โครินธ์ อาเหร่อเล๊อ ต๊าบ่า 3:5 - ลีเทส่อพ๊าอาเซ เร๊อ เห่ขุทวาลู๊

⁵ เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

Eastern Kayah Shadaw Dialect

⁵ ꤊꤢꤩ꤬ꤟꤢꤩꤜꤢꤪ꤭ꤜꤢꤪ꤭ ꤚꤣꤧ꤬, ꤋꤢꤨ꤭ꤢ꤬ꤕꤢꤪꤜꤥ꤬ ꤗꤢ꤬ ꤢꤨ꤭ꤕꤢꤩ꤭? ꤋꤢꤨ꤭ꤕꤢꤪꤜꤢꤨ ꤗꤢ꤬ ꤢꤨ꤭ꤕꤢꤩ꤭? ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ꤖꤢꤨ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤜꤥ꤭ ꤕ꤫ꤢꤩ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤢ꤬ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ꤯ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤒꤢꤩ꤬ꤗꤢꤩ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤕꤢꤩ꤬ ꤗꤢꤩ꤬ ꤚꤣꤧꤘꤢꤦ꤬ ꤟꤢꤨ ꤢ꤬ ꤔꤢꤪ꤭ꤗꤢꤩ꤬ ꤕꤢꤩ꤬ ꤣꤧ꤭ꤔꤣꤧ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 3:5 ပူးပေါင်းရင်းမြစ်များ

โครินธ์ เนอบ่า ต๊าบ่า 6:4

เป เม เต อิเตเต๋ เบ่เบ่, แซ่ฮู๊ อู เก่ แม๊เถอะ เร๊อ เป หม่า จอแปแหร่ อาหลู่เล๊ เต๊เห่ อาเงเนอ, เป เด๊อะโล เป่ อู เร๊อ เป แด่ทูซิปล่อ เตจาเตจือ เต๊เห่, เร๊อ เป ข่า โซพ๊าโซแร เตเต๊เห่ เร๊อ เป ข่าเบ่ เตแป่เตเช ซีเต๊เห่ เฮ๊อ.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

โครินธ์ เนอบ่า ต๊าบ่า 4:7

หม่าแน๊เรอ เป เด๊อ อา แด๊โฉ่โด่แน เป่ อู เออเต๊เห่เนอ, อา แซ๊ แพ๊ เร๊อ ปอเห่ เด๊อ อู สู่โนโอ่บา อา เร๊อ เตงูดุงูชอ เด๊อ อากู เตเม เนอเฮ๊อ. เตงูดุงูชอ เออเนอหมา หม่าเฮ๊อ เม เตซิครือมีลา เออเนอ เฮ๊อ. อา เมฮู๊เออ เมเตเฮ๊เรอ แซ่ฮู๊ จอแปแหร่ เก่ เด๊อะโล เร๊อ อาเตอเรออาฉว่าซอ เออเนอหมา อา โอ่ เด๊อ เปกู เถ่ หม่าโต่, อา โอ่ เด๊อ ลูโอ่ แฮ แพ๊.

โครินธ์ เนอบ่า ต๊าบ่า 4:5

เป เล แด๊โฉ่โด่แน เกอเร๊อ เปหรี่เปแก หม่าโต่. หม่าแน๊เรอ เป เล แด๊โฉ่โด่แน โล เป่ อู เร๊อ เหย่ซู่ครี๊ หม่า แบ่เจ่ เตเพร อาหรี่อาแก. ฮู๊เนอเรอ เด๊อ ครี๊ อาขว่าอาคยา, เป ทวาเป่ ซี หลู่เล๊ เต๊เห่ เฮ๊อ.

โครินธ์ เนอบ่า ต๊าบ่า 3:3

ซี เออเต๊เห่ เนอหม่า, อา แซ่เฮ๊อเร๊อ ลี เด๊อ ครี๊ รา เร๊อ อา ซูแฮ แฮเง เร๊อ เป เออเต๊เห่เนอ เฮ๊อ. หม่าแน๊เรอ อา รา เร๊อ ลีโบ เร๊อ ลีโบเทอ เออเนอ หม่าโต่, โท๊โต่ อา รา โอ่ เด๊อ หล่อบ่าลู ฮู๊ คูโมเสส อาหล่อบ่า เนอ หม่าโต่โต่. ครี๊ นอรา แฮเง เฮ๊อ ลีปล่อเออ เด๊อ ซี ซิปล่อ เต๊เห่ อาลู เร๊อ อา แหย่โยบูโพ๊ แบ่เจ่ เฮ๊อ. จอแปแหร่ เด๊อ อา เซอเพร เออเตเพร นอแฮ แหย่โยบูโพ๊ แบ่เจ่ เก่ แฮ โอ่เซอเพร เด๊อ ซีเหน่ลู เฮ๊อ.

โครินธ์ อาเหร่อเล๊อ ต๊าบ่า 3:10

แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

โครินธ์ อาเหร่อเล๊อ ต๊าบ่า 12:28

เด๊อ เพรหยื่อเอ่ตู๊หมู่ตอกล๊อ อากู เนอ, จอแปแหร่ แด่แถ่ เหร่อเล๊อ เพรโด่แนพู๊ เต๊เห่, เนอโต่โต๊โต่ หม่า เพรโพร เต๊เห่, โซโต่โต๊โต่ หม่า ซ๊าร๊า เต๊เห่, เด๊อคยาเร๊อ แกแย เด๊อ อา เมโล เตโค๊ตีกลี๊ เต๊เห่, แกแย เด๊อ อา พย๊าหนิ เตเตอเรอฉว่าชอ เด๊อ อา แหย่โอ่เหม่แจ่ เป่ อู เตชุ๊ย เต๊เห่, แกแย เด๊อ อา เมจว่า อู เต๊เห่, แกแย เด๊อ อา ยูแกล๊ยูโกล เป่ อู เต๊เห่, เร๊อ แกแย เด๊อ อา เฮ๊เบ่แจ่ โหง่โค๊ตีกลี๊ลู เต๊เห่ เออเนอ เต๊เห่ เฮ๊อ.

โครินธ์ อาเหร่อเล๊อ ต๊าบ่า 9:17

เตเม เออเนอ แว เก่ นว๊าพย๊านว๊าเม เกอเร๊อดื่อ แพ๊ เก่เฮ๊เรอ, แว พย๊า อาคว๊าอาเก่ หม่า อา โต แพ๊. หม่าแน๊เรอ แว นว๊าพย๊านว๊าเม เกอเร๊อดื่อ หม่าโต่. จอแปแหร่ นว๊าแถ่ แว เร๊อ อา เด๊อะตาแก เตเมเออ เด๊อ แว กู๊ยากู อาขว่าอาคยา, แว เบ่ เม ฮู๊ อา เด๊อะตา แว, อา นอเม แว เนอแพ๊.

โครินธ์ อาเหร่อเล๊อ ต๊าบ่า 3:7

เพรโหล่ตา เตกลุยเตลุ๊ย เร๊อ เพรยือเทอ เออเนอหมา อา โหล่ดุ ลา หม่าโต่. อา โหล่ดุเล๊อ อู หม่า เพร เด๊อ อา นอเพ๊แถ่ดุแถ่ เตกลุย เออเตเพรเนอ เฮ๊อ.

ꤛꤥ꤭ꤟꤢ꤬ 3:27

เร๊อ คูยอห์น เฮ๊ฉื่อ ลู เน๊อ, “อูเป๊ เบ่เบ่ จอแปแหร่ เก่ เด๊อะตา ลู โต่ เนอ, อา พย๊าหนิ แจ่ เต เตอเจ๋อ โต่.

ꤜꤢꤨꤊꤢ꤬ 1:2

เหย่ซี ครวาราเกอ แพ๊ ฮู๊ แกแย เด๊อ อา เป๊เส่แม๊เถอะเกอ เร๊อ ดื่อ เด๊อ กูลู่เค เร๊อ อา แด๊โฉ่โด่แน โล เป่ อู เร๊อ เตหรี่เตแก เนอเต๊เห่ แด๊โฉ่ แฮเง เป่ เป เนอเต๊เห่ แพ๊.

มัทธิว 25:15

เตเพร เร๊อ อา เด๊อะแก ลู เท เบ่แงโจ่ย, เตเพร โป่เรอ เร๊อ เนอโจ่ย, เด๊อ อาโรเตเพร เกอลาติ เรอ โต๊โจ่ย, ฮู๊ เหย่ซี โอ่เร๊อ อา เตแจ่เตลีแมเนอ, เร๊อ อา เบ เป่ เหย่ซี โทเรอ อา เถ่จว๊าแก แกล๊.

โคโลสี 1:25

แซ่ฮู๊ แว เก่ แด๊โฉ่โด่แน เล๊อบา เป่ ซี เน๊อ จอแปแหร่ อา เตหรี่เตแก อาเงเนอ, จอแปแหร่ เด๊อะแล เฮ๊อ แว เหล่เอ่เหล่แร เออ เด๊อ ซีเงเฮ๊อ. โท๊โต่ อา นอทวาแถ่ เฮ๊อ แว เน๊อ ล๋อ เพรหยื่อเอ่ ครี๊ เนอเต๊เห่ อา หลู่เล๊ เตเพร เฮ๊อ.

เอเฟซัส 3:7

จอแปแหร่ อาบุ๊ยอาเตอเรอ อา เตเด๊อะครา เออ เร๊อ อา เตโพรเตอเรอ อาขว่าอาคยาเร๊อ, อา เด๊อะแล เฮ๊อ แว เตเมเออ เด๊อ แว เก่ เบ่ โด่แน เป่ อู เร๊อ เตซิครือมีลา เออเนอ เฮ๊อ.

เพรโด่แนพู๊ เต๊เห่ 18:24

แกแยยิวพู๊ เด๊อ อามุย เร๊อ คูอปอลโล โอ่เตเพร. อา อาโอ่เป๊เจ่เค เด๊อ วีอเล็กซานเดรีย, เร๊อ อา แฮ เด๊อ วีเอเฟซัส อา หม่า แกแย เฮ๊เบ่แจ่เฮ๊เบ่แหน่ ลา เตเพร. โท๊โต่ ลีเทส่อพ๊า อา ตารา ราม๊าราแด เต๊เห๋ หม่า อา ซิเงโปลปลื๊อ ลอ เจ๊อ.

เพรโด่แนพู๊ เต๊เห่ 19:1

เบ๊อะคูอปอลโล โอ่เบ๊อะวีโครินธ์ อากู เบ๊อะเนอ, คูเปาโล จว๊าตาลว๊าแก ฟรีเจียเก่, เร๊อ อา จว๊าโต่ เด๊อ วีเอเฟซัส อากู. อา แม๊เถอะ เร๊อ เพรหยื่อเอ่ เต๊เห่ เบ๊อะวีเอเฟซัส อากูเนอ.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

โครินธ์ อาเหร่อเล๊อ ต๊าบ่า 3:22

คูเปาโล เบ่เบ่, คูอปอลโล เบ่เบ่, คูเปโตร เบ่เบ่, เห่ขุต๊าบ่า ลอ เจ๊อ เบ่เบ่, เตเซอ เร๊อ เตเซอเพร เบ่เบ่, ทือเค กู๊แหน่เค เออเบ่เบ่, ช๋า เนอปา ตือทือ เบ่เบ่, จอแปแหร่ เด๊อะตา ลอ เตเออเต๊เห่ เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ อาเหร่อเล๊อ ต๊าบ่า 16:12

คูอปอลโล หม่า เป โป่แหว่ ครี๊พู๊ เตเพร. อา เกอลาติ เร๊อ แว นอฉว่า แหน่เจ๊อ ลู เด๊อ อา เก่ จว๊าโอ่เล เกอ ซี เร๊อ อา เก่ ครวาจว๊าเกอ เร๊อ เป โป่แหว่ ครี๊พู๊ เด๊อ อา จว๊าโอ่เล เกอ ซี เนอเต๊เห่ หม่าแน๊เรอ อา เฮ๊ เร๊อ กู๊แหน่เรอ อา ซิหยื่อ จว๊าโอ่เล ล๋ายโต่, ช๋า ม๊อเนอ ตาโตตาเบ่ ปาเรอ อา จว๊าโอ่เล โหน่ ซี ปา อา เฮ๊ ฮู๊เนอ.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

โครินธ์ เนอบ่า ต๊าบ่า 5:18

ล๋อ เตเออเต๊เห่ เนอหม่า จอแปแหร่ เม ลอปลี แพ๊. เด๊อ ครี๊ แฮ เม เป่ เป อาขว่าอาคยา, เป ทวาแถ่ เฮ๊อ จอแปแหร่ อา โคแบ๊ซว๊า เฮ๊อ. เร๊อ อา เด๊อะตาเกอ เฮ๊อ เป เตเอ่เตแร เด๊อ เป เก่ จว๊า แด๊โฉ่โด่แน เป่ เกออู เร๊อ ครี๊ เมทวาแถ่ กาคยา คยาแซ๊ เป เร๊อ จอแปแหร่ อา โคแบ๊ซว๊า เฮ๊อ, ฮู๊เนอ แพ๊.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.