โครินธ์ อาเหร่อเล๊อ ต๊าบ่า 16:15 - ลีเทส่อพ๊าอาเซ เร๊อ เห่ขุทวาลู๊

¹⁵ คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

Eastern Kayah Shadaw Dialect

¹⁵ ꤋꤢꤨ꤭ꤎꤢ꤬ꤒꤤꤠꤢ꤬ꤔꤢꤎꤣ꤬ ꤔꤢꤧ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤜꤢꤪ꤭ꤘꤢꤦ꤬ ꤟꤣꤧ꤯ ꤘꤣ ꤢ꤬ꤋꤢꤩ꤬ꤛꤢ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤗꤢ꤬, ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤢ꤬ ꤚ꤫ꤣꤧ꤬ꤜꤣ ꤢꤨ꤭ ꤋꤚꤤ ꤗꤢ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ꤡꤝ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

โครินธ์ อาเหร่อเล๊อ ต๊าบ่า 16:15 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:16

(เก๋อ อา หม่าแหน่, แว เจ เป่ เกอปา ลาติ คูสเทฟานัส เร๊อ อา หี่ด๊อหี่แพพู๊ เต๊เห่. แว โตหม่าแก แพ๊ตื๊อ เออเต๊เห่ แพ๊. เด๊อ อาโร หม่า อา โอ่ปา แอ? หม่า อา โอ่ ปา โต่ แอ? เนอ แว โตหม่า ปา โต่ เฮ๊อ.)

ꤚꤥꤗꤢꤩ꤬ 16:5

เฮ๊โมเฮ๊แร๊ เป่เกอ แว เพรหยื่อเอ่เต ตู๊หมู่ตอกล๊อ เด๊อ อา แฮ จ๊อบู่จ๊อเบ เกอ เด๊อ ลู หี่ เนอเต๊เห่ นี๋. เฮ๊โมเฮ๊แร๊ หนิเป่ เกอ แว โคแบ๊ซว๊าโม คูเอเปเนทัสนี๋. แกแย เด๊อ อา หยื่อกา เหร่อเล๊อ อู ครี๊ เด๊อ เอเซียเก่กู เนอหม่า อา เฮ๊อ.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.

โครินธ์ เนอบ่า ต๊าบ่า 9:1

ซี โต เมจว่า จอแปแหร่ อาแกแย เด๊อ อา โซพ๊าโซแร เด๊อ อา โอ่ เด๊อ วีเยรูซาเล็ม อากู เนอเต๊เห่ อาหรี่อาแก เนอ, แว โหล่ รา แฮเง เป่ โป่ ปา เร๊อ ซี โต่.

โครินธ์ เนอบ่า ต๊าบ่า 8:4

เหย่ซี ซิปล่อฉว่า เมหลู่ แลแค เร๊อ อา กุยซิยอ เป เด๊อ เป เก่ ปลวา เหย่ซี เด๊อ อา เก่ เมจว่า หนิเกอ จอแปแหร่ อาแกแย เต๊เห่.

ꤚꤥꤗꤢꤩ꤬ 16:2

ช๋า อา แฮเต่อเกอ ซี ปา เร๊อ เอ๊โมฉื่อ อา ฮู๊ เพรหยื่อเอ่แหน่เอ่ แบ่เจ่ เหย่ซู่ เด๊อ อาแซ่เน๊อ ซี เออเนอ นี๋. เอ๊โมฉื่อ อา ฮู๊ จอแปแหร่ อาแกแย บูโพ๊ เต๊เห่ โตเบ่ แม๊ตู่หนิ อู เนอ นี๋. อา โหล่เกอ ซี อิเตเต๋ เบ่เบ่เนอ เมจว่า เป่เกอ อา นี๋. เมเตเฮ๊เรอ แว เบ่เบ่, อูโร เต๊เห่ เบ่เบ่, อา พย๊าจว่า เมจว่า เอ๊ลาเฮ๊อ อู เฮ๊อ.

ꤚꤥꤗꤢꤩ꤬ 15:25

หม่าแน๊เรอ, กู๊แหน่เออ แว จว๊า เด๊อ วีเยรูซาเล็ม. เร๊อ แว เก่ จว๊าพย๊า รือ เด๊อ อู เมหลู่เมแต เต๊เห่ เบ๊อะเนอ ปา, เร๊อ แว เก่ เมจว่า เร๊อ จอแปแหร่ อาแกแย เบ๊อะเนอ เต๊เห่ ปา.

ꤚꤥꤗꤢꤩ꤬ 12:13

จอแปแหร่ อาแกแย เต๊เห่ เก่ โซพ๊าโซแร เฮ๊เรอ, พย๊าจว่าเมจว่า เป่เร๊อ เกอ เหย่ซี นี๋. แม๊ เด๊อะเอ่เด๊อะโอฉื่อ แลแค ซิเผระซิแหม่ นี๋. เอ๊ โอ่เมอ โอ่เป่ แลแค เหย่ซี เด๊อ ซี หี่ด๊อกู นี๋.

เตเด๊อะโลแถ่ 14:4

เหย่ซี เออเต๊เห่ เนอหม่า เพรคู เด๊อ อาซิปล่อ อาโพ๊อาแปละ เร๊อ อา โอ่เมอ เต่อน๊อ เร๊อ เพรเหมาะ โต่ เต๊เห่. เหย่ซี หม่า เพรคูพู๊เส่ เด๊อ อา จ๊อจื้อ เต๊เห่. ซิหมิพู๊ เนอโตโด จว๊าเบ๊อะเต๋ โต๊โผ่ เบ่เบ่, เหย่ซี ครวาจว๊าเกอ ลูคยา. เหย่ซี หม่า อู อี๊ถ่ากา โทเฮ๊อ อา เด๊อ เห่ขุพู๊ เต๊เห่ อาเกล เร๊อ เหย่ซี หม่า แกแย เต๊เห่ เด๊อ อู หลู่แถ่ เหร่อเล๊อ ลู เด๊อ จอแปแหร่ เร๊อ ซิหมิพู๊ เนอโตโด อาโอ่ เฮ๊อ.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

ฟีเลโมน 1:7

โคแบ๊ซว๊า โม, เน เตโม เนอ, อา เม ซิครือซิลอ แหน่เจ๊อ แว เร๊อ อา เด๊อะ ชอแถ่ แหน่เจ๊อ แวอ๊าแวเหร่. เด๊อ หม่าเต อาขว่าอาคยา เฮ๊เร๊อ, เน เมโม โทเฮ๊อ ล๋อ แกแย หยื่อเอ่ จอแปแหร่ เนอเต๊เห่ อาซิปล่อ เฮ๊อ.

ทิโมธี อาเหร่อเล๊อ ต๊าบ่า 5:10

โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง.

โครินธ์ อาเหร่อเล๊อ ต๊าบ่า 16:17

ซีโค ดอกูพู๊ คูสเทฟานัส, คูฟอร์ทูนาทัส เร๊อ คูอาคายคัส เต๊เห่ แฮโต่ เร๊อ แว ซิครือ แหน่เจ๊อ. ซี โอ่ ยา เร๊อ ซี แฮ แม๊เถอะเบ๊ แว โต่ หม่าแน๊เรอ กู๊แหน่เออ เหย่ซี แฮ แม๊เถอะ เฮ๊โมเฮ๊แร๊เบ๊ แว อาขว่าอาคยา, อา แซ่เฮ๊อ เน๊อ ซี แฮ แม๊เถอะฉื่อ เฮ๊โมเฮ๊แร๊ แว เฮ๊อ.

ꤚꤥꤗꤢꤩ꤬ 15:31

โทเรอ, แซ่ฮู๊ จอแปแหร่ เก่ เมแลเปล๊ แว เร๊อ แกแย เด๊อ อา โอ่ เด๊อ ยูดาห์ เก่กู เด๊อ อา หยื่อเอ่ เกออู ครี๊ โต่ เนอเต๊เห่ อา กู๊ยากู เนอเร๊อ, กุยจ๊อเบ เป่เกอ เด๊อ แวเง นี๋. โทเรอ กุยจ๊อเบ เป่เร๊อ เกอโป่ เพรหยื่อเอ่ เออ เด๊อ อา โอ่ เด๊อ วีเยรูซาเล็ม อากู เนอเต๊เห่ เก่ ซิครือซิลอ พย๊าฉื่อ เตหลู่แต เด๊อ แว ซูจว๊า เป่ เหย่ซี เออเนอเต๊เห่ นี๋.

เพรโด่แนพู๊ เต๊เห่ 18:12

เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่.

โครินธ์ อาเหร่อเล๊อ ต๊าบ่า 16:1

กู๊แหน่เออ, แว ซิหยื่อ เฮ๊ ซี เร๊อ ซี โถ่ปล๊อ รือ เตหลู่แต เด๊อ ซี เก่ เมจว่า เร๊อ เพรหยื่อเอ่ เออ เด๊อ อา โซพ๊าโซแร เร๊อ อา โอ่ เด๊อ ยูดาห์เก่กู เนอเต๊เห่ อาหรี่อาแก. แว ซิหยื่อ เฮ๊ ซี เร๊อ ครวาเมเกอ ฮู๊ แว เฮ๊แก กาลาเทีย เพรหยื่อเอ่เต ตู๊หมู่ตอกล๊อ เนอเต๊เห่ เบ่เม เนอ.