โครินธ์ อาเหร่อเล๊อ ต๊าบ่า 14:20 - ลีเทส่อพ๊าอาเซ เร๊อ เห่ขุทวาลู๊

²⁰ แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

Eastern Kayah Shadaw Dialect

²⁰ ꤠꤢꤧ꤭ ꤋꤥ꤭ꤙꤢꤧꤞꤝꤢ ꤞꤤ꤭, ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ ꤟꤢꤨ ꤖꤢꤨꤡ꤫ꤢꤩ꤬ꤟꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤒꤢꤦꤖꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣ꤬ꤡꤣ꤬ ꤔꤣꤧ꤬ ꤖꤢꤧ ꤚꤣꤧ꤬ ꤓꤝꤢ꤭ꤓꤢꤧ꤬ ꤞꤢꤧ ꤜꤢ꤭ꤋꤢꤧ꤭ ꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤥ꤬ꤞꤢꤩ꤭ ꤘꤣ ꤢ꤬ ꤞꤤꤑꤢꤩ꤭ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤠꤢꤧ꤭ ꤚꤢ꤭ ꤕ꤫ꤢꤩ꤬ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ꤘꤢꤨ꤬ꤖꤚ꤫ꤢꤩ꤬ ꤟꤣꤧ ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤔꤣꤧ꤬꤯

โครินธ์ อาเหร่อเล๊อ ต๊าบ่า 14:20 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

ꤚꤥꤗꤢꤩ꤬ 16:19

ซี จูเอ่ หนิดา แร๊ โหง่เนอ, อู หนิโฮ ล๋อ ปลี เจ๊อ ปว๋า เตเพร เจ๊อ เฮ๊อ. เด๊อ ซี โอ่เซอเพร ฮู๊เนอ อาขว่าอาคยา, แว ซิครือ โกโน๋ โต่. หม่าแน๊เรอ เตแร๊ หม่า ฮู๊เต เนอ, แว ซิหยื่อ นอซิเงโปล ปลื๊อ แร๊ เกอ ซี. โทเรอ เตมู๊แหม่ หม่า ฮู๊เตเนอ, แว ซิหยื่อ นอโอ่ อาโพ๊อาแปละ แร๊ ซี แพ๊.

โครินธ์ อาเหร่อเล๊อ ต๊าบ่า 13:11

เบ๊อะแว เป๊เจ่ ปา เบ๊อะเนอ, แว เตเฮ๊เบ่ เบ่เบ่, แว เตแด่ แว ซิปล่อสู่เทอ เต๊เห่เนอ เบ่เบ่, แว เตเตเน เต๊เห่เนอ เบ่เบ่, อาแซ่เน๊อ เป๊เจ่ เตเพรเนอ แพ๊. หม่าแน๊เรอ เบ๊อะแว ดุเผร่ แฮ เฮ๊อ เบ๊อะเนอ, แว วีแก ลอ เป๊เจ่ อาเหล่โกล เต๊เห่.

มัทธิว 18:3

เร๊อ อา เฮ๊ เหย่ซี เน๊อ, “แว เฮ๊จ๊อจ๊อ ซี๋, ซี เก่ ถู่แหล่ เต๊เปล่ ซี ซิปล่อ โต่, ซี เก่ ทวาแถ่ แซ่เน๊อ เป๊เจ่ฮู๊ เออเต๊เห่ โต่, ซี โนหนิ แจ่ เด๊อ ม๊อขุ เทอเลเก่กู แตแค๋ โต่.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

เปโตร เนอบ่า ต๊าบ่า 3:18

หม่าแน๊เรอ, ดุแถ่ แฮเงโป่ แลแค เด๊อ เตบุ๊ยดุเตอเรอทู อากู เร๊อ เด๊อ เตซิเง เพร เด๊อ อา เมแลเปล๊กา เป หม่าดื่อ เป แบ่เจ่ เหย่ซู่ครี๊ เออ อากู นี๋. กู๊แหน่เออ ตาแฮเงเนอ, อู เก่ ถู่เซ๊แถ่ ดื่อ เป แบ่เจ่ เหย่ซู่ครี๊ ตูจูเพร แตแลเคร๊ นี๋. อาเมน.

ฟีลิปปี 1:9

แซ่ฮู๊ ซี เตโม เกอเร๊อ ลู เตเพร เร๊อ เตเพร เออ, อา เก่ ฉว่าแถ่ เร๊อ ฉว่าแถ่, โท๊โต่ แซ่ฮู๊ ซี เก่ ซิเงแฮ เอ๊แถ่ เร๊อ เอ๊แถ่ โป่ แลแค โท๊โต่ แซ่ฮู๊ ซี เก่ ซิเง ลีแมลีเพ๊ แลแค เต เด๊อ อาซื๊อ เร๊อ อาโต เต๊เห่ อาเงเนอเรอ, แว กุยจ๊อเบ เป่ เด๊อ ซีเง แพ๊.

ꤗꤢ꤬ꤊꤢꤨ 10:15

แว เฮ๊จ๊อจ๊อ ซี, ซี เก่ นอเป๊อเร๊อ ซีเหน่ เร๊อ จอแปแหร่ ฮู๊ พู๊เจ่ฮู๊เต๊เห่ นอเป๊อหนิเกอ เร๊อ อาเหน่ เนอโต่ เฮ๊เนอ, ซี โน หนิ แจ่ เด๊อ จอแปแหร่ เทอ อาเก่กู แตแค๋ โต่.”

ฟีลิปปี 3:15

ล๋อ เป เด๊อ อา ดุตาซิเหน่เต แลแค เฮ๊อ เด๊อ แหย่โย ตากยา เออเต๊เห่เนอ, เป โตเบ่ แด่ แซ่ลู เป ซิปล่อสู่เทอ ฮู๊ แว เฮ๊เป่เฮ๊อ ซี เออเนอ. หม่าแน๊เรอ เด๊อ ซีเกล เต๊เห่เห่ เนอ, อา เก่ แด่ โค๊ดื่อ อา ซิปล่อสู่เทอ เก่เฮ๊เรอ, จอแปแหร่ เก่ เด๊อ ซิเงโปลแร๊ ดื่อ ซี เตเตเน เด๊อ อาโต เนอเต๊เห่ ปา.

มัทธิว 11:25

เบ๊อะเนอโตโพ๊ แบ่เจ่ เหย่ซู่ เฮ๊ จอแปแหร่ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่โอ๊ แด่บี๊ เป่ เพรลีแมลีเพ๊ เต๊เห่ เนอ เพรแม๊ ตูปลู ซิเงเตพู๊ เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊ บุ๊ย เฮ๊ เตอเรอ แถ่เน”

มัทธิว 19:4

แบ่เจ่ เฮ๊ฉื่อ เหย่ซี เน๊อ, “เด๊อ เห่ขุทวาลู่ ม๊อขุทวาเซ เบ๊อะเนอ, ‘จอแปแหร่ แบ๊แล ตื้อ แพ๊ เพรคู เตเพร เร๊อ เพรเหมาะเตเพร แพ๊’ เนอหม่า ซี แด๊น๊อ เกออู โต่ แอ?

มัทธิว 19:14

เร๊อ แบ่เจ่ เหย่ซู่ เฮ๊ เหย่ซี เน๊อ, “ปลวาแฮ เป๊เจ่พู๊ เนอเต๊เห่ เด๊อ แวโอ่เออ, เมตาตือ แต่ เหย่ซี แต่เหม่, เมเตเฮ๊เรอ ม๊อขุ อาเทออาเก่ เนอหม่า แกแย เด๊อ อา แด่หยว่า อาซิปล่อ แซ่เน๊อ เป๊เจ่พู๊ เออเนอเต๊เห่ อาเตเฮ๊อ.”

ꤜꤢꤨꤊꤢ꤬ 18:17

แว เฮ๊จ๊อจ๊อ ซี, ซี เก่ นอเป๊อ ซีเหน่ เร๊อ จอแปแหร่ ฮู๊ เป๊เจ่ฮู๊ เต๊เห่ นอเป๊อหนิ อาเหน่ เนอโต่ เฮ๊เนอ, ซี โน หนิ แจ่ เด๊อ จอแปแหร่ เทอเลเก่กู แตแค๋ โต.”

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

โครินธ์ อาเหร่อเล๊อ ต๊าบ่า 14:19

หม่าแน๊เรอ เด๊อ เพรหยื่อเอ่ตู๊หมู่ตอกล๊อ อากูเนอ, แว เฮ๊เบ่ เร๊อ โหง่โค๊ตีกลี๊ เออเต๊เห่ โต่ เมเตเฮ๊เรอ, พื๋อ เร๊อ แว เฮ๊เบ่ อู เร๊อ โหง่โค๊ตีกลี๊ เออ อามือ ตอซ๊อ เนอ, แว อิซว๊า แพ๊ อู เร๊อ โหง่ เด๊อ อู ซิเงแจ่ เออ แงมือ แพ๊ เนอ อาแร๊เล๊อ ปา เจ๊อ เด๊อ แวเง เจ๊อ.

เอเฟซัส 4:13

เร๊อ ครี๊ อาเหน่กล่อเออ อา เก่ ฉว่าแถ่ชอแถ่ โต่เด๊อ เป ล๋อ ปลี เก่ โอ่ลู เร๊อ เตหยื่อ เตอเจ๋อโต เร๊อ เตซิเงแฮ จอแปแหร่ อาพู๊คู เตอเจ๋อ โต ปา. โท๊โต่ เป เก่ ทวาแถ่ เพรหยื่อเอ่ เออ เด๊อ อา ดุเผร่ ตาเต เต๊เห่ ปา. เตดุเผร่ ตาเต เออเนอหมา หม่าเฮ๊อ เป ทวาแถ่เฮ๊อ แกแย เด๊อ อา เล๊อบา แซ่เน๊อ ครี๊ เด๊อ อาเล๊ออาบา เออเตเพร เนอเฮ๊อ.