โครินธ์ อาเหร่อเล๊อ ต๊าบ่า 15:20 - ลีเทส่อพ๊าอาเซ เร๊อ เห่ขุทวาลู๊

²⁰ หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

Eastern Kayah Shadaw Dialect

²⁰ ꤗꤢ꤬ꤔꤢꤧꤚꤣꤧ꤬, ꤋꤚꤤ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤘꤣ ꤢ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤚ꤫ꤣꤧ꤬ꤜꤣ ꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤥ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤕ꤫ꤢꤩ꤬ ꤡꤣꤧ ꤟꤣꤧ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤒꤣꤧ꤬ꤜꤝꤢ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤜꤢꤪ꤭ꤋꤛꤢ꤭ ꤘꤣ ꤒꤢꤩ꤬ꤞꤣꤧ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 15:20 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:23

หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.

เพรโด่แนพู๊ เต๊เห่ 26:23

ครี๊ เด๊อ จอแปแหร่ นว๊าแถ่ ลู เร๊อ เพรเมแลเปล๊กา แกแยเห่ขุพู๊ เออเตเพรเนอ, อา เก่ข่าเบ่ เตเมจาเมจือ ปา เร๊อ อา หม่า เพร เด๊อ อา ก๊อถ่อ เซอเพร กาคยา เหร่อเล๊อ อู เด๊อ เตเซอ เตเพร ปา, ฮู๊เนอ อาขว่าอาคยา, อา เก่ แด๊โฉ่โด่แน เป่ แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่ เร๊อ เตลี ปา,” คูเปาโล เฮ๊ เป่ คุ๊ยดุ อากริปปา ฮู๊เนอ.

เตเด๊อะโลแถ่ 1:5

ซี เก่ พย๊าหนิ เกอโป่ดื่อ เหย่ซู่ครี๊ เด๊อ อา ข่าเฮ๊โล จ๊อจ๊อเตเต เออเตเพร อาบุ๊ยอาเตอเรอ เร๊อ อา เตโส่เตเคร นี๋. แกแยเซอ เร๊อ อา เซอเพร กาคยา อาเกลเนอ, อา หม่า เพร เด๊อ อา เซอเพร เหร่อเล๊อ อู เตเพร เฮ๊อ. อา หม่า เพร เด๊อ อา เป๊อ เห่ขุ อาคุ๊ยจ๊อแผ่ เต๊เห่. อา หม่า อา โมเร๊อ แหน่เจ๊อ เป โท๊โต่ เด๊อ อา เซอ อาขว่าอาคยา, อา เมแลเปล๊กา เป เด๊อ เตซื๊อเตปล๊า อากู.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

โคโลสี 1:18

ล๋อ แกแย เด๊อ อา หยื่อเอ่ ครี๊ เต๊เห่เนอ, ครี๊ เป๊อตี๊หรี่หนิ เหย่ซี เร๊อ อา ยูแกล๊ยูโกล เหย่ซี แซ่เน๊อ กู่กล๊อ ยูแกล๊ยูโกล หนิ เหน่กล่อ เนอ, เร๊อ แกแย เด๊อ อา หยื่อเอ่ ลู เต๊เห่เนอ อาแซ่เน๊อ เหน่กล่อ เออเนอ เฮ๊อ. โท๊โต่ อา หม่า อา เด๊อะเป่ เพร เด๊อ อา หยื่อเอ่แหน่เอ่เต เต๊เห่ อา ซิปล่อเซอเพร เตเพร เฮ๊อ. โทเรอ แซ่ฮู๊ อา เก่ ทวาแถ่ เตล๋อ ปลี อากู่กล๊อ อาเงเนอ, จอแปแหร่ เม ก๊อถ่อเซอเพร กาคยา เหร่อเล๊อ เฮ๊อ อา เฮ๊อ.

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

โครินธ์ อาเหร่อเล๊อ ต๊าบ่า 15:6

โทเรอ เด๊อคยาเนอ, อา โอ่โลแถ่ เป่ โป่ อา โคเจ่ แงเย โตโพ๊โต. เร๊อ แกแย เด๊อ อา แม๊เถอะ ลู เออเต๊เห่เนอ, เต๊เห่เห่ หม่า อา เซอโทเฮ๊อ หม่าแน๊เรอ เต๊เห่เห่เนอ, อา โอ่เซอเพร โต่ปา กู๊แหน่เค เออเนอ อา โอ่ เอ๊เล๊อ ปา เจ๊อ เร๊อ อา เซอ โท เนอเต๊เห่ เจ๊อ.

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:16

เมเตเฮ๊เรอ แบ่เจ่ อาเหน่แบ่เจ่ เร๊อดื่อ เก่ โอ่ เด๊อ ม๊อขุ เร๊อ แฮแล ปา. เร๊อ อา เก่ เอ๊โทตา อาโหง่ ตือมือ ปา. โทเรอ ม๊อขุเตเน่วพู๊ อา กู่กล๊อดุเล๊อ เตเพร เก่ เอ๊โท เฮ๊เบ่ตา ปา. โทเรอ อู เก่ หนิโฮ จอแปแหร่ อากวา พราแถ่ ปา เร๊อ แกแย เด๊อ อา หยื่อเอ่ ครี๊ เร๊อ อา เซอ โทเฮ๊อ เต๊เห่เนอ, อา เก่ ก๊อถ่อ กาเหร่อเล๊อ อู ปา.

เตเด๊อะโลแถ่ 14:13

โทเรอ แว หนิโฮ เตพราแถ่ เด๊อ ม๊อขุ เร๊อ อา เฮ๊ เน๊อ, “ราม๊าแก เออเนอ, เป๊อแถ่ กู๊แหน่เออ ตาแฮเง เนอ, แกแย เด๊อ อา เซอ เด๊อ จอแปแหร่ อา เตเอ่เตแร อากู เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ” แบ่เจ่ อา แหย่โยบูโพ๊ เฮ๊ เน๊อ, “อา หม่าแหน่ เจ๊อ. เมเตเฮ๊เรอ เหย่ซี เก่ โอ่โก๊แก แลแค เฮ๊อ เด๊อ อา เตเอ่เตแร เต๊เห่ อากู เร๊อ อา เตจาเตจือ เต๊เห่ อากู เฮ๊อ. โท๊โต่ เหย่ซี อาเตเอ่เตแร เด๊อ อาบุ๊ยอาเตอเรอ โอ่ เต๊เห่เนอ, อา เก่ ครวาเกอ เหย่ซีคยา ปา.”