โครินธ์ อาเหร่อเล๊อ ต๊าบ่า 4:12 - ลีเทส่อพ๊าอาเซ เร๊อ เห่ขุทวาลู๊

¹² แซ่ฮู๊ เป เก่ เอ่เบ่โอน๊อ อาเงเนอ, เป เบ่ จ่าเพรอจ่าหร่อ เอ่แร ดื่อเง เต. เบ๊อะอู อิชอ เป เบ๊อะเนอ, เป เด๊อะบุ๊ยเด๊อะเตอเรอ กาคยาฉื่อ อู. เบ๊อะอู เมจาเมจือ เป เบ๊อะเนอ, เป แด่ทูซิปล่อ ฉื่อ แพ๊ อู แพ๊.

Eastern Kayah Shadaw Dialect

¹² ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤢꤩ꤬ꤔꤢꤪꤥ꤭ꤔ꤫ꤤ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤢꤩ꤬ꤚꤢꤧ꤬ ꤘꤢꤦ꤬ꤑꤢꤩ꤭ ꤒꤢꤩ꤬꤯ ꤙꤣꤧ ꤢꤨ꤭ ꤤ꤬ꤏꤢꤪ꤭ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤏꤢꤪ꤭ꤚꤤ꤬ ꤊꤢ꤬ꤋꤛꤢ꤭ꤏꤢꤦ꤬ ꤢꤨ꤭꤯ ꤙꤣꤧ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤏꤢꤦ꤬ ꤖꤢꤧ ꤢꤨ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 4:12 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:9

เมมู๊แหม่รีแจ่ ฉื่อ แต่ อู แต่เหม่ นี๋, อิชอ กาคยา ฉื่อ แต่ อู แต่เหม่, หม่าแน๊เรอ เด๊อะบุ๊ยเด๊อะเตอเรอ กาคยา ฉื่อ อู นี๋. เมเตเฮ๊เรอ จอแปแหร่ เอ๊ ซี เด๊อ ซี เก่ เมแร๊ กาคยาฉื่อ อู ฮู๊เนอ. แซ่ฮู๊ จอแปแหร่ เก่ เด๊อะบุ๊ยเด๊อะเตอเรอ ซี เนอ เร๊อ เม แลแค ฮู๊เนอ นี๋.

มัทธิว 5:11

“เบ๊อะอู เป๊อเจ่ออิแช๊ ซี, อู เมจาเมจือ ซี, อู เกบูเกบย่า ซี เร๊อ อู เฮ๊ มู๊แหม่รีแจ่ ซี เด๊อ แวขว่าแวคยา เต๊เห่เนอ, ซี พย๊าหนิ เตเด๊อะบุ๊ยเด๊อะเตอเรอ.

ꤚꤥꤗꤢꤩ꤬ 12:14

เด๊อะบุ๊ยเด๊อะเตอเรอ ดื่อ แกแย เด๊อ อา เมจาเมจือ ซี เนอเต๊เห่ นี๋. กุยจ๊อเบ เด๊อ จอแปแหร่ เก่ เด๊อะบุ๊ยเด๊อะเตอเรอ เหย่ซี เนอ นี๋, อี๊ชออี๊บ่าฉื่อ แต่ เหย่ซี แต่เหม่ นี๋.

ꤚꤥꤗꤢꤩ꤬ 12:20

โท๊โต่, ฮู๊ ลีเทส่อพ๊ากู เฮ๊ เน๊อ, “แกแย เด๊อ อา ซิเถ่ เน เต๊เห่เนอ, อา เก่ ซิกู๊ซิวี เฮ๊เรอ, ตูรู๊ เด๊อะเอ่ อา นี๋. อา เก่ แลแด๊ ซิโอเทอ เฮ๊เรอ, ตูรู๊ เด๊อะโอ ลู นี๋, ซี เก่ เมฮู๊เนอ เฮ๊หม่า, อา เก่ ซิเตเร เกอ เร๊อ อาเหน่ แซ่เน๊อ ซี แด่แถ่ หมิกล๊วา เด๊อ อา กู่กล๊อขุ เนอ ปา.”

เพรโด่แนพู๊ เต๊เห่ 18:3

เร๊อ คูเปาโล โอ่เกอ เร๊อ เหย่ซี เบ๊อะเนอ. เร๊อ อา เมโหร่เกอ เตเร๊อ เหย่ซี, เมเตเฮ๊เร๊อ คูเปาโลเนอ อา โบ่เอ่หนิ แพ๊ ซิปล่อเซอเพร เร๊อ อา เม เหล่สื่อหล่อป่า แซ่เน๊อ เม เร๊อ เว ซิเนอเออ เมเออเนอ แพ๊.

ꤜꤢꤨꤊꤢ꤬ 6:28

เด๊อะบุ๊ยเด๊อะเตอเรอ แกแย เด๊อ อา อิชอ ซี เนอเต๊เห่, เร๊อ กุยจ๊อเบ เป่ แกแย เด๊อ อา เม มู๊แหม่รีแจ่ ซี เนอเต๊เห่ อาเง นี๋.

เปโตร อาเหร่อเล๊อ ต๊าบ่า 3:14

หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

เปโตร อาเหร่อเล๊อ ต๊าบ่า 2:23

เบ๊อะอู เป๊อเจ่ออิแช๊ อา เบ๊อะเนอ, อา เป๊อเจ่ออิแช๊ กาคยาฉื่อ อู โต่. เบ๊อะอู เมจาเมจือ อา เบ๊อะเนอ, อา เมซิอิเช กาคยาฉื่อ อู โต่. หม่าแน๊เรอ เตเมจาเมจือ เออเต๊เห่เนอ อา เด๊อะตาแก เด๊อ จอแปแหร่ อา กู่ยากู. เร๊อ อา หยื่อเอ่หนิ เร๊อ จอแปแหร่ เมจากาคยาเต จ๊อจ๊อเตเต แพ๊.

ꤜꤢꤨꤊꤢ꤬ 23:34

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

มัทธิว 5:44

หม่าแน๊เรอ แว เฮ๊ ซี, โมหนิเกอเร๊อ แกแย เด๊อ อา ซิเถ่ ซี เนอเต๊เห่ เร๊อ กุยจ๊อเบ เป่ แกแย เด๊อ อา เมจาเมจือ ซี เนอ เต๊เห่.

เพรโด่แนพู๊ เต๊เห่ 7:60

อา แด๊งือแล เร๊อ อา เอ๊โทแถ่ เน๊อ, “เก๋อ แบ่เจ่, ปลวาแกเหร่อ เหย่ซี เตซื๊อ นี๋” อา เฮ๊ โทเรอ อา เซอแก.

ꤛꤥ꤭ꤟꤢ꤬ 15:20

ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

ꤛꤢꤨꤘꤢ꤬ 1:9

มีคาเอล หม่า ม๊อขุ เตเน่วพู๊ เด๊อ อาดุ เล๊อลอ เจ๊อ อู เจ๊อ หม่าแน๊เรอ เบ๊อะอา เร๊อ โลเน๊มู๊แหม่รีแจ่ กู่กล๊อ กย๊าตางา ลู เร๊อ คูโมเสส อาโล เบ๊อะเนอ, มีคาเอล อิชอ แด่ซื๊อบื่อ เร๊อ โลเน๊มู๊แหม่รีแจ่ กู่กล๊อ โต่. อา เฮ๊ แพ๊ ลู เน๊อ, “จอแปแหร่ เก่ อิชอดื่อ เน ปา,” ฮู๊เนอ แพ๊.

ทิโมธี อาเหร่อเล๊อ ต๊าบ่า 4:10

หม่าเด๊อ เออ อาขว่าอาคยา, เป จ่าเพรอ เมแหน่เจ๊อ เต, เมเตเฮ๊เรอ เป แด่ เป เตแม๊ชือ เด๊อ จอแปแหร่ เด๊อ อา เซอเพร เออเตเพร อาลู. อา หม่า เพรเมแลเปล๊กา แกแย ล๋อ ปลี, หม่าแน๊เรอ แกแย เด๊อ อา หยื่อเอ่ อา เต๊เห่ อาเงเนอ, อา หม่า เมแลเปล๊กา เด๊อ อา ตาเต เล๊ออูโค เตเพรเฮ๊อ.

เธสะโลนิกา เนอบ่า ต๊าบ่า 3:8

อู ลอแก เป่น๊อ เร๊อ เป เหล่เอ่เหล่โอ อาเง โต่. หม่าแน๊เรอ, แซ่ฮู๊ อา เก่ ทวาแถ่ แต่ ดู๊ดี๊ดู๊แด เด๊อ ซีเง เตเพร่ว แต่เหม่ เนอ, เป แอ๊จื๊อเอ่ แอ๊จื๊อแร โกโน๋ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9

โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

โครินธ์ อาเหร่อเล๊อ ต๊าบ่า 9:6

เตเนแม๊ เมอ แลแค. เป เมเต ฮู๊เออ เร๊อ อู โต เมจว่า เกอ แหน่ เป โต่ แอ? ตื๊อแหน่ แพ๊ แว เร๊อ คูบารนาบัส เบ่ แม๊ปูเอ่แม๊ปูแร โบ่เอ่แล เกอเร๊อ แหน่ ดื่อ เฮ๊อ เปเหน่ ฮู๊เออ แหน่ แพ๊ เฮ๊อ แอ?

เพรโด่แนพู๊ เต๊เห่ 20:34

ล๋อ เต เด๊อ แว เน๊อ แว โคแบ๊ซว๊า โหล่เบ่ เต๊เห่เนอ, แว เมจว่า หนิเร๊อ ดื่อ เน๊อ แวเหน่ เนอหม่า ซี ซิเง ลอดื่อเฮ๊อ.

เปโตร อาเหร่อเล๊อ ต๊าบ่า 4:19

ฮู๊เนอเรอ, ซี ข่าเบ่ เตจาเตจือ เออเนอ, อา เก่ โต เร๊อ จอแปแหร่ อาซิปล่อ เฮ๊เรอ, ซี โตเบ่ เมแร๊ แฮเง ลาโป่, โท๊โต่ ซี โต แด่แล ซี ซิปล่อ ซีเม เด๊อะ แบ่เจ่ เด๊อ อา แบ๊ตา เต เร๊อ อาจ๊อ เร๊อ อาโหง่ เออเตเพร อา กู๊ยากู.

ꤚꤥꤗꤢꤩ꤬ 8:35

หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่.

โครินธ์ เนอบ่า ต๊าบ่า 11:8

เบ๊อะแว เมเต เด๊อ ซีเกล เบ๊อะเนอ, เตลอเตแก เต๊เห่ เนอหม่า เพรหยื่อเอ่ตู๊หมู่ตอกล๊อ เด๊อ อาโร เต๊เห่ เด๊อะ แว รือ แพ๊ เม. แซ่ฮู๊ แว เก่ เมเบ๊เต เด๊อ ซีเงเนอ, อา แซ่เจ๊อเฮ๊อ เร๊อ แว จว๊า ปื่อเผ่พย๊าเผ่ เจ๊อ เพรหยื่อเอ่ตู๊หมู่ตอกล๊อ เด๊อ อาโร เต๊เห่ ฮู๊เนอ เจ๊อ เม.

เอเฟซัส 4:28

แกแย เด๊อ อา เซอเพร เอ่โห่ เตเพรเนอ, เอ่โห่ เป่แฮ ปา แต่เหม่ นี๋. แซ่ฮู๊ อา เก่ เด๊อะเอ่เด๊อะโอ เบ๊เป่เกอ แกแย โซพ๊าโซแรพู๊ เต๊เห่เนอ, อา เบ่ เอ่ครือแรครือ หนิเกอดื่อ เตแร เด๊อ อา จ๊อจื้อ เต๊เห่.