โครินธ์ อาเหร่อเล๊อ ต๊าบ่า 15:15 - ลีเทส่อพ๊าอาเซ เร๊อ เห่ขุทวาลู๊

¹⁵ ตื๊อเออเนอ หม่าโต่, ซี เฮ๊ เร๊อ แกแย เซอโทเนอ อา เซอเพร กาคยา แจ่ปาโต่ เออเนอ อา เก่ หม่าแหน่ เฮ๊เรอ, อา แซ่ เน๊อ ซี เฮ๊ เฮ๊อ เร๊อ จอแปแหร่ เมเซอเพร กาคยา คยาแซ๊ ครี๊ หม่าโต่ ฮู๊เนอ เฮ๊อเนอ อา เก่ หม่าแหน่ ฮู๊เนอ เฮ๊เร๊อ, เป หม่า แกแย เด๊อ อา จว๊า โด่แน แหล่โฮแหล่แห่ เป่ ลอ เฮ๊อ อู เร๊อ จอแปแหร่ อาหรี่อาแก เต๊เห่ เฮ๊อ, เมเตเฮ๊เรอ เป ย๋อ แด๊โฉ่โด่แน เป่ อู เร๊อ จอแปแหร่ เมเซอเพร กาคยา คยาแซ๊ เฮ๊อ ครี๊ ฮู๊เนอ เน๋อ. หม่าแน๊เรอ ซี เฮ๊ เออเต๊เห่ เนอหม่า อาโต เตอเจ๋อ โต่.

Eastern Kayah Shadaw Dialect

¹⁵ ꤒꤢꤦꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤞꤤ꤭ ꤟꤢꤩ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ꤔꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤡ꤫ꤢꤧ꤬ꤕꤢ꤬ꤒꤥ꤬ ꤣꤧ꤭ꤔꤣꤧ꤬ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤩꤚꤣꤧ꤬, ꤢ꤬ ꤒꤢ꤭ ꤔꤢꤧ ꤞꤤ꤭ ꤟꤢꤩ ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤋꤚꤤ ꤗ꤫ꤢ꤬ꤒꤥ꤬ ꤟꤢꤨꤔꤣꤧ꤬ ꤟꤣꤧꤔꤣꤧ꤭꤯ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨꤔꤣꤧ꤬ ꤟꤢꤩꤚꤣꤧ꤬, ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢ ꤘꤥ꤬ꤔꤢꤧ꤭ ꤜꤣꤧ꤬ꤟꤥ꤭ꤜꤣꤧ꤬ꤟꤢꤧ꤬ ꤜꤢꤪ꤭ ꤟꤣꤧ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤜꤢ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤟꤣꤧ ꤋꤚꤤ ꤟꤢꤨꤔꤣꤧ꤬ ꤔꤣꤧ꤭꤮꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤟꤢꤩ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤒꤥ꤭ ꤒꤣ꤬ꤡꤣ꤬꤮ ꤒꤥ꤬꤯

โครินธ์ อาเหร่อเล๊อ ต๊าบ่า 15:15 ပူးပေါင်းရင်းမြစ်များ

เพรโด่แนพู๊ เต๊เห่ 2:24

หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ, เร๊อ อา เมแลเปล๊กา ลู เด๊อ เตเซอ อา เตจาเตจื่อ อาเล, เมเตเฮ๊เร๊อ เตเซอ อาโหมะเพ ปื่อกลอหม่าแจ่ ปา ลู โต่ เฮ๊อ.

โครินธ์ อาเหร่อเล๊อ ต๊าบ่า 15:13

ฮู๊ ซี เฮ๊เนอ อา เก่ หม่าแหน่ เฮ๊เรอ, ครี๊เนอ, อา เซอ ก๊อถ่อเซอเพร กาคยา โต่, อาโหง่แลช๊า แฮ ฮู๊เนอ เฮ๊อเนอ.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

เพรโด่แนพู๊ เต๊เห่ 4:33

เพรโด่แนพู๊ เต๊เห่ จว๊าเฮ๊โล เป่ อู เน๊อ แบ่เจ่ เหย่ซู่ อาก๊อถ่อ เซอเพร กาคยา อาหรี่อาแก เออเนอ, อา เล๊อบา เจ๊อ เน๊อ เตโพรเตเตอเรอ อาฉว่าอาชอ โท๊โต่ จอแปแหร่ กลอแลเล๊อ กลอแลบา เป่ เจ๊อ อาบุ๊ยอาเตเตอเรอ เด๊อ เหย่ซี ล๋อ ปลี อาเหน่ลู เจ๊อ.

เพรโด่แนพู๊ เต๊เห่ 4:10

ล๋อ ซี เออเต๊เห่ เบ่เบ่, อิสราเอล อากลุยอาแล ล๋อ ปลี เบ่เบ่, อา โต ซิเง แลแค เร๊อ แกแย กู๊โด่ด๊าตือรือ เออเตเพร ก๊อถ่อจว๊าแจ่ แร๊กาคยา คยาแซ๊ เด๊อ ซี เป๊เส่เง กู๊แหน่เออ เนอหม่า หม่าเด๊อ วีนาซาเร็ธพู๊ เหย่ซู่ครี๊ อามุย อา เตโพรเตเตอเรอ อาขว่าอาคยา แพ๊. เหย่ซู่ครี๊ หม่า ซี มือเซอแถ่ อา เด๊อ อี๊ถื่อดีเต่ลู เนอเตเพร เฮ๊อ, หม่าแน๊เร๊อ จอแปแหร่ เมเซอเพร กาคยา คยาแซ๊ อา เด๊อ เตเซอ เฮ๊อ.

เพรโด่แนพู๊ เต๊เห่ 2:32

จอแปแหร่ เมเซอเพร กาคยา โท เหย่ซู่ เออ เด๊อ เตเซอ เร๊อ ล๋อ เป เออเต๊เห่ เนอหม่า เป ทวา เป่ ลู เพรข่าเฮ๊โล เด๊อ เป เก่ ข่าเฮ๊โล เป่ อู เร๊อ อาเตเซอ ก๊อถ่อกาคยา เออ อาหรี่อาแก.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

โครินธ์ อาเหร่อเล๊อ ต๊าบ่า 15:16

แกแย เซอ เต๊เห่ เก่ ก๊อถ่อเซอเพร กาคยา โต่ เก่เฮ๊เรอ, ครี๊เน๋อ หม่า จอแปแหร่ เม ก๊อถ่อเซอเพร กาคยา ลู เด๊อ เตเซอ หม่าโต่ โต่.