โครินธ์ อาเหร่อเล๊อ ต๊าบ่า 14:26 - ลีเทส่อพ๊าอาเซ เร๊อ เห่ขุทวาลู๊

²⁶ แว โคแบ๊ซว๊า ซี, ฮู๊เนอเรอ เบ๊อะซี แฮจ๊อเบ โหร่ลู เบ๊อะเนอ, ซี โต เม ฮู๊เต? เต๊เห่เห่เนอ อา เก่ อิโร ถู่เซ๊แถ่ จอแปแหร่, เต๊เห่เห่เนอ อา เก่ อิซว๊าอี๊แส่ อู เร๊อ จอแปแหร่ อาลาอาโหง่, เต๊เห่เห่เนอ อา เก่ แด๊โฉ่ เป่ อู เร๊อ จอแปแหร่ เด๊อะโล ลู เต๊เห่, เต๊เห่เห่ เกอลาติ เร๊อ อา เก่ เฮ๊เบ่ เร๊อ โหง่โค๊ตีกลี๊ เต๊เห่, เต๊เห่เห่ ลาติ เร๊อ อา เก่ เฮ๊โปลเถ่ เป่ อู โหง่โค๊ตีกลี๊ เออเต๊เห่ อาโหง่แลช๊า. ซี เม แลแค ฮู๊เออ หม่า อาแร๊ วา. หม่าแน๊เรอ ซี เม เต อิเตเต๋ เบ่เบ่ เนอ, นอ หนิอ๊าหนิเหร่, นอ ทวาบุ๊ยทวาเตอเรอ เป่ เพร เด๊อ อา หนิโฮ เต เต๊เห่ อาเง เนอ.

Eastern Kayah Shadaw Dialect

²⁶ ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤟꤢꤨꤔꤣꤧ꤬ꤚꤣꤧ꤬ ꤙꤣꤧ ꤞꤤ꤭ ꤟꤢꤧ꤭ꤡꤢꤪꤙꤢꤩ꤭ ꤚ꤫ꤥ꤬ꤜꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤒꤥ꤭ ꤗꤢꤩ꤬ ꤟꤢꤨꤒꤢꤩ꤭? ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤤ꤬ꤚꤥ꤭ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤜꤥ꤭ꤓꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤜꤢꤨ꤭ ꤒꤣꤧ꤬ꤟꤢꤩ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤔꤢꤧ ꤍ꤫ꤥ꤬ꤋꤥꤋꤛꤢ꤬ ꤒꤣꤧ꤬ꤟꤢꤩ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤕꤜꤥ꤭ꤓꤢꤩ꤬ ꤕ꤫ꤢꤩ꤬ ꤢꤨ꤭ ꤍ꤫ꤥ꤬ꤋꤥꤋꤛꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ꤯ ꤞꤤ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤣꤧ꤭ ꤗꤢ꤬ ꤢ꤬ꤚꤢꤧ ꤠꤢ꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ ꤒꤢꤩ꤬ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬ ꤔꤣꤧ꤬, ꤔꤢꤪ꤭ ꤔ꤫ꤤ꤬ꤟꤢꤧ꤭ꤔ꤫ꤤ꤬ꤚꤢꤩ꤬, ꤔꤢꤪ꤭ ꤓꤝꤢ꤭ꤙꤝꤤꤓꤝꤢ꤭ꤒꤣꤧ꤬ꤚꤣꤧ꤭ ꤕ꤫ꤢꤩ꤬ ꤖꤚꤢꤩ꤬ ꤘꤣ ꤢ꤬ ꤔ꤫ꤤ꤬ꤟꤥ꤭ ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬꤯

โครินธ์ อาเหร่อเล๊อ ต๊าบ่า 14:26 ပူးပေါင်းရင်းမြစ်များ

เอเฟซัส 5:19

ซี เตเพร เร๊อ เตเพร อิโร เกอเร๊อลู เร๊อ จอแปแหร่ อาลีอิโร เต๊เห่ เร๊อ ลีอิโร ถู่เซ๊แถ่ เนอเต๊เห่ นี๋. แด๊ อิโร แลแค เร๊อ อิโร ถู่เซ๊แถ่ แลแค เด๊อ ซี ซิปล่อกู เนอ.

ꤚꤥꤗꤢꤩ꤬ 14:19

ฮู๊เนอเรอ, เป เก่ แอ๊จื๊อแอ๊เหร่ โอ่โครโอ่เกล เกอเร๊อ ลู เตเพร เร๊อ เตเพร โทเรอ เป เก่ พย๊าจว่า เมจว่า, เด๊อะอ๊าเด๊อะเหร่ เกอเร๊อ ลู เตเพร เร๊อ เตเพร โป๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11

ฮู๊เนอเรอ, เด๊อะอ๊าเด๊อะเหร่ เกอลู เตเพร เร๊อ เตเพร เร๊อ เมจว่าเลอ เมจว่าเก่ เกอลู เตเพร เร๊อ เตเพร ฮู๊ ซี เม เฮ๊อ กู๊แหน่ เออเนอ นี๋.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

โครินธ์ เนอบ่า ต๊าบ่า 13:10

ช๋า แว แฮโต่เกอ ซี ปา เร๊อ แซ่ฮู๊ แว เก่ แฮ นอเอ่ ชอ แต่ แว เตอเรอฉว่าชอ เด๊อ แบ่เจ่ เด๊อ แว เออเนอ แต่เหม่เนอ, เบ๊อะแว โอ่ ยา เร๊อ ซี อาเค, แว ซิหยื่อ ราจว๊า เหร่อ เป่ ซี ลีเออ แพ๊. แซ่ฮู๊ แว เก่ เมดุแถ่ทูแถ่ ซี เตหยื่อเตแหน่ อาเงเนอ, แบ่เจ่ เด๊อะ แว เตอเรอฉว่าชอ เออเนอ แพ๊. อา เด๊อะ แว เตอเรอฉว่าชอ เด๊อ แว เก่ เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 12:19

ล๋อ เป รา เป่ ซี เออเต๊เห่ เนอหม่า, ซี เตเน แลแค เร๊อ เป เฮ๊เบ่ เตเกบี๊ เกอเร๊อ ลอ เปเหน่ ฮู๊เนอ เก่. ฮู๊เนอ หม่าโต่, เป เฮ๊เบ่แพ๊ ฮู๊ ครี๊ นอเฮ๊เบ่ เป เนอ แพ๊ เนอหม่า จอแปแหร่ แม๊เถอะ ซิเงดื่อ เฮ๊อ. โคแบ๊ซว๊าโม ซี๋, ล๋อ เป เมเต เออเต๊เห่ เนอหม่า เป เม เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ อาเหร่อเล๊อ ต๊าบ่า 14:40

ซี เม อิเตเต๋ เบ่เบ่ เนอ, ซี โตเบ่ เม ตาโตตาเบ่ อา เร๊อ โตเบ่ จว๊า เร๊อ อาแกล๊อาโกล.

เอเฟซัส 4:12

แซ่ฮู๊ จอแปแหร่ อาแกแย เต๊เห่ เก่ โอ่ ตี๊หรี่แตแร อาเหน่ เร๊อ อา เก่ เม เป่ ลู เตเม อาเง, โท๊โต่ แซ่ฮู๊ อา เก่ เด๊อะฉว่าเด๊อะชอแถ่ เพรหยื่อเอ่อา ตู๊หมู่ตอกล๊อ เด๊อ อา หม่า ครี๊ อาเหน่กล่อเออ อาเงเนอเรอ, อา เด๊อะตา ดื่อเฮ๊อ ฮู๊เนอเฮ๊อ.

โครินธ์ อาเหร่อเล๊อ ต๊าบ่า 14:27

แกแย เตเพรเพร เก่ ซิหยื่อ เฮ๊เบ่ เร๊อ โหง่โค๊ตีกลี๊ เออเต๊เห่ เก่เฮ๊เรอ, อา โต เฮ๊เบ่ เอ๊เล๊อ เร๊อ ซิเนอ โต่หม่าแน๊ ซิโซ โต่. หม่าแน๊เรอ เหย่ซี โตเบ่ เฮ๊เบ่ เตเพร โท เตเพร. เร๊อ เด๊อ เหย่ซี อาเกล เตเพรเนอ, อา โต ซิเงโปล อาโหง่แลช๊า เร๊อ อา โตเบ่ แด๊โฉ่ กาคยา โปล เป่ คยาแซ๊ เป่ อู.

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

ꤚꤥꤗꤢꤩ꤬ 12:7

เก่ จอแปแหร่ เด๊อ แกแย เตเพรเพร อา เตแจ่เตลีแม เด๊อ อา นอเมจว่า ลู. เร๊อ อูโร เก่เฮ๊เรอ, อา โตเบ่ เมจว่า อา เก่ เด๊อ แกแย เตเพรเพร อา เตแจ่เตลีแม เด๊อ อา เก่ นออิซว๊า ลู เร๊อ อู เก่เฮ๊เรอ, อา โตเบ่ อิซว๊า อู.

ꤚꤥꤗꤢꤩ꤬ 15:2

แซ่ฮู๊ อา เก่ ทวาบุ๊ยทวาเตอเรอ เป่ เด๊อ เหย่ซี อาเง, โทเรอ แซ่ฮู๊ เหย่ซี เก่ ดุแถ่ ทูแถ่ เด๊อ เตหยื่อเตแหน่ อากูเนอ, เป โต ลือเมโม เป่ เป โป่แหว่ ครี๊พู๊ เต๊เห่ อาซิปล่อ.

โครินธ์ อาเหร่อเล๊อ ต๊าบ่า 14:2

เมเตเฮ๊เร๊อ แกแย เตเพรเพร เก่ เฮ๊เบ่ โหง่โค๊ตีกลี๊ เด๊อ อู ซิเงทว๊า โต่ เออเต๊เห่ เฮ๊เนอ, อา เฮ๊เบ่ เร๊อ แกแยเหขุพู๊ เต๊เห่เนอ หม่าโต่, อา เฮ๊เบ่ เร๊อ จอแปแหร่ แพ๊. อู ซิเงโปล เกอ ลู เต เตเพร่ว โต่. อา ย๋อ เฮ๊เบ่ เร๊อ แหย่โยบูโพ๊ แบ่เจ่ อา เตโพรเตเตอเรอ เร๊อ อา เฮ๊เบ่ โหง่ เออเต๊เห่เนอ อาจ่ออาแย อาขว่าอาคยา, อู ซิเงทว๊า เกอ ลู โต่.

โครินธ์ อาเหร่อเล๊อ ต๊าบ่า 14:15

เก่ เฮ๊ฮู๊เนอเร๊อ, แว เก่เบ่ เม ฮู๊เต? แว เก่ กุยจ๊อเบ ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ กุยจ๊อเบ ดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊. เบ๊อะแว อิโร เบ๊อะเนอ, แว เก่ อิโร ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ อิโรดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊.