โครินธ์ อาเหร่อเล๊อ ต๊าบ่า 2:6 - ลีเทส่อพ๊าอาเซ เร๊อ เห่ขุทวาลู๊

⁶ แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

Eastern Kayah Shadaw Dialect

⁶ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤏꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤤ꤬ꤞꤝꤢ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤒꤢꤩ꤬ꤖꤢꤩ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤥ꤬ ꤗ꤫ꤢ꤬ꤒꤥ꤬꤯ ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤗ꤫ꤢ꤬ꤒꤥ꤬ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤕꤛꤢꤊꤢꤧ꤭ ꤜꤢꤪ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 2:6 ပူးပေါင်းရင်းမြစ်များ

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.

ꤡꤛꤢꤩ꤭ꤗꤢ꤬ꤎꤣ꤬ 3:15

เตเตเนแจ่ ฮู๊เนอเต๊เห่ หม่า อา โอ่ เด๊อ ม๊อขุ แฮ หม่าโต่, เห่ขุเน๊ขุ อา เหล่เตเน แจ่ เนอเต๊เห่แพ๊. เตเตเนแจ่ ฮู๊เนอเต๊เห่ หม่า อา โอ่ เด๊อ แหย่โยบูโพ๊ แบ่เจ่ อา โอ่ แฮ หม่าโต่, อา โอ่ เด๊อ โลเน๊มู๊แหม่รีแจ่ อา โอ่ แฮ แพ๊.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

โครินธ์ อาเหร่อเล๊อ ต๊าบ่า 2:8

เตลีแมลีเพ๊ เออเนอ, แกแย เด๊อ อา ทวา ทวาดุทวาเต เด๊อ เห่ขุ เออเต๊เห่ ซิเง เตเพร่ว โต่. เหย่ซี เก่ ซิเง เออ เฮ๊เรอ, เหย่ซี มือเซอแถ่ เน๊อ แบ่เจ่ เด๊อ อา โอ่ เน๊อ อา เต เตอเรอดุเตอเรอทู เออเตเพร เด๊อ อี๊ถื่อดีเต่ลู แตแค๋ โต่.

โครินธ์ อาเหร่อเล๊อ ต๊าบ่า 1:28

แซ่ฮู๊ จอแปแหร่ เก่ เมปย๊าแก เต เด๊อ แกแย เห่ขุพู๊ เตเนดุเร๊อ เนอเต๊เห่ อาเงเนอเรอ, อา เอ๊ แพ๊ แกแย เด๊อ อู แด่ดุ เหย่ซี โต่ เนอเต๊เห่ แพ๊, อู เตเนปีตี๊ เหย่ซี เนอเต๊เห่ เน๊อ อู แด่ เหย่ซี เน๊อ แกแย โอ่เล๊อโอ่กลอ เนอเต๊เห่ แพ๊.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

เอเฟซัส 2:2

เบ๊อะเนออาเค, ซี ครวาเมเกอ เห่ขุ อา เตมู๊แหม่รีแจ่ เต๊เห่. ซี หนิดา จูเอ่ เกอ แพ๊ โลเน๊มู๊แหม่ กู่กล๊อ เด๊อ อา เป๊อหนิ โลเน๊โลหน่า เด๊อ ม๊อเล เต๊เห่ อาโหง่. โลเน๊มู๊แหม่รีแจ่ กู่กล๊อ เออเนอ, อา เป๊อหนิปา แกแย เด๊อ อา หนิดา เกออู จอแปแหร่ อาโหง่ โต่ เนอเต๊เห่.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤡꤛꤢꤩ꤭ꤗꤢ꤬ꤎꤣ꤬ 3:2

เป เมซื๊อ กาคยาแฮเง ลอปลี เต ปว๋า เตเพร เฮ๊อ. หม่าแน๊เรอ แกแย เด๊อ อา เฮ๊เบ่ซื๊อน๊อ เกออู โตโพ๋ โต่ เตเพรเนอ, อา หม่า เฮ๊อ แกแย เด๊อ อาเล๊ออาบา เตเพร เน๊อ อารออาเรเบ๊ เกอเร๊อ ลอเฮ๊อ อา เหน่เชเพร เฮ๊อ.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

โครินธ์ อาเหร่อเล๊อ ต๊าบ่า 2:13

ฮู๊เนอเรอ, เบ๊อะเป อิซว๊า เป่ แกแย เด๊อ แหย่โยบูโพ๊ แบ่เจ่ โอ่ เด๊อ ลูเหน่ลู เต๊เห่ เบ๊อะเนอ, เป นอเอ่ แกแย เห่ขุพู๊ เด๊อ อา เฮ๊เบ่แจ่ เต๊เห่ อา เตเฮ๊เบ่ ตือมื๋อ โต่. เป เฮ๊เบ่ ฮู๊ แหย่โยบูโพ๊ แบ่เจ่ อิซว๊าอี๊แส่ เป เนอแพ๊. เป เฮ๊โปล เป่ แกแย เออเต๊เห่ เน๊อ เตหมะเตจ๊อ ฮู๊ แหย่โยบูโพ๊ แบ่เจ่ อิซว๊า เป เนอแพ๊.

โครินธ์ อาเหร่อเล๊อ ต๊าบ่า 2:1

แว โคแบ๊ซว๊า ซี, เบ๊อะแว แฮ โด่แน เป่ เฮ๊อ ซี เร๊อ จอแปแหร่ อาลาอาโหง่ เบ๊อะเนอ, ลีปล่อ เด๊อ อู ซิเงทว๊า โต่ หม่าแน๊เรอ แกแย เตเนดุ แล เกอ เร๊อ แลแค อาเหน่ เต๊เห่ นอเอ่ อา เต๊เห่เนอ, แว เฮ๊เบ่น๊อ เป่ ซี โตโพ๋ โต่.

ꤜꤢꤨꤊꤢ꤬ 16:8

“เพรแม๊ตู่ ตาหมื่อตาเต เด๊อ อาจ๊ออาเต โต่ เออเตเพรเนอ, อาแบ่เจ่ ถู่เซ๊ เกอเร๊อ แหน่เจ๊อ ลู, เมเตเฮ๊เรอ อา เมลีแม เต. แกแยเห่ขุพู๊ เออเต๊เห่เนอ อา ลีแม แลโฮแลแห่ เกอเร๊อ คยาดื่อ ลู, เร๊อ อา แจ่เล๊อเล๊อ ปา เจ๊อ เร๊อ แกแย โอ่ เด๊อ เตอาลีกู เนอเต๊เห่ เจ๊อ.”

มัทธิว 19:21

เร๊อ แบ่เจ่ เหย่ซู่ เฮ๊ ลู เน๊อ, “เก่ เน ซิหยื่อ ทวาแถ่ แกแย เด๊อ อา เล๊อบา เตเพร เก่เฮ๊เรอ กา อิเชแกลอ เน ตาหมื่อตาเต เนอเต๊เห่ เร๊อ เด๊อะแก เร๊อ แกแย โซพ๊าโซแรพู๊ เต๊เห่เนอ. เน เก่ เมฮู๊เนอ เฮ๊เรอ เน เก่ พย๊าหนิ เตดุแหย่แถ่เซ เด๊อ ม๊อขุ ปา. กา เม โท ฮู๊ เนอเรอ, แฮ ครวาเกอ แวคยา.”

มัทธิว 13:22

เตกลุย เด๊อ อา ลูตา เด๊อ ส่อแช๊ส่อกิเกล เนอเต๊เห่ หม่า อาแซ่เน๊อ แกแย เด๊อ อา หนิโฮ จอแปแหร่ อาลาอาโหง่ ตื๊อดื่อเรอ อา ย๋อ เบ่กู่เบ่แก เกอเร๊อ เน๊อ อา เตโอ่เซอเพร, โทเรอ อา ย๋อ ซิหยื่อ ดุแหย่แถ่เซ แลแค อาขว่าอาคยา, ล๋อ เตเออเต๊เห่เนอ อา แค๊ปลื่อแถ่บี๊แก ลอเฮ๊อ ลู เร๊อ อาเส่อาโพ เถ่เบ๊ ปาโต่เฮ๊อ.

โครินธ์ อาเหร่อเล๊อ ต๊าบ่า 3:1

โป่แหว่ ซี๋, แว โอ่เต่อเกอ เน๊อ ซี เด๊อ อาเหร่อเค เนอหม่า, แว อิซว๊า เป่ ซี ฮู๊ แว อิซว๊า เป่ แกแย เด๊อ อา หนิดา จูเอ่ แหย่โยบูโพ๊ แบ่เจ่ อาโหง่ เต๊เห่ เนอหม่า อาหนิ แล๋ โต่. แว เบ่ อิซว๊า เป่ ซี ฮู๊ แกแยเห่ขุพู๊ เด๊อ อา ลือครวา เม ปาแพ๊ อา เตซิหยื่อซิลอ เต๊เห่ เนอเต๊เห่ แพ๊. เมเตเฮ๊เรอ ซี เตหยื่อเอ่ ครี๊ เนอ อาฉว่าอาชอ ล๋ายโต่ อาขว่าอาคยา ซี แซ่ปาแพ๊ เน๊อ เป๊เจ่พู๊ เด๊อ อา อินู๊ปา เนอเต๊เห่ แพ๊.

โครินธ์ อาเหร่อเล๊อ ต๊าบ่า 12:8

เด๊อ เปเกล เต๊เห่เห่เนอ, แหย่โยบูโพ๊ แบ่เจ่ เด๊อะตา เหย่ซี เตหรี่เตแก เด๊อ อาจ่ออาแย เต๊เห่, เต๊เห่เห่เนอ อา เด๊อะตา เหย่ซี เตหรี่เตแก เด๊อ อา เล๊อบา เร๊อ เตซิคว๊าซิเง เต๊เห่.

โครินธ์ เนอบ่า ต๊าบ่า 4:3

เมเตเฮ๊เรอ, เตซิครือมีลา เด๊อ เป โด่แนแด๊โฉ่ เป่ อู เออเนอ, อา เก่ โอ่โอ๊โอ่บี๊ เฮ๊เนอหม่า, อา โอ่โอ๊โอ่บี๊ เป่ แพ๊ แกแย เด๊อ อา เก่ โต่เด๊อ เตปย๊าเตหลู่ เตเซอเตเหม่ เต๊เห่ อาเง แพ๊.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

ꤟꤤꤙꤚꤢꤨ 6:1

ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.