โครินธ์ อาเหร่อเล๊อ ต๊าบ่า 15:45 - ลีเทส่อพ๊าอาเซ เร๊อ เห่ขุทวาลู๊

⁴⁵ “แกแยเห่ขุพู๊ อาเหร่อเล๊อ เตเพร เด๊อ อู เอ๊ ลู เร๊อ เพอาดัม เออเนอ จอแปแหร่ เด๊อ ลู ซิปล่อเซอเพร,” ลีเทส่อพ๊ากู เฮ๊ฮู๊เนอ. หม่าแน๊เรอ เหย่ซู่ครี๊ เด๊อ อู เอ๊ ลู เร๊อ เพอาดัม เด๊อ คยาเล๊อ เออเตเพรเนอ, อา เด๊อะตา แฮเง เฮ๊อ แกแยเห่ขุพู๊ เต๊เห่ อา เตโอ่เซอเพร อาเซ เร๊อ แหย่โยบูโพ๊ แบ่เจ่ เฮ๊อ.

Eastern Kayah Shadaw Dialect

⁴⁵ “ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤖꤢꤩ꤭ꤢ꤬ꤘꤢ꤬ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬,” ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤖꤢꤩ꤭ꤢ꤬ꤘꤢ꤬ ꤘꤣ ꤋꤛꤢ꤭ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤘꤣꤧꤒꤢ꤭ ꤘꤤ꤭ꤒ꤫ꤢꤦ꤬ ꤟꤣꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 15:45 ပူးပေါင်းရင်းမြစ်များ

ꤛꤥ꤭ꤟꤢ꤬ 5:21

ฮู๊ แวเพ เมเซอเพร กาคยา แกแย เด๊อ อา เซอ เร๊อ อา เด๊อ อู ซิปล่อเซอเพร เนอ, อาพู๊คูเออ อา เก่ เด๊อะเป่ เกออู ซิปล่อเซอเพร เด๊อ อา ซิปล่อโอ่ ซิหยื่อ เด๊อะ เป่ อู เนอเต๊เห่ ปา.

เห่ขุทวาลู่ 2:7

โทเร๊อ แบ่เจ่ จอแปแหร่ ตูจูเพร พย๊า เห่ เร๊อ อา แบ๊ เน๊อ เพรคู เตเพร. เร๊อ อา โอ๊โน เก่แลเซ๊ เด๊อ อา เด๊อะ เตเซอเพร เด๊อ เพรคู กู่โพกู เร๊อ เพรคู เออ อา เซอเพรแถ่.

ꤚꤥꤗꤢꤩ꤬ 8:2

เมเตเฮ๊เรอ เด๊อ เป ทวาแถ่ เฮ๊อ ลู เตอเจ๋อ โต เน๊อ เหย่ซู่ครี๊ เฮ๊อ อาขว่าอาคยา, จอแปแหร่ อา แหย่โยบูโพ๊ เม เป่เฮ๊อ เปแกล๊ เด๊อ อาเซ โตโบ เฮ๊อ. โทเรอ อา เมแลเปล๊กา เฮ๊อ แว เร๊อ เตซื๊อ อาเหล่โกล เมโป๊เนอ เด๊อ อา ซูจว๊าเฮ๊อ แว เด๊อ เตเซอ เด๊อ แหย่โย ตากยา เออ อากู เนอเฮ๊อ.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

ꤛꤥ꤭ꤟꤢ꤬ 14:6

เร๊อ แบ่เจ่ เหย่ซู่ เฮ๊ฉื่อ ลู เน๊อ, “แว หม่า แกล๊ เน๊อ เตหม่า เตจ๊อ เร๊อ เตเซอเพร เฮ๊อ. แว ทวา เป่เฮ๊อ อู แกล๊จว๊า เด๊อ เพ อา โอ่ อาขว่าอาคยา, อูเปเป๋ เบ่เบ่, อา เก่ จว๊า เต่อ เร๊อ แว โต่ เฮ๊เนอ, อา จว๊าโต่ แจ่ เด๊อ เพ อา โอ่ เตเพร่ว โต่.

ꤛꤥ꤭ꤟꤢ꤬ 6:57

ฮู๊ แวเพ เด๊อ อา นอแฮ แวเออ เตเพร เซอเพร เนอ, เด๊อ อาขว่าอาคยา, เร๊อ แว เซอเพร เกอ. ฮู๊เนอเร๊อ แกแย เด๊อ อา เอ่ แวหย่า เตเพรเพร เนอ, เด๊อ แวขว่าแวคยา, เร๊อ อา เก่ เซอเพร เกอ ปา.

ꤛꤥ꤭ꤟꤢ꤬ 6:33

เมเตเฮ๊เรอ จอแปแหร่ อาเหล่เอ่ หม่าแหน่ หม่า อา โอ่ เด๊อ ม๊อขุ ตาแล เร๊อ อา เด๊อะเป่ แกแย เห่ขุพู๊ ซิปล่อเซอเพร เนอเตเพร เฮ๊อ,” อา เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 6:54

หม่าแน๊เรอ แกแย เด๊อ อา เอ่ แวหย่า โอ แวสุ่ย เต๊เห่เนอ, อา พย๊าหนิ ซิปล่อเซอเพร ตูจูเพร, เร๊อ ช๋า ม๊อเนอ ตื๊อดื่อ เด๊อ คยาเล๊อ เตอเนอ ปาเนอ, แว เก่ เมเซอเพร ก๊อถ่อกาคยา ลู ปา.

เตเด๊อะโลแถ่ 22:17

จอแปแหร่ อา แหย่โยบูโพ๊ เร๊อ เพรกาฉู่แด่ เพรเหมาะ เฮ๊ เน๊อ, “แฮเมอ แลแค.” ล๋อ แกแย เด๊อ อา หนิโฮ เต เออเต๊เห่เนอ, นอเฮ๊เกอ แลแค เหย่ซี เน๊อ, “แฮเมอ แลแค.” เร๊อ แกแย เด๊อ อา ซิโอเทอ เต๊เห่เนอ, แฮเมอ, แฮพย๊า โอ ครา แลแค เทอ เซอเพรเออ.

เตเด๊อะโลแถ่ 22:1

เตเน่วพู๊ เออเตเพร ยูโล เป่ แว เทอเซอเพร อาเทอแล เด๊อ อา เช๊อเกอเล๊อ แม๊เถอะ โน ล๊อปลู๊ แซ่เจ๊อเร๊อ หล่อซู๊บู แปล๊ลีชี๊ เนอแตแล เร๊อ อา โอ่ เด๊อ จอแปแหร่ เน๊อ อาซิหมิพู๊ อาคุ๊ยจ๊อแผ่ กู่แกล๊เท แถ่โลโอ่เนอ เร๊อ อา ทุ๊ยเถ่.

เตเด๊อะโลแถ่ 21:6

เร๊อ อา เฮ๊ เน๊อ, “อา โทเฮ๊อ, แว หม่า อาเหร่อเล๊อ เร๊อ อาโหน่เล๊อ อู เฮ๊อ. แว หม่า อาแก่ช๊า เร๊อ อาตื๊อดื่อ เฮ๊อ เทอเถ่ขุ เด๊อ อา เด๊อะ ตูจูเพร เนอ อา โอ่ ต๊ออ่อ. แกแย เด๊อ อา ซิโอ เตเพรเพร เนอ, แว เก่ เด๊อะโอครา อา ปา.

โคโลสี 3:4

ครี๊ หม่า เพร เด๊อ อา เด๊อ ซี ซิปล่อเซอเพร เตเพร เร๊อ ช๋า อา ตาแล คยาแซ๊ ปา เนอ, อา เก่ โอ่ เน๊อ อา เตอเรอดุเตอเรอทู ปา. เบ๊อะเนอ อาเค ปาเนอ, ซี เก่ โอ่โลแถ่ เต่อเกอ เน๊อ อา เตอเรอดุเตอเรอทู เออเนอ ปา.

ฟีลิปปี 3:21

เหย่ซู่ครี๊ เก่ ถู่แหล่แก เปเหน่กล่อ เด๊อ อา อ๊าเจ่เหร่เจ่. เร๊อ อา เซอแจ่ เออเนอ เร๊อ เตโพรเตเตอเรอ ปา, เร๊อ อา เก่ เมทวาแถ่คยา เปเหน่กล่อ เออเนอ ฮู๊ อาเหน่กล่อ เร๊อดื่อ เด๊อ อา โอ่ เร๊อ อา เตอเรอดุทู เออเนอ ปา. อา เพรโพรฉว่าชอ เด๊อ อา เมจว่า ลู เด๊อ อา เก่ เป๊อะเบ่ ลอ เตล๋อ ปลี เออเนอ, อา เก่ ถู่แหล่ เต๊เปล่แก ลอ เปเหน่กล่อ เออเต๊เห่ ปา.

ꤚꤥꤗꤢꤩ꤬ 5:21

เมฮู๊เนอเรอ, ฮู๊ เตซื๊อเตปล๊า เพรเป๊อตี๊หรี่ ลอ แกแย ล๋อ ปลี เร๊อ อา นอโอ่ทวาแถ่ เฮ๊อ เตเซอ ฮู๊เนอ, กู๊แหน่เออ แซ่ฮู๊ เป เก่ พย๊าหนิ แฮเง เกอ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อา โอ่ เนอ, จอแปแหร่ อาบุ๊ยอาเตอเรอ เป๊อตี๊หรี่ เกอ เร๊อ เกอ เฮ๊อ เป เร๊อ เตจ๊อเตเต เฮ๊อ.

ꤚꤥꤗꤢꤩ꤬ 5:17

เด๊อ เพรคู เพอาดัม เม เตซื๊อเตปล๊า อาขว่าอาคยา, แกแย ล๋อ ปลี เบ่เซอ เนอหม่า อาโต แพ๊. หม่าแน๊เรอ แกแย เด๊อ อา ซิปล่อโอ่ พย๊าฉื่อ จอแปแหร่ เด๊อะ ลู เร๊อ อาบุ๊ยดุ เตอเรอทู เออเนอ, เร๊อ อา เด๊อะครา ลู เตจ๊อเตเต อาเชหยู่ เออเต๊เห่เนอ, อา เก่ โอ่เซอเพร ตูจูเพร เกอ เร๊อ เหย่ซู่ครี๊ ปา. โท๊โต่ อา เก่ เป๊อ เต่อเกอ เต เร๊อ เหย่ซู่ครี๊ ปา. เมเตเฮ๊เรอ แกแย เตเพร เด๊อ อา หม่า ครี๊ เออเนอ, อา เม เป่ โทเฮ๊อ เต เด๊อ เปเง เฮ๊อ.

เพรโด่แนพู๊ เต๊เห่ 3:15

ซี เมเซอแกเฮ๊อ แกแย เด๊อ อา เด๊อ อู ซิปล่อเซอเพร เออเนอ เตเพร เฮ๊อ, หม่าแน๊เรอ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ. เร๊อ เตทวาแถ่ อาเหน่ ฮู๊เออ เนอหม่า เป แม๊เถอะ เจ๊อ เฮ๊อ เน๊อ เปเหน่ เฮ๊อ.

ꤛꤥ꤭ꤟꤢ꤬ 14:19

เตอเปลอฮู๊ อากูเนอ, แกแย เห่ขุพู๊ เต๊เห่ แม๊เถอะ ปา แว โต่. หม่าแน๊เรอ ซีเนอ, ซี เก่ แม๊เถอะ แว ปา. แว เซอเพร อาขว่าอาคยาเร๊อ ซี เก่ เซอเพร เกอ ปาปา.

ꤛꤥ꤭ꤟꤢ꤬ 10:28

แว เด๊อะ เหย่ซี ซิปล่อเซอเพร ตูจูเพร. อา เก่ เซอ ปา โตโพ๋ โต่. อู แฮ จุ่ยเถ่ แจ่ ปา เหย่ซี เด๊อ แว กู๊ยากู เตเพร่ว โต่.

ꤛꤥ꤭ꤟꤢ꤬ 10:10

เพรเอ่โห่เนอ อา แฮเมเต เฮ๊เนอหม่า, แซ่ฮู๊ อา เก่ แฮ เอ่โห่เอ่ฮี๊ หนิ, อา เก่ แฮ เมเซอหนิ อู, อา เก่ แฮ เมปย๊าเมหลู่แก อู อาเงแพ๊. แว เน๊อ แซ่ฮู๊ อู เก่ หนิ เตเซอเพร โท๊โต่ แซ่ฮู๊ อู เตโอ่เซอเพร เก่ เล๊อบา ตาปอตาเป อาเง เนอเรอ แว แฮ แพ๊.

ꤛꤥ꤭ꤟꤢ꤬ 6:68

คูซีโมน เปโตร เฮ๊ กาคยาฉื่อ ลู เน๊อ, “แบ่เจ่, เป เตเร จว๊าโต เกอ อูเป? เตอิซว๊าอี๊แส่ เด๊อ อา เด๊อะ เป ซิปล่อเซอเพร ตูจูเพร เนอ อา โอ่ แพ๊ดื่อ เด๊อ เนโอ่ แพ๊.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

ꤛꤥ꤭ꤟꤢ꤬ 1:4

อา หม่า เตเซอเพร อา แก่ช๊าแก่แร เร๊อ เตเซอเพร เออเนอ อา เด๊อะ เตลี เด๊อ อู ปว๋า เตเพร อาเง.

เตเด๊อะโลแถ่ 16:3

โทเรอ เตเน่วพู๊ เนอเพร เตเพร กลอตา ลาติ อา เบหล่อดุ เด๊อ เทอดุซาวา อากู เร๊อ เทอ เต๊เห่ ทวาแถ่ แซ๊เร๊อ แกแยเซอ อาสุ่ย เนอ. ล๋อ เตมีเตดอ โอ่ เด๊อ เทอดุซาวา อากู เต๊เห่เนอ อา เซอแก ลอปลีเจ๊อ.

โครินธ์ อาเหร่อเล๊อ ต๊าบ่า 15:46

เปเหน่กล่อ เด๊อ อา เซอแจ่ เออเนอ อา แฮ เหร่อเล๊อ, โทเรอ เป ซิปล่อเซอเพร อาเหน่กล่อ เออเนอ อา แฮเนอ เด๊อ คยา แพ๊.

ꤟꤤꤙꤚꤢꤨ 9:14

ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.