โครินธ์ อาเหร่อเล๊อ ต๊าบ่า 2:3 - ลีเทส่อพ๊าอาเซ เร๊อ เห่ขุทวาลู๊

³ เบ๊อะแว แฮ เกอ เด๊อ ซี โอ่ เบ๊อะเนอ โตโพ๊ เบ๊อะเนอ, แว ซิเง เกอเร๊อ แว เตอ๊าเจ่เหร่เจ่ เร๊อ แว ซิอิเช แตแนตากยา เจ๊อ.

Eastern Kayah Shadaw Dialect

³ ꤙꤣꤧ ꤠꤢꤧ꤭ ꤟꤢꤧ꤭ ꤊꤣꤧ꤭ ꤘꤣ ꤞꤤ꤭ ꤥ꤬ ꤙꤣꤧꤔꤣꤧ꤬ ꤒꤣ꤬ꤖꤥ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤚꤣꤧꤘꤢꤦ꤬ ꤠꤢꤧ꤭ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤚꤣꤧ꤬ ꤠꤢꤧ꤭ ꤞꤤꤤ꤬ꤏꤢꤩ꤭ ꤒꤣꤧ꤬ꤔꤢꤧ꤭ꤒꤣꤧ꤬ꤊꤛꤢ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 2:3 ပူးပေါင်းရင်းမြစ်များ

โครินธ์ เนอบ่า ต๊าบ่า 13:4

เด๊อ เตอ๊าเจ่เหร่เจ่ อาขว่าอาคยา, ครี๊ ข่าเซอ อาซิปล่อ เด๊อ อี๊ถื่อดีเต่ อาลู. หม่าแน๊เรอ กู๊แหน่เออ เด๊อ จอแปแหร่ อา เตโพร ฉว่าชอ อาขว่าอาคยา, อา เซอเพร เฮ๊อ. ฮู๊เนอเฮ๊อ เป หม่า เป อ๊าเจ่เหร่เจ่ แซ่เกอดื่อ ฮู๊เนอ หม่าแน๊เรอ เบ๊อะเป เก่ เฮ๊ เฮ๊อ ซี ปา เบ๊อะเนอ, เป เก่ เด๊อะโล เป่ ซี เร๊อ จอแปแหร่ อา เตโพร ฉว่าชอ ปา, เมเตเฮ๊เรอ เป ย๋อ ทวา เฮ๊อ เตเต๊อเจ๋อ แพ๊ เร๊อ ครี๊ เด๊อ เป เตโอ่เซอเพรกู เฮ๊อ อาขว่าอาคยา, เป เก่ เมฮู๊เนอ ปา.

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

โครินธ์ เนอบ่า ต๊าบ่า 6:4

เป เม เต อิเตเต๋ เบ่เบ่, แซ่ฮู๊ อู เก่ แม๊เถอะ เร๊อ เป หม่า จอแปแหร่ อาหลู่เล๊ เต๊เห่ อาเงเนอ, เป เด๊อะโล เป่ อู เร๊อ เป แด่ทูซิปล่อ เตจาเตจือ เต๊เห่, เร๊อ เป ข่า โซพ๊าโซแร เตเต๊เห่ เร๊อ เป ข่าเบ่ เตแป่เตเช ซีเต๊เห่ เฮ๊อ.

โครินธ์ เนอบ่า ต๊าบ่า 4:16

เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

เพรโด่แนพู๊ เต๊เห่ 18:12

เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่.

เพรโด่แนพู๊ เต๊เห่ 18:6

หม่าแน๊เรอ แกแยยิวพู๊ เต๊เห่ เคร๊ฉื่อ เป๊อเจ่ออิแช๊ คูเปาโล อาขว่าอาคยา, คูเปาโล ท๊อโพร๊ ตาแก เห่หมื่อ เด๊อ อา เห่อจาลู. อา ท๊อโพร๊ ตาแก เห่หมื่อ ฮู๊เออเนอหม่า อา เด๊อะโลเฮ๊อ เตม๊าเตแด เต๊อเจ่อ เด๊อ อู เคร๊ฉื่อ เหย่ซี ฮู๊เนอ. โทเร๊อ อา เฮ๊ฉื่อ เหย่ซี เน๊อ, “ซี เก่ โต่เด๊อ เตปย๊าเตหลู่ เฮ๊เนอหม่า ซีเร๊อซี หนิดื่อเฮ๊อ เตซื๊อเตปล๊า โอ่ปา เด๊อ แวลู โต่ เฮ๊อ. เป๊อแถ่ กู๊แหน่เออ ตาเป่แฮ เนอ, แว เก่ จว๊า แด๊โฉ่โด่แน เป่ดื่อเฮ๊อ เด๊อ แกแยยิวพู๊ หม่าโต่ เต๊เห่ อาเกลเฮ๊อ.”

โครินธ์ เนอบ่า ต๊าบ่า 7:5

เบ๊อะเป แฮโต่เฮ๊อ เด๊อ มาซิโดเนียเก่ เบ๊อะเนอ, เตแป่เตเช เออ อา ครวาตื๊อดื่อ เกอปา เร๊อ เป, อา โอ่โก๊โต่, เมเตเฮ๊เรอ เบ๊อะเนอเค แกแย เด๊อ อา ซิเถ่ เป เต๊เห่เนอ อา แฮกย๊าแฮงา เป เร๊อ เป ซิปล่อกู่ ซิปล่อแก แหน่เจ๊อ.

เพรโด่แนพู๊ เต๊เห่ 17:1

เหย่ซี จว๊าตาลว๊าแก วีอัมฟีบุรี เร๊อ วีคูอปอลโลเนีย เร๊อ อา จว๊าโต่ แลแค เด๊อ วีเธสะโลนิกา. เบ๊อะวีเนอ ตีวี อากูเนอ, แกแยยิวพู๊ เตจ๊อเบโฮ โอ่ เตเม.

เพรโด่แนพู๊ เต๊เห่ 18:1

เตทวาแถ่ โท ฮู๊เออ เนอ เร๊อ, คูเปาโล โอ่ เบ๊อะวีเอเธนส์ เนอ เร๊อ อา เถ่จว๊า เด๊อ วีโครินธ์.

โครินธ์ เนอบ่า ต๊าบ่า 7:15

ฮู๊เนอเรอ, เบ๊อะอา ซิเหน่แถ่ โต่เบ่ คยาแซ๊ ซี โอ่ ตี๊หรี่แตแร หนื่ออื่อ ซีเหน่ เร๊อ ซี หนิดา อา เตอิซว๊าอี๊แส่ โท๊โต่ ซี เอ๊โมฉื่อ ลู เร๊อ เตซิอิเช, แตแนตากยา เจ๊อ เบ๊อะเนอ, อา ลื๋อ โมแฮ ฉว่าเล๊อ โป่ เจ๊อ ซี เจ๊อ.

เอเฟซัส 6:5

หลู่ ซี๋, หนิดา แลแค ซี เห่ขุ แบ่เจ่ เออเต๊เห่ อาโหง่ นี๋. ชิอิเช เหย่ซี เร๊อ เบ่เบ่หยื่อเบ่แหน่ เหย่ซี นี๋. ฮู๋ ซี หนิดา ครี๊ อาโหง่ เนอ, หนิดา ซิกอล๊อแกแน เหย่ซี อาโหง่ นี๋.