โครินธ์ อาเหร่อเล๊อ ต๊าบ่า 15:51 - ลีเทส่อพ๊าอาเซ เร๊อ เห่ขุทวาลู๊

⁵¹ กู๊แหน่เออ แว ซิหยื่อ เฮ๊ เป่ ซี เต เด๊อ อู ซิเง ล๋ายโต่ เนอเต๊เห่. เป เก่ เซอ ลอ ปว๋า เตเพร ปาเนอ หม่าโต่. หม่าแน๊เรอ เปเหน่กล่อ เออเนอ อา เก่ ถู่แหล่ เต๊เปล่แก ลอ ปว๋า เตเพร ปา.

Eastern Kayah Shadaw Dialect

⁵¹ ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤢꤩ꤬ ꤞꤤ꤭ ꤒꤢꤩ꤬ ꤘꤣ ꤢꤨ꤭ ꤞꤤꤑꤢꤩ꤭ ꤜꤢ꤭ꤟꤤꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤊ꤫ꤢꤦ꤬ ꤞꤣꤧ꤭ ꤜꤢꤪ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤜꤢꤪ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭꤯

โครินธ์ อาเหร่อเล๊อ ต๊าบ่า 15:51 ပူးပေါင်းရင်းမြစ်များ

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

เอเฟซัส 1:9

เร๊อ อา เด๊อะโล เฮ๊อ เป เร๊อ อา เตตี๊หรี่โห่ เต๊หรี่เซ๊ เออเนอเฮ๊อ. อา แด่แล โทเฮ๊อ อาซิปล่อ เด๊อ อา เก่ เมเล๊อเมบาแถ่ อา เตเต๊หรี่โห่ เต๊หรี่เซ๊ เออเนอ เร๊อ ครี๊ เฮ๊อ. เออ หม่า หม่าเฮ๊อ เด๊อ อา ซิหยื่อ เด๊อะโล เป่ เป เร๊อ อา เตเต๊หรี่โห่ เต๊หรี่เซ๊ เออเนอเฮ๊อ.

โครินธ์ อาเหร่อเล๊อ ต๊าบ่า 4:1

ซี โต แด่ แลแค เป ฮู๊ เหย่ซู่ครี๊ อาหลู่เล๊ เต๊เห่เนอ. ซี โต แด่ แลแค เป ฮู๊ เพรแรเต เต๊เห่ เด๊อ อา อิซว๊าอี๊แส่ แด๊โฉ่โปล เป่ อู เร๊อ เตหมะเตจ๊อ เด๊อ อู ซิเงน๊อ ล๋ายโต่ เด๊อ เนอเค เต๊เห่. เร๊อ จอแปแหร่ เด๊อะตาเฮ๊อ เป เตเม เด๊อ เป เก่ เม เออ อาเง เฮ๊อ.

โครินธ์ อาเหร่อเล๊อ ต๊าบ่า 15:6

โทเรอ เด๊อคยาเนอ, อา โอ่โลแถ่ เป่ โป่ อา โคเจ่ แงเย โตโพ๊โต. เร๊อ แกแย เด๊อ อา แม๊เถอะ ลู เออเต๊เห่เนอ, เต๊เห่เห่ หม่า อา เซอโทเฮ๊อ หม่าแน๊เรอ เต๊เห่เห่เนอ, อา โอ่เซอเพร โต่ปา กู๊แหน่เค เออเนอ อา โอ่ เอ๊เล๊อ ปา เจ๊อ เร๊อ อา เซอ โท เนอเต๊เห่ เจ๊อ.

โครินธ์ อาเหร่อเล๊อ ต๊าบ่า 2:7

แว แด๊โฉ่โด่แน เป่ อู เร๊อ จอแปแหร่ อา เตลีแมลีเพ๊ เด๊อ อาจ่ออาแย เต๊เห่. เด๊อหนู่เด๊อะส่า เคเนอ, จอแปแหร่ เด๊อะโล เป่ แต่ล๋าย อู เน๊อ เตลีแมลีเพ๊ เออเต๊เห่ ล๋ายโต่. เด๋อ จอแปแหร่ แบ๊แล แต่ล๋ายเห่ขุ โต่ อาเค ปาเนอ, อา เตเนหนื่ออื่อ เป่ โทเฮ๊อ เด๊อ อา เก่ เม เป่ เป เตอเรอดุเตอเรอทู เออเต๊เห่ เฮ๊อ.

เอเฟซัส 5:32

โหง่ เออเนอหมา อาจ่ออาแย เด๊อ อู ซิเงทว๊า โต่, ตื๊อดื่อเรอ โหง่ เออเนอหมา อา ซิหยื่อ เฮ๊ดื่อ ครี๊ เร๊อ อา เพรหยื่อเอ่ เออ ตู๊หมู่ตอกล๊อ เต๊เห่ แพ๊.

เอเฟซัส 3:3

จอแปแหร่ เด๊อะโล เป่ แว เร๊อ เตอาจ่ออาแย เด๊อ อู ซิเงทว๊า โต่ เออเนอ, แว ราโล ซิเงจว๊า เป่ โทเฮ๊อ ซี เด๊อ ลีเออต๊าบ่า อากูเนอ ตอกอตี๊กิ เฮ๊อ.

โครินธ์ อาเหร่อเล๊อ ต๊าบ่า 15:18

ซี เฮ๊เออ อา เก่ โต เฮ๊เรอ, แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา จว๊าโต่ลอ เฮ๊อ เด๊อ หง่าหร่า ปอรากยากู เฮ๊อ.

โครินธ์ อาเหร่อเล๊อ ต๊าบ่า 13:2

แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.

โครินธ์ เนอบ่า ต๊าบ่า 5:2

หม่าแน๊เรอ, เป ย๋อ แม๊ชือ ซิหยื่อ กาโอ่ ลาเฮ๊อ หี่ เด๊อ ม๊อขุ เออเตเม อาขว่าอาคยา, เบ๊อะเป โอ่ปา เด๊อ หี่ เด๊อ เห่ขุเออ เตเมกู เบ๊อะเนอ, เป ซิหนิโส่ เซ๊โหมะโขร่ฮา แหน่เจ๊อ.

โครินธ์ เนอบ่า ต๊าบ่า 5:4

เบ๊อะเป โอ่ปา เด๊อ หี่ หม่าเฮ๊อ เปเหน่กล่อ เด๊อ เห่ขุเออ เตเมกู เบ๊อะเนอ, เป แม๊เถอะเบ่ เร๊อ เตแป่เตเช อาขว่าอาคยา, เป โปโอเปเช เซ๊โหมะโขร่ฮา เจ๊อ. แว เฮ๊ เร๊อ เป ซิหยื่อ โอ่ตาพาแก ลา เฮ๊อ เร๊อ เปเหน่กล่อ เฮ๊อ ฮู๊เนอ หม่าโต่. แว ซิหยื่อ เฮ๊ เน๊อ, แซ่ฮู๊ เปเหน่กล่อ เด๊อ อา เซอแจ่เออ, อา เก่ ถู่แหล่ เต๊เปล่แก เร๊อ เปเหน่กล่อ เด๊อ อา เซอเพร ตูจูเพร ปา อาเง เออเนอ, เป ซิหยื่อ กาโอ่ ลา เฮ๊อ เด๊อ เหน่กล่อ อาเซ เออเนอ อากู เฮ๊อ, ฮู๊เนอ แพ๊.