โครินธ์ อาเหร่อเล๊อ ต๊าบ่า 2:8 - ลีเทส่อพ๊าอาเซ เร๊อ เห่ขุทวาลู๊

⁸ เตลีแมลีเพ๊ เออเนอ, แกแย เด๊อ อา ทวา ทวาดุทวาเต เด๊อ เห่ขุ เออเต๊เห่ ซิเง เตเพร่ว โต่. เหย่ซี เก่ ซิเง เออ เฮ๊เรอ, เหย่ซี มือเซอแถ่ เน๊อ แบ่เจ่ เด๊อ อา โอ่ เน๊อ อา เต เตอเรอดุเตอเรอทู เออเตเพร เด๊อ อี๊ถื่อดีเต่ลู แตแค๋ โต่.

Eastern Kayah Shadaw Dialect

⁸ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤊꤢꤩ꤬ ꤞꤤꤑꤢꤩ꤭ ꤣꤧ꤭ ꤟꤢꤩꤚꤣꤧ꤬, ꤛꤢꤩ꤬ꤞꤤ꤭ ꤗꤢꤦ꤭ꤞꤣꤧ꤭ꤓꤢꤧ꤬ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤒꤣꤧ꤬ꤋꤢꤧ꤮ ꤒꤥ꤬꤯

โครินธ์ อาเหร่อเล๊อ ต๊าบ่า 2:8 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 2:1

แว โป่แหว่ ซี๋, ซี หม่า แกแย เด๊อ อา หยื่อเอ่แหน่ แบ่เจ่ เหย่ซู่ครี๊ เด๊อ อาโอ่ เน๊อ เตเตอเรอดุเตอเรอทู เตเพร เต๊เห่. ฮู๊เนอ อาขว่าอาคยา, ซี โตเบ่ แม๊ดุ แม๊ปีตี๊ หนิ อู เตเพร่ว โต่.

เพรโด่แนพู๊ เต๊เห่ 13:27

เมเตเฮ๊เรอ วีเยรูซาเล็ม เต๊เห่ เร๊อ เหย่ซี อากู่กล๊อ เต๊เห่เนอ อา ซิเง เกอ ลู เร๊อ อา หม่า เพรเมแลเปล๊กา อา แบ่เจ่ เตเพร ฮู๊เนอโต่. โท๊โต่ เพรโพรเต๊เห่ อาลาอาโหง่ เด๊อ อู แด๊โลแถ่ อา เบ๊อะแกแยยิวพู๊ อา ม๊อเนอโด่ ปว๋า โตโพ๊ เนอเต๊เห่ เบ่เบ่, เหย่ซี ซิเง ตาปลู๊ เกออู อาโหง่แลช๊า โต่. ฮู๊เนอเร๊อ แซ่ฮู๊ เพรโพร เต๊เห่ อาลาอาโหง่ เก่ เล๊อแถ่บาแถ่ อาเงเนอ, อา นอ เมจากาคยา เซอแก เฮ๊อ เหย่ซู่ แพ๊.

เพรโด่แนพู๊ เต๊เห่ 7:2

เร๊อ คูสเทเฟน แด๊ เป่ เหย่ซี เน๊อ, “โป่แหว่โหมะเพ ซี๋, หนิดา แลแค แว เฮ๊ เป่ ซี เออ! เบ๊อะเปเพ เพอับราฮับ จว๊าโอ่ แต่ล๋าย เด๊อ วีฮาราน ล๋ายโต่, เร๊อ อา โอ่ปา แพ๊ เบ๊อะเมโสโปเตเมีย เบ๊อะเนอ, จอแปแหร่ เด๊อ อา เล๊อบา เร๊อ เตเตอเรอดุ เตอเรอทู เออเตเพร โอ่โลแถ่ เป่ ลู เด๊อ อา เป๊เส่เง.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

ทิโมธี อาเหร่อเล๊อ ต๊าบ่า 1:13

เด๋อ อาเหร่อเค เนอหม่า, แว เฮ๊ มู๊แหม่รีแจ่ เหย่ซู่ครี๊, แว เมจาเมจือ อา, แว เป๊อเจ่ออิแช๊ อา หม่าแน๊เรอ แบ่เจ่ ซิยอเกอเร๊อ แว, เมเตเฮ๊เรอ แว ย๋อ หยื่อเอ่แหน่ แต่เกอล๋ายโต่, เร๊อ แว เมเต เออเต๊เห่เนอ, แว ย๋อ ซิเง ล๋ายโต่ อาขว่าอาคยา, อา ซิยอเกอเร๊อ แว แพ๊.

โครินธ์ เนอบ่า ต๊าบ่า 3:14

เบ๊อะเนอเค อิสราเอลพู๊ เต๊เห่เนอ, อา เถ่ บี๊ ตี๊ปิตาปา ลอ ลู ซิปล่อ. โต่กู๊แหน่ เจ๊อ เบ่เบ่, เบ๊อะอู แด๊ แถ่โล คูโมเสส อา เตซว๊าเตแส่ เด๊อ ลีเทส่อพ๊ากู เออ เบ๊อะเนอ, เหย่ซี ซิเงโปล เตอเจ๋อ โต่. เหย่ซี เก่ หยื่อเอ่ แบ่เจ่ เหย่ซู่ครี๊ ตื๊อหม่า อาซิปล่อ บี๊ตาปา เออเนอ เก่ โอ่โมแถ่ เร๊อ ซิเงโปลแฮ เบ๊โหน่ แพ๊.

ꤛꤥ꤭ꤟꤢ꤬ 16:3

อา จว๊า เมโต่ แลแค ฮู๊เออ เมเตเฮ๊เรอ เหย่ซี ซิเงน๊อ เพ โตโพ๋ โต่, โทเรอ อา ซิเงน๊อ แว โตโพ๋ โต่.

ꤛꤥ꤭ꤟꤢ꤬ 8:19

“เนเพ โอ่โต เบ๊อะเต?” เหย่ซี แด๊เฮอ ลู ฮู๊เนอ. เร๊อ อา เฮ๊ฉื่อ เหย่ซี เน๊อ, “แว เร๊อ ซี ซิเง โต่โต่, แวเพ เร๊อ ซี ซิเง โต่โต่. ซี เก่ ซิเง แว เก่เฮ๊เรอ ซี ซิเง เกอดื่อ แวเพ แพ๊.” อา เฮ๊ฉื่อ เหย่ซี ฮู๊เนอ.

ꤛꤥ꤭ꤟꤢ꤬ 7:48

เป เด๊อ อา ทวา เตจ๊อบู่จ๊อเบ อา ทวาดุทวาเต อาเกล เออเต๊เห่เนอ เบ่เบ่, ฟาริสี อาเกล เออเต๊เห่ เนอเบ่เบ่, อา หยื่อเอ่ เกอ ลู เนอหม่า อา โอ่ แหน่ เตเพรเพร แอ?

มัทธิว 11:25

เบ๊อะเนอโตโพ๊ แบ่เจ่ เหย่ซู่ เฮ๊ จอแปแหร่ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่โอ๊ แด่บี๊ เป่ เพรลีแมลีเพ๊ เต๊เห่ เนอ เพรแม๊ ตูปลู ซิเงเตพู๊ เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊ บุ๊ย เฮ๊ เตอเรอ แถ่เน”

ꤜꤢꤨꤊꤢ꤬ 23:34

เหย่ซู่ เฮ๊ เน๊อ, “เพ๋, ปลวาแก เหย่ซี เตเหล่ซื๊อ นี๋, เมเตเฮ๊เรอ เหย่ซี เม เตฮู๊เออเนอ, อา ซิเง เกอเร๊อโต่.” เร๊อ เกลอฮู๊ เต๊เห่ เก่ เบพย๊า หนิโหร่ลู เหย่ซู่ เห่อจ่า เออเนอเร๊อ เหย่ซี บ๊อ เต แบบุ๊ย เต๊อเจ่อ เด๊อ จู๊ ดื่อ อา ตาโตเบ่ เบ๊อะเตเพร โต พย๊า เบ๊อะตากยา เต ฮู๊เนอแพ๊.

มัทธิว 13:22

เตกลุย เด๊อ อา ลูตา เด๊อ ส่อแช๊ส่อกิเกล เนอเต๊เห่ หม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ ตื๊อดื่อเรอ อา ย๋อ เบ่กู่เบ่แก เกอเร๊อ เน๊อ อา เตโอ่เซอเพร, โทเรอ อา ย๋อ ซิหยื่อ ดุแหย่แถ่เซ แลแค อาขว่าอาคยา, ล๋อ เตเออเต๊เห่เนอ อา แค๊ปลื่อแถ่บี๊แก ลอเฮ๊อ ลู เร๊อ อาเส่อาโพ เถ่เบ๊ ปาโต่เฮ๊อ.

โครินธ์ อาเหร่อเล๊อ ต๊าบ่า 1:20

เก่ เมฮู๊เนอเรอ เพรลีแมลีเพ๊ เต๊เห่ เบ่เบ่, เพรแจ่ซิเง เต๊เห่ เบ่เบ่, เพร เด๊อ อา เคร่ฉื่อแจ่ อู เต๊เห่ เบ่เบ่, เป ซิเง เน๊อ เหย่ซี เตลีแม เต๊เห่เนอ, อา โอ่เล๊อโอ่กลอ แพ๊. อา เด๊อะโลโปล เจ๊อ เน๊อ, เห่ขุ อา เตซิคว๊าซิเง เออเต๊เห่เนอ อา โอ่เล๊อโอ่กลอ แพ๊.

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

เอเฟซัส 4:18

เหย่ซี เนอเต๊เห่ หม่า อา ซิเงโปล เบ๊ เกออู เตหมะเตจ๊อ โต่. เด๊อ เหย่ซี กู่กล๊อเพรอ อาขว่าอาคยา, อา ซิเง เกอ แลแค อู จอแปแหร่ อาแกล๊อาโกล โต่, เด๊อ เหย่ซี ซิเงเกอ แลแค อู จอแปแหร่ อาแกล๊อาโกล โต่ อาขว่าอาคยาเร๊อ, เหย่ซี พย๊าหนิ เกออู ซิปล่อเซอเพร อาเซ เด๊อ จอแปแหร่ เด๊อ เออเนอ โต่.