่ว แพ๊. เบ๊อะแว แด๊โฉ่โด่แน เป่ ซี เตซิครือมีลา เร๊อ ซี หยื่อเอ่แฮ เฮ๊อ ครี๊ เบ๊อะเนอ, แว ทวาเฮ๊อ ซีเพ เฮ๊อ.

Eastern Kayah Shadaw Dialect

¹⁵ ꤞꤢꤚꤢ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤞꤤ꤭ ꤔꤣꤧ꤬ ꤢ꤬ ꤥ꤬ ꤡꤣꤧ ꤢ꤬ꤖꤚꤢꤩ꤬ ꤒꤣ꤬ꤞꤢꤪ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ꤖꤢꤩ꤭ ꤗꤢ꤬ ꤢ꤬ ꤥ꤬ ꤖꤢꤧ ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤖꤢꤧ꤯ ꤙꤣꤧ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤟꤢꤧ꤭ ꤟꤣꤧ ꤋꤚꤤ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤓꤝꤢ꤭ꤟꤣꤧ ꤞꤤ꤭ꤖꤢꤩ꤭ ꤟꤣꤧ꤯

โครินธ์ อาเหร่อเล๊อ ต๊าบ่า 4:15 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:19

แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

โครินธ์ อาเหร่อเล๊อ ต๊าบ่า 3:10

แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

โครินธ์ อาเหร่อเล๊อ ต๊าบ่า 9:23

แว เม เตอิเตเต๋ เบ่เบ่ เนอ, แว เม เด๊อ เตซิครือมีลา อาเง แพ๊. แซ่ฮู๊ แว เก่ พย๊าหนิ เกอ เตซิครือมีลา อา เตบุ๊ยเตเตอเรอ เต๊เห่เนอ, แว เม เฮ๊อ ฮู๊เนอ.

โครินธ์ อาเหร่อเล๊อ ต๊าบ่า 9:14

ฮู๊เนอเฮ๊อ แกแย เด๊อ อา โด่แน เตซิครือมีลา เต๊เห่เนอ, เด๊อ อา เม เตเมเออ อาขว่าอาคยา, อู โต โบ่เอ่ เหย่ซี, แบ่เจ่ เฮ๊แก ฮู๊เนอ.

เปโตร อาเหร่อเล๊อ ต๊าบ่า 1:23

เมเตเฮ๊เรอ จอแปแหร่ อาลาอาโหง่ เออเนอ, อา เซอเพร เร๊อ อา โอ่หม่าโอ่กลอ ตูจูเพร แตแลเคร๊ อาขว่าอาคยา, ซี โอ่เป๊เจ่แล คยาแซ๊ เฮ๊อ โตโพ๊ เฮ๊อ. ซี เตโอ่เซอเพร อาเซ เออเนอหมา, อา แฮ เด๊อ ซีโหมะซีเพ เด๊อ อา เซอแจ่ เออเต๊เห่ อา โอ่ เนอ หม่าโต่. หม่าแน๊เรอ, ซี เตโอ่เซอเพร อาเซ เออเนอหมา, อา แฮ เด๊อ จอแปแหร่ เด๊อ อา เซอแจ่ แตแค๋โต่ เออเตเพร อา โอ่.

ꤡꤛꤢꤩ꤭ꤗꤢ꤬ꤎꤣ꤬ 1:18

เด๊อ เป หนิโฮ เตซิครือมีลา เตหมะเตจ๊อ อาขว่าอาคยาเร๊อ, จอแปแหร่ เด๊อะทวาแถ่ เฮ๊อ เป เน๊อ อาพู๊ จู๋ ดื่อ ฮู๊ อาซิปล่อ เร๊อดื่อ เนอเฮ๊อ. แซ่ฮู๊ เป เก่ ทวาแถ่ ส่อเส่ เด๊อ อาเส่เหร่อเล๊อ อู เต๊เห่ เด๊อะ เตแบ๊แล ล๋อ ปลี เออเต๊เห่ อาเกล เนอเรอ, อา เด๊อะทวาแถ่ เฮ๊อ เป เน๊อ อาพู๊ แพ๊.

ฟีเลโมน 1:19

กู๊แหน่เร๊อ แว หม่าเฮ๊อ คูเปาโล เป๊อแถ่ ราหนิ ลีเออ เร๊อ แว กู๊ขุ เร๊อดื่อเจ๊อ. เก่ อา เมซื๊อ โทเฮ๊อ เน เก่โอ่ เต๊เห่, เก่หม่าโต่เรอ อา โหล่ปล๊า เน เก่โอ่ เต๊เห่ เฮ๊เรอ แด่ อา ฮู๊ แวเนอแวฉู่ เนอ, เร๊อ แว เก่ ปล๊าลี กาคยา คยาแซ๊ ดื่อ เน ปา. หม่าแน๊เรอ เด๊อ แวขว่าแวคยา เนอ, เน พย๊าหนิ เตเซอเพร อาเซ เด๊อ ครี๊ เออ เฮ๊อ อาขว่าอาคยา, เน แหน่แบ่เจ่ เร๊อดื่อ เน โหล่เด๊อ แว เนอ, แว โหล่เด๊อ ซิเงแถ่ปา เด๊อ เน โต่เฮ๊อ.

ꤒꤤꤒꤢꤨ 1:4

คูติตัส, แว ราจว๊า ลี เออต๊าบ่า เด๊อ เนโอ่. เน เตหยื่อเตแหน่ ลอ แซ่เจ๊อเร๊อ เป เตอเจ๋อโต อาขว่าอาคยา, เนเนอ อา แซ่เจ๊อเร๊อ แวพู๊ ต๊อต่อ เร๊อ แวเหน่ เจ๊อ. เพ จอแปแหร่ เร๊อ เพรเมแลเปล๊กา เป แบ่เจ่เหย่ซู่ครี๊ เออ เก่ เด๊อะดื่อ เน เตบุ๊ยเตเตอเรอ เร๊อ เตตู๊จุเตอเจ๊อ นี๋.

ทิโมธี เนอบ่า ต๊าบ่า 4:3

ม๊อเนอม๊อเซ เด๊อ แกแย หนิดา ปา เตอิซว๊าอี๊แส่ เตหมะเตจ๊อ เออโต่เนอ, อา เก่ แฮเต่อ ปา. เร๊อ เหย่ซี ซิปล่อ ก๊อหย่อ แลแค เด๊อ อา เก่ แด่ปล๊อ โอ่โหร่แถ่เอ๊ เร๊อดื่อ อาซ๊าร๊า เต๊เห่ เด๊อ อา แด๊โฉ่โด่แน เป่ เหย่ซี ฮู๊ เหย่ซี ซิปล่อ ก๊อหย่อ ซิหยื่อ หนิดา เนอ เต๊เห่ ปา.

โครินธ์ อาเหร่อเล๊อ ต๊าบ่า 9:18

เก่เฮ๊ฮู๊เนอเนอ, แว เตเร พย๊าหนิ เกอ อาคว๊าอาเก่ อิเต ปา? อาคว๊าอาเก่ เด๊อ แว พย๊าหนิ เนอหม่า หม่าเฮ๊อ แว โด่แน เป่ อู เตซิครือมีลา เออเนอ เฮ๊อ, อา โต เจ๊อ เด๊อ แว โต กุย เกออู เตเมจว่า หม่าแน๊เรอ แว พย๊า เกออู อาคว๊าอาเก่ โต่ เออเนอ เฮ๊อ.

โครินธ์ อาเหร่อเล๊อ ต๊าบ่า 9:12

แกแย เด๊อ อาโร เต๊เห่ แฮ แด๊โฉ่โด่แน เป่ ซี เร๊อ ซี เก่ เมจว่าเกอ เหย่ซี เฮ๊เนอ, เป เร๊อ ซี โตเบ่ เมจว่าเกอ แหน่เจ๊อ เป หม่าโต่ แอ? เป กุย ซี เตเมจว่า หม่า อา โต แพ๊ หม่าแน๊เรอ เป กุยน๊อ เร๊อ ซี เตอเจ๋อ โต่. แซ่ฮู๊ เป เก่ เม ดู๊ดี๊ดู๊แด แต่ ครี๊ อา เตซิครือมีลา เตเมเนอ, เป แอ๊จื๊อ แด่ทูซิปล่อ เจ๊อ เตปว๋า เต๊อเจ่อ เจ๊อ.

โครินธ์ อาเหร่อเล๊อ ต๊าบ่า 3:6

แว หม่า เพรโหล่ตา เตกลุย คูอปอลโล หม่า เพรยือเทอ. หม่าแน๊เรอ เพร เด๊อ อา นอเพ๊แถ่ดุแถ่ เตกลุยเตลุ๊ย เนอหม่า จอแปแหร่ แพ๊.

ꤚꤥꤗꤢꤩ꤬ 15:20

เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

โครินธ์ อาเหร่อเล๊อ ต๊าบ่า 9:16

แว เหล่แด่โล เกอเร๊อ แวเหน่ เร๊อ แว โด่แนแด๊โฉ่ เป่ อู เตซิครือมีลา เออเนอ อาเหล่โอ่ โอ่ เร๊อ โตโพ๋ โต่, เมเตเฮ๊เรอ แบ่เจ่ เมแก แหน่ เร๊อ แว เบ่ โด่แนแด๊โฉ่ เป่ อู เตซิครือมีลา. แว เก่ โด่แนแด๊โฉ่ เป่ อู เตซิครือมีลา เออ โต่ เฮ๊เนอ, อา เก่จาเก่จือ แหน่เจ๊อ แว บ๋า เต ปา.

โครินธ์ อาเหร่อเล๊อ ต๊าบ่า 15:1

แว โคแบ๊ซว๊า ซี, กู๊แหน่เรอ แว ซิหยื่อ เด๊อะ ซิเหน่แถ่เบ่ คยาแซ๊ ซี เร๊อ เตซิครือ อาหรี่อาแก เด๊อ แว แด๊โฉ่โด่แน เป่ โทเฮ๊อ ซี เร๊อ ซี พย๊าหนิ โทเฮ๊อ เร๊อ ซี แด่ฉว่าแด่ชอ แถ่เฮ๊อ ซี เตหยื่อเตแหน่ เด๊อ อาลู เออเนอ อาหรี่อาแก แพ๊.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:24

ฮู๊เนอ อาขว่าอาคยา, เตซว๊าเตแส่ เออเนอ อาแซ่เน๊อ เพร โอ่ป่อหม่าหนิ เป เตเพรเนอ เฮ๊อ. โทเรอ แซ่ฮู๊ จอแปแหร่ เก่ แด่จ๊อแด่เต เป เร๊อ เป เตหยื่อเตแหน่ ครี๊ อาคยา เนอ เร๊อ, เตซว๊าเตแส่ เออเนอ อา ซูจว๊าเฮ๊อ เป เด๊อ ครี๊ อา โอ่ เฮ๊อ.

ꤊꤢ꤬ꤜꤢ꤬ꤒꤤ 3:25

กู๊แหน่เรอ เป แด่ เฮ๊อ เป เตหยื่อเตแหน่ เด๊อ เหย่ซู่ครี๊ อากู อาขว่าอาคยา, เตซว๊าเตแส่ เออเนอ อา โอ่ป่อหม่าหนิ ปา เป โต่, โท๊โต่ อา ยูแกล๊ยูโกล หนิ ปา เป โต่ เฮ๊อ.