โครินธ์ อาเหร่อเล๊อ ต๊าบ่า 16:12 - ลีเทส่อพ๊าอาเซ เร๊อ เห่ขุทวาลู๊

¹² คูอปอลโล หม่า เป โป่แหว่ ครี๊พู๊ เตเพร. อา เกอลาติ เร๊อ แว นอฉว่า แหน่เจ๊อ ลู เด๊อ อา เก่ จว๊าโอ่เล เกอ ซี เร๊อ อา เก่ ครวาจว๊าเกอ เร๊อ เป โป่แหว่ ครี๊พู๊ เด๊อ อา จว๊าโอ่เล เกอ ซี เนอเต๊เห่ หม่าแน๊เรอ อา เฮ๊ เร๊อ กู๊แหน่เรอ อา ซิหยื่อ จว๊าโอ่เล ล๋ายโต่, ช๋า ม๊อเนอ ตาโตตาเบ่ ปาเรอ อา จว๊าโอ่เล โหน่ ซี ปา อา เฮ๊ ฮู๊เนอ.

Eastern Kayah Shadaw Dialect

¹² ꤋꤢꤨ꤭ꤢ꤬ꤕꤢꤪꤜꤥ꤬ ꤗꤢ꤬ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣ꤬ꤖꤚꤢꤩ꤬꤯ ꤢ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤠꤢꤧ꤭ ꤔꤢꤪ꤭ꤏꤝꤢ꤬ ꤔꤢꤧ꤬ꤡꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤡꤝꤢꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤋꤚꤝꤢ꤭ꤡꤝꤢꤊꤣꤧ꤭ ꤔꤢꤧ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤢ꤬ ꤡꤝꤢꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤟꤢꤩ ꤔꤢꤧ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤡꤝꤢꤥ꤬ꤜꤢꤩ꤭ ꤜꤢ꤭ꤟꤤ ꤒꤥ꤬, ꤏꤢ꤮ ꤢ꤬ꤏꤣꤧꤋꤢꤩ꤭ ꤥ꤬ ꤕꤢ꤭ ꤚꤣꤧ꤬ ꤢ꤬ ꤡꤝꤢꤥ꤬ꤜꤢꤩ꤭ ꤊꤣꤧ꤭ ꤔꤥ꤬ ꤞꤤ꤭ ꤕꤢ꤭ ꤢ꤬ ꤟꤢꤩ ꤟꤢꤨꤔꤣꤧ꤬꤯

โครินธ์ อาเหร่อเล๊อ ต๊าบ่า 16:12 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 1:12

ซีกย๊าซีวื๊อ แคร๋ ลู ฮู๊เตเฮ๊เร๊อ, เตเพร เร๊อ อา เฮ๊ เน๊อ, “แว หม่า คูเปาโล อา โคเจ่” เด๊อ อาโร เตเพร ลาติ เร๊อ อา เฮ๊ เน๊อ, “แว หม่า คูอปอลโล อา โคเจ่,” เตเพรลาติ เร๊อ อา เฮ๊ โป่ เน๊อ, “แว หม่า คูเคฟาส อา โคเจ่,” เด๊อ อาโร เตเพร โป่ เกอ ลาติ เร๊อ อา เฮ๊ เน๊อ, “แว หม่า ครี๊ อา โคเจ่,” ฮู๊เนอ เฮ๊ ว๊า.

โครินธ์ อาเหร่อเล๊อ ต๊าบ่า 3:5

เก่เฮ๊ลอลอ เร๊อ, คูอปอลโล หม่า อูเป? คูเปาโล หม่า อูเป? เป หม่า แกแย แจ่ลีแจ่ลาโต่ เด๊อ อา เม จอแปแหร่ อาเตเม เต๊เห่ แพ๊. เด๊อ เป เฮ๊โฉ่โด่แนโล เป่ ซี อาขว่าอาคยา ซี หยื่อเอ่แหน่ กา แลแค แบ่เจ่ เหย่ซู่ครี๊. ฮู๊ จอแปแหร่ เด๊อะตา เป เตเม เตเพร เร๊อ เตเพร เนอ, เป เม เร๊อดื่อ ฮู๊ อา นอเม เป เออเนอ แพ๊.

ꤒꤤꤒꤢꤨ 3:4

หม่าแน๊เรอ เบ๊อะจอแปแหร่ เด๊อ อา เมแลเปล๊กา เป เออเตเพร อา เตซิยอ เร๊อ อาเตโม เป โอ่โลแถ่ เฮ๊อ เบ๊อะเนอ, อา เมแลเปล๊กา เฮ๊อ เป.

โครินธ์ อาเหร่อเล๊อ ต๊าบ่า 3:22

คูเปาโล เบ่เบ่, คูอปอลโล เบ่เบ่, คูเปโตร เบ่เบ่, เห่ขุต๊าบ่า ลอ เจ๊อ เบ่เบ่, เตเซอ เร๊อ เตเซอเพร เบ่เบ่, ทือเค กู๊แหน่เค เออเบ่เบ่, ช๋า เนอปา ตือทือ เบ่เบ่, จอแปแหร่ เด๊อะตา ลอ เตเออเต๊เห่ เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

เพรโด่แนพู๊ เต๊เห่ 18:24

แกแยยิวพู๊ เด๊อ อามุย เร๊อ คูอปอลโล โอ่เตเพร. อา อาโอ่เป๊เจ่เค เด๊อ วีอเล็กซานเดรีย, เร๊อ อา แฮ เด๊อ วีเอเฟซัส อา หม่า แกแย เฮ๊เบ่แจ่เฮ๊เบ่แหน่ ลา เตเพร. โท๊โต่ ลีเทส่อพ๊า อา ตารา ราม๊าราแด เต๊เห๋ หม่า อา ซิเงโปลปลื๊อ ลอ เจ๊อ.

เพรโด่แนพู๊ เต๊เห่ 24:25

เร๊อ เบ๊อะคูเปาโล เฮ๊เบ่ เป่ โป่ ลู เร๊อ เตจ๊อเต, เตเป๊อแลหนิ เหน่ เร๊อ เตเมจากาคยาม๊อเนอ เด๊อ อา เก่ แฮ ปา อาหรี่อาแก เออ เบ๊อะเนอ, คุ๊ยดุ เฟลิกส์ ซิอิเช เร๊อ อา เฮ๊ ลู เน๊อ, “เออตื๊อหื่อ เร๊อ เน กาหนิ เฮ๊อ. แว ค๊าขิ เก่ โอ่ ปา เฮ๊เรอ, แว เก่ เอ๊แฮโป่ คยา เน ปา.”

ꤗꤢ꤬ꤊꤢꤨ 6:21

เบ๊อะคุ๊ยเฮโรด อาม๊อเนอกาโอ่ อาม๊อเนอ แฮโต่เฮ๊อ เบ๊อะเนอ, เบ๊อะแร๊แหน่เจ๊อ เด๊อ โหมะเฮโรเดียส อา เมเซอแก คูยอห์น. คุ๊ย เมป่วย เกอเร๊อ อา อาม๊อเนอกาโอ่ เร๊อ อา เล๊เอ่เล๊โอ เกลอฮู๊ทวาดุ ทวาเต เต๊เห่, เด๊อ เก่ กู่กล๊อ เต๊เห่, เร๊อ แกแย ทวาดุทวาเต เด๊อ กาลิลี เก่กู เนอเต๊เห่.

เพรโด่แนพู๊ เต๊เห่ 19:1

เบ๊อะคูอปอลโล โอ่เบ๊อะวีโครินธ์ อากู เบ๊อะเนอ, คูเปาโล จว๊าตาลว๊าแก ฟรีเจียเก่, เร๊อ อา จว๊าโต่ เด๊อ วีเอเฟซัส อากู. อา แม๊เถอะ เร๊อ เพรหยื่อเอ่ เต๊เห่ เบ๊อะวีเอเฟซัส อากูเนอ.

ꤒꤤꤒꤢꤨ 3:13

แอ๊จื๊อ เด๊อะอ๊าเด๊อะเหร่ เมจว่าเกอ เป่โก๊หลื่อ เพรเฮ๊เบเมโตเต คูเศนาส เร๊อ คูอปอลโล อา เตจว๊าเตกา อาเง เออเนอ นี๋. โท๊โต่ แม๊ ตี๊หรี่แตแร เป่ โป่ เต เด๊อ เหย่ซี โหล่ เนอเต๊เห่ นี๋.

เพรโด่แนพู๊ เต๊เห่ 15:34

หม่าแน๊เรอ คูสิลาส แด่แล อาซิปล่อ เน๊อ อา เก่ โอ่แก เบ๊อะเนอ.