โครินธ์ อาเหร่อเล๊อ ต๊าบ่า 2:13 - ลีเทส่อพ๊าอาเซ เร๊อ เห่ขุทวาลู๊

¹³ ฮู๊เนอเรอ, เบ๊อะเป อิซว๊า เป่ แกแย เด๊อ แหย่โยบูโพ๊ แบ่เจ่ โอ่ เด๊อ ลูเหน่ลู เต๊เห่ เบ๊อะเนอ, เป นอเอ่ แกแย เห่ขุพู๊ เด๊อ อา เฮ๊เบ่แจ่ เต๊เห่ อา เตเฮ๊เบ่ ตือมื๋อ โต่. เป เฮ๊เบ่ ฮู๊ แหย่โยบูโพ๊ แบ่เจ่ อิซว๊าอี๊แส่ เป เนอแพ๊. เป เฮ๊โปล เป่ แกแย เออเต๊เห่ เน๊อ เตหมะเตจ๊อ ฮู๊ แหย่โยบูโพ๊ แบ่เจ่ อิซว๊า เป เนอแพ๊.

Eastern Kayah Shadaw Dialect

¹³ ꤟꤢꤨꤔꤣꤧ꤬ꤚꤣꤧ꤬, ꤙꤣꤧ ꤕꤢꤩ꤬ ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤜꤢꤨ꤭ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤔꤢꤪ꤭ꤢꤩ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤘꤣ ꤢ꤬ ꤟꤢꤩꤙꤢꤩ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤒꤣ꤬ꤗꤢꤦ꤭꤮ ꤒꤥ꤬꤯ ꤕꤢꤩ꤬ ꤟꤢꤩꤙꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤤ꤬ꤞꤝꤢꤤ꤬ꤞꤢꤧ꤬ ꤕꤢꤩ꤬ ꤔꤣꤧ꤬ꤖꤢꤧ꤯ ꤕꤢꤩ꤬ ꤟꤢꤩꤕꤜꤥ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤤ꤬ꤞꤝꤢ ꤕꤢꤩ꤬ ꤔꤣꤧ꤬ꤖꤢꤧ꤯

โครินธ์ อาเหร่อเล๊อ ต๊าบ่า 2:13 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 2:4

โท๊โต่ เบ๊อะแว แด๊โฉ่โด่แน เป่ ซี เบ๊อะเนอ, แว เฮ๊เบ่ อิลออี๊โหล่ น๊อ ซี เน๊อ แกแย เห่ขุพู๊ อา เตแจ่เตลีแม โตโพ๋ โต่. หม่าแน๊เรอ ซี หยื่อเอ่ แลแค เต เด๊อ แว แด๊โฉ่ เป่ ซี เออเนอ เต๊เห่, เมเตเฮ๊เรอ จอแปแหร่ อา แหย่โยบูโพ๊ เออเนอ อา โพรฉว่าชอ เร๊อ อา เด๊อะซิเงโปล เป่ ซี เร๊อ ซี หยื่อเอ่ เฮ๊อ.

โครินธ์ อาเหร่อเล๊อ ต๊าบ่า 2:14

หม่าแน๊เรอ อูเปเป๋ เบ่เบ่, เด๊อ อา พย๊าหนิ เกออู แหย่โยบูโพ๊ แบ่เจ่ เด๊อ อา ซิปล่อกู โต่. เต๊เห่เนอ, อา พย๊าฉื่อ เกออู แหย่โยบูโพ๊ แบ่เจ่ อา เตอิซว๊าอี๊แส่ โต่. แกแย ฮู๊เนอ เต๊เห่เนอ, อา ซิเงโปลเบ๊ เกออู อาโหง่แลช๊า โต่, อา เตเน แลแค แพ๊ เน๊อ อา โอ่เล๊อโอ่กลอ แพ๊, เมเตเฮ๊เรอ, เพร เด๊อ อา เฮ๊โปลเบ๊ เป่ เหย่ซี เนอหม่า ตื๊อแพ๊ แหย่โยบูโพ๊ แบ่เจ่ เตเพร แพ๊.

โครินธ์ อาเหร่อเล๊อ ต๊าบ่า 1:17

ครี๊ ปลวาแฮ แว เน๊อ แว เบ่แฮ เจ เป่ อู เทอ หม่าโต่. อา ปลวา แฮ แว เด๊อ แว เก่ แฮ แด๊โฉ่โด่แน เป่ อู เน๊อ เตซิครือมีลา อาหรี่อาแก แพ๊. เร๊อ เบ๊อะแว แด๊โฉ่โด่แน เป่ อู เตซิครือมีลา เบ๊อะเนอ, แว เฮ๊เบ่น๊อ เน๊อ เพรลีแมลีเพ๊ เต๊เห่ อาโหง่โต่. เมเตเฮ๊เรอ แว เก่ ซิเลเกอเร๊อ เพรลีแมลีเพ๊ อา เตเฮ๊เบ่ เต๊เห่ เฮ๊เรอ, แว เม ตาพูแก ลอ เฮ๊อ ครี๊ อาเตเซอ อา เตโพรเตเตอเรอ ฉว่าชอ เด๊อ อี๊ถื่อดีเต่ลู เออเนอ เฮ๊อ.

โครินธ์ อาเหร่อเล๊อ ต๊าบ่า 2:1

แว โคแบ๊ซว๊า ซี, เบ๊อะแว แฮ โด่แน เป่ เฮ๊อ ซี เร๊อ จอแปแหร่ อาลาอาโหง่ เบ๊อะเนอ, ลีปล่อ เด๊อ อู ซิเงทว๊า โต่ หม่าแน๊เรอ แกแย เตเนดุ แล เกอ เร๊อ แลแค อาเหน่ เต๊เห่ นอเอ่ อา เต๊เห่เนอ, แว เฮ๊เบ่น๊อ เป่ ซี โตโพ๋ โต่.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

เปโตร เนอบ่า ต๊าบ่า 1:16

เบ๊อะเป เด๊อซิเง เป่ เฮ๊อ ซี เร๊อ เป แบ่เจ่ เหย่ซู่ครี๊ อา เตลีเตเตเค เร๊อ อาแฮ อาหรี่อาแก เออ เบ๊อะเนอ, เตโด่แน เด๊อ อาหม่าโต่ หม่าแน๊เรอ แกแย แจ่แด๊ แลโฮ เต๊เห่ แด๊เป่ ซี เต๊เห่เนอ, เป ครวาแด๊ เกออู โต่. เป แม๊เถอะ อา เตลีเตเตเค เต๊เห่ เร๊อ เปเป๊เส่ เร๊อดื่อ เจ๊อ.

เอเฟซัส 5:19

ซี เตเพร เร๊อ เตเพร อิโร เกอเร๊อลู เร๊อ จอแปแหร่ อาลีอิโร เต๊เห่ เร๊อ ลีอิโร ถู่เซ๊แถ่ เนอเต๊เห่ นี๋. แด๊ อิโร แลแค เร๊อ อิโร ถู่เซ๊แถ่ แลแค เด๊อ ซี ซิปล่อกู เนอ.

โครินธ์ อาเหร่อเล๊อ ต๊าบ่า 14:2

เมเตเฮ๊เร๊อ แกแย เตเพรเพร เก่ เฮ๊เบ่ โหง่โค๊ตีกลี๊ เด๊อ อู ซิเงทว๊า โต่ เออเต๊เห่ เฮ๊เนอ, อา เฮ๊เบ่ เร๊อ แกแยเหขุพู๊ เต๊เห่เนอ หม่าโต่, อา เฮ๊เบ่ เร๊อ จอแปแหร่ แพ๊. อู ซิเงโปล เกอ ลู เต เตเพร่ว โต่. อา ย๋อ เฮ๊เบ่ เร๊อ แหย่โยบูโพ๊ แบ่เจ่ อา เตโพรเตเตอเรอ เร๊อ อา เฮ๊เบ่ โหง่ เออเต๊เห่เนอ อาจ่ออาแย อาขว่าอาคยา, อู ซิเงทว๊า เกอ ลู โต่.

โครินธ์ อาเหร่อเล๊อ ต๊าบ่า 9:11

ฮู๊เนอเฮ๊อ, เป แด๊โฉ่โด่แน เป่ ซี เร๊อ จอแปแหร่ อาลาอาโหง่ เด๊อ อาแซ่เน๊อ แกแย เด๊อ อา เว๊อตา เตกลุยเตลุ๊ย เต๊เห่เนอ เฮ๊อ. เป โต แม๊ชือ เก๊เอ่ เกอเร๊อ คยา ซี เตเมจว่า เด๊อ ซี โอ่ เนอหม่า อา โตแหน่ โต่ แอ?

ꤜꤢꤨꤊꤢ꤬ 12:12

เมเตเฮ๊เรอ ช๋า เน โต เฮ๊เบ่เฮ๊อ เบ๊อะปาเนอ, แหย่โยบูโพ๊แบ่เจ่ เก่ อิซว๊าตา ดื่อ เน เร๊อ เน โตเบ่ เฮ๊เบ่ ฮู๊เต ปา เนอ ปา.”

เพรโด่แนพู๊ เต๊เห่ 2:4

เหย่ซี เล๊อบา ล๊อปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี เฮ๊เบ่เถ่ ลอ เน๊อ โหง่โค๊ตีกลี๊ ฮู๊ แหย่โยบูโพ๊แบ่เจ่ นอเฮ๊เบ่ เหย่ซี เนอเต๊เห่.