โครินธ์ อาเหร่อเล๊อ ต๊าบ่า 15:13 - ลีเทส่อพ๊าอาเซ เร๊อ เห่ขุทวาลู๊

¹³ ฮู๊ ซี เฮ๊เนอ อา เก่ หม่าแหน่ เฮ๊เรอ, ครี๊เนอ, อา เซอ ก๊อถ่อเซอเพร กาคยา โต่, อาโหง่แลช๊า แฮ ฮู๊เนอ เฮ๊อเนอ.

Eastern Kayah Shadaw Dialect

¹³ ꤟꤢꤨ ꤞꤤ꤭ ꤟꤢꤩꤔꤣꤧ꤬ ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤩꤚꤣꤧ꤬, ꤋꤚꤤꤔꤣꤧ꤬, ꤢ꤬ ꤞꤣꤧ꤭ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤒꤥ꤬, ꤢ꤬ꤍ꤫ꤥ꤬ꤜꤣꤧ꤬ꤏꤢ ꤟꤢꤧ꤭ ꤟꤢꤨꤔꤣꤧ꤬ ꤟꤣꤧꤔꤣꤧ꤭꤯

โครินธ์ อาเหร่อเล๊อ ต๊าบ่า 15:13 ပူးပေါင်းရင်းမြစ်များ

ꤚꤥꤗꤢꤩ꤬ 8:11

จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เออเตเพร อา แหย่โยบูโพ๊ แบ่เจ่ เก่ โอ่เซอเพร เด๊อ ซีเหน่ลู เฮ๊เนอ, ซี เหน่กล่อเออ อา เก่ เซอ เจ๊อ ปา เบ่เบ่, เด๊อ แหย่โยบูโพ๊ แบ่เจ่ โอ่เซอเพร เด๊อ ซีเหน่ลู อาขว่าอาคยา, จอแปแหร่ เก่ เด๊อะเกอ ซี ซิปล่อเซอเพร ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:14

เป หยื่อเอ่ เร๊อ เหย่ซู่ เซอโท เร๊อ อา เซอเพร กาคยา เฮ๊อ. ฮู๊เนอเรอ เป หยื่อเอ่ เร๊อ ช๋า เหย่ซู่ แฮแล คยาแซ๊ ปาเนอ, จอแปแหร่ เก่ เอ๊กา โอ่เต่อเกอ คยาแซ๊ แกแย เด๊อ อา หยื่อเอ่ เหย่ซู่ เร๊อ อา เซอ โทเฮ๊อ เนอเต๊เห่ เร๊อ ลู ปา.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

เปโตร อาเหร่อเล๊อ ต๊าบ่า 1:3

เป เก่ เฮ๊บุ๊ยเฮ๊เตอเรอแถ่ โหร่ลู เป แบ่เจ่ เหย่ซู่ครี๊ อาเพ จอแปแหร่ โป๋. หม่าเด๊อ อา เตซิยอ ตาลว๊าซิลือ เป เออ, เร๊อ เหย่ซู่ครี๊ อาเตเซอ ก๊อถ่อกาคยา อาขว่าอาคยา, อา เด๊อะตา เฮ๊อ เป เตเซอเพร อาเซ เฮ๊อ. เด๊อ เออ อาขว่าอาคยา, เป พย๊าหนิ แฮเง ลาเฮ๊อ เป เตแม๊ชือ เด๊อ เป เตโอ่เซอเพร อากู เฮ๊อ.

ꤟꤤꤙꤚꤢꤨ 13:20

แซ่ฮู๊ ซี เก่ เมโตเมเบ่ เป่ดื่อ เตเป เตดวา อา จอแปแหร่ เออเตเพร อาซิปล่อ เนอเรอ, ล๋อ เตแร๊ เด๊อ ซี โหล่เบ่ เต๊เห่เนอ, อา เก่ เด๊อ ลอหล่าตี๊กลิ ดื่อ ซี นี๋. เด๊อ เหย่ซู่ครี๊ อาขว่าอาคยา, จอแปแหร่ เก่ เมดื่อเต เด๊อ เปกู ฮู๊ อา โตดื่อ เน๊อ ลูซิปล่อ เนอเต๊เห่ นี๋. จอแปแหร่ เมเซอเพร กาคยา โทเฮ๊อ เป แบ่เจ่ เหย่ซู่ เด๊อ เตเซอ เฮ๊อ. เร๊อ เด๊อ แบ่เจ่ เหย่ซู่ ข่าเซอ อาซิปล่อ เร๊อ อาสุ่ย เบ่ ทุ๊ยแล อาขว่าอาคยา, อา เมหม่าเมกลอแก โทเฮ๊อ จอแปแหร่ อา เตอ๊อแล อาเซ เด๊อ อา โอ่ ตูจูเพร เออเนอตือมือ เฮ๊อ. เด๊อ อา เมเฮ๊อ ฮู๊เนอ อาขว่าอาคยา, เหย่ซู่ ทวา เฮ๊อ เป เพรเกซิหมิ เด๊อ อาดุเล๊ออู เตเพร เฮ๊อ. เป หม่า เหย่ซีซิหมิ เต๊เห่ เฮ๊อ. อู เก่ แด่ดุแด่ทู ดื่อ เหย่ซู่ครี๊ อา ตูจูเพรเง นี๋.

ꤟꤤꤙꤚꤢꤨ 2:14

พู๊เหมาะพู๊คู อา เอ๊ ลู เออเต๊เห่เนอ, อา เน๊อ อาเหน่กล่อ สุ่ยเทอ เด๊อ อา เซอแจ่เออ อาขว่าอาคยา, แบ่เจ่ เหย่ซู่ แฮแล พย๊าหนิ เกอดื่อ แกแย เห่ขุพู๊ อาเหน่กล่อ เด๊อ อา แซ่เกอ ดื่อ เน๊อ เหย่ซีเนอ. อา ทวาแถ่ แซ่เน๊อ แกแยเห่ขุพู๊ อาขว่าอาคยา, อา เซอ แจ่. แซ่ฮู๊ เหย่ซู่ เก่ เมปย๊าแก โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ ซาตาน เด๊อ อา โอ่ เร๊อ อา เตโพรเตเตอเรอ ฉว่าชอ เด๊อ อา เก่ เป๊อตี๊หรี่หนิ เตเซอ เออโตโด อาเงเนอ, อา ข่าเซอแก อาซิปล่อ.

ทิโมธี เนอบ่า ต๊าบ่า 4:8

กู๊แหน่เรอ จอแปแหร่ แด่ดว๊า เป่เฮ๊อ แว เตจ๊อเตเต อา กู๊โก่เท เด๊อ อา หม่าเฮ๊อ เตเมหนิคว๊าเก่ เออเตเม เนอเฮ๊อ. โทเรอ ช๋า ม๊อเนอ ตื๊อดื่อ ปาเนอ, เพรเฮ๊เบ่เมโตเต จ๊อเต อา แบ่เจ่ เออเตเพร เก่ เด๊อะแล แว ปา หม่าแน๊เรอ เออเนอหมา แวเง ตื้อดื่อ หม่าโต่. ล๋อ แกแย เด๊อ อา โอ่ป่อแม๊ชือเกอ แบ่เจ่ เก่ แฮ โอ่โลแถ่ คยา ปา เนอเต๊เห่ อาเงหม่า อา โอ่เต่อเกอ ปาปา.

โครินธ์ อาเหร่อเล๊อ ต๊าบ่า 15:20

หม่าแน๊เรอ, ครี๊ เซอ ก๊อถ่อกาคยา เออเนอหมา อา หม่าแหน่ เจ๊อ. เด๊อ อา เซอ ก๊อถ่อกาคยา เหร่อเล๊อ อู เด๊อ เตเซอ อาขว่าอาคยา, อา เด๊อะโล ซิเง ตาเต เป่ เจ๊อ เฮ๊อ เป เร๊อ แกแย เด๊อ อา เซอ ตาลว๊า โทเฮ๊อ เต๊เห่เนอ, อา เก่ ก๊อถ่อเซอเพร กาคยา ลอคยา เด๊อ เตเซอ ปา.

ꤚꤥꤗꤢꤩ꤬ 8:23

ล๋อ เตแบ๊ตา เออเต๊เห่ โปโอเปเช ตื๊อดื่อ หม่าโต่, เป ล๋อ ปลีเออ เบ่เบ่, เป โปโอเปเช เต่อเกอ ลอ ดื่อแพ๊. เป เด๊อ อา พย๊าหนิ แหย่โยบูโพ๊ แบ่เจ่ หม่าเฮ๊อ จอแปแหร่ เด๊อะครา เชหยู่ เด๊อ อาเหร่อเล๊อ เออเต๊เห่เนอ เบ่เบ่, เป โปโอเปเช เกอดื่อ เด๊อ ซิปล่อกูกู. เป โอ่ป่อแม๊ชือ โปโอเปเช เกอดื่อเฮ๊อ จอแปแหร่ เน๊อ ช๋า อา เก่ แฮ อี๊เฮ๊อ เป เร๊อ อาพู๊ ปา เตอเนอ, เร๊อ ช๋า อา เก่ แฮเด๊อะเฮ๊อ เป เหน่กล่อ อาเซ ปา เออเนอเฮ๊อ.

เพรโด่แนพู๊ เต๊เห่ 23:8

(เมเตเฮ๊เรอ สะดูสีพู๊ เต๊เห่เนอ, อา เฮ๊ แลแค เน๊อ, แกแย อาเซอ โทเฮ๊อ เต๊เห่เนอ, อา ก๊อถ่อเซอเพร กาคยา ปาโต่. โท๊โต่ เตเน่วม๊อขุ เบ่เบ่, แหย่โย เบ่เบ่, อา โอ่ เตอเจ๋อ โต่. หม่าแน๊เรอ ฟาริสีพู๊ เต๊เห่ ลาติ เร๊อ, อา หยื่อเอ่ ลอ ลาติ เร๊อ อา โอ่ลอ โซเจ่อ.)

โครินธ์ อาเหร่อเล๊อ ต๊าบ่า 15:12

เป แด๊โฉ่โด่แน โท เป่ เฮ๊อ ซี เร๊อ ครี๊ ก๊อถ่อเซอเพร กาคยา เด๊อ เตเซอ หม่าแน๊เรอ เด๊อ ซีเกล เต๊เห่เห่เนอ, “แกแย เซอ โทเฮ๊อ เต่อเกอเร๊อ อา ก๊อถ่อเซอเพร กาคยาแจ่ ปา แตแค๋ โต่,” อา จว๊าเฮ๊ แลแค ฮู๊เนอหม่า เมเต?

โครินธ์ อาเหร่อเล๊อ ต๊าบ่า 15:14

ครี๊ เก่ เซอ ก๊อถ่อกาคยา หม่าแหน่ โต่ เก่เฮ๊เรอ, เป แด๊โฉ่โด่แน เป่ ซี เออเนอหมา อา หนิบุ๊ยหนิเตอเรอ โต่. ซี หยื่อเอ่ เน๋อ หม่า อา หนิบุ๊ยหนิเตอเรอ โต่โต่.