โครินธ์ อาเหร่อเล๊อ ต๊าบ่า 3:12 - ลีเทส่อพ๊าอาเซ เร๊อ เห่ขุทวาลู๊

¹² แกแย เต๊เห่เห่ เด๊อ อา อิซว๊า ตาเต อู เร๊อ เตหมะเตจ๊อ เต๊เห่เนอ, อา แซ่เฮ๊อ เน๊อ อา แฮ ช๊อแถ่ แฮเง อี๊ถื่อแกเด แก่ช๊า เด๊อ อู เด๊อะแล เร๊อ หล่อ เออ อาลู เนอ เฮ๊อ. อา แซ่เฮ๊อ เน๊อ อา ช๊อแถ่ แฮเง เฮ๊อ เน๊อ เท, รือ, หม่าโต่เรอ หล่องูดุงูชอ เต๊เห่เนอ เฮ๊อ. หม่าแน๊เรอ เด๊อ อาโร เต๊เห่ เกอลาติ เรอ, อา แฮ ช๊อแถ่ แฮเง เน๊อ ส่อ, มีออ หม่าโต่เรอ โบ๊ปู เต๊เห่ เด๊อ อาลู เออเนอ เฮ๊อ.

Eastern Kayah Shadaw Dialect

¹² ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤘꤣ ꤢ꤬ ꤤ꤬ꤞꤝꤢ ꤒꤢ꤭ꤒꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤢ꤬ ꤟꤢꤧ꤭ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤟꤤ꤬ꤓꤢꤦ꤬ꤊꤢꤧ꤭ꤘꤢꤩ꤭ ꤊꤢꤧ꤭ꤏꤢ ꤘꤣ ꤢꤨ꤭ ꤘꤢꤩꤜꤢꤧ꤬ ꤔꤢꤧ ꤜ꤫ꤢꤪ꤬ ꤣꤧ꤭ ꤢ꤬ꤜꤥ꤬ ꤔꤣꤧ꤬ ꤟꤣꤧ꤯ ꤢ꤬ ꤞꤢꤧꤟꤣꤧ ꤔꤢꤧ ꤢ꤬ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤟꤣꤧ ꤔꤢꤧ ꤓꤢꤩ꤭, ꤚꤢꤦ꤭, ꤗ꤫ꤢ꤬ꤒꤥ꤬ꤚꤣꤧ꤬ ꤜ꤫ꤢꤪ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤢ꤬ ꤟꤢꤧ꤭ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤞꤢꤪ꤬, ꤗꤤ꤬ꤞꤢꤩ꤬ꤗ꤫ꤢꤪ꤬ ꤗ꤫ꤢ꤬ꤒꤥ꤬ꤚꤣꤧ꤬ ꤙꤥꤕꤢꤨ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ꤜꤥ꤬ ꤣꤧ꤭ꤔꤣꤧ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 3:12 ပူးပေါင်းရင်းမြစ်များ

ทิโมธี เนอบ่า ต๊าบ่า 4:3

ม๊อเนอม๊อเซ เด๊อ แกแย หนิดา ปา เตอิซว๊าอี๊แส่ เตหมะเตจ๊อ เออโต่เนอ, อา เก่ แฮเต่อ ปา. เร๊อ เหย่ซี ซิปล่อ ก๊อหย่อ แลแค เด๊อ อา เก่ แด่ปล๊อ โอ่โหร่แถ่เอ๊ เร๊อดื่อ อาซ๊าร๊า เต๊เห่ เด๊อ อา แด๊โฉ่โด่แน เป่ เหย่ซี ฮู๊ เหย่ซี ซิปล่อ ก๊อหย่อ ซิหยื่อ หนิดา เนอ เต๊เห่ ปา.

ทิโมธี เนอบ่า ต๊าบ่า 3:7

เพรเหมาะ เนอเต๊เห่ หม่า อา อิซว๊า โตโมโตโม เกอ โทเฮ๊อ เต หม่าแน๊เรอ อา ซิเง เบ๊แถ่ เป่ เกออู จอแปแหร่ อา เตหมะเตจ๊อ โตโพ๋ โต่ เนอเต๊เห่ เฮ๊อ.

ทิโมธี เนอบ่า ต๊าบ่า 2:20

เด๊อ แกแย ดุแหย่ หี่เตเม อากูเนอ ดีปอดีโด โอ่ อาเมวเมว อาเจ่อเจ่อ เจ๊อ. เต๊เห่เห่ เนอ อู เม อา เน๊อ รือเท, เต๊เห่เห่ เนอ อู เม อา เน๊อ ส่อ, เต๊เห่เห่เนอ อู เม อา เน๊อ เห่. เต๊เห่เห่ เน๊อ อู นอเอ่ อา เบ๊อะอู โหล่ดุ โค๊ดื่อ อา เค, เต๊เห่เห่ เนอ, อู นอเอ่ เน๊อ เหมาะเฮ๊เหมาะลี อาเง แพ๊.

เตเด๊อะโลแถ่ 21:18

วีเตเร๊หล่อดุ เนอ อู แบ๊ อา เร๊อ หล่อโซหลู่โซเล เต๊เห่ โทเรอ วีเนอ อู แบ๊ อา เร๊อ เท หม่าแหน่ เจ๊อ เร๊อ อา แปล๊ลีชี๊ แม๊เถอะ ล๊อปลู๊ โน เจ๊อ ฮู๊ หล่อซู๊บู เนอ เจ๊อ.

เตเด๊อะโลแถ่ 3:18

เมฮู๊เนอเรอ แว เด๊อะซิเง จว่าเป่เกอ เน เร๊อ แซ่ฮู๊ เน เก่ ดุแหย่แถ่เซ เกออู เนอ, แฮ พรีเกอ เท เด๊อ แวโอ่ เออ. เท เออเนอหม่า อู โล โทเฮ๊อ เร๊อ หมิ. โท๊โต่ แฮ พรี เกอดื่อ เห่อจาบู เหล่กือเหล่แซ๊ เด๊อ แวโอ่ เออ เร๊อ กือบี๊แซ๊บี๊ เกอเร๊อ เน โอ่กาโกล ซิเตเร ดื่อเง เออเนอ. แซ่ฮู๊ เน เก่ แม๊เถอะ ลีโพ๊แร๊ เกออู อาเงเนอ, แฮ พรีเกอ เตขุ เป๊เส่เช เด๊อ แวโอ่ เออ เร๊อ จีโน เด๊อ เน เป๊เส่ปล่อกู เนอ.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

เตเด๊อะโลแถ่ 2:14

“หม่าแน๊เรอ เตหรี่เตแก เด๊อ แว เหล่แด่เตซื๊อ เด๊อ เนลู เนอหม่า อาโอ่ ตี๊กิ, หม่าอิเต เต๊เห่เต เฮ๊เนอหม่า, แกแย โอ่ เด๊อ ซีเกล เต๊เห่เห่ เนอ, อา ครวาเมเกอ คูบาลาอัม อา เตอิซว๊าอี๊แส่. คูบาลาอัม อิซว๊าอี๊แส่ คุ๊ยบาลาค เร๊อ อา เก่ อิลออี๊โหล่ อิสราเอลพู๊ ซีเต๊เห่ เน๊อ เหย่ซี เก่ เอ่ เหล่เอ่เหล่โอ เด๊อ อู หลู่แถ่ เร๊อ เตแหย่โย เออเนอเต๊เห่, โทเรอ อา เก่ จว๊าซื๊อ แลแค เพรเหมาะเพรคู ฮู๊เนอ.

ꤟꤤꤙꤚꤢꤨ 13:9

นออิลออี๊โหล่ จว๊าซื๊อ แต่ ซี เน๊อ ล๋อ เตอิซว๊าอี๊แส่ เด๊อ อา โค๊คยา เนอเต๊เห่ แต่เหม่ นี๋. ครวาจว๊าเกอ แต่เหม่ นี๋. ซี ซิปล่อ เออเนอ, อา โต อ๊าฉว่าเหร่ชอแถ่ เน๊อ จอแปแหร่ อาบุ๊ยอาเตอเรอ อาคยาแพ๊. เด๊อ ซี หนิดา ครวาเมเกอ เหล่เอ่เหล่โอ อา เตซว๊าเตแส่ เต๊เห่ อาคยา เร๊อ ซี ซิปล่อ อ๊าฉว่าเหร่ชอแถ่ โต่ ฮู๊เนอ หม่าโต่. ซี หนิดา ครวาเมเกอ เตซว๊าเตแส่ อาคยา เออเนอ, อา หนิบุ๊ยหนิเตอเรอ เด๊อ ซีเง เตอเจ๋อ โต่.

ทิโมธี เนอบ่า ต๊าบ่า 3:13

แกแย มู๊แหม่รีแจ่ เน๊อ แกแย แลโฮแลแห่ อู เต๊เห่เนอ, งยาฉว่าฉว่า อาจาแฮ ฉว่าฉว่า ปา. เร๊อ อา เก่ อิลออี๊โหล่ แลโฮ อูโร เต๊เห่ ปา, เร๊อ อู เก่ อี๊ลอแลโฮ แลแค เกอติเหย่ซี ปา.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

โคโลสี 2:8

รอหนิ แลแค ซีเหน่ นี๋. นออิลออี๊โหล่ หนิเกอเร๊อ แต่ ซีเหน่ เน๊อ แกแย เด๊อ อา อิซว๊าอี๊แส่ซื๊อ ดื่อเง เตเนอเต๊เห่ เตเพร่ว แต่เหม่ นี๋. เตเนอเต๊เห่ หม่า อา แกเด แพ๊. เตอิซว๊าอี๊แส่ ฮู๊เนอ เต๊เห่หม่า หม่าแพ๊ แกแย เห่ขุพู๊ อาเหล่โกล เด๊อะตา แฮเงโต่ คยาลู ตือทือ โท ตือทือ เนอเต๊เห่ แพ๊. เร๊อ เนอเต๊เห่ หม่า อา แฮ เด๊อ โลเน๊โลหน่า มู๊แหม่ เด๊อ อา เป๊อ เห่ขุชีบ่า เนอเต๊เห่ อา โอ่ แพ๊. เตอิซว๊า ฮู๊เนอ เต๊เห่หม่า อา แฮ เด๊อ เหย่ซู่ครี๊ อา โอ่ หม่าโต่.

โครินธ์ เนอบ่า ต๊าบ่า 2:17

แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

เพรโด่แนพู๊ เต๊เห่ 20:30

เร๊อ เด๊อ ซีเกลเนอ แกแย เก่ โอ่โลแถ่ เต๊เห่เห่ ปา. เร๊อ แซ่ฮู๊ เหย่ซี เก่ อิลออิโหล่ จว๊าหนิ เพรหยื่อเอ่ เต๊เห่ อาเง เนอเรอ, อา อี๊ลอแลโฮ จว๊า เหย่ซี ปา.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

โครินธ์ อาเหร่อเล๊อ ต๊าบ่า 3:11

แก่ช๊า เด๊อ แว เด๊อะแล โทเฮ๊อ เร๊อ หล่อ หม่าเฮ๊อ เหย่ซู่ครี๊ เออเนอ หม่า อา โอ่ แพ๊ โตโผ่โผ่ แพ๊. เต เด๊อ เป โตเบ่ หยื่อเอ่หนิ เนอหม่า อา หม่า แพ๊ตื๊อ เหย่ซู่ครี๊ เออเตเพร แพ๊. อู เด๊อะแล โค๊ เด๊อ อาโร เนอ อา โอ่ ปา โตโพ๋ โต่.

โครินธ์ อาเหร่อเล๊อ ต๊าบ่า 3:13

แกแย เตเพร เร๊อ เตเพร อา เตอิช๊อแถ่ หี่ อา เตแจ่เตลีแม เออเนอ, อา เก่ โอ่โลแถ่ ช๋า แบ่เจ่ ครี๊ แฮ อาม๊อเนอ เนอเตอเนอ ปา. แกแย ปว๋า เตเพร เม เต เต๊เห่เนอ, อู เก่ ทื๊อแม๊ อา เร๊อ หมิ ปา. เตเพร เร๊อ เตเพร อา เตแจ่เตลีแม อาเตเม เออเนอ, หมิ เก่ ล๊าอือ แม๊ ลอ ปา. เร๊อ อา เก่ เด๊อะ เถ่โล ลอ ปา.