โครินธ์ อาเหร่อเล๊อ ต๊าบ่า 14:24 - ลีเทส่อพ๊าอาเซ เร๊อ เห่ขุทวาลู๊

²⁴ หม่าแน๊เรอ, เฮ๊โก๊หลื่อ, แกแย อาโร เด๊อ อา หนิโฮน๊อ เกออู โหง่โค๊ตีกลี๊ เออเต๊เห่ โตโพ๋โต่ เต๊เห่, หม่าโต่เรอ แกแย เด๊อ อา หยื่อเอ่ เกอล๋าย ครี๊ โต่ เต๊เห่ เก่ แฮจ๊อเบ เต่อเกอ ซี เฮ๊เรอ ซี เก่ เฮ๊โพร จอแปแหร่ อาลาอาโหง่ ปว๋า เตเพร เฮ๊เนอ, เหย่ซี เก่ ซิเงแล เกอเร๊อ แลแค อาเหน่ เร๊อ เหย่ซี หม่า เพรเมเตซื๊อ เต๊เห่ ปา. เด๊อ ซี เฮ๊โพร เออ อาขว่าอาคยาเร๊อ เหย่ซี เก่ ซิหยื่อ ถู่แหล่แต๊แกละกา แลแค อาซิปล่อ ปา.

Eastern Kayah Shadaw Dialect

²⁴ ꤗꤢ꤬ꤔꤢꤧꤚꤣꤧ꤬, ꤟꤢꤩꤊꤥꤚꤣꤧ, ꤊꤣꤧ꤬ꤛꤢꤧ꤭ ꤢ꤬ꤚꤥ꤬ ꤘꤣ ꤢ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ꤢꤨ꤭ ꤍ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤖꤥ꤮ ꤒꤥ꤬ ꤒꤣꤧ꤬ꤟꤢꤩ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ꤜꤢ꤭ꤟꤤ ꤋꤚꤤ ꤒꤥ꤬ ꤒꤣꤧ꤬ꤟꤢꤩ꤬ ꤊꤢꤩ꤬ ꤟꤢꤧ꤭ꤡꤢꤪꤙꤢꤩ꤭ ꤒ꤫ꤣ꤬ꤊꤣꤧ꤭ ꤞꤤ꤭ ꤟꤢꤩꤚꤣꤧ꤬ ꤞꤤ꤭ ꤊꤢꤩ꤬ ꤟꤢꤩꤖꤚꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤩꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤗꤢ꤬ ꤖꤚꤢꤩ꤬ꤥ꤬ꤚꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭꤯ ꤘꤣ ꤞꤤ꤭ ꤟꤢꤩꤖꤚꤥ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤛ꤫ꤢꤦ꤬ ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤢ꤬ꤞꤤꤕꤜꤢꤪ꤬ ꤕꤢ꤭꤯

โครินธ์ อาเหร่อเล๊อ ต๊าบ่า 14:24 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 2:15

ล๋อ แกแย เด๊อ อา พย๊าหนิ แหย่โยบูโพ๊ แบ่เจ่ เออเต๊เห่เนอ, อา ซิเง ล๊อปลู๊ เหร่อ ลอ โทเฮ๊อ เตอิซว๊าอี๊แส่ เออเต๊เห่ เฮ๊อ. หม่าแน๊เรอ แกแย เด๊อ อา พย๊าหนิ เกออู แหย่โยบูโพ๊ แบ่เจ่ โต่ เต๊เห่เนอ, อา ซิเงโปลเบ๊ เกออู แกแย เด๊อ อา โอ่ เน๊อ แหย่โยบูโพ๊ แบ่เจ่ เต๊เห่ อา เตเตเน เต๊เห่ โต่.

เพรโด่แนพู๊ เต๊เห่ 2:37

เบ๊อะแกแย เออเต๊เห่ หนิโฮ คูเปโตร แด๊โฉ่ เป่ เหย่ซี ฮู๊เออ เบ๊อะเนอ, เหย่ซี ซิปล่อเช แหน่เจ๊อ เร๊อ อา เฮ๊กาคยาฉื่อ คูเปโตร เน๊อ เพรโด่แนพู๊ เต๊เห่ เด๊อ อาโรเต๊เห่ เน๊อ, “โป่แหว่ ซี๋, เก่เฮ๊ฮู๊เนอเร๊อ เป โตเบ่ เมฮู๊เต?”

ꤛꤥ꤭ꤟꤢ꤬ 4:29

“แฮ แม๊เกอ แลแค มอ แว แกแย เตเพร เล๊! อา เฮ๊โพร ลอปลี เจ๊อ ล๊อ แว เมกาโทเฮ๊อ เนอเต๊เห่ เจ๊อ. อา หม่า ครี๊ เจ๊อ แอ?”

ꤛꤥ꤭ꤟꤢ꤬ 16:8

เบ๊อะแหย่โยบูโพ๊แบ่เจ่ แฮโต่เฮ๊อ ปา เบ๊อะเนอ, อา เก่ เด๊อซิเง เป่ แกแย เห่ขุพู๊ เต๊เห่ เร๊อ เหย่ซี เม เตซื๊อ ปา, โทเรอ อา เก่ เด๊อซิเง เป่ โป่ เหย่ซี เร๊อ เตจ๊อเตเต อาแกล๊ ปา. โท๊โต่, อา เก่ เด๊อซิเง เป่เกอโป่ เหย่ซี เร๊อ จอแปแหร่ เก่ เมจากาคยา เหย่ซี ปา.

โครินธ์ อาเหร่อเล๊อ ต๊าบ่า 14:1

ซี โตเบ่ จ่าเพรอ แอ๊จื๊อ โมเร๊อ เกออู. โทเรอ ซิหยื่อ พย๊าหนิ เกอ แลแค อู เชหยู่ เด๊อ แหย่โยบูโพ๊ แบ่เจ่ เด๊อะตาครา เออเนอ เต๊เห่. เชหยู่ หนิครา เด๊อ อาแร๊เล๊อ อู หม่า หม่าเฮ๊อ แด๊โฉ่โด่แน แจ่ เป่ อู เร๊อ จอแปแหร่ อาลาอาโหง่ ฮู๊ เพรโพร เตเพร เนอเฮ๊อ.

โครินธ์ อาเหร่อเล๊อ ต๊าบ่า 14:16

เฮ๊โก๊หลื่อ, เน เก่ เฮ๊บุ๊ยเฮ๊เตอเรอ ถู่เซ๊แถ่ ตื๊อแพ๊ จอแปแหร่ เร๊อ โหง่โค๊ตีกลี๊ เออ เก่เฮ๊เรอ, แกแย เด๊อ อา แฮจ๊อเบ เกอ เน เออเต๊เห่ อาเกล เตเพรเพร ย๋อ ซิเง เกอ เนโหง่ โต่ อาขว่าอาคยา, อา ครวา เฮ๊บุ๊ยเฮ๊เตอเรอแถ่ แจ่ เกอ เน จอแปแหร่ โต่.