โครินธ์ อาเหร่อเล๊อ ต๊าบ่า 16:9 - ลีเทส่อพ๊าอาเซ เร๊อ เห่ขุทวาลู๊

⁹ แกแย เด๊อ อา ซิเถ่ซิฮา แว เต๊เห่เนอ อา โอ่ เอ๊แหน่เจ๊อ หม่าแน๊เรอ แว จว๊า โอ่ เบ๊อะวีเอเฟซัส อากู เออเนอ อา งูดุงูชอ แหน่เจ๊อ เด๊อ แวเง เจ๊อ, เมเตเฮ๊เรอ แกแย เด๊อ อา ซิหยื่อ หนิโฮ จอแปแหร่ อาลาอาโหง่ เต๊เห่เนอ อา โอ่ เอ๊ แหน่ปาเจ๊อ.

Eastern Kayah Shadaw Dialect

⁹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ ꤢꤩꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤡꤝꤢ ꤥ꤬ ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤢ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤔꤢꤧ꤬ꤡꤣꤧ ꤘꤣ ꤠꤢꤧ꤭ꤑꤢꤩ꤭ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤛ꤫ꤢꤦ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤥ꤬ ꤢꤩ ꤔꤢꤧ꤬ꤡꤣꤧꤕꤢ꤬꤯

โครินธ์ อาเหร่อเล๊อ ต๊าบ่า 16:9 ပူးပေါင်းရင်းမြစ်များ

โครินธ์ เนอบ่า ต๊าบ่า 2:12

เบ๊อะแว จว๊าโต่ เฮ๊อ เด๊อ วีโตรอัส อากู เร๊อ แว เก่ แด๊โฉ่โด่แน เป่ อู เร๊อ ครี๊ อา เตซิครือมีลา เบ๊อะเนอ, แว แม๊เถอะ เร๊อ แบ่เจ่ บ๊าโม หนื่ออื่อ เป่ โทเฮ๊อ แว กู่ดากู เร๊อ แว แม๊เถอะ เน๊อ อา ซิหยื่อ นอเม เฮ๊อ แว เตเม เบ๊อะวีเนอตีวี อากู.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

เพรโด่แนพู๊ เต๊เห่ 14:27

เบ๊อะเหย่ซี กาโต่ เด๊อ วีอันทิโอก เบ๊อะเนอ, เหย่ซี เอ๊ปล๊อ เพรหยื่อเอ่เต ตู๊หมู่ตอกล๊อ เต๊เห่ เร๊อ อา แด๊โฉ่โด่แน ลอ เหย่ซี เร๊อ ล๋อ จอแปแหร่ เมเต่อเกอเต เร๊อ เหย่ซี เนอเต๊เห่ เร๊อ แกแยยิวพู๊ หม่าโต่ เต๊เห่ เก่ หยื่อเอ่แลแค เกอ อาเง เนอ, จอแปแหร่ บ๊าโมแถ่ เป่ เหย่ซี กู่ดา.

ฟีลิปปี 3:18

เด๊อ อาเหร่อเคเนอ หม่า, แว แด๊โฉ่ โตโมโม เป่ลา เฮ๊อ ซี เฮ๊อ. กู๊แหน่เออ แว เฮ๊ เป่ โป่ คยาแซ๊ ซี เร๊อ เป๊เส่เทอ. แกแย เด๊อ อา แด่ แลแค อา ซิปล่อสู่เทอ เนอ อา ซิเถ่ซิฮา ครี๊ อาเตเซอ อาโหง่แลช๊า เด๊อ อี๊ถื่อดีเต่ลู เต๊เห่เนอ อา โอ่ เอ๊แหน่เจ๊อ.

โครินธ์ อาเหร่อเล๊อ ต๊าบ่า 15:32

เบ๊อะวีเอเฟซัส อากู เออเนอ, แว ข่าเบ่ แหน่เจ๊อ เตจาเตจือ เจ๊อ, เมเตเฮ๊เรอ แกแย เด๊อ อา ซิเถ่ซิฮา แว เต๊เห่เนอ อา ซิหยื่อ เอ่ แวหย่า เนอหม่า อา แซ่เจ๊อเร๊อ เตมีเตแหม่ เต๊เห่เนอ เจ๊อ. ฮู๊เนอเรอ, แว เก่ หยื่อเอ่ เร๊อ แกแย เซอโท เต๊เห่ เก่ เซอเพร กาคยา ปาโต่ เก่เฮ๊เรอ, แว จว๊า แด่ทูซิปล่อ, ข่าจาข่าจือ เกอเต๋ เออ เมเต? เก่ อู เซอ ก๊อถ่อกาคยา ปา โต่ เก่เฮ๊เรอ, อาแร๊เล๊อ หม่า เป เก่ เมโมเมพุย เปเหน่ เร๊อ เป เก่ เฮ๊ เกอ ฮู๊ อู เฮ๊โอ่ โหง่ ตือมือ เนอ, “ช๊าป่าโรปา หม่า เป เซอ เฮ๊อ ปา แอ๋, เร๊อ เปเอ่เปโอ โป๋, เมโมเมพุย เกอ เร๊อ แลแค เปเหน่ โป๋.” โหง่ โด่แน โอ่ ฮู๊เนอ.

โครินธ์ เนอบ่า ต๊าบ่า 1:6

แซ่เน๊อ ซี เก่ พย๊าหนิ เตเมโม เมจว่า เร๊อ ซิปล่อเซอเพร ตูจูเพร อาเงเนอ, จอแปแหร่ นอข่าเบ่ เป เตแป่เตเช ฮู๊เออเนอ แพ๊. เร๊อ แซ่เน๊อ ซี เก่ พย๊าหนิเกอ เตเมโม เมจว่า อาเงเนอ, จอแปแหร่ เมโม เมจว่า เฮ๊อ เป. เป เตเมโม เมจว่า ซี เออเนอ, อา เด๊อะทวาแถ่ เฮ๊อ ซี เตแด่ทูซิปล่อ แซ่เฮ๊อเร๊อ เป ข่าเบ่ โทเฮ๊อ เนอเต๊เห่ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:16

ฮู๊เนอเนอ, อ๊อแล แลแค ซี เตซื๊อ เต๊เห่ เตเพร เร๊อ เตเพร, เร๊อ แซ่ฮู๊ ซี เก่ โอ่ฉว่าโอ่แพร กาคยา อาเงเนอ, กุยจ๊อเบ เป่ ลู เตเพร เร๊อ เตเพร นี๋. แกแยจ๊อแกแยเต เตเพร อา เตกุยจ๊อเบ เนอ อาโอ่ เน๊อ อา เตอเรอฉว่าชอ เร๊อ อา เมจว่าเบ๊ เอ๋ แหน่เจ๊อ เตเต๊เห่ เจ๊อ.