โครินธ์ อาเหร่อเล๊อ ต๊าบ่า 3:3 - ลีเทส่อพ๊าอาเซ เร๊อ เห่ขุทวาลู๊

³ เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.

Eastern Kayah Shadaw Dialect

³ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧ ꤕꤢ꤬ꤖꤢꤧ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ ꤋꤚꤝꤢ꤭ꤜꤢꤦ꤬ ꤗꤢꤩ꤬ ꤕꤢ꤬ꤖꤢꤧ ꤜꤢ꤭ꤋꤢꤧ꤭ ꤟꤢꤨ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤞꤤ꤭ ꤞꤤꤋꤝꤢꤩ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤞꤤ꤭ꤊꤛꤢꤞꤤ꤭ꤒꤣꤧ꤬ꤍꤢ꤭ ꤚꤣꤧꤘꤢꤦ꤬ ꤋꤛꤢ꤭ꤜꤢꤨ꤭ ꤔꤣꤧ꤬ꤗꤢ꤬ ꤢ꤬ ꤘꤣꤧꤜꤥ꤭ꤓꤢꤧ꤬ꤟꤣꤧ ꤔꤢꤧ ꤞꤤ꤭ ꤞꤢꤧ ꤕꤢ꤬ꤖꤢꤧ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ ꤠꤢꤧ꤭ꤟꤢꤩꤒ꤫ꤥ꤬? ꤞꤤ꤭ ꤗꤢꤩ꤬ꤞꤢꤧ ꤕꤢ꤬ꤖꤢꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤢꤨ꤭ ꤋꤚꤤ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 3:3 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 3:16

เบ๊อะเตซิค๊าซิเถ่ ลู, เตโมแล เกอเร๊อ เหน่ เร๊อ แม๊ดุแล เกอเร๊อ เหน่ เต๊เห่ โอ่ อาเหล่โอ่ เนอ, ซี เก่ แม๊เถอะ เตเมตอปลอตือซือ เน๊อ เตมู๊แหม่รีแจ่ ปว๋า เต๊อเจ่อ เก่ โอ่แถ่ เบ๊อะเนอ ปา.

ꤒꤤꤒꤢꤨ 3:3

เมเตเฮ๊เรอ เด๊อ เหร่อเคเนอ เป เต๊เห่ หม่า แกแยบูบย่า แกแย จูเอ่ เกออู โหง่ โต่ เต๊เห่. เป หม่า แกแย เด๊อ อา ครวาซื๊อเกอ แกแย แลโฮ เต๊เห่ อาคยา. เป ทวา โทเฮ๊อ แกแย เด๊อ อา ซิหยื่อซิลอ เมโม เกอเร๊อ เหน่ เต๊เห่ อาหลู่เล๊ เฮ๊อ. เป โอ่เซอเพร เมลอแก อาม๊อเนอม๊อเซ เนอ เป เม เตมู๊แหม่รีแจ่ เนอ เตซิค๊าซิเถ่ อู เต๊เห่ เฮ๊อ. โท๊โต่ อู ซิเถ่ เป เร๊อ เป ซิเถ่ฉื่อ อู.

ꤊꤢ꤬ꤜꤢ꤬ꤒꤤ 5:15

หม่าแน๊เรอ ซี เก่ แอ๊ ซีเหน่ ฮู๊ เตมีเตแหม่ เร๊อ ซี เก่ เอ่เกอเร๊อ คยาลู เตเพร เร๊อ เตเพร เฮ๊เนอหม่า รอหนิ แลแค ซีเหน่ นี๋, เมเตเฮ๊เรอ ปาหม่า ซี เมปย๊าเมหลู่ เกอเร๊อ ลอคยา ซีเหน่ เตเพร เร๊อ เตเพร เห่.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

โครินธ์ อาเหร่อเล๊อ ต๊าบ่า 11:18

อาเหร่อเล๊อ เต๊อเจ่อ หม่า หม่าเฮ๊อ ซี แฮ จ๊อบู่จ๊อเบ เต่อลู บ๊อเคเต๋ เบ่เบ่ เนอ, ซี ซิปล่อ ลูโค๊คยาลู, อู เฮ๊ เป่ แว ฮู๊เนอ. ฮู๊ อู เฮ๊ เป่ แว เนอ แว หยื่อเอ่ เร๊อ เต๊เห่เห่ หม่า อาโต แหน่ แพ๊.

โครินธ์ อาเหร่อเล๊อ ต๊าบ่า 1:11

เมเตเฮ๊เรอ, โป่แหว่ ซี๋, เหมาะคะโลเอ อา โคแบ๊ซว๊า อาเกล เต๊เห่เห่ แด๊โฉ่โลโปล เป่ แว เน๊อ, ซีกย๊าตางา ซีวื๊อ เกอเร๊อ ลอ ลู เตเพร เร๊อ เตเพร เฮ๊ ว๋า.

ꤚꤥꤗꤢꤩ꤬ 13:13

เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.

เปโตร อาเหร่อเล๊อ ต๊าบ่า 4:2

ฮู๊เนอเรอ เป๊อแถ่ กู๊แหน่เออ ตาแฮเง เนอ, ซี ม๊อเนอม๊อเซ เด๊อ อา โอ่แกปา เด๊อ เห่ขุเออ เต๊เห่เนอ ซี เบ่ โอ่เซอเพร ฮู๊ จอแปแหร่ อา เตซิหยื่อ เนอ. ซี เบ่ โอ่เซอเพร หนิ ปา ฮู๊ แกแย อา เตซิหยื่อ มู๊แหม่ เนอเต๊เห่ โต่เฮ๊อ.

โครินธ์ อาเหร่อเล๊อ ต๊าบ่า 1:10

แวโป่แวแหว่ ซี๋ กู๊แหน่เออ แว กุยซิยอ ฉว่าแหน่ เฮ๊อ ซี เน๊อ เตเตอเรอฉว่าชอ เด๊อ แบ่เจ่ เหย่ซู่ครี๊ เด๊อะ แว เออเนอเฮ๊อ. แว ซิหยื่อ กุยซิยอ ซี หม่า ฮู๊เตเฮ๊เนอ, แว ซิหยื่อ เด๊อ ซี เก่ โครเกล ลู, โอ่โค๊เมโค๊ลู ตู๊หมู่ เร๊อ ตู๊หมู่ แต่เหม่. แว ซิหยื่อ แฉ่ครวา ซี เน๊อ ซี เหล่เตเน เต๊เห่ เบ่เบ่, ซี เตเตเนหนื่ออื่อ เต๊เห่ เบ่เบ่, นอ แซ่ แพ๊ ลู เต๊อเจ่อเจ่อ แพ๊ นี๋.

โครินธ์ อาเหร่อเล๊อ ต๊าบ่า 3:4

เบ๊อะซี เฮ๊ เกอเร๊อ แคลู เน๊อ, แว หม่า คูเปาโล อา โคเจ่, แว หม่า อปอลโล อา โคเจ่ เบ๊อะเนอ หม่า, ซี เม แซ่ ปาแพ๊ ฮู๊ แกแย เห่ขุพู๊ อาเหล่โกล เมเนอ แพ๊ แวเฮ๊โต่?