โครินธ์ อาเหร่อเล๊อ ต๊าบ่า 4:1 - ลีเทส่อพ๊าอาเซ เร๊อ เห่ขุทวาลู๊1 ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ. အခန်းကိုကြည့်ပါ။Eastern Kayah Shadaw Dialect1 ꤞꤤ꤭ ꤒꤥ꤭ ꤘꤢꤧ꤬ ꤜꤢ꤭ꤋꤢꤧ꤭ ꤕꤢꤩ꤬ ꤟꤢꤨ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬꤯ ꤞꤤ꤭ ꤒꤥ꤭ ꤘꤢꤧ꤬ ꤜꤢ꤭ꤋꤢꤧ꤭ ꤕꤢꤩ꤬ ꤟꤢꤨ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤟꤢꤩꤏꤥ꤬ꤕꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤢꤨ꤭ ꤞꤤꤑꤢꤩ꤭ꤔꤢꤪ ꤜꤢ꤭ꤟꤤꤒꤥ꤬ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ꤟꤣꤧ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤣꤧ꤭ ꤢ꤬ꤑꤢꤩ꤭ ꤟꤣꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 4:1
29 ပူးပေါင်းရင်းမြစ်များ
เมเตเฮ๊เรอ, เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, แรเต ตาเบ่ อา เด๊อ อา โตเบ่ เม จอแปแหร่ อา เหล่เอ่เหล่แร อาขว่าอาคยา, อู เหล่แด่ อา เตซื๊อ หม่า อา โตเบ่ โอ่หนิเกอ โต่. กู่กล๊อเพรอ เร๊อ ซิปล่อ ดุแถ่แพร เต๊เห่เนอ อา โตเบ่ โอ่หนิเกอ โต่, เบ่ เอ่มือโอแพร๊ หนิโต่, เบ่มือเบ่ปอหนิ อูโรโต่, เบ่ เอ่ตือโอตือ หนิ อูขุ โต่.
แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.
แซ่ฮู๊ แว เก่ เด๊อะอ๊าเด๊อะเหร่หนิ เหย่ซี เร๊อ แว เมฮู๊เออ แพ๊. แซ่ฮู๊ เหย่ซี ซิปล่อ เก่ จิจือ หนิเกอเร๊อ ลู เตเพร เน๊อ เตเพร เด๊อ เตโม อากู, โท๊โต่ แซ่ฮู๊ เหย่ซี เก่ พย๊าหนิ ลอหล่าตี๊กลิ ตาเตลอ เตซิเง, ฮู๊เนอเรอ เหย่ซี ซิเงโปลแฮเฮ๊อ จอแปแหร่ อาเตแด่ โอ๊โอ่บี๊ หม่าเฮ๊อ ครี๊ เออเนอ เร๊อ แว แอ๊จื๊อ แอ๊เหร่ เม แหน่แหน่ เจ๊อ เป่ ซี เฮ๊อ.
เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.
หม่าแน๊เรอ แว เก่ ซิหยื่อ เฮ๊เบ่ถู่เซ๊ เกอเร๊อ เกอ แวเหน่ ปา เฮ๊เนอหม่า อาหนิ แพ๊, แว ทวา เร๊อ แกแย ตีมุย หม่าโต่, เมเตเฮ๊เรอ แว เฮ๊เบ่ถู่เซ๊ เกอเร๊อ แวโหง่ เออเต๊เห่ เนอหม่า อาจ๊ออาเต แพ๊. หม่าแน๊เรอ แซ่ฮู๊ แว เก่ เฮ๊เบ่ ถู่เซ๊ เกอเร๊อ แวเหน่ โต่ เนอ, แว ค๊อเกอเร๊อ แวเหน่. แว ซิหยื่อ นอเตเน อู บ๊า อู แม๊เถอะ แว เมเตเต๊เห่ เร๊อ บ๊า อู หนิโฮ แว เตอิซว๊าอี๊แส่ เต๊เห่ เนอแพ๊. แว ซิหยื่อ นอ เตเนดุเล๊อ อู เร๊อ บ๊า แว เมเนอ โต่.
เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.
แบ่เจ่ เหย่ซู่ เฮ๊ฉื่อ ลู เน๊อ, “ฮู๊เนอเรอ, อา ทวา หลู่เล๊กู่กล๊อ เด๊อ อาจ๊อ เร๊อ อา โอ่ เร๊อ เตลีแม เตเพรหม่า อูเป? หลู่เล๊กู่กล๊อ เด๊อ อาจ๊อ เออเตเพร เนอหม่า หม่าเฮ๊อ อาแบ่เจ่ เด๊อะตา ลอ อาหลู่เล๊ เด๊อ อาโรเต๊เห่ เด๊อ ลู กู๊ยากู เนอเตเพร เฮ๊อ. เร๊อ อา เก่ นอแม๊นอตู่หนิ ลู เร๊อ เหย่ซี, เร๊อ อา เก่ เด๊อะเอ่โตเด๊อะโอเบ่ เป่ อู เบ๊อะโตโพ๊ เร๊อ โตโพ๊ เนอเตเพร ปา หม่าโต่ แอ?
เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.
เร๊อ อา เฮ๊ เป่ เหย่ซี เน๊อ, “จอแปแหร่ เด๊อซิเงโปล เป่เฮ๊อ ซี เร๊อ อา เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ เฮ๊อ ตื๊อดื่อเรอ แกแย เด๊อ อาโร เต๊เห่ อาเงเนอ แว เฮ๊เบ่ เป่ เหย่ซี เร๊อ โหง่ค๊าโข่ แพ๊. ‘เหย่ซี แม๊ แลแค เต เด๊อ แว เม เนอเต๊เห่ ตื๊อดื่อเรอ แซ่ฮู๊ เหย่ซี แม๊เถอะ ซิเงโปล เกออู อาโหง่แลช๊า โต่, เหย่ซี หนิดา ตื๊อดื่อเรอ แซ่ฮู๊ เหย่ซี ซิเงโปล เกอ อู โต่,’” อาเงเนอ, แว เฮ๊ เป่ เหย่ซี เร๊อ โหง่ค๊าโข่ แพ๊.
โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.
ကြော်ငြာတွေ