โครินธ์ อาเหร่อเล๊อ ต๊าบ่า 2:4 - ลีเทส่อพ๊าอาเซ เร๊อ เห่ขุทวาลู๊

⁴ โท๊โต่ เบ๊อะแว แด๊โฉ่โด่แน เป่ ซี เบ๊อะเนอ, แว เฮ๊เบ่ อิลออี๊โหล่ น๊อ ซี เน๊อ แกแย เห่ขุพู๊ อา เตแจ่เตลีแม โตโพ๋ โต่. หม่าแน๊เรอ ซี หยื่อเอ่ แลแค เต เด๊อ แว แด๊โฉ่ เป่ ซี เออเนอ เต๊เห่, เมเตเฮ๊เรอ จอแปแหร่ อา แหย่โยบูโพ๊ เออเนอ อา โพรฉว่าชอ เร๊อ อา เด๊อะซิเงโปล เป่ ซี เร๊อ ซี หยื่อเอ่ เฮ๊อ.

Eastern Kayah Shadaw Dialect

⁴ ꤓꤥ꤭ꤒꤥ꤬ ꤙꤣꤧ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ ꤢꤩꤜꤢ꤬ꤢꤩꤕꤜꤢꤩꤔꤢꤪ ꤞꤤ꤭ ꤔꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤡ꤫ꤢꤧ꤬ ꤒꤣ꤬ꤖꤥ꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤠꤢꤧ꤭ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤢ꤬ ꤖꤚꤥ꤬ꤖꤚꤢꤧ꤬ꤏꤝꤢ꤬ꤏꤢꤪ꤭ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ꤕꤜꤥ꤭ ꤕ꤫ꤢꤩ꤬ ꤞꤤ꤭ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 2:4 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 4:20

แกแย เด๊อ อา โอ่ เด๊อ จอแปแหร่ อาเทอ อาเก่ เต๊เห่เนอหม่า, อา โอ่ แพ๊ตื๊อ กู๊อู่ เต๊เบ่ อา เตเฮ๊เบ่ หม่าโต่. จอแปแหร่ ถู่แหล่ เต๊เปล่แก โทลอเฮ๊อ เหย่ซี อาเตแด่ซิปล่อสู่เทอ เต๊เห่ เร๊อ อา เตโพรเตเตอเรอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

โครินธ์ อาเหร่อเล๊อ ต๊าบ่า 1:17

ครี๊ ปลวาแฮ แว เน๊อ แว เบ่แฮ เจ เป่ อู เทอ หม่าโต่. อา ปลวา แฮ แว เด๊อ แว เก่ แฮ แด๊โฉ่โด่แน เป่ อู เน๊อ เตซิครือมีลา อาหรี่อาแก แพ๊. เร๊อ เบ๊อะแว แด๊โฉ่โด่แน เป่ อู เตซิครือมีลา เบ๊อะเนอ, แว เฮ๊เบ่น๊อ เน๊อ เพรลีแมลีเพ๊ เต๊เห่ อาโหง่โต่. เมเตเฮ๊เรอ แว เก่ ซิเลเกอเร๊อ เพรลีแมลีเพ๊ อา เตเฮ๊เบ่ เต๊เห่ เฮ๊เรอ, แว เม ตาพูแก ลอ เฮ๊อ ครี๊ อาเตเซอ อา เตโพรเตเตอเรอ ฉว่าชอ เด๊อ อี๊ถื่อดีเต่ลู เออเนอ เฮ๊อ.

โครินธ์ อาเหร่อเล๊อ ต๊าบ่า 2:1

แว โคแบ๊ซว๊า ซี, เบ๊อะแว แฮ โด่แน เป่ เฮ๊อ ซี เร๊อ จอแปแหร่ อาลาอาโหง่ เบ๊อะเนอ, ลีปล่อ เด๊อ อู ซิเงทว๊า โต่ หม่าแน๊เรอ แกแย เตเนดุ แล เกอ เร๊อ แลแค อาเหน่ เต๊เห่ นอเอ่ อา เต๊เห่เนอ, แว เฮ๊เบ่น๊อ เป่ ซี โตโพ๋ โต่.

เปโตร เนอบ่า ต๊าบ่า 1:16

เบ๊อะเป เด๊อซิเง เป่ เฮ๊อ ซี เร๊อ เป แบ่เจ่ เหย่ซู่ครี๊ อา เตลีเตเตเค เร๊อ อาแฮ อาหรี่อาแก เออ เบ๊อะเนอ, เตโด่แน เด๊อ อาหม่าโต่ หม่าแน๊เรอ แกแย แจ่แด๊ แลโฮ เต๊เห่ แด๊เป่ ซี เต๊เห่เนอ, เป ครวาแด๊ เกออู โต่. เป แม๊เถอะ อา เตลีเตเตเค เต๊เห่ เร๊อ เปเป๊เส่ เร๊อดื่อ เจ๊อ.

โครินธ์ อาเหร่อเล๊อ ต๊าบ่า 2:13

ฮู๊เนอเรอ, เบ๊อะเป อิซว๊า เป่ แกแย เด๊อ แหย่โยบูโพ๊ แบ่เจ่ โอ่ เด๊อ ลูเหน่ลู เต๊เห่ เบ๊อะเนอ, เป นอเอ่ แกแย เห่ขุพู๊ เด๊อ อา เฮ๊เบ่แจ่ เต๊เห่ อา เตเฮ๊เบ่ ตือมื๋อ โต่. เป เฮ๊เบ่ ฮู๊ แหย่โยบูโพ๊ แบ่เจ่ อิซว๊าอี๊แส่ เป เนอแพ๊. เป เฮ๊โปล เป่ แกแย เออเต๊เห่ เน๊อ เตหมะเตจ๊อ ฮู๊ แหย่โยบูโพ๊ แบ่เจ่ อิซว๊า เป เนอแพ๊.

โคโลสี 2:4

แซ่ฮู๊ อู เก่ อี๊ลอแลโฮ จว๊า แต่ ซี เน๊อ อู เตอิซว๊าอี๊แส่ เด๊อ อาซื๊อ เนอเต๊เห่ แต่เหม่เนอเรอ, แว เฮ๊ ซี ฮู๊เออ เนอแพ๊. เตอิซว๊าอี๊แส่ เออเต๊เห่เนอ, อา แซ่เจ๊อ เน๊อ อาโต อาเบ่เบ่, หยื่อเอ่ แต่เหม่ นี๋.

เปโตร เนอบ่า ต๊าบ่า 2:18

เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

ꤚꤥꤗꤢꤩ꤬ 16:18

เมเตเฮ๊เรอ แกแย ฮู๊เนอ เต๊เห่ หม่า อา เม แบ่เจ่ ครี๊ อาเตเม หม่าโต่. โท๊โต่ อา ลือเมโม เมเป่ หนิแลแค อาซิปล่อ เกอเร๊อ แลแค อาเหน่กล่อ อา เตซิหยื่อซิลอ เต๊เห่ แพ๊. อา เฮ๊เบ่โม เฮ๊เบ่แจ่ อู, ถู่เซ๊หนิ อู เร๊อ เหย่ซี อี๊หล่าแลโฮหนิ แกแย เด๊อ อา จูเอ่ยู เตเนอเต๊เห่ ปา.

เพรโด่แนพู๊ เต๊เห่ 20:27

เมเตเฮ๊เรอ ล๋อ เต เด๊อ จอแปแหร่ เซเรหนื่ออื่อ เต๊เห่เนอ, แว ด๊อโอ๊ด๊อบี๊ เร๊อ เตอเจ๋อ โต่. แว เฮ๊โฉ่ซิเง เป่ โทลอเฮ๊อ ซี เฮ๊อ.

เพรโด่แนพู๊ เต๊เห่ 26:28

คุ๊ยดุ อากริปปา เฮ๊ฉื่อ คูเปาโล เน๊อ, “เด๊อ ค๊าขิ แตแปล๊เตอเปลอฮู๊ อากู เออเนอ, เน เตเน เร๊อ เน เก่ อิลอหนิ แว เด๊อ แว เก่ ทวาแถ่เกอ ครี๊พู๊ ปา เตเพรเนอ แอ?”

ꤚꤥꤗꤢꤩ꤬ 15:13

เบ๊อะซี หยื่อเอ่หนิ เฮ๊อ จอแปแหร่ เด๊อ อา เมจว่า ซี เออ เบ๊อะเนอ, อา หม่า จอแปแหร่ เตเพร เด๊อ เป เหล่แม๊ชือ อา แก่ช๊าแก่แร อาขว่าอาคยา, อา เก่ เมเล๊อบา เป่ดื่อ ซี เตซิครือซิลอ เน๊อ ซี ซิปล่อ อา เตตู๊จุเตอเจ๊อ นี๋. โท๊โต่ แซ่ฮู๊ ซี เตแม๊ชือ เก่ ฉว่าแถ่ชอแถ่ แฮเง เกอโป่ เด๊อ เง เร๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยา แพ๊ เนอเรอ แว กุยจ๊อเบ เป่ เด๊อ ซีเง.

โครินธ์ เนอบ่า ต๊าบ่า 6:6

เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.