โครินธ์ อาเหร่อเล๊อ ต๊าบ่า 15:34 - ลีเทส่อพ๊าอาเซ เร๊อ เห่ขุทวาลู๊

³⁴ เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

Eastern Kayah Shadaw Dialect

³⁴ ꤒꤣꤧ꤬ꤔꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤋꤛꤢ꤭ꤞꤢꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤞꤤ꤭ ꤗꤢꤩ꤬ꤒꤢꤩ꤬ꤞꤢꤦ ꤔꤣꤧ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤒ꤫ꤥ꤬ꤊꤢꤨꤔ꤫ꤢꤧ꤬ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤊꤣꤧ꤭ ꤜꤢ꤭ꤟꤤ ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤥ꤬꤯ ꤒꤢꤩ꤬ꤥ꤬ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤞꤤ꤭ ꤒꤥ꤭ꤙꤢꤩ꤬ ꤞꤤꤒꤣꤧ꤬ꤚꤢꤩ꤭ ꤔꤢꤧ꤬ꤡꤣꤧ꤯

โครินธ์ อาเหร่อเล๊อ ต๊าบ่า 15:34 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 6:5

ซิเตเร แหน่ เจ๊อ. เด๊อ ซี เพรหยื่อเอ่เต ตู๊หมู่ตอกล๊อ อาเกล เร๊อดื่อ เนอ แกแย เด๊อ อาโอ่ เร๊อ เตเตเนแจ่ เร๊อ อา เฮ๊เบ่ เมจากาคยาแจ่ เป่ ครี๊พู๊ เออเต๊เห่ อา เตกย๊างา ลู เออ เบ๊อะอาเปล่กู เนอ ปีตี๊ตื๊อดื่อ เตเพร เนอหม่า อาเกล๊ โอ่ แหน่ แพ๊.

ꤚꤥꤗꤢꤩ꤬ 13:11

ซี เบ่ โมเร๊อ อู เมเตเฮ๊เรอ กู๊แหน่ เออเนอ ซี ซิเง เร๊อ ม๊อเนอ เด๊อ อา โหล่ดุ หม่าแหน่เล๊อ เออเต๊อเจ่อเนอ อา เตเร ผื่อ แฮโต่เฮ๊อ. ก๊อถ่อมอ แลแค, อา โต โอ่เมอปาโต่ เฮ๊อ. เตเมแลเปล๊กา เป เออเนอ, อา แฮโต่ ผื่อเล๊อ เฮ๊อ เน๊อ ม๊อเนอม๊อเซ เด๊อ เป หยื่อเอ่ ลู่ เค เนอเฮ๊อ.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

โครินธ์ อาเหร่อเล๊อ ต๊าบ่า 8:7

หม่าแน๊เรอ, เป โป่แหว่ ครี๊พู๊ เต๊เห่เห่ เด๊อ อา ซิเง ตาเต เกอ ลอ ลา เตซิเง เด๊อ แว รา เป่ ซี กู๊แหน่เออ โต่ เนอ อาโอ่ เต๊เห่. เบ๊อะเหย่ซี หยื่อเอ่ แต่ล๋าย เหย่ซู่ โต่ เบ๊อะเนอ, เหย่ซี เตเน เร๊อ เตแหย่โย เออเต๊เห่ เนอหม่า อา เตอเรอฉว่าชอ โอ่ อาขว่าอาคยา, เหย่ซี เตเร วีแก อา เตเตเน เออเต๊เห่เนอ, อาแป่อาเช แหน่เจ๊อ เด๊อ เหย่ซี อาเง เจ๊อ. เร๊อ เบ๊อะเหย่ซี เอ่เฉ่เอ่ เด๊อ อู หลู่แตแถ่ เร๊อ เตแหย่โย เออเต๊เห่ เบ๊อะเนอ, อา โม ลูซิปล่อ โต่, เร๊อ อา เมซื๊อ เฮ๊อ เต เฮ๊อ อา เตเน แลแค ฮู๊เนอ.

ꤚꤥꤗꤢꤩ꤬ 1:28

โท๊โต่ เหย่ซี ซิเง โทเฮ๊อ จอแปแหร่ อาหรี่อาแก หม่าแน๊เรอ, อา พย๊าฉื่อ แลแค โต่, อา แด่ เต เตอเจ๋อ โต่ อาขว่าอาคยา, จอแปแหร่ นอเป๊อแก เหย่ซี เร๊อ เหย่ซี อาเหล่เตเน มู๊แหม่รีแจ่ เร๊อดื่อ เต๊เห่ เร๊อ อาปลวา เม แลแค เหย่ซี เร๊อ เต เด๊อ อา โต เมโต่ เนอเต๊เห่ เฮ๊อ.

ꤛꤥ꤭ꤟꤢ꤬ 8:11

เร๊อ อา เฮ๊ฉื่อ ลู เน๊อ, “อา โอ่ปา เตเพร่ว โต่.” เร๊อ แบ่เจ่ เหย่ซู่ เฮ๊ ลู เน๊อ, “แว หม่า แว เมจากาคยา เน โต่โต่. กามอ เร๊อ เมปา เต เตซื๊อ แต่เหม่ นี๋,” อา เฮ๊ ลู ฮู๊เนอ.

ꤛꤥ꤭ꤟꤢ꤬ 5:14

อาเนอเนอ, เหย่ซู่ แม๊เถอะ คยาแซ๊ อา เด๊อ เตหลู่แตโฮกู เร๊อ อา เฮ๊ ลู เน๊อ, “หนิดา, แว เฮ๊ เน, กู๊แหน่เออ เน เตชุ๊ย โอ่เหม่เฮ๊อ. แซ่ฮู๊ เน เก่ แม๊เถอะเบ่ ปา แต่ เน๊อ เต เด๊อ อาจา เล๊อ เจ๊อ เร๊อ เออ ปา แต่เหม่เนอ เมปา แต่ เตซื๊อ แต่เหม่ นี๋.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:5

นอเป๊อ แลหนิ แต่ ซีเหน่ เร๊อ เตลือเมโมเร๊อ เหน่เต๊เห่ เร๊อ เตปาต๊าเปอเตอ อา เตซิหยื่อซิลอ ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ แต่เหม่ นี๋.

มัทธิว 22:29

เร๊อ แบ่เจ่ เหย่ซู่ เฮ๊ฉื่อ กาคยา เหย่ซี เน๊อ, “ซี เตเนซื๊อ ลอเฮ๊อ, เมเตเฮ๊เรอ ซี ซิเง ตาเต เกอ อู ลีเทส่อพ๊า เร๊อ จอแปแหร่ อา เตโพรอาฉว่าอาชอ เมแจ่ เต เต๊เห่ โต่.

เพรโด่แนพู๊ เต๊เห่ 26:8

จอแปแหร่ เมเซอเพร กาคยาแจ่ แกแยเซอ เต๊เห่เนอ, ซี เบ๊อะเนอ เต๊เห่ จว๊าเตเน โต่ แลแค เน๊อ อา เมแจ่ เกออู โต่ ฮู๊เต?

โครินธ์ อาเหร่อเล๊อ ต๊าบ่า 4:14

แว ซิหยื่อ นอซิเตเร ซี เร๊อ แว รา จว๊า เป่ ซี ลี เออเนอ หม่าโต่. แว โมเร๊อ ซี ฮู๊ แวพู๊ เร๊อ แวเหน่ เนอ เร๊อ แว อิซว๊าอี๊แส่ จว๊า เกอเร๊อ ซี แพ๊.