โครินธ์ อาเหร่อเล๊อ ต๊าบ่า 15:54 - ลีเทส่อพ๊าอาเซ เร๊อ เห่ขุทวาลู๊

⁵⁴ ช๋า เปเหน่กล่อ ถู่แหล่ เต๊เปล่แก เฮ๊อ เร๊อ เหน่กล่อ เด๊อ อา เซอแจ่โต่ เออ ปา เบ๊อะเนอ, อา เก่ เล๊อแถ่บาแถ่ แซ่เร๊อ ลีเทส่อพ๊ากู เฮ๊ เน๊อ, “เตเซอ แลจู่แก เฮ๊อ อู เมเป่ ปลื๊อลา เฮ๊อ ลู เฮ๊อ.”

Eastern Kayah Shadaw Dialect

⁵⁴ ꤏꤢ꤮ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤟꤣꤧ ꤔꤢꤧ ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ ꤞꤣꤧ꤭ꤡ꤫ꤢꤧ꤬ꤒꤥ꤬ ꤣꤧ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤞꤢꤧꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤒꤢꤩ꤬ꤞꤣꤧ꤭ ꤜꤣꤧ꤬ꤡ꤫ꤢꤨ꤬ꤊꤢꤧ꤭ ꤟꤣꤧ, ꤢꤨ꤭ ꤗꤢꤩ꤬ꤕ꤫ꤢꤩ꤬ ꤕꤜꤢꤦꤜꤢ꤭ ꤟꤣꤧ ꤜꤢꤨ꤭ ꤟꤣꤧ꤯”

โครินธ์ อาเหร่อเล๊อ ต๊าบ่า 15:54 ပူးပေါင်းရင်းမြစ်များ

เตเด๊อะโลแถ่ 20:14

โทเรอ เด๊อคยาเนอ, เตเซอ อาโหมะเพ เร๊อ โลเน๊มู๊แหม่รีแจ่ดอ เต๊เห่เนอ, อู วีตาแก เหย่ซี เด๊อ หมิเผ่ อากู. หมิเผ่ เออ หม่า หม่าเฮ๊อ เตเซอ เนอโพ๊โตโพ๊ เฮ๊อ.

เตเด๊อะโลแถ่ 21:4

จอแปแหร่ เก่ ทื๊อซูแก ลอ เหย่ซี อาเป๊เส่เทอ ปา. เตเซอ โอ่ ปา โต่. เตซิเปล เบ่เบ่, เตโหง่เตเห่ เบ่เบ่, เตเชเหน่เชแบ่ เบ่เบ่ อา โอ่ ปา โต่. เต เด๊อ อา ทวาแถ่น๊อ เด๊อ เห่ขุ อาเลอ เออต๊าบ่า เต๊เห่เนอ, อา โอ่ ปา โต่ เฮ๊อ.”

ꤜꤢꤨꤊꤢ꤬ 20:36

เหย่ซี เก่ แซ่ เร๊อ เตเน่วม๊อขุ เนอเต๊เห่ ปา เร๊อ อา เซอ แจ่ ปา โต่. เหย่ซี ก๊อถ่อ กาคยา เด๊อ เตเซอ ปา อาขว่าอาคยา, เหย่ซี หม่า จอแปแหร่ อาพู๊ เต๊เห่ เฮ๊อ.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤚꤥꤗꤢꤩ꤬ 6:12

ฮู๊เนอเรอ, แซ่ฮู๊ ซี เก่ ครวาเม เกอ ปา แต่ เตซิหยื่อ ปาต๊าเปอเตอ มู๊แหม่ เต๊เห่ แต่เหม่เนอ, นอเป๊อหนิ ปา แต่ ซี เหน่กล่อ เด๊อ อา เซอแจ่ เออเนอ เร๊อ เตซื๊อ เออเนอ แต่เหม่ นี๋.

ꤚꤥꤗꤢꤩ꤬ 1:23

เหย่ซี โต จ๊อเบแถ่ จอแปแหร่ เด๊อ อา โอ่ เร๊อ อา เตอเรอดุเตอเรอทู เร๊อ อา เซอแจ่โต่ เออเตเพร, หม่าแน๊เรอ อา จว๊า จ๊อเบ เต๊เปล่ดื่อเง เตแหย่โยแหย่กี เด๊อ อู แบ๊ เร๊อ กู๊ขุ เต๊เห่. เหย่ซี จ๊อเบ เตแหย่โยแหย่กี เด๊อ อาแซ่เน๊อ แกแย เด๊อ อา เซอแจ่ เออเนอเต๊เห่, หม่าโต่เรอ อาแซ่เน๊อ ถู่พู๊โหย่พู๊ เต๊เห่, หม่าโต่เรอ อาแซ่เน๊อ เตมีเตดอ เต๊เห่, โต่หม่าแน๊ อาแซ่เน๊อ หรู่แปล๊ เตเท๊ เต๊เห่.

โครินธ์ เนอบ่า ต๊าบ่า 5:4

เบ๊อะเป โอ่ปา เด๊อ หี่ หม่าเฮ๊อ เปเหน่กล่อ เด๊อ เห่ขุเออ เตเมกู เบ๊อะเนอ, เป แม๊เถอะเบ่ เร๊อ เตแป่เตเช อาขว่าอาคยา, เป โปโอเปเช เซ๊โหมะโขร่ฮา เจ๊อ. แว เฮ๊ เร๊อ เป ซิหยื่อ โอ่ตาพาแก ลา เฮ๊อ เร๊อ เปเหน่กล่อ เฮ๊อ ฮู๊เนอ หม่าโต่. แว ซิหยื่อ เฮ๊ เน๊อ, แซ่ฮู๊ เปเหน่กล่อ เด๊อ อา เซอแจ่เออ, อา เก่ ถู่แหล่ เต๊เปล่แก เร๊อ เปเหน่กล่อ เด๊อ อา เซอเพร ตูจูเพร ปา อาเง เออเนอ, เป ซิหยื่อ กาโอ่ ลา เฮ๊อ เด๊อ เหน่กล่อ อาเซ เออเนอ อากู เฮ๊อ, ฮู๊เนอ แพ๊.