โครินธ์ อาเหร่อเล๊อ ต๊าบ่า 15:58 - ลีเทส่อพ๊าอาเซ เร๊อ เห่ขุทวาลู๊

⁵⁸ ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

Eastern Kayah Shadaw Dialect

⁵⁸ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤊꤢꤨꤔ꤫ꤢꤧ꤬ꤚꤣꤧ꤬ ꤊꤣꤧ꤬ꤓꤢꤪ꤬ ꤒꤣꤧ꤬ꤔꤢꤧ꤭ꤚꤢꤧ ꤜꤢ꤭ꤋꤢꤧ꤭ ꤚꤣꤧ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤢ꤬ꤊꤢꤨ꤭ꤔꤣꤧ꤬ ꤔꤤ꤮꤯ ꤗꤢꤩ꤬ ꤏꤝꤢ꤬ꤏꤝꤢ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤗꤢꤩ꤬ ꤙꤢꤧ꤬ꤡꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤔꤣꤧ꤬ ꤢ꤬ ꤊꤢꤧ꤭ꤘꤢꤩ꤭ ꤘꤣ ꤞꤤ꤭ꤑꤢꤩ꤭ ꤒꤥ꤬꤯

โครินธ์ อาเหร่อเล๊อ ต๊าบ่า 15:58 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 6:9

เมเตแร๊เนอ ซิปล่อปย๊า แลแค แต่เหม่ นี๋. เป เก่ ซิปล่อปย๊าโต่ เฮ๊เรอ, ช๋า ม๊อเนอม๊อเซ โตเก๊ ปาเนอ, เป เก่ เก๊เบ่น๊อ คยาแซ๊ดื่อ เตเส่เตโพ ปา.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

ฟีลิปปี 2:16

แด๊โฉ่โด่แน เป่เกอ แลแค อู เตเซอเพร อาหรี่อาแก เออเนอ นี๋. ซี เก่ เมฮู๊เนอ เฮ๊เร๊อ เบ๊อะครี๊ แฮแล คยาแซ๊ อาม๊อเนอ ปา เตอเนอเนอ, ล๋อ แว เตแอ๊จื๊อ เต๊เห่ เนอ แว เตเอ่เตแร เออเต๊เห่เนอ อา ทวาแถ่ แกเด ปาโต่เฮ๊อ อาขว่าอาคยา, เด๊อ ซีขว่าซีคยา เร๊อ แว เก่ พย๊าแถ่โล เกอเร๊อ แวเหน่ ปา.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.

โครินธ์ อาเหร่อเล๊อ ต๊าบ่า 16:10

ช๋า คูทิโมธี แฮ เต่อเกอ ซี ปา เบ๊อะเนอ, แม๊ตู่ แร๊ อา นี๋, เมเตเฮ๊เรอ อา หม่า แบ่เจ่ อาหลู่เล๊ เตเพร เด๊อ อา แซ่เกอดื่อ เร๊อ แว เออเนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

แบ่เจ่ เก่ เมเอ๊แถ่ เป่ดื่อ ซี เตโมหนิ ลู เร๊อ, ซี เก่ โม หนิ ซิปล่อ เตเมจือ เกอเร๊อลู เตเพร เร๊อ เตเพร, โทเร๊อ ซี เก่ โมเอ๊แถ่ หนิเกอโป่ แกแย เด๊อ อาโร เต๊เห่ แซ่เน๊อ เป โมหนิเร๊อ ซีเนอ นี๋.

โคโลสี 2:7

ช๊อตา แยแย แลแค ซี เตหยื่อ เด๊อ เหย่ซู่ครี๊ อากู ฮู๊ ส่อหรุ่ย ช๊อตาแย เนอ. เร๊อ ดุแถ่ แลแค เด๊อ เหย่ซู่ครี๊ อากู นี๋. ซี หยื่อเอ่ เออเนอ อา เบ่ ฉว่าชอแฮ เน๊อ ชอแฮ เป่แฮ ฮู๊ อู อิซว๊า โทเฮ๊อ ซี เนอ, เร๊อ ล๋อ จอแปแหร่ เม เป่ โทเฮ๊อ ซี เต๊เห่เนอ, ถู่เซ๊ เฮ๊บุ๊ยเฮ๊เตอเรอ แถ่ แลแค ลู นี๋.

โครินธ์ เนอบ่า ต๊าบ่า 7:1

โคแบ๊ซว๊า ซี๋, ล๊อ จอแปแหร่ อ๊อแล เต๊เห่ เนอหม่า เปเง ลอ เฮ๊อ. ฮู๊เนอเรอ, เป เก่ จว๊า ตาพาแก เร๊อ เปเหน่กล่อ อา เตซิหยื่อ มู๊แหม่รีแจ่ เต๊เห่ เร๊อ เป ซิปล่อ อา เตเตเน มู๊แหม่รีแจ่ เออเนอ เต๊เห่ โป๋. เร๊อ เด๊อ เป ซิอิเช แด่ซิแหน่ซิเตเร จอแปแหร่ เออ อาขว่าอาคยาเร๊อ เป เก่ ทวาแถ่ แลแค ดื่อ แกแย เด๊อ อา บูโพ๊ เต๊เห่ โป๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

เปโตร เนอบ่า ต๊าบ่า 3:14

ฮู๊เนอเรอ โคแบ๊ซว๊าโม ซี๋, เด๊อ ซี โอ่ป่อแม๊ชือ เตเออ อาขว่าอาคยา, แซ่ฮู๊ จอแปแหร่ เก่ แม๊เถอะ แต่ ซี เร๊อ แกแย เด๊อ อา โตโพร๊วี๊ เร๊อ เตซื๊อ แต่เหม่, โทเรอ แซ่ฮู๊ อาเหล่แด่ เตซื๊อ เด๊อ ซีโอ่ เก่ โอ่ แต่เหม่, โท๊โต่ แซ่ฮู๊ ซี เก่ โอ่เปดวา เต่อเร๊อ อา ปา เนอ, แอ๊จื๊อแอ๊เหร่ ตื๊อดื่อ แลแค นี๋.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

ฟีลิปปี 1:9

แซ่ฮู๊ ซี เตโม เกอเร๊อ ลู เตเพร เร๊อ เตเพร เออ, อา เก่ ฉว่าแถ่ เร๊อ ฉว่าแถ่, โท๊โต่ แซ่ฮู๊ ซี เก่ ซิเงแฮ เอ๊แถ่ เร๊อ เอ๊แถ่ โป่ แลแค โท๊โต่ แซ่ฮู๊ ซี เก่ ซิเง ลีแมลีเพ๊ แลแค เต เด๊อ อาซื๊อ เร๊อ อาโต เต๊เห่ อาเงเนอเรอ, แว กุยจ๊อเบ เป่ เด๊อ ซีเง แพ๊.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

ฟีลิปปี 4:17

แว แม๊ปู เด๊อ อู เก่ เด๊อะครา แว เชหยู่ ฮู๊เนอ หม่าโต่. แซ่ฮู๊ จอแปแหร่ เก่ เด๊อ ซี เตเมหนิคว๊าเก่ เนอเร๊อ แว ซิปล่อฉว่า ซิหยื่อ แม๊เถอะ เล๊อตาเปล๋ เด๊อ ซี เก่ เม เอ๊แถ่โป่ เตแร๊ เต๊เห่ ฮู๊ ซี เม โทเฮ๊อ เนอเต๊เห่ เจ๊อตาเปล๊.

ꤊꤢ꤬ꤜꤢ꤬ꤒꤤ 4:11

เด๊อ ซี เมฮู๊เนอ อาขว่าอาคยา, แว ซิปล่อกู่ ซิปล่อแก แหน่เจ๊อ เด๊อ ซีเง เจ๊อ. ปาหม่า ล๋อ เตเม เด๊อ แว เม เป่โทเฮ๊อ เด๊อ ซีเง เนอเต๊เห่, ทวาแถ่ แกเด ลอดื่อ เฮ๊อ ปา เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:5

แว โอ่แค ปาโต่ อาขว่าอาคยา, แซ่ฮู๊ คูทิโมธี เก่ ซิเง เร๊อ ซี โอ่หม่าโอ่กลอปา เด๊อ ซี เตหยื่อ แอ, หม่า ซี โอ่หม่า ปา โต่ แอ เนอ, แว ซูแล อา เด๊อ ซี โอ่. แว เบ่ยอ เร๊อ โลเน๊มู๊แหม่รีแจ่ กู่กล๊อ เกล๊ อิลออี๊โหล่ แหน่ ซี เฮ๊อ. โทเรอ ล๋อ เตเอ่เตแร เด๊อ เป เมโท ลอเฮ๊อ เต๊เห่เนอ, อา เก่ แกเด ลอแหน่เฮ๊อ, แว เบ่ยอ ฮู๊เนอ.

ฟีลิปปี 2:30

เมเตเฮ๊เรอ, ซี ย๋อ เมจว่าเบ๊ แว โต่ อาขว่าอาคยา, แซ่ฮู๊ อา เก่ เมจว่า แว อาเงเนอ, เด๊อ ครี๊ อา เตเอ่เตแร อาเง เนอ, อา โอ่ผื่อ เจ๊อ เร๊อ เตเซอ เจ๊อ.

ꤗꤢ꤬ꤊꤢꤨ 3:3

เร๊อ เหย่ซู่ เฮ๊ แกแยเพ กู๊ขุเซอ ตากยา โอ่ เออเตเพร เน๊อ, “แฮ เด๊อ เงเออ.”

ꤜꤢꤨꤊꤢ꤬ 19:19

“เร๊อ อา เฮ๊ อาหลู่เล๊ เออเตเพร เน๊อ, ‘แว เก่ นอเป๊อ เน วี แงวี ปา.’