โครินธ์ อาเหร่อเล๊อ ต๊าบ่า 3:10 - ลีเทส่อพ๊าอาเซ เร๊อ เห่ขุทวาลู๊

¹⁰ แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

Eastern Kayah Shadaw Dialect

¹⁰ ꤠꤢꤧ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤤ꤬ꤏꤢꤪꤓꤢꤧ꤬ ꤟꤤ꤬ ꤘꤣ ꤢ꤬ꤡ꤫ꤢꤧ꤬ ꤒꤣ꤬ꤖꤚꤢꤩ꤬ꤔꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤋꤚꤢ꤭ ꤠꤢꤧ꤭ ꤏꤢ꤭ꤛ꤫ꤢꤨ꤬ ꤚꤣꤧ꤬ ꤠꤢꤧ꤭ ꤘꤢꤩ ꤜꤢꤧ꤬ ꤟꤤ꤬ꤓꤢꤦ꤬ꤊꤢꤧ꤭ꤘꤢꤩ꤭ ꤊꤢꤧ꤭ꤏꤢ ꤔꤢꤧ ꤜ꤫ꤢꤪ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤤ꤬ꤏꤢꤪꤓꤢꤧ꤬ ꤘꤤ꤭ꤒ꤫ꤢꤦ꤬ ꤊꤣꤧ꤭ꤜꤢ꤭ꤒꤢꤩ꤬ ꤟꤤ꤬ꤓꤢꤦ꤬ꤊꤢꤧ꤭ꤘꤢꤩ꤭ ꤊꤢꤧ꤭ꤏꤢ ꤘꤣ ꤠꤢꤧ꤭ ꤘꤢꤩꤜꤢꤧ꤬ ꤓꤥ꤭ꤟꤣꤧ ꤔꤢꤧ ꤜ꤫ꤢꤪ꤬ꤣꤧ꤭ ꤔꤣꤧ꤬ ꤢ꤬ꤜꤥ꤬꤯ ꤗꤢ꤬ꤔꤢꤧꤚꤣꤧ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤤ꤬ꤏꤢꤪꤓꤢꤧ꤬ ꤟꤢꤨꤒꤢꤩ꤭ ꤔꤣꤧ꤬, ꤢ꤬ ꤙꤢꤩ꤬ ꤗꤢꤩ꤬ ꤒꤢ꤭ꤒꤢꤩ꤬ ꤜꤢ꤭ꤋꤢꤧ꤭꤯

โครินธ์ อาเหร่อเล๊อ ต๊าบ่า 3:10 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 3:11

แก่ช๊า เด๊อ แว เด๊อะแล โทเฮ๊อ เร๊อ หล่อ หม่าเฮ๊อ เหย่ซู่ครี๊ เออเนอ หม่า อา โอ่ แพ๊ โตโผ่โผ่ แพ๊. เต เด๊อ เป โตเบ่ หยื่อเอ่หนิ เนอหม่า อา หม่า แพ๊ตื๊อ เหย่ซู่ครี๊ เออเตเพร แพ๊. อู เด๊อะแล โค๊ เด๊อ อาโร เนอ อา โอ่ ปา โตโพ๋ โต่.

เอเฟซัส 2:20

ซี หม่า อาแซ่เน๊อ หี่ เด๊อ อู แบ๊ อา อี๊ถื่อแก่ช๊า เร๊อ หล่อ เออเตเม เนอเฮ๊อ. เพรโด่แน เร๊อ เพรโพร เต๊เห่ เนอหม่า อาแซ่เน๊อ อู แบ๊ หี่ถื่อ อา อี๊ถื่อแก่ช๊า เออเต๊เห่เนอ เฮ๊อ. เร๊อ แบ่เจ่ เหย่ซู่ครี๊ อาแหน่แบ่เจ่ เร๊อดื่อ เออเนอหมา อาแซ่เน๊อ หี่เออ เตเม เก่กลอเก่หม่า อาเงเนอ, อา หม่า อา ทวา เพร ตาทว๊าหม่า เป่ อู เต เด๊อ อา โหล่ดุเล๊อ อู เตเพร เฮ๊อ.

ꤚꤥꤗꤢꤩ꤬ 15:20

เออ หม่า หม่าเฮ๊อ เต เด๊อ แว ซิหยื่อ แม๊ชือ เม เนอเฮ๊อ. เหล่โอ่ เบ๊อะเต๋ โต๊โผ่ เบ่เบ่ เด๊อ อา หนิโฮแล๋ ครี๊ อาหรี่อาแก โต่ เนอ. แว โด่แนเป่ เหย่ซี เร๊อ เตซิครือมีลา. เมเตเฮ๊เรอ อาแซ่เน๊อ หี่เตเม เด๊อ อู แบ๊ตา โทเฮ๊อ อากู๊โด่ แกซ๊า เร๊อ หล่อเนอ, แว ซิหยื่อ จว๊า ช๊อแถ่ แฮเง เร๊อ อู กู๊เหล่ เด๊อ อู แบ๊ตา โทเฮ๊อ เออ อาโหล่ โต่.

มัทธิว 24:45

“หลู่ เด๊อ อาจ๊อ เร๊อ อา ลีแม เตเพรหม่า อูเป? หลู่ เด๊อ อาจ๊อ เตเพร หม่าหม่าเฮ๊อ แบ่เจ่ เด๊อะตา ลู เตแร เด๊อ อา เบ่ แม๊ตู่ โบ่เอ่โบ่โอหนิ หลู่เล๊ เด๊อ อาโร เต๊เห่ เด๊อลู กู๊ยากู, เร๊อ อาโบ่เอ่ โต เหย่ซี เร๊อ หน่าหลิ เออเตเพร เนอเฮ๊อ.

เตเด๊อะโลแถ่ 21:19

วีอู อาแก่ช๊า เนอ อู ตี๊หรี่ โอ่ อา เร๊อ หล่อเซ๊หล่อโพร อาเมวเมว อาเจ่อเจ่อ เจ๊อ. หล่อ เด๊อ อู แบ๊ ลู เด๊อ วีเตเร๊หล่อดุ อาแก่ช๊า อาเหร่อเล๊อ เตเม เนอหม่า หล่อโซเล เร๊อ อู เอ๊ เร๊อ หล่อโซเล เร๊ออูเอ๊ ลูเน๊อ จัสเปอร์, เนอเมเตเม หม่า หล่อเต๊เผ่ เร๊อ อู เอ๊ เร๊อ ส่าพี๊หร่า, โซเมเตเม หม่า หล่อเต๊เผ่ลอ เร๊อ อู เอ๊ เร๊อ อากาต่า, ลุยเมเตเม หม่า หล่อโซเล เร๊อ อู เอ๊ เร๊อ ส่าเมอราโด่.

โครินธ์ อาเหร่อเล๊อ ต๊าบ่า 9:2

แกแย อาโร เต๊เห่ แด่เกอ แว ฮู๊ เพรโด่แนพู๊ เต๊เห่ เตเพร โต่ หม่าแน๊เรอ ซี เร๊อ ซี โตเบ่ แด่ แว ฮู๊ เพรโด่แนพู๊ เต๊เห่ เตเพรเนอ. เมเตเฮ๊เรอ ซี เร๊อ ครี๊ ทวาแถ่ เฮ๊อ ลู เต๊อเจ๊อ แพ๊ อาขว่าอาคยา, ซี เด๊อะโล ตาเต เฮ๊อ เร๊อ แว หม่า เพรโด่แนพู๊ เต๊เห่ อา หม่าแหน่ เจ๊อ เฮ๊อ เตเพร เฮ๊อ.

มัทธิว 7:24

“ฮู๊เนอเร๊อ แกแย เตเพรเพร เด๊อ อา หนิโฮ แวเต อิซว๊า เออ เต๊เห่ อา ครวาเม จว๊าโตโคร เฮ๊เนอหม่า, อา แซ่เฮ๊อ เร๊อ แกแย ลีแม เตเพร ช๊อโอ่ อาหี่ เด๊อ หล่อขุ เนอเฮ๊อ.

เปโตร อาเหร่อเล๊อ ต๊าบ่า 4:11

อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.

ทิโมธี เนอบ่า ต๊าบ่า 2:15

แซ่ฮู๊ เน เก่ เมโตเมเบ่ ฮู๊ จอแปแหร่ อา เตซิหยื่อ เนอ, โท๊โต่ แซ่ฮู๊ เน เก่ แซ่เน๊อ เพรแรเต เตเพร เด๊อ อา ซิเตเร เกอเร๊อ อา เตเอ่เตแร โต่, โท๊โต่ แซ่ฮู๊ เน เก่ ทวาดื่อ แกแย เด๊อ อา อิซว๊าโต อิซว๊าเบ่ เป่ อู เน๊อ จอแปแหร่ อาลาอาโหง่ อา เตหมะเตจ๊อ เตเพร อาเงเนอ, แอ๊จื๊อ เมแร๊แร๊ เจ๊อ นี๋.

โคโลสี 4:17

แด๊โฉ่ เป่เกอ คูอารคิปปัส เน๊อ, “เตเอ่เตแร เด๊อ แบ่เจ่ เด๊อะแล เฮ๊อ เน เออเนอ, เมโทแก อา,” เฮ๊ อา ฮู๊เนอ นี๋.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ꤚꤥꤗꤢꤩ꤬ 1:5

เด๊อ ครี๊ อาขว่าอาคยาเร๊อ, จอแปแหร่ เด๊อะตา เป อา เตบุ๊ยเตเตอเรอ เร๊อ ม๊อเนอม๊อเซโตแร๊ เด๊อ เป เก่ ทวาแถ่ เพรโด่แนพู๊ เต๊เห่ เด๊อ ครี๊ อาเง. แซ่ฮู๊ ล๋อ แกแยยิวพู๊ หม่าโต่ เต๊เห่ เก่ หยื่อเอ่แหน่ เกออู เหย่ซู่, เร๊อ เหย่ซี เก่ หนิดา เกอ จอแปแหร่ โหง่ อาเงเนอเรอ, อา นอทวาแถ่ เป แพ๊.

เพรโด่แนพู๊ เต๊เห่ 18:27

เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.

ꤜꤢꤨꤊꤢ꤬ 11:35

เมฮู๊เนอเรอ เตลี โอ่ เด๊อ ซีเหน่ลู เออเนอ, แซ่ฮู๊ อา เก่ ทวา ดื่อ เตคี๊เตลอ เตเมเนอ, รอหนิ แลแค ซีเหน่ นี๋.

ꤡꤛꤢꤩ꤭ꤗꤢ꤬ꤎꤣ꤬ 3:1

แว โป่แหว่ ซี๋, ซี โต ทวา โหร่เอ๊ ซ๊าร๊า โต่, เมเตเฮ๊เรอ ฮู๊ ซี ซิเง โทดื่อเนอ เฮ๊อ, เป เด๊อ อา ทวา ซ๊าร๊า เต๊เห่เนอ, จอแปแหร่ เก่ เมจากาคยา ชอเล๊อ เป เน๊อ แกแย เด๊อ อาโร เนอเต๊เห่ ปา.

ทิโมธี อาเหร่อเล๊อ ต๊าบ่า 4:16

เน เฮ๊เบ่เฮ๊โช เบ่เบ่, เน เมเต อิเตเต๋ เบ่เบ่, เน อิซว๊าอี๊แส่ อู เต๊เห่เนอ เบ่เบ่, รอเกอเร๊อ อา นี๋. โอ่หม่าโอ่กลอ เด๊อ เตเออเต๊เห่ อากู ปว๋า โตโพ๊ นี๋, เมเตเฮ๊เรอ, เน เก่ เมฮู๊เนอ เฮ๊เรอ เน เก่ เมแลเปล๊กา หนิตื๊อดื่อ เนเหน่ หม่าโต่, เน เก่ เมแลเปล๊กา โต่ เป่เกอ แกแย เด๊อ อา หนิโฮเกอ เน เนอเต๊เห่ ปา.

โคโลสี 1:29

ครี๊ อา เตโพรเตเตอเรอ เออ อา เมฉว่าเมชอ แหน่เจ๊อ เด๊อ แวกู แว ซิเล แถ่หนิ อา เตโพรเตเตอเรอ ฉว่าชอ เออ เร๊อ แว จ่าเพรอแอ๊จื๊อ เร๊อ แว ซิครือเมเฮ๊อ จอแปแหร่ อาเตแร เออเต๊เห่ เฮ๊อ.

ꤚꤥꤗꤢꤩ꤬ 15:15

หม่าแน๊เรอ, จอแปแหร่ เด๊อะ เฮ๊อ แว เตบุ๊ยเตเตอเรอ เด๊อ แว เก่ เม เตเมเออ อาขว่าอาคยา, แซ่ฮู๊ ซี เก่ ซิเงแถ่เบ่ หนิคยา โหง่ เด๊อ แว อิซว๊าอี๊แส่ ซี เนอเต๊เห่ เนเร๊อ, เต๊เห่เห่เนอ แว ราหล่าลี เป่ เจ๊อ ซี เจ๊อ.

ꤜꤢꤨꤊꤢ꤬ 21:8

เหย่ซู่ เฮ๊ฉื่อ เหย่ซี เน๊อ, “แซ่ฮู๊ อู เก่ อี๊ลอแลโฮ จว๊าหนิ แต่ ซี แต่เหม่เนอ, โอ่รอโอ่เร แลแค ซีเหน่ นี๋ แกแย เด๊อ อา เก่ แฮ แด๊กว๊า แลโฮ แลแค อาเหน่ เร๊อ แวมุย ปาเนอ อา โอ่ เอ๊ ลู ปา. เร๊อ อา เก่ แด๊กว๊า แลโฮ แล เกอ เร๊อ แลแค อาเหน่ เน๊อ, ‘แว หม่า ครี๊ เฮ๊อ,’ เร๊อ ‘เบ๊อะผื่อโต่ เฮ๊อ,’ ฮู๊เนอ ปา ตื๊อดื่อเรอ ครอครวา แต่ แลแค เหย่ซี แต่เหม่ นี๋.

เตเด๊อะโลแถ่ 21:14

วีเต๊เร๊ หล่อดุ อาช๊า เนอ อู แบ๊แถ่ ลู เร๊อ หล่อดุ เช๊อเนอเม. เร๊อ เด๊อ หล่อ เออเต๊เห่ ลูเนอ เนอ อู ราโอ่ อา เร๊อ ซิหมิพู๊ อา เพรโด่แนพู๊ เต๊เห่ เช๊อซิเนอ เต๊เห่ อามุย.

โครินธ์ เนอบ่า ต๊าบ่า 10:15

ฮู๊เนอเรอ เป เฮ๊เบ่ถู่เซ๊ เกอเร๊อ เกอ เน๊อ เปเหน่ เร๊อ เตเม เด๊อ อูโร เมทวาแถ่ เหร่อโทเฮ๊อ เนอเต๊เห่ อาหรี่อาแก โต่. หม่าแน๊เรอ เป แม๊ชือ โค๊ดื่อ เร๊อ ซี เตหยื่อ เก่ ชอแถ่, โท๊โต่ เป แฮเม เตเม เด๊อ ซีเกล เออ เก่ ดุแถ่ทูแถ่ เร๊อ ทูแถ่ โป่ เด๊อ เง ตากยา อาเง เนอแพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

เปโตร เนอบ่า ต๊าบ่า 3:15

ซิเง ซิเหน่ แลแค เร๊อ เป แบ่เจ่ เออ อา แด่ทูซิปล่อ แพ๊, อา แฮ เป่เหย่ เมเตเฮ๊เรอ แซ่ฮู๊ แกแย เต๊เห่ เก่ พย๊าหนิ เกออู เมแลเปล๊กา เออเนอเร๊อ อา ซิหยื่อ เด๊อะเป่ปา เหย่ซี อาม๊อเนอ ม๊อเซ ฮู๊เนอแพ๊. เป โป่แหว่ โคแบ๊ซว๊าโม คูเปาโล รา เป่เกอ โทเฮ๊อ ซี ฮู๊ แว เฮ๊ เป่ ซี เออเนอ เฮ๊อ. อา รา เป่เฮ๊อ ซี ฮู๊ จอแปแหร่ เด๊อะ ลู เตแจ่เตลีแม เนอเต๊เห่ เฮ๊อ.