โครินธ์ อาเหร่อเล๊อ ต๊าบ่า 15:4 - ลีเทส่อพ๊าอาเซ เร๊อ เห่ขุทวาลู๊4 โท๊โต่ ลีเทส่อพ๊ากู เฮ๊ โป่ เนอ, อู โล๊โท ครี๊ เร๊อ โซเนอ เตอเนอเนอ อา ก๊อถ่อเซอเพร กาคยา เด๊อ เตเซอ. အခန်းကိုကြည့်ပါ။Eastern Kayah Shadaw Dialect4 ꤓꤥ꤭ꤒꤥ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤕ꤫ꤥ꤬ ꤔꤢꤧ, ꤢꤨ꤭ ꤜꤥꤓꤥ꤭ ꤋꤚꤤ ꤚꤣꤧ꤬ ꤞꤥ꤭ꤔꤣꤧ꤭ ꤒꤣ꤬ꤔꤣꤧ꤭ꤔꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 15:4
35 ပူးပေါင်းရင်းမြစ်များ
แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.
ฮู๊เนอ อาขว่าอาคยา เบ๊อะเป เจเทอ เบ๊อะเนอ, อา แซ่เฮ๊อ เร๊อ เป เซอ เต่อเกอ เฮ๊อ เร๊อ ครี๊ เฮ๊อ, เร๊อ อู โล๊ ตาเต่อเกอ เฮ๊อ เป เร๊อ ครี๊ เด๊อ โลกู เฮ๊อ. เด๊อ เปเพ จอแปแหร่ อา เตเตอเรอดุทู โพร อาขว่าอาคยา, ฮู๊ อา เมเซอเพร กาคยา คยาแซ๊ ครี๊ เด๊อ เตเซอ อากูเนอ, อา เก่ เด๊อะ โอ่เซอเพร เกอ เป เออเต๊เห่ เร๊อ เตเซอเพร อาเซ ปา.
โทเร๊อ อา เฮ๊ เป่ โป่ เหย่ซี เน๊อ, “แกแยพู๊คู หม่า แวเออ, อา เบ่ ข่าเบ่ แหน่ เตจาเตจือ ปว๊าเต๊อเจ่อ ปา, เร๊อ ยิวตู๊หมู่ตอกล๊อ อากู่กล๊อ เต๊เห่ เร๊อ เพรหลู่แต ทวาดุทวาเต เต๊เห่ เร๊อ เพรอิซว๊า เตซว๊าเตแส่ อาซ๊าร๊า เต๊เห่ อา จู แว โต่, อา เก่ ซ๊อต๊าหน่า แก แว ปา. อู เมเซอแก แว ปา เร๊อ โซเนอ เตอเนอ ปาเนอ จอแปแหร่ เก่ เมเซอเพร กาคยา คยาแซ๊ แว ปา.”
เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.
เมเตเฮ๊เรอ, อา แด่หม่าแด่กลอ โทเฮ๊อ ม๊อเนอม๊อเซ เด๊อ อา เก่ เมโตเต จ๊อจ๊อเตเต ลอ เจ๊อ เห่ขุต๊าบ่า ปา. จอแปแหร่ นว๊าแถ่ โทเฮ๊อ เพรเมโตเต เตเพร เฮ๊อ. เร๊อ อา เด๊อะโล เป่ โทเฮ๊อ อูปว๋า เตเพร เร๊อ อาเตข่าเฮ๊โล เฮ๊อ. เร๊อ อา เตข่าเฮ๊โล เออ อาหรี่อาแก หม่า หม่าเฮ๊อ อา เมก๊อถ่อ เซอเพร กาคยา คยาแซ๊ แกแย เนอเตเพร เด๊อ เตเซอ เออเนอเฮ๊อ.”
อา ข่าเซอโทเฮ๊อ อาเหน่ เร๊อ อา ก๊อถ่อเซอเพร กาคยา เด๊อ เตเซอ โทเร๊อ เด๊อคยา อาเนอ ลุยเชอ อากูเนอ, อา เด๊อะโล เอ๊เป่ลา อาเหน่ เร๊อ อา โคเจ่ เต๊เห่. โทเร๊อ อา แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก. อา โคเจ่ เต๊เห่ แม๊เถอะ อา เร๊อ อาซิปล่อ หร่าเหร่ ปา แลแค โต่. เหย่ซี หยื่อเอ่ แหน่แหน่ เจ๊อ เน๊อ อา เซอเพร หม่าแหน่ เจ๊อ.
เป๊อแถ่ เบ๊อะเนอ เร๊อ ตาแฮเงเนอ, แบ่เจ่ เหย่ซู่ เฮ๊โฉ่โปล เป่ อา โคเจ่ เต๊เห่ เนอ, แว เบ่จว๊า เด๊อ วีเยรูซาเล็ม เร๊อ แกแยยิวพู๊ เตจ๊อบู่จ๊อเบ โหมะพรู โหมะเผระ, เพรหลู่แต ทวาดุทวาเต, เพรอิซว๊า เตซว๊าเตแส่ อาซ๊าร๊าเต๊เห่ เหย่ซี เก่ เมจาเมจือ แว ปว๊าเมว ปว๊าเจ่อ ปา. เหย่ซี เก่ เมเซอ แว ปา หม่าแน๊เรอ โซเนอโซเซ ปา จอแปแหร่ เก่เมเซอเพร กาคยา แว ปา.
ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.
โทเรอ แกแยอาริมาเธีย หม่าคูโยเซฟ จว๊ากูย เหย่ซู่ อาโล เออ เด๊อ คุ๊ยปีลาต อา โอ่. คูโยเซฟ หม่า แบ่เจ่ เหย่ซู่ อา โคเจ่ เตเพร, หม่าแน๊เรอ อา ย๋อ ซิอิเช แกแยยิวพู๊ เต๊เห่ อาเหล่ อาขว่าอาคยา, อา ทวาโห่ทวาเซ๊ แพ๊ ลู โคเจ่ แพ๊. อา จว๊ากูย คุ๊ยปีลาต เออเนอ, อา จู ลู เร๊อ อา แฮ พย๊าดว้า จว๊าแก แบ่เจ่ อาโล เออ.
ကြော်ငြာတွေ