โครินธ์ อาเหร่อเล๊อ ต๊าบ่า 15:23 - ลีเทส่อพ๊าอาเซ เร๊อ เห่ขุทวาลู๊

²³ หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.

Eastern Kayah Shadaw Dialect

²³ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ ꤓꤥ꤭ ꤒꤣ꤬ꤡꤣ꤬ ꤕꤢ꤭꤯ ꤕꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤥ꤬ꤕ꤫ꤢꤪ꤬ ꤒ꤫ꤥ꤬ꤘꤣ ꤗ꤫ꤢꤪ꤬ꤔꤣꤧ꤭ ꤒꤥ꤭ ꤊꤣꤧ꤬ꤓꤢꤪ꤬ ꤔꤣꤧ꤬ꤒꤣ꤬ꤔꤣꤧ꤭ ꤕꤢ꤭꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤚ꤫ꤣꤧ꤬ꤜꤣ ꤕꤢ꤭꤯ ꤓꤥ꤭ꤚꤣꤧ꤬ ꤏꤢ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤜꤢꤧ꤬ ꤋꤛꤢ꤭ꤞꤢꤧ ꤕꤢ꤭ ꤔꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

โครินธ์ อาเหร่อเล๊อ ต๊าบ่า 15:23 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 3:29

ซี เก่ ทวาเฮ๊อ ครี๊ อาเต เฮ๊เรอ ซี ทวา หม่าเฮ๊อ เพ อับราฮัม อากลุยอาลุ๊ย เต๊เห่เฮ๊อ. เร๊อ ซี เก่ พย๊าหนิ เตเด๊อะบุ๊ยเด๊อะเตอเรอ เต๊เห่ เด๊อ จอแปแหร่ อ๊อแลแก เพ อับราฮัม เนอเต๊เห่ ปา.

โครินธ์ อาเหร่อเล๊อ ต๊าบ่า 15:52

ช๋า อา ทวาแถ่ เฮ๊อ ปาเนอ, อาแพร แหน่เจ๊อ ปา, อา เก่ แพรเล๊อ ปา เจ๋อ เร๊อ เป บ่อเกล๊ เปเป๊เส่ เนอ ปา เจ๊อ. ม๊อเนอเด๊อคยา ตื๊อดื่อเฮ๊อ ปา เตอเนอเนอ, เป เก่ หนิโฮ กวา พราแถ่ ปา. เบ๊อะกวา พราแถ่ เบ๊อะเนอ, แซ่ฮู๊ แกแย เด๊อ อา เซอ เต๊เห่ เก่ เซอเพร กาคยา แลแค ตูจูเพร ปา อาเงเนอเรอ, เหย่ซี ก๊อถ่อกา เด๊อ เตเซอ ปา. หม่าแน๊เรอ แกแย เด๊อ อา โอ่เซอเพร โต่ปา เบ๊อะเนอเตอเนอ ปา เต๊เห่เนอ, อาเหน่กล่อ เต๊เห่ เก่ ถู่แหล่ เต๊เปล่ กาลอ ปา.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

โครินธ์ อาเหร่อเล๊อ ต๊าบ่า 3:23

ซี หม่า ครี๊ อาเต, เร๊อ ครี๊ หม่า จอแปแหร่ อาเต.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

มัทธิว 16:28

แว เฮ๊ หม่าแหน่ เจ๊อ ซี, แกแย เต๊เห่เห่ เด๊อ อา ก๊อถ่อโอ่ เบ๊อะซีเกลเออ เต๊เห่เห่เนอ, เบ๊อะเหย่ซี เซอแต่ล๋าย โต่ เนอ, เหย่ซี เก่ แม๊เถอะน๊อ แลแค แกแยเห่ขุ อาพู๊คู เก่ แฮ ฮู๊ คุ๊ย เตเพรเนอ อุ้ย ปา.”

เพรโด่แนพู๊ เต๊เห่ 26:23

ครี๊ เด๊อ จอแปแหร่ นว๊าแถ่ ลู เร๊อ เพรเมแลเปล๊กา แกแยเห่ขุพู๊ เออเตเพรเนอ, อา เก่ข่าเบ่ เตเมจาเมจือ ปา เร๊อ อา หม่า เพร เด๊อ อา ก๊อถ่อ เซอเพร กาคยา เหร่อเล๊อ อู เด๊อ เตเซอ เตเพร ปา, ฮู๊เนอ อาขว่าอาคยา, อา เก่ แด๊โฉ่โด่แน เป่ แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่ เร๊อ เตลี ปา,” คูเปาโล เฮ๊ เป่ คุ๊ยดุ อากริปปา ฮู๊เนอ.

โครินธ์ อาเหร่อเล๊อ ต๊าบ่า 6:14

จอแปแหร่ เด๊อ อา เมเซอเพร กาคยา แบ่เจ่ เด๊อ เตเซอ เออเตเพรเนอ, อา เก่ เมเซอเพร กาคยา เกอ เป เด๊อ เตเซอ เร๊อ อา เตโพรเตเตอเรอ ฉว่าชอ เออเนอ ปา.

ฟีลิปปี 3:11

แว ซิหยื่อ ทวาแถ่ แซ่เกอ ฮู๊เนอ, เมเตเฮ๊เรอ แซ่ฮู๊ จอแปแหร่ เก่ เมเซอเพร กาคยาเกอ แว เด๊อ เตเซอ แซ่เน๊อ เออเนอ ปา แพ๊.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.