โครินธ์ อาเหร่อเล๊อ ต๊าบ่า 14:37 - ลีเทส่อพ๊าอาเซ เร๊อ เห่ขุทวาลู๊

³⁷ แกแย เตเพรเพร เก่ เตเน เกอเร๊อ อาเหน่ เนอ, แว หม่า เพร เด๊อ อา เฮ๊โพร เป่ จอแปแหร่ อา เตหรี่เตแก เตเพร, หม่าโต่เรอ แว หม่า แกแย เด๊อ อา พย๊าหนิ เชหยู่ เด๊อ แหย่โย ตากยา เตเพร เก่เฮ๊เรอ แว รา เต เออเต๊เห่เนอ แบ่เจ่ อา เตเฮ๊แก แพ๊ เนอ อา เบ่ ซิเง แพ๊.

Eastern Kayah Shadaw Dialect

³⁷ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊ꤫ꤢꤦ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ, ꤠꤢꤧ꤭ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤟꤢꤩꤖꤚꤥ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤒꤣ꤬ꤖꤚꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤏꤢ꤭ꤛ꤫ꤢꤨ꤬ ꤒꤣ꤬ꤖꤚꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤚꤢ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤟꤢꤩꤊꤢꤧ꤭ ꤖꤢꤧ ꤔꤣꤧ꤬ ꤢ꤬ ꤙꤢꤩ꤬ ꤞꤤꤑꤢꤩ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 14:37 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:6

หม่าแน๊เรอ เป หม่า จอแปแหร่ อาแกแย เต๊เห่. อูเป๋ เตเพร เบ่เบ่ เด๊อ อา ซิเง จอแปแหร่ เตเพรเนอ, อา ครวาหนิดา เกอดื่อ เปโหง่. หม่าแน๊เรอ จอแปแหร่ อาแกแย หม่าโต่ เต๊เห่เนอ, อา ครวา หนิดา เกอ เปโหง่ โต่. ฮู๊เนอ อาขว่าอาคยา, แกแย เด๊อ อา พย๊าหนิ แหย่โยบูโพ๊ แบ่เจ่ เด๊อ อา เฮ๊เบ่ เตหมะเตจ๊อ เออเตเพร เต๊เห่ เนอหม่า อูเป, เร๊อ แกแย เด๊อ อา พย๊าหนิ ซิปล่อ เด๊อ อา เฮ๊เบ่ แลโฮแลแห่ดื่อเง เนอโตโด เต๊เห่ เนอหม่า อูเปเนอ, เป ซิเง เบโปล แจ่ ดื่อ แพ๊.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.

ꤛꤢꤨꤘꤢ꤬ 1:17

หม่าแน๊เรอ แว โคแบ๊ซว๊า ซี๋, ซิเหน่แถ่ โต่เบ่ คยาแซ๊ แลแค เป แบ่เจ่ เหย่ซู่ครี๊ อา เพรโด่แน เต๊เห่ แด๊โฉ่โด่แน หนื่ออื่อ โทเป่เฮ๊อ ซี เนอเต๊เห่ นี๋.

เปโตร เนอบ่า ต๊าบ่า 3:2

แว ซิปล่อโอ่ เด๊อ ซี เก่ ซิเหน่แถ่ เพรโพร บูโพ๊ เต๊เห่ อา เตเฮ๊โฉ่โด่แน หนื่ออื่อ โทเฮ๊อ เด๋อ งย๊าเค เต๊เห่, โทเรอ เป แบ่เจ่ เร๊อ เพรเม แลเปล๊กา เป เออเตเพร อาโหง่เฮ๊แก เด๊อ ซี เพรโด่แน เต๊เห่ เด๊อ โทเฮ๊อ ซี เนอเต๊เห่.

ꤊꤢ꤬ꤜꤢ꤬ꤒꤤ 6:8

เมเตเฮ๊เรอ แกแย เด๊อ อา โหล่ตา สุ่ยเทอพ๊าหย่า อา เตซิหยื่อซิลอ เต๊เห่เนอ, อา เก่ เก๊ กาคยา เบ่น๊อ เกอเร๊อ คยาแซ๊ดื่อ เตปย๊าเตหลู่ เนอเต๊เห่ ปา. หม่าแน๊เรอ แกแย เด๊อ อา โหล่ตา เตครวาเมเกอ ฮู๊ แหย่โยบูโพ๊ แบ่เจ่ อา เตยูแกล๊ยูโกล ลู เต๊เห่เนอ, อา เก่ เก๊เบ่น๊อ เร๊อคยาแซ๊ดื่อ ซิปล่อเซอเพร ตูจูเพร ปา.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ เนอบ่า ต๊าบ่า 10:12

เป โต๊โหร่ หม่าแหน่ ดื่อ เปเง หนิ. แกแย เด๊อ อา เตเน แถ่โล เกอเร๊อ แลแค อาเหน่ เน๊อ เหย่ซี หม่า อาแจ่อาลีแม เล๊อ อู เต๊เห่เนอ, เป เตรือดือ บื่อ เกอ เร๊อ เปเหน่ เร๊อ เหย่ซี โต่. เหย่ซี เตเพร เร๊อ เตเพร เตรือดือ เกอเร๊อ แลแค อาเหน่ อาขว่าอาคยา, เหย่ซี หม่า แกแย โอ่เล๊อโอ่กลอ หม่าแหน่ เจ๊อ เต๊เห่.

โครินธ์ อาเหร่อเล๊อ ต๊าบ่า 8:2

แกแย เด๊อ อา เตเน เกอเร๊อ อาเหน่ เร๊อ แว ซิเง เอ๊ลู เฮ๊อ เต๊เห่เนอ, เต เด๊อ อา โตเบ่ ซิเง เต๊เห่เนอ, อา ซิเง เตอเจ๋อ โต่.

โครินธ์ อาเหร่อเล๊อ ต๊าบ่า 7:40

หม่าแน๊เรอ อา เก่ พย๊า ปา อาเว โต่ เฮ๊เนอ, อา โมเล๊อ ลู. เออ หม่า หม่าเฮ๊อ แว เตแม๊เถอะ เร๊อ แว เตเตเน เต๊เห่. แว เตเฮ๊เบ่ เออเนอ, แว หยื่อเอ่ เร๊อ แหย่โยบูโพ๊ แบ่เจ่ เด๊อะโล แว แพ๊.

โครินธ์ อาเหร่อเล๊อ ต๊าบ่า 7:25

กู๊แหน่เรอ แว เก่ แด๊โฉ่โด่แนโปล เป่ ซี เร๊อ แกแย โอ่ เร๊อ หี่เร๊อเพร๊ ล๋ายโต่ เต๊เห่ อาหรี่อาแก. เตหรี่เตแก เออเนอหมา, แบ่เจ่ เมแกน๊อ โหง่ โต่. หม่าแน๊เรอ แว ซิหยื่อ เด๊อะซิเง เป่ ซี เร๊อ แว เตแม๊เถอะ. เมเตเฮ๊เรอ จอแปแหร่ ซิยอเร๊อ แว อาขว่าอาคยา, หยื่อเอ่หนิ แลแค แว เนอ.

ꤚꤥꤗꤢꤩ꤬ 12:3

เด๊อ จอแปแหร่ อาบุ๊ยอาเตอเรอ ขว่าคยาเร๊อ อา แด่แถ่ แว เร๊อ แว เก่ ทวา เพรโด่แนพู๊ เต๊เห่ เตเพร อาขว่าอาคยา, แว เฮ๊ ซี ปว๋า เตเพร เน๊อ, เตเนดุ เล๊อ แต่ ซีเหน่ เร๊อ บ๊า ซี โตเบ่ เตเน เกอเร๊อ ซีเหน่เนอ แต่เหม่ นี๋. โท๊โต่ ซี โตเบ่ เตเนหนิ ซีเหน่ บ๊า อาโตอาเบ่ เนอแพ๊. แด๊เฮอ แลแม๊ เกอเร๊อ ซี เตหยื่อเตแหน่ เด๊อ จอแปแหร่ เด๊อะ ซี เนอหม่า อาดุ บ๋า เตเนอ เตเนแซ่ แลแค บ๊าเนอแพ๊ นี๋.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

โครินธ์ อาเหร่อเล๊อ ต๊าบ่า 2:15

ล๋อ แกแย เด๊อ อา พย๊าหนิ แหย่โยบูโพ๊ แบ่เจ่ เออเต๊เห่เนอ, อา ซิเง ล๊อปลู๊ เหร่อ ลอ โทเฮ๊อ เตอิซว๊าอี๊แส่ เออเต๊เห่ เฮ๊อ. หม่าแน๊เรอ แกแย เด๊อ อา พย๊าหนิ เกออู แหย่โยบูโพ๊ แบ่เจ่ โต่ เต๊เห่เนอ, อา ซิเงโปลเบ๊ เกออู แกแย เด๊อ อา โอ่ เน๊อ แหย่โยบูโพ๊ แบ่เจ่ เต๊เห่ อา เตเตเน เต๊เห่ โต่.

โครินธ์ อาเหร่อเล๊อ ต๊าบ่า 3:1

โป่แหว่ ซี๋, แว โอ่เต่อเกอ เน๊อ ซี เด๊อ อาเหร่อเค เนอหม่า, แว อิซว๊า เป่ ซี ฮู๊ แว อิซว๊า เป่ แกแย เด๊อ อา หนิดา จูเอ่ แหย่โยบูโพ๊ แบ่เจ่ อาโหง่ เต๊เห่ เนอหม่า อาหนิ แล๋ โต่. แว เบ่ อิซว๊า เป่ ซี ฮู๊ แกแยเห่ขุพู๊ เด๊อ อา ลือครวา เม ปาแพ๊ อา เตซิหยื่อซิลอ เต๊เห่ เนอเต๊เห่ แพ๊. เมเตเฮ๊เรอ ซี เตหยื่อเอ่ ครี๊ เนอ อาฉว่าอาชอ ล๋ายโต่ อาขว่าอาคยา ซี แซ่ปาแพ๊ เน๊อ เป๊เจ่พู๊ เด๊อ อา อินู๊ปา เนอเต๊เห่ แพ๊.

โครินธ์ อาเหร่อเล๊อ ต๊าบ่า 14:29

ฮู๊เนอเฮ๊อ, แกแย เด๊อ อา เฮ๊โพร จอแปแหร่ อาลาอาโหง่ เต๊เห่เนอ, อา โต เฮ๊โพร แพ๊ ซิเนอ โต่หม่าแน๊ ซิโซ แพ๊. เหย่ซี เฮ๊โพร เออเต๊เห่ เนอหม่า จอแปแหร่ นอเฮ๊โพร หม่า เหย่ซี แอ, หม่าโต่ แอ เนอ, แกแย เด๊อ อา โอ่แก เต๊เห่ โตเบ่ หนิดา เร๊อ เตเนแม๊ ตาเต แลแค เหย่ซี อาเตเฮ๊โพร เออเต๊เห่.

โครินธ์ อาเหร่อเล๊อ ต๊าบ่า 14:36

จอแปแหร่ อาลาอาโหง่ อา แก่ซ๊าแก่แร หม่า อา โอ่ แหน่ แพ๊ตื๊อ เด๊อ ซี โครินธ์ เพรหยื่อเอ่ตู๊หมู่ตอกล๊อ อากู เร๊อ อา แฮ แหน่ แพ๊ แอ? หม่าโต่เรอ อา แฮ เป่ แพ๊ตื๊อ แหน่ เด๊อ ซี เออเต๊เห่ อา โอ่ แพ๊ แอ?

โครินธ์ อาเหร่อเล๊อ ต๊าบ่า 14:38

หม่าแน๊เรอ ล๋อ แว เฮ๊ ลู เออเต๊เห่เนอ, อา เก่ แด่ซิแหน่ซิเตเร โต่ เฮ๊เรอ แด่ซิแหน่ซิเตเร แต่ อา เตเพร่ว แต่เหม่.