โครินธ์ อาเหร่อเล๊อ ต๊าบ่า 3:1 - ลีเทส่อพ๊าอาเซ เร๊อ เห่ขุทวาลู๊

¹ โป่แหว่ ซี๋, แว โอ่เต่อเกอ เน๊อ ซี เด๊อ อาเหร่อเค เนอหม่า, แว อิซว๊า เป่ ซี ฮู๊ แว อิซว๊า เป่ แกแย เด๊อ อา หนิดา จูเอ่ แหย่โยบูโพ๊ แบ่เจ่ อาโหง่ เต๊เห่ เนอหม่า อาหนิ แล๋ โต่. แว เบ่ อิซว๊า เป่ ซี ฮู๊ แกแยเห่ขุพู๊ เด๊อ อา ลือครวา เม ปาแพ๊ อา เตซิหยื่อซิลอ เต๊เห่ เนอเต๊เห่ แพ๊. เมเตเฮ๊เรอ ซี เตหยื่อเอ่ ครี๊ เนอ อาฉว่าอาชอ ล๋ายโต่ อาขว่าอาคยา ซี แซ่ปาแพ๊ เน๊อ เป๊เจ่พู๊ เด๊อ อา อินู๊ปา เนอเต๊เห่ แพ๊.

Eastern Kayah Shadaw Dialect

¹ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬, ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤞꤤ꤭ ꤟꤢꤨ ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤜꤢ꤭ꤟꤤ ꤒꤥ꤬꤯ ꤠꤢꤧ꤭ ꤙꤢꤩ꤬ ꤤ꤬ꤞꤝꤢ ꤕ꤫ꤢꤩ꤬ ꤞꤤ꤭ ꤟꤢꤨ ꤖꤚꤢꤩ꤬ꤜꤢꤨ꤬ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ ꤜꤢꤦ꤬ꤋꤚꤝꤢ꤭ ꤗꤢꤩ꤬ ꤕꤢ꤬ꤖꤢꤧ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤢꤩ꤬ꤛ꤫ꤢꤦ꤬ꤢꤩ꤬ ꤋꤚꤤ ꤔꤣꤧ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤜꤢ꤭ꤟꤤꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤞꤢꤧꤕꤢ꤬ꤖꤢꤧ ꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤢ꤬ ꤤ꤬ꤔꤢꤨꤕꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 3:1 ပူးပေါင်းရင်းမြစ်များ

ꤟꤤꤙꤚꤢꤨ 5:13

แกแย เตเพรเพร เด๊อ อา โอปา ดื่อเงแพ๊ อินู๊เทอ เนอหม่า อา แซ่แพ๊ เร๊อ เป๊เจ่ เด๊อ อา อินู๊ปา เนอแพ๊. เตจ๊อเตเต อาหรี่อาแก เนอ, อา ซิเง เอ๊เกอลา อู โต่.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

ꤚꤥꤗꤢꤩ꤬ 7:14

เป ซิเง เร๊อ จอแปแหร่ อา แหย่โยบูโพ๊ เด๊อะตา เป เตซว๊าเตแส่ เออเต๊เห่ หม่าแน๊เรอ แว หม่า แกแย เห่ขุพู๊ เด๊อ อา เซอแจ่ เตเพร แพ๊. แว หม่า อาแซ่เน๊อ หลู่เล๊ เด๊อ อู อิเช จว๊าแก ลู เน๊อ อา เก่ จว๊าทวา เป่ เตซื๊อเตปล๊า แบ่เจ่ เออเตเพร อาหลู่เล๊ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12

แวพู๊แวเลอ ซี๋, แว รา เป่เฮ๊อ ซี ลีเออต๊าบ่า, เมเตเฮ๊เรอ เด๊อ เหย่ซู่ครี๊ อาขว่าอาคยา เร๊อ, จอแปแหร่ ปลวาแก ลอ เฮ๊อ ซี เตซื๊อเตปล๊า ล๊อ ปลี เฮ๊อ.

ꤊꤢ꤬ꤜꤢ꤬ꤒꤤ 6:1

โป่แหว่ ซี๋, ซี เก่ แม๊เถอะ แกแย เตเพรเพร เด๊อ อา เมซื๊อ เต เต๊อเจ่อเจ่อ เฮ๊เนอ, ซี เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เออ เต๊เห่เนอ, ซี โหล่ จว๊า อิซว๊าอี๊แส่ กาคยา อา. ซี เบ่ อี๊ลอ ซิโดซิงา อา โทเรอ แซ่ฮู๊ ซี เก่ ครวาจว๊าเกอ แต่ เด๊อ อิลออี๊โหล่ อากู แต่เหม่ เนอ, รอหนิ แลแค ซีเหน่ นี๋.

มัทธิว 16:23

แบ่เจ่ เหย่ซู่ ตีรี๊ กาคยาโต คูเปโตร เร๊อ อา เฮ๊ ลู เน๊อ, “เก๋อ โลเน๊มู๊แหม่รีแจ่ กู่กล๊อ, เถ่จว๊า ตาพาแก เร๊อ แว, เน หม่า อาแซ่เน๊อ หล่อ เตเม เด๊อ อู เหล่ตอพอเบ่ เตเม เนอแพ๊. เน เหล่เตเน เต๊เห่เนอ อาแซ่เน๊อ แกแยเห่ขุพู๊ อาเหล่เตเน เนอ แพ๊. อา แซ่เกอ เร๊อ จอแปแหร่ อา เหล่เตเน เต๊เห่เนอ หม่าโต่.”

โครินธ์ อาเหร่อเล๊อ ต๊าบ่า 14:37

แกแย เตเพรเพร เก่ เตเน เกอเร๊อ อาเหน่ เนอ, แว หม่า เพร เด๊อ อา เฮ๊โพร เป่ จอแปแหร่ อา เตหรี่เตแก เตเพร, หม่าโต่เรอ แว หม่า แกแย เด๊อ อา พย๊าหนิ เชหยู่ เด๊อ แหย่โย ตากยา เตเพร เก่เฮ๊เรอ แว รา เต เออเต๊เห่เนอ แบ่เจ่ อา เตเฮ๊แก แพ๊ เนอ อา เบ่ ซิเง แพ๊.