โครินธ์ อาเหร่อเล๊อ ต๊าบ่า 15:8 - ลีเทส่อพ๊าอาเซ เร๊อ เห่ขุทวาลู๊

⁸ เด๊อคยาเล๊อ เร๊อ อา โอ่โลแถ่ เป่ เกอลาติ แว เด๊อ อาแซ่เน๊อ เป๊เจ่พู๊ เด๊อ อา โอ่ บาเล เกออู โต่ เออเตเพร.

Eastern Kayah Shadaw Dialect

⁸ ꤘꤣꤋꤛꤢ꤭ꤜꤣ ꤚꤣꤧ꤬ ꤢ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤠꤢꤧ꤭ ꤘꤣ ꤢ꤬ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤢ꤬ ꤥ꤬ ꤙꤢ꤭ꤜꤢꤩ꤭ ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣ꤬ꤖꤚꤢꤩ꤬꤯

โครินธ์ อาเหร่อเล๊อ ต๊าบ่า 15:8 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 9:1

แว หม่า เพรป่าลาพู๊ เตเพร หม่าโต่ แอ? แว หม่า เพรโด่แนพู๊ เต๊เห่ เตเพร หม่าโต่ แอ? หม่า แว แม๊เถอะน๊อ เกอ แหน่ เกอล๋าย เป แบ่เจ่ เหย่ซู่ครี๊ โต่ แอ? แว ครือเม แบ่เจ่ อาเตเม อาขว่าอาคยา, ซี หยื่อเอ่แหน่ เฮ๊อ ครี๊ เฮ๊อ เนอหม่า อาหม่าโต่ แอ?

เพรโด่แนพู๊ เต๊เห่ 26:16

‘หม่าแน๊เรอ ตูรู๊ ก๊อถ่อ คยาแซ๊มอ, แว แฮ โอ่โลแถ่ เป่เฮ๊อ เน เร๊อ แวเหน่ ฮู๊เออ เนอหม่า หม่าเฮ๊อ เด๊อ แว เก่ นว๊าแถ่เฮ๊อ เน เน๊อ เน เก่ ทวาแถ่เฮ๊อ แว เพรโด่แนพู๊ เต๊เห่ เน๊อ เพรข่าเฮ๊โล เตเพร เฮ๊อ. เออเตอเนอ เน แม๊เถอะเฮ๊อ เน๊อ แว เบ๊อะเออ อาหรี่อาแก เออเต๊เห่ เร๊อ เต เด๊อ แว เตเร ยูโล เป่โป่ เน เด๊อคยา ปา เต๊เห่เนอ, เน เบ่ จว๊าแด๊โฉ่โล เป่ลอ อู ป๋า.

เพรโด่แนพู๊ เต๊เห่ 22:18

เด๊อ แว เตแม๊เถอะลว๊า เอออากูเนอ, แว แม๊เถอะ แบ่เจ่ เร๊อ อา เฮ๊ แว เน๊อ, ‘เถ่จว๊าแก แพรแพรเมอ เด๊อ วีเยรูซาเล็ม เอออากูเนอ, เมเตเฮ๊เรอ เนข่าเฮ๊โล เน๊อ เด๊อ แวหรี่แวแก เออเต๊เห่เนอ แกแย เบ๊หมู่ เบ๊อะเออ เต๊เห่ หนิดา เกอ เนเต โต่.’

เพรโด่แนพู๊ เต๊เห่ 18:9

เตเซเนอ, คูเปาโล แม๊เถอะ เตแม๊ลว๊า เต๊อเจ่อ เร๊อ แบ่เจ่ เฮ๊เบ่ ลู เน๊อ, “ซิอิเช แต่เหม่! โอ่โก๊แก แต่ เน เตเฮ๊เบ่ แต่เหม่! โอ่โส่ตือครื๊อ แต่เหม่!

เพรโด่แนพู๊ เต๊เห่ 9:17

ฮู๊เนอเรอ คูอานาเนีย จว๊าโน เด๊อ หี่ เบ๊อะคูเซาโล โอ่ เกอเร๊อ เนอเตเม อากู. โทเรอ อา โนแด่แถ่ อากู๊ขุ เด๊อ คูเซาโล อาลู เร๊อ อา เฮ๊ ลู เน๊อ, “โป่แหว่ คูเซาโล, แซ่ฮู๊ เน เก่ แม๊เถอะ กาคยา แร๊ คยาแซ๊, โทเร๊อ แซ่ฮู๊ เน เก่ เล๊อบาแถ่ เร๊อ แหย่โยบูโพ๊แบ่เจ่ อาเงเนอ, แบ่เจ่ เหย่ซู่ เด๊อ อา โอ่โลแถ่ เป่ โทเฮ๊อ เน เด๊อ แกล๊ลู เนอเตเพร, นอแฮ แว เด๊อ เนโอ่ เฮ๊อ.”

เพรโด่แนพู๊ เต๊เห่ 22:14

“เร๊อ คูอานาเนีย เฮ๊ แว เน๊อ, ‘จอแปแหร่ เด๊อ เปเพ เด๋อ งย๊าเค เต๊เห่ จ๊อเบแถ่ อา เตเพรเนอ, อา นว๊าแถ่เฮ๊อ เน เด๊อ เน เก่ ซิเง เตเด๊อ อาโต ลูซิปล่อ เต๊เห่, โทเร๊อ เน เก่ แม๊เถอะ อา เพรเมเตพู๊ จ๊อเต เตเพร, เร๊อ เน เก่ หนิโฮเบ่ ดื่อ โหง่ เด๊อ อา เฮ๊เบ่ เร๊อดื่อ เน เร๊อ อาเหน่ เออเนอ ปา.

เพรโด่แนพู๊ เต๊เห่ 22:6

“เบ๊อะแว จว๊า ผื่อเฮ๊อ เด๊อ วีดามัสกัส เบ๊อะเหมาะโถ่เฮ๊อ เบ๊อะเนอ, เตลีเตเค โรโซโต๊โก่ โอ่ เด๊อ ม๊อขุ แฮแล ลีตาวา แถ่คย๊า เด๊อ แว อาช๊า.

เพรโด่แนพู๊ เต๊เห่ 26:12

“ฮู๊เนอเรอ เตอเนอเค, แว จว๊า เด๊อ วีดามัสกัส. เร๊อ แว พย๊าจว๊าหนิ ลี ต๊าบ่า เด๊อ เพรหลู่แต ทวาดุทวาเต เต๊เห่ เด๊อะตา แว เน๊อ อา เตอเรอฉว่าชอ เต๊เห่ ต๊าบ่า.