โครินธ์ อาเหร่อเล๊อ ต๊าบ่า 16:11 - ลีเทส่อพ๊าอาเซ เร๊อ เห่ขุทวาลู๊

¹¹ ซี เบ่ เตเน ปีตี๊หนิ ลู เตเพร่ว โต่. แซ่ฮู๊ อา เก่ กาโต่เบ๊ คยา เด๊อ แว โอ่, โท๊โต่ แซ่ฮู๊ อา เก่ จว๊า แฮเง โมโม แร๊แร๊ โป่ แกล๊ เด๊อ เง ตากยา อาเงเนอ, ซี เบ่ เมจว่า ลู, เมเตเฮ๊เรอ แว โอ่ป่อแม๊ชือ อา เร๊อ อาโค โป่แหว่ ครี๊พู๊ เด๊อ อาโร เต๊เห่ เก่ กาโต่ โหร่ลอ ลู เด๊อ แว โอ่.

Eastern Kayah Shadaw Dialect

¹¹ ꤞꤤ꤭ ꤙꤢꤩ꤬ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤꤔ꤫ꤤ꤬ ꤜꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤊꤢ꤬ꤒ꤫ꤥ꤬ꤙꤢꤩ ꤋꤛꤢ꤭ ꤘꤣ ꤠꤢꤧ꤭ ꤥ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤡꤝꤢ ꤟꤢꤧ꤭ꤑꤢꤩ꤭ ꤗꤥ꤬ꤗꤥ꤬ ꤚꤢꤧꤚꤢꤧ ꤕ꤫ꤥ꤬ ꤊꤜꤢꤧ ꤘꤣ ꤑꤢꤩ꤭ ꤒꤣ꤬ꤊꤛꤢ꤭ ꤢ꤬ꤑꤢꤩ꤭ꤔꤣꤧ꤬, ꤞꤤ꤭ ꤙꤢꤩ꤬ ꤗꤢꤩ꤬ꤡꤝ꤫ꤢ꤬ ꤜꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤢ꤬ ꤔꤢꤧ ꤢ꤬ꤋꤥ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤊꤢ꤬ꤒ꤫ꤥ꤬ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤘꤣ ꤠꤢꤧ꤭ ꤥ꤬꤯

โครินธ์ อาเหร่อเล๊อ ต๊าบ่า 16:11 ပူးပေါင်းရင်းမြစ်များ

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

เพรโด่แนพู๊ เต๊เห่ 15:33

เหย่ซี โอ่งยา เบ๊อะเนอ เตอเปลอฮู๊ โทเร๊อ แกแย เด๊อ อา หยื่อเอ่แลแค เตเต๊เห่ อากาโมกาแร๊ เหย่ซี เด๊อ อู นอแฮ เหย่ซี เต๊เห่ อา โอ่.

ꤒꤤꤒꤢꤨ 2:15

อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.

โครินธ์ อาเหร่อเล๊อ ต๊าบ่า 16:10

ช๋า คูทิโมธี แฮ เต่อเกอ ซี ปา เบ๊อะเนอ, แม๊ตู่ แร๊ อา นี๋, เมเตเฮ๊เรอ อา หม่า แบ่เจ่ อาหลู่เล๊ เตเพร เด๊อ อา แซ่เกอดื่อ เร๊อ แว เออเนอ เฮ๊อ.

โครินธ์ อาเหร่อเล๊อ ต๊าบ่า 16:6

แว เก่ แฮ โอ่เล งยา เกอ ซี ตี๊กิ ปา เก่. ตาแร๋ หม่า แว โอ่ปลื๊อ ตาลว๊า เกอ ซี เร๊อ เก่โหร่เค เออ ปา เก่. โทปาเรอ, แว เก่ จว๊า แฮเง โป่ แกล๊ ปา. เร๊อ แว เก่ จว๊า แฮเง โป่ แกล๊ เบ๊อะเต๋ โต๊โผ่ ปาเนอ เบ่เบ่, แว แม๊ชือ เร๊อ ซี เก่ เมจว่าเบ๊ แว แพ๊.

ยอห์น โซบ่า ต๊าบ่า 1:6

เหย่ซี โด่แนโล แลแค เป่ เพรหยื่อเอ่เออ ตู๊หมู่ตอกล๊อ เบ๊อะเออ เต๊เห่ เน๊อ เน เตโม อาหรี่อาแก. แซ่ฮู๊ เหย่ซี เก่ จว๊า แฮเง หนิโป่ แกล๊ เด๊อ เง ตากยาเนอ, แด่ทูซิปล่อ เร๊อ เมจว่า เป่ เหย่ซี ฮู๊ อาโต เร๊อ จอแปแหร่ อา เตซิหยื่อ เนอเต๊เห่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8

ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

เพรโด่แนพู๊ เต๊เห่ 15:3

ฮู๊เนอเรอ เพรหยื่อเอ่ ตู๊หมู่ตอกล๊อ เต๊เห่ ซูจว๊าเต่อ เหย่ซี เด๊อ วีเยรูซาเล็ม เร๊อ เบ๊อะเหย่ซี จว๊า ตาลว๊าปลู๊เบ๊ เฮ๊อ ฟีนิเซียเก่ เร๊อ สะมาเรียเก่ เบ๊อะเนอ, อู แด๊โฉ่โล เป่ เหย่ซี เร๊อ แกแยยิวพู๊ หม่าโต่ เต๊เห่ หยื่อเอ่แลแค เกอเฮ๊อ จอแปแหร่ ฮู๊เตเนอ อาหรี่อาแก อาขว่าอาคยา, เพรหยื่อเอ่ เต๊เห่ เหย่ซีซิครือซิลอ ลอปลี เจ๊อ ปว๋า เตเพร เจ๊อ.

โครินธ์ เนอบ่า ต๊าบ่า 1:16

ฮู๊เนอเรอ แว แด่แล โทเฮ๊อ แว ซิปล่อ เร๊อ ช๋า แว จว๊า เด๊อ มาซิโดเนียเก่ อาเคปาเนอ, แว เก่ จว๊าโนโอ่เล โก๊ล๊า เกอ ซี ปา. โทเรอ ช๋า แว โอ่ เด๊อ มาซิโดเนียเก่ กา เบ๊อะเนอปาเนอ, แซ่เน๊อ ซี เก่ เมจว่าเกอ แว เด๊อ แว เตเร จว๊าโป่ เด๊อ ยูดาห์เก่ เอออาเงเนอ เร๊อ, แว เก่ กาโน โอ่เลโก๊ล๊า เกอ โป่ ซี ปา ปา, แว เตเน ฮู๊เนอ.