โครินธ์ อาเหร่อเล๊อ ต๊าบ่า 15:32 - ลีเทส่อพ๊าอาเซ เร๊อ เห่ขุทวาลู๊

³² เบ๊อะวีเอเฟซัส อากู เออเนอ, แว ข่าเบ่ แหน่เจ๊อ เตจาเตจือ เจ๊อ, เมเตเฮ๊เรอ แกแย เด๊อ อา ซิเถ่ซิฮา แว เต๊เห่เนอ อา ซิหยื่อ เอ่ แวหย่า เนอหม่า อา แซ่เจ๊อเร๊อ เตมีเตแหม่ เต๊เห่เนอ เจ๊อ. ฮู๊เนอเรอ, แว เก่ หยื่อเอ่ เร๊อ แกแย เซอโท เต๊เห่ เก่ เซอเพร กาคยา ปาโต่ เก่เฮ๊เรอ, แว จว๊า แด่ทูซิปล่อ, ข่าจาข่าจือ เกอเต๋ เออ เมเต? เก่ อู เซอ ก๊อถ่อกาคยา ปา โต่ เก่เฮ๊เรอ, อาแร๊เล๊อ หม่า เป เก่ เมโมเมพุย เปเหน่ เร๊อ เป เก่ เฮ๊ เกอ ฮู๊ อู เฮ๊โอ่ โหง่ ตือมือ เนอ, “ช๊าป่าโรปา หม่า เป เซอ เฮ๊อ ปา แอ๋, เร๊อ เปเอ่เปโอ โป๋, เมโมเมพุย เกอ เร๊อ แลแค เปเหน่ โป๋.” โหง่ โด่แน โอ่ ฮู๊เนอ.

Eastern Kayah Shadaw Dialect

³² ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬, ꤠꤢꤧ꤭ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤛ꤫ꤢꤦ꤬ ꤢꤩ꤬ ꤠꤢꤧ꤭ꤛꤢ꤬ ꤔꤣꤧ꤬ꤗꤢ꤬ ꤢ꤬ ꤞꤢꤧꤡꤣꤧꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ ꤒꤣꤧ꤬ꤟꤢꤩ꤬ ꤊꤢꤩ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤕꤢ꤬ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤡꤝꤢ ꤋꤢꤧꤞꤤꤕꤜꤢꤪ꤬ꤓꤢꤨ꤭, ꤋꤢꤧꤡꤢ꤭ꤋꤢꤧꤡꤢꤦ꤬ ꤊꤣꤧ꤬ꤒꤢꤩ꤮ ꤣꤧ꤭ ꤗꤢꤩ꤬ꤒꤢꤩ꤭? ꤊꤢꤩ꤬ ꤢꤨ꤭ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤕꤢ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ꤚꤢꤧꤜꤣ ꤗꤢ꤬ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤕꤢꤩ꤬ꤔ꤫ꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤊꤣꤧ꤭ ꤟꤢꤨ ꤢꤨ꤭ ꤟꤢꤩꤥ꤬ ꤍ꤫ꤥ꤬ ꤒꤣ꤬ꤗꤢꤦ꤭ ꤔꤢꤧ, “ꤕꤣꤧꤚꤥ꤬ꤕꤢ꤭ ꤗꤢ꤬ ꤕꤢꤩ꤬ ꤞꤣꤧ꤭ ꤟꤣꤧ ꤕꤢ꤭ ꤟꤢꤧ꤭꤮, ꤚꤣꤧ꤬ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤕꤥ꤮, ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤕꤢꤩ꤬ꤔ꤫ꤢꤩ꤬ ꤕꤥ꤮꤯” ꤍ꤫ꤥ꤬ ꤘꤥ꤬ꤔꤢꤧ꤭ ꤥ꤬ ꤟꤢꤨꤔꤣꤧ꤬꤯

โครินธ์ อาเหร่อเล๊อ ต๊าบ่า 15:32 ပူးပေါင်းရင်းမြစ်များ

ꤜꤢꤨꤊꤢ꤬ 12:19

โทเร๊อ แว เก่ เฮ๊ เกอเร๊อ แวเหน่ เน๊อ, “เพบุ๊ยแร๊, เน แด่โอ่ปล๊อ ลอ เฮ๊อ เตปว๋า เต๊อเจ่อ เด๊อ เน เก่ เอ่โอหนิ งยา เกอเร๊อ เจ๊อ อา เอ๊หน่าเอ๊เล เจ๊อ ปา. โอ่เมอเร๊อ เอ่ มอ, เอ่ก๊อโอบา มอ, เอ่โมโอเจ่ มอ.”’

เปโตร เนอบ่า ต๊าบ่า 2:12

เหย่ซี หม่า อาแซ่เน๊อ เตมีเตดอ เด๊อ อา เตเนแจ่ เกออู โต่ เต๊เห่. โทเรอ อา เม แลแค ฮู๊ อาเหล่โกล ซิหยื่อโอ่ เนอ เร๊อ อา โอ่เป๊เจ่แล เด๊อ อู เหล่ลือปื่อ เมเซอ เหย่ซี อาเง แพ๊. แกแย เออเต๊เห่ เนอหม่า อาเท๊อาแตแอ ฉื่อ, เป๊อเจ่ออิแช๊ ฉื่อ เต เด๊อ อา ซิเง ตาปลู๊โต่ เต๊เห่. อู เก่ เมเซอแก เหย่ซี ฮู๊ อู เมเซอ เตมีเตแหม่ เนอ ปา.

เพรโด่แนพู๊ เต๊เห่ 18:19

เหย่ซี จว๊าโต่ เด๊อ วีเอเฟซัส เร๊อ อาแด่แก โหมะปริสสิลลา เร๊อ เพอาควิลลา เบ๊อะเนอ. อา จว๊าโน เด๊อ เตจ๊อเบโฮกู เร๊อ อา จว๊า เฮ๊เบ่โด่แน เคร๊แขระ เร๊อ แกแยยิวพู๊ เต๊เห่.

ꤛꤢꤨꤘꤢ꤬ 1:10

หม่าแน๊เรอ แกแย เออเต๊เห่เนอ อา เป๊อะเจ่ออิแช๊เต เด๊อ อา ซิเง ตาปลู๊โต่ เนอเต๊เห่. เหย่ซี ซิปล่อ แซ่ แลแค เร๊อ เตมีเตดอ อาขว่าอาคยา, อา ลือครวา เมเกอ แลแค ฮู๊ อาซิปล่อ นอเม ลู เนอ แพ๊. เด๊อ เหย่ซี เมฮู๊เนอ อาขว่าอาคยา, อา เมปย๊าเมหลู่ เกอเร๊อ แลแค อาเหน่ เฮ๊อ.

ꤊꤢ꤬ꤜꤢ꤬ꤒꤤ 3:15

โป่แหว่ ซี๋, แว เก่ แด๊โฉ่โล เป่ ซี เน๊อ เต เด๊อ อู เหล่โกล เม เกอเร๊อ อา เหมาะเฮ๊เหมาะลี เต๊อเจ่อ. เบ๊อะแกแย ซิเนอ เอ่หม่า โทเฮ๊อ ลูโหง่ เบ๊อะเนอ, อูเปเป๋ เบ่เบ่, อา เก่ แฮ เมปย๊าแก หม่าโต่เรอ อา เก่ แฮ เมโค๊แก เฮ๊เนอ, อาหนิ ปา โต่ เฮ๊อ.

ꤚꤥꤗꤢꤩ꤬ 6:19

แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.

เพรโด่แนพู๊ เต๊เห่ 19:1

เบ๊อะคูอปอลโล โอ่เบ๊อะวีโครินธ์ อากู เบ๊อะเนอ, คูเปาโล จว๊าตาลว๊าแก ฟรีเจียเก่, เร๊อ อา จว๊าโต่ เด๊อ วีเอเฟซัส อากู. อา แม๊เถอะ เร๊อ เพรหยื่อเอ่ เต๊เห่ เบ๊อะวีเอเฟซัส อากูเนอ.

ꤜꤢꤨꤊꤢ꤬ 9:25

แกแย เตเพร เพร เก่ พย๊าหนิ ลอ เจ๊อ เห่ขุต๊าบ่า อา เตดุแหย่แถ่เซ เต๊เห่ เจ๊อ ตื๊อดื่อเรอ อา เก่ แลจู่แก อา ซิปล่อเซอ เพร ตูจูเพร เออ เฮ๊เนอ อาบุ๊ยโอ่ เด๊อ ลูเง อิเต?

เพรโด่แนพู๊ เต๊เห่ 18:21

หม่าแน๊เรอ เบ๊อะอา เถ่จว๊า เฮ๊อ เบ๊อะเนอ, อา เฮ๊แก เหย่ซี เน๊อ, “อา เก่ โต จอแปแหร่ ซิปล่อ เฮ๊เรอ แว กาคยา เกอ คยาแซ๊ เด๊อ ซีโอ่ ปา.” อา เฮ๊ โทเรอ อา แถ่ แถ่แด๊ ส่อเกลอดุ เบ๊อะวีเอเฟซัส อากูเนอ เร๊อ อา เถ่จว๊าแก.

ꤚꤥꤗꤢꤩ꤬ 3:5

หม่าแน๊เรอ เป แกแยยิวพู๊ อา เตจ๊อเตเต โต่ เต๊เห่เนอ, อา เก่ เด๊อะโล ลอหล่าตี๊กลิ เจ๊อ จอแปแหร่ อา เตจ๊อเตเต เก่เฮ๊เรอ เป เตเร เฮ๊เร๊อ อา ฮู๊เต? จอแปแหร่ ซิปล่อดุ เร๊อ อา เมจากาคยา เปเออ เนอหม่า อาซื๊อ แพ๊, เป เก่ เฮ๊ ฮู๊เนอ แอ? (แว เฮ๊เบ่ ฮู๊ แกแย เหล่โกล เฮ๊เนอ แพ๊.)

โครินธ์ อาเหร่อเล๊อ ต๊าบ่า 16:8

แว เก่ จว๊า โอ่ เบ๊อะวีเอเฟซัส อากู เนอ ปา เร๊อ แว เก่ โอ่ โต่เด๊อ ป่วย เด๊อ อู เอ๊ เร๊อ เพ็นเทคศเต โท เนอ ปา.