โครินธ์ อาเหร่อเล๊อ ต๊าบ่า 15:2 - ลีเทส่อพ๊าอาเซ เร๊อ เห่ขุทวาลู๊

² เออเนอหมา เตซิครือ อาหรี่อาแก เด๊อ แว แด๊โฉ่โด่แน เป่ โทเฮ๊อ ซี เนอ เฮ๊อ. ซี เก่ หยื่อเอ่ เร๊อ ซี เก่ ปื่อหม่า แร๊ เตซิครือมีลา อาหรี่อาแก เออเต๊อเจ่อ เฮ๊เนอหม่า, ซี พย๊าหนิเฮ๊อ ซี เตเมแลเปล๊กา เฮ๊อ. ซี เก่ เม ฮู๊เนอโต่ เฮ๊เรอ, ซี เตหยื่อ เออเต๊เห่ เนอหม่า เตหยื่อ เด๊อ อา หม่าแหน่ หม่าโต่.

Eastern Kayah Shadaw Dialect

² ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤞꤤ꤭ ꤔꤣꤧ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤚꤣꤧ꤬ ꤞꤤ꤭ ꤊꤢꤩ꤬ ꤕ꤫ꤢꤦ꤬ꤗꤢ꤬ ꤚꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣ꤬ꤡꤣ꤬ ꤟꤢꤩꤔꤣꤧ꤬ꤗꤢ꤬, ꤞꤤ꤭ ꤔ꤫ꤤ꤬ꤙꤢꤩ꤬ꤟꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ꤯ ꤞꤤ꤭ ꤊꤢꤩ꤬ ꤗꤢꤩ꤬ ꤟꤢꤨꤔꤣꤧ꤬ꤒꤥ꤬ ꤟꤢꤩꤚꤣꤧ꤬, ꤞꤤ꤭ ꤒꤢꤩ꤬ꤛ꤫ꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬꤯

โครินธ์ อาเหร่อเล๊อ ต๊าบ่า 15:2 ပူးပေါင်းရင်းမြစ်များ

ꤟꤤꤙꤚꤢꤨ 3:6

หม่าแน๊เรอ, ครี๊ เออเนอหมา อาแซ่เน๊อ คูโมเสส เด๊อ อา ทวา เพรแรเต เด๊อ จอแปแหร่ อาหี่ เนอเตเพร หม่าโต่. อา หม่า จอแปแหร่ อาพู๊คู เตเพร. อา หม่า อาจ๊อ เร๊อ อาเตเม เร๊อ อา แม๊ตู่หนิ อาเพ จอแปแหร่ อาหี่พู๊แพพู๊ เต๊เห่. เป เก่ ครวา คือคือฮาฮา แฮเงลา ครี๊ โต่เด๊อ อาตื๊อดื่อ โท๊โต่ เต เด๊อ จอแปแหร่ เก่ เด๊อะ เป เออเนอ, เป เก่ แม๊ชือ แฮเงลา โต่เด๊อ อาตื๊อดื่อ เฮ๊เนอหม่า, เป หม่า จอแปแหร่ อาหี่พู๊แพพู๊ เฮ๊อ.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

ꤟꤤꤙꤚꤢꤨ 3:14

เมเตเฮ๊เรอ, เป เตหยื่อเอ่ จอแปแหร่ เด๊อ กูลู่เค เนอ, เป เก่ ปื่อหม่าแร๊หนิ อา โต่เด๊อ อาตื๊อดื่อ เฮ๊เรอ, เป ทวาเฮ๊อ เพรเมเต่อเต เร๊อ ครี๊ เฮ๊อ.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

เอเฟซัส 2:8

เมเตเฮ๊เรอ, เด๊อ ซี หยื่อเอ่ ครี๊ เร๊อ จอแปแหร่ อาบุ๊ยอาเตอเรอดุทู แหน่เจ๊อ เด๊อ ซีขุเออ อาขว่าอาคยา, อา เมแลเปล๊กา เฮ๊อ ซี เฮ๊อ. เด๊อ ซี แหน่แบ่เจ่ เร๊อดื่อ ลอ แอ๊จื๊อแอ๊เหร่ ขว่าคยา เร๊อ ซี พย๊าหนิ เตแลเปล๊กา หม่าโต่. เออ หม่า จอแปแหร่ เด๊อะตาครา แพ๊ ซี แพ๊.

โครินธ์ อาเหร่อเล๊อ ต๊าบ่า 1:18

แกแย เต๊เห่เห่ หยื่อเอ่ เต โต่ อาขว่าอาคยา, จอแปแหร่ เก่ เมจากาคยา เหย่ซี ปา. แกแย ฮู๊เนอ เต๊เห่เนอ, อา เตเน แลแค เน๊อ ครี๊ เซอ เด๊อ อี๊ถื่อดีเต่ลู อาหรี่อาแก เออเนอหมา อา โอ่เล๊อโอ่กลอ แพ๊. หม่าแน๊เรอ เป เด๊อ อา พย๊าหนิ เตเมแลเปล๊กา เออเต๊เห่ อาเงเนอ, เตหรี่เตแก เออ อา หม่าดื่อ จอแปแหร่ อา เตโพรเตเตอเรอ ฉว่าชอ เด๊อ เปเง เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:26

ฮู๊เนอเฮ๊อ, เตหยื่อ เด๊อ อาโอ่ เร๊อ เตเม โต่เนอ, อาแซ่เน๊อ เหน่กล่อ เด๊อ ซิปล่อเซอเพร โอ่ เกอ เด๊อ ลูเหน่ ลู โต่ เร๊อ อา เซอแก เนอ เฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 2:14

แว โป่แหว่ ซี๋, แกแย เตเพร เพร เก่ เฮ๊ เน๊อ แว เตหยื่อเตแหน่ โอ่ อา เฮ๊ หม่าแน๊เรอ อา เก่ เด๊อะโล อา เตหยื่อเออ เร๊อ อา เม เตแร๊ เต๊เห่ โต่ เฮ๊เนอ, อาบุ๊ยอาเตอเรอ โอ่ เตอเจ๋อโต่. อา เตหยื่อเตแหน่ เออเนอ อา เมแลเปล๊แจ่ ลู โต่.

ꤟꤤꤙꤚꤢꤨ 10:23

เป เก่ ปื่อหม่า เกอเร๊อดื่อ เป เตแม๊ชือ เด๊อ เป เฮ๊ เป่ โทเฮ๊อ อู เออเนอเต๊เห่ โป๋, เมเตเฮ๊เรอ เป ซิเง เร๊อ จอแปแหร่ เนอ อาจ๊อ เน๊อ อา เตอ๊อแล เร๊อ อา เมฮู๊ อา เฮ๊เนอ ปว๋า โตโพ๊ เจ๊อ.

ꤜꤢꤨꤊꤢ꤬ 8:13

เตกลุย ตา เด๊อ หล่อเกล อาโหง่แลช๊า เนอหม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เต๊เห่ เร๊อ อา ซิครือซิลอ พย๊าฉื่อ แลแค ตื๊อดื่อเรอ อาแซ่เน๊อ เตกลุย เด๊อ อาหรุ่ย ช๊าตาแยโต่. เร๊อ เหย่ซี หยื่อเอ่ แลแค แพ๊ แตแปล๊เตอเปลอ แพ๊ เร๊อ เบ๊อะเหล่จา ป่อชิเต่อ เหย่ซี เบ๊อะเนอ, อา เตหยื่อเตแหน่ โอ่เหม่แก แพ๊.

ꤡꤛꤢꤩ꤭ꤗꤢ꤬ꤎꤣ꤬ 2:17

เตหยื่อเตแหน่ เนอหม่า อา แซ่ฮู๊ เนอเฮ๊อ. อา เก่ โอ่แพ๊ตื๊อ เตหยื่อ เต๊อเจ่อโต, เตเม เก่ โอ่โล เกอโต่ เฮ๊เนอหม่า หม่าแพ๊ เตหยื่อ เด๊อ อา เซอ แพ๊.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.

เธสะโลนิกา เนอบ่า ต๊าบ่า 2:15

ฮู๊เนอเรอ โป่แหว่ ซี๋, เป อิซว๊าอี๊แส่ แด๊โฉ่โด่แน โทเป่เฮ๊อ ซี เร๊อ เป กู๊อู่กู๊เผ่ เนอเต๊เห่ เบ่เบ่, หม่าโต่เรอ เป อิซว๊าอี๊แส่ โทเป่เฮ๊อ ซี เร๊อ ลี เด๊อ เป รา จว๊า เป่ ซี เออเต๊เห่ อากูเนอ เบ่เบ่, โอ่หม่าโอ่กลอ เกอ แลแค อู เร๊อ ปื่อหม่า หนิ แร๊ เกอ แลแค อู นี๋.

ꤊꤢ꤬ꤜꤢ꤬ꤒꤤ 3:4

ซี ข่าจาข่าจือ โทเฮ๊อ ปว๊าเต๊อเจ่อ เด๊อ เตซิครือมีลา อาเง เฮ๊อ หม่าแน๊เรอ กู๊แหน่เออ อา ทวา แกเด ลอ เฮ๊อ แอ? เฮ๊ตาต๋า หม่า ซี ข่าจาข่าจือ เตเออ เนอหม่า อาบุ๊ยอาเตอเรอ โอ่ หม่าแหน่ เจ๊อ เม.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

ꤚꤥꤗꤢꤩ꤬ 1:16

เด๊อ เตซิครือมีลา เออ อาขว่าอาคยา, แว ซิเตเรโต่, เมเตเฮ๊เรอ, ล๋อ แกแย เด๊อ อา หยื่อเอ่ เตซิครือมีลา เออเต๊เห่เนอ, จอแปแหร่ เมแลเปล๊กา ลอ เหย่ซี เน๊อ อา เตโพรเตเตอเรอ เฮ๊อ. อา เมแลเปล๊กา เหร่อเล๊อ แกแยยิวพู๊ เต๊เห่, โทเรอ อา เมแลเปล๊กา เกอโป่ แกแยยิวพู๊ หม่าโต่ เต๊เห่.

โครินธ์ เนอบ่า ต๊าบ่า 2:15

เป เตโอ่เซอเพร เร๊อ เป เตเฮ๊โฉ่โด่แน เป่ อู เออเต๊เห่เนอ อาแซ่เน๊อ เตโนมื๊อโนชือ เด๊อ อา โนมื๊อ ปีชี จว๊าโต่ ลอเฮ๊อ เด๊อ แกแย ปว๋า เตเพร อา โอ่. อา โนมื๊อ จว๊าโต่ ลอเฮ๊อ เด๊อ แกแย เด๊อ อา พย๊าหนิเฮ๊อ เตเมแลเปล๊กา เต๊เห่ อา โอ่ เร๊อ แกแย เด๊อ อา เตปย๊าเตหลู่ ปา เต๊เห่ อา โอ่ เฮ๊อ.

โครินธ์ อาเหร่อเล๊อ ต๊าบ่า 15:14

ครี๊ เก่ เซอ ก๊อถ่อกาคยา หม่าแหน่ โต่ เก่เฮ๊เรอ, เป แด๊โฉ่โด่แน เป่ ซี เออเนอหมา อา หนิบุ๊ยหนิเตอเรอ โต่. ซี หยื่อเอ่ เน๋อ หม่า อา หนิบุ๊ยหนิเตอเรอ โต่โต่.

โครินธ์ อาเหร่อเล๊อ ต๊าบ่า 1:21

จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.

ꤚꤥꤗꤢꤩ꤬ 11:22

ฮู๊เนอเรอ เตเน ตาเต แลแค. จอแปแหร่ เนอ, ตากยาหม่า อา ซิยอเกอเร๊อ อาแกแย, ตากยา เนอ อา ปื่อ ชอชอ เกอเร๊อ อาแกแย. อา ปื่อชอ เกอเร๊อ อาแกแยยิวพู๊ เด๊อ อา จว๊า ตาพาแก ลู เต๊เห่เนอ หม่าแน๊เรอ อา ซิยอ เกอเร๊อ ซี เด๊อ อา หม่า แกแยยิวพู๊ หม่าโต่ เออเต๊เห่. หม่าแน๊เรอ ซี โต แด่ดุหยื่อแหน่ แฮเง แลแค อา เตซิยอ เกอเร๊อ ซี เออเนอ. เก่หม่าโต่หม่า อา เก่ ปาตือแก เกอ ซี ปา.

เพรโด่แนพู๊ เต๊เห่ 8:13

คูซีโมน อาเหน่แบ่เจ่ เร๊อดื่อ อา หยื่อเอ่แลแค เกอ เหย่ซู่ เร๊อ อา เจเกอ อาเหน่ เร๊อ เทอ เทอ. โท๊โต่ อา จว๊าโหร่กาโหร่ เกอ เจ๊อ เร๊อ คูฟีลิป ปว๋า โตโพ๊. เบ๊อะอา แม๊เถอะ เตเม อาตาปา คย๊ายื๊อ เด๊อ อาดุอาแย เต๊เห่ ฮู๊เออ เบ๊อะเนอ, อา คย๊ายื๊อ แหน่เจ๊อ.

เพรโด่แนพู๊ เต๊เห่ 2:47

เหย่ซี ถู่เซ๊แถ่ จอแปแหร่ เร๊อ อูปว๋า เพร ซิปล่อ โอ่เกอ เหย่ซี. แบ่เจ่ แด่โนปล๊อ เอ๊แถ่ เป่ เหย่ซี แกแย เด๊อ อา พย๊าหนิ เตเหล่แลเปล๊เนอ เต๊เห่ เด๊อ เหย่ซี เพรหยื่อเอ่ตู๊หมู่ตอปล๊อ อากู ปว๋า เตอเนอ เจ๊อ.

โครินธ์ อาเหร่อเล๊อ ต๊าบ่า 11:2

ซี ซิเหน่แถ่เบ่ โต่ แว ปว๋า โพ๊, โท๊โต่ ซี ครวาเม ฮู๊ อู อิซว๊าแก แว เร๊อ แว อิซว๊า แฮเง เป่ ซี เนอเต๊เห่ อาขว่าอาคยา, แว ถู่เซ๊ เกอเร๊อ แหน่เจ๊อ ซี.