โครินธ์ อาเหร่อเล๊อ ต๊าบ่า 15:31 - ลีเทส่อพ๊าอาเซ เร๊อ เห่ขุทวาลู๊

³¹ แว โคแบ๊ซว๊า ซี๋, แว แม๊เถอะเบ่ เร๊อ เตเซอ ปว๋า เตอเนอ เจ๊อ. เด๊อ ซี หยื่อเอ่ แบ่เจ่ เหย่ซู่ครี๊ อาขว่าอาคยา, ซี เมซิครือ แหน่เจ๊อ แว เนอหม่า จอแปแหร่ ซิเง แพ๊. โท๊โต่, แว ข่าเบ่ แหน่เจ๊อ เตจาเตจือ เนอหม่า จอแปแหร่ ซิเง เกอ ดื่อ แพ๊.

Eastern Kayah Shadaw Dialect

³¹ ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭꤮, ꤠꤢꤧ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤧ ꤒꤢꤩ꤬ꤞꤣꤧ꤭ ꤕꤝꤢ꤭꤮ ꤒꤣ꤬ꤔꤣꤧ꤭ ꤡꤣꤧ꤯ ꤘꤣ ꤞꤤ꤭ ꤛ꤫ꤢꤦ꤬ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤗꤢꤩ꤬ꤞꤤꤋꤚꤢꤦ꤭ ꤔꤢꤧ꤬ꤡꤣꤧ ꤠꤢꤧ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤖꤢꤧ꤯ ꤓꤥ꤭ꤒꤥ꤬, ꤠꤢꤧ꤭ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤊꤣꤧ꤭ꤘꤢꤦ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 15:31 ပူးပေါင်းရင်းမြစ်များ

ꤚꤥꤗꤢꤩ꤬ 8:36

ลีเทส่อพ๊ากู เฮ๊ เนอ, “เด๊อ ซีขว่าซีคยา เร๊อ, เป แม๊เถอะเบ่ เร๊อ เตเซอ เตอเน๋อ เหมาะเฮ๊ เจ๊อ. อู เตเน เป เร๊อ เปเออ อาแซ่เน๊อ ซิหมิ เด๊อ อู เตเร เมเซอ ลู เนอ,” อา เฮ๊ ฮู๊เนอ.

ฟีลิปปี 3:3

เป หม่า จอแปแหร่ อาแกแย หม่าแหน่ เต๊เห่ เฮ๊อ, เหย่ซี เนอเต๊เห่ หม่า อา หม่าแหน่ หม่าโต่, เมเตเฮ๊เร๊อ เด๊อ จอแปแหร่ อา แหย่โยบูโพ๊ อาขว่าอาคยา, เป จ๊อบู่จ๊อเบแถ่ เฮ๊อ จอแปแหร่ เร๊อ เป เฮ๊เบ่ถู่เซ๊ เกอเร๊อ เตเด๊อ เหย่ซู่ครี๊ เม เป่ โทเฮ๊อ เป เออเต๊เห่ เฮ๊อ. แซ่ฮู๊ เป เก่ พย๊าหนิ เตเมแลเปล๊กา อาเงเนอ, เป โต ซิเล แถ่หนิ เกอเร๊อ เตเด๊อ เป เม เฮ๊อ อา เออเนอเต๊เห่ โอ่โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

เด๊อ ซี ขว่าคยาเรอ, เป เฮ๊บุ๊ยเฮ๊เตอเรอ แหน่เจ๊อ เป จอแปแหร่ เร๊อ เป ซิครือซิลอ หม่าแหน่ เจ๊อ เด๊อ อา เป๊เส่เง เจ๊อ. เร๊อ เป ซิครือซิลอ เฮ๊บุ๊ยเฮ๊เตอเรอ จอแปแหร่ เออเนอ, อา ก๊อ เป่ ปา เจ๊อ โต่.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

เพรโด่แนพู๊ เต๊เห่ 20:23

แว ซิเง แพ๊ เต๊อเจ่อเจ๋อ แพ๊ เน๊อ, เด๊อ วี ปว๊าตีวี อากูเนอ, แหย่โยบูโพ๊แบ่เจ่ เด๊อะรอ แว เน๊อ อู เบ่ จอกลอ หม่า แว ปา. เร๊อ เพร เมแป่เมเชแว เต๊เห่เนอ, อา โอ่ป่อ หนื่ออื่อเฮ๊อ แวแกล๊ เฮ๊อ.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

โครินธ์ เนอบ่า ต๊าบ่า 2:14

หม่าแน๊เรอ, แว เฮ๊บุ๊ยเฮ๊เตอเรอ ถู่เซ๊แถ่ เต เด๊อ จอแปแหร่ เม เป่ เฮ๊อ เป เออเต๊เห่, เมเตเฮ๊เรอ เด๊อ เป ย๋อ ทวาแถ่เฮ๊อ เตเต๊อเจ่อ แพ๊เน๊อ ครี๊ อาขว่าอาคยา, จอแปแหร่ จว๊า เหร่อ เด๊อ เปเป๊เส่เง เร๊อ เป ครวาจว๊าเกอ ลู เด๊อ คยา เด๊อ อาแซ่เน๊อ อู ด๊อตา ครี๊ อาแกแย เด๊อ ทอกู เนอเต๊เห่ เฮ๊อ. จอแปแหร่ เด๊อะโล เฮ๊อ เป เร๊อ อู ปว๋า เตเพร เฮ๊อ. จอแปแหร่ นอแฮเง เฮ๊อ เป เด๊อ เป เก่ เลเด๊อะซิเง เป่ อู เร๊อ ครี๊ อาหรี่อาแก เด๊อ อาแซ่เน๊อ เตโนมื๊อโนชือ เออเนอ ปว๋า โต๊โผ่ เฮ๊อ.

เห่ขุทวาลู่ 43:3

หม่าแน๊เรอ คูยูดาห์ เฮ๊ฉื่อ อาเพ เน๊อ, “เพรเป๊อเทอเป๊อเก่ เด๊อ อา เป๊อ อียิปต์เก่ เนอเตเพร เด๊อะรอหนิ ชอเกอเด๊อ เจ๊อ เฮ๊อ เป เน๊อ, ‘ซี เก่ เอ๊แฮหนิ ซีโป่แกแน่ว โต่ เฮ๊หม่า, ซี แฮแม๊เถอะ แว หม่า อาหนิ โต่,’ อา เฮ๊ ฮู๊เนอ.