โครินธ์ อาเหร่อเล๊อ ต๊าบ่า 13:7 - ลีเทส่อพ๊าอาเซ เร๊อ เห่ขุทวาลู๊

⁷ เป เก่ โมเร๊อ อู เฮ๊เนอ, เป ซิปล่อ ปย๊า เป่ โตโพ๋ โต่. เป หยื่อเอ่ แฮเง ตื๊อดื่อ เร๊อ อู เก่ แร๊ แฮ ปา, เป แม๊ชือ แฮเง ตื๊อดื่อ เร๊อ จอแปแหร่ เก่ เมแร๊ แฮ อู ปา, โท๊โต่ เป แด่ทูซิปล่อเบ๊ เตปว๊าเต๊อเจ่อ.

Eastern Kayah Shadaw Dialect

⁷ ꤕꤢꤩ꤬ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤟꤢꤩꤔꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ ꤕꤛꤢ ꤕ꤫ꤢꤩ꤬ ꤒꤣ꤬ꤖꤥ꤮ ꤒꤥ꤬꤯ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤔꤢꤧ ꤢꤨ꤭ ꤊ꤫ꤢꤦ꤬ ꤚꤢꤧ ꤟꤢꤧ꤭ ꤕꤢ꤭, ꤕꤢꤩ꤬ ꤗꤢꤧꤏꤢꤦ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤚꤢꤧ ꤟꤢꤧ꤭ ꤢꤨ꤭ ꤕꤢ꤭, ꤓꤥ꤭ꤒꤥ꤬ ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ꤙꤢꤩ ꤒꤢꤩ꤬ꤕꤝꤢ꤭ꤒꤣ꤬ꤡꤣ꤬꤯

โครินธ์ อาเหร่อเล๊อ ต๊าบ่า 13:7 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:8

เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

โครินธ์ อาเหร่อเล๊อ ต๊าบ่า 13:4

เป เก่ โมเร๊อ อู เฮ๊เนอ, เป แด่ทูซิปล่อเบ๊, เป ซิยอ เร๊อ อู, เป ซิเคว๊ เกออู เต โต่, เป เฮ๊เบ่แถ่โล เปโหง่ โต่, เป แด่ดุ แด่แถ่โล เปเหน่ โต่.

ทิโมธี เนอบ่า ต๊าบ่า 2:24

แบ่เจ่ อาหลู่เล๊ เตเพร เฮ๊เนอหม่า อา โต เบ่กย๊าเบ่งา หนิ อู โต่, โท๊โต่ อา โต เฮ๊เบ่ ซิโดซิ งา เด๊อ อู ล๋อปลี อาขุ, โทเรอ อา โตเบ่ หม่า ซ๊าร๊า เด๊อ อาแร๊ เร๊อ อา แด่ทูซิปล่อ เตเพร.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

โครินธ์ อาเหร่อเล๊อ ต๊าบ่า 9:12

แกแย เด๊อ อาโร เต๊เห่ แฮ แด๊โฉ่โด่แน เป่ ซี เร๊อ ซี เก่ เมจว่าเกอ เหย่ซี เฮ๊เนอ, เป เร๊อ ซี โตเบ่ เมจว่าเกอ แหน่เจ๊อ เป หม่าโต่ แอ? เป กุย ซี เตเมจว่า หม่า อา โต แพ๊ หม่าแน๊เรอ เป กุยน๊อ เร๊อ ซี เตอเจ๋อ โต่. แซ่ฮู๊ เป เก่ เม ดู๊ดี๊ดู๊แด แต่ ครี๊ อา เตซิครือมีลา เตเมเนอ, เป แอ๊จื๊อ แด่ทูซิปล่อ เจ๊อ เตปว๋า เต๊อเจ่อ เจ๊อ.

ꤊꤢ꤬ꤜꤢ꤬ꤒꤤ 6:2

วี๊แย๊ โหร่ลู เตเพร เร๊อ เตเพร อา เตวี๊เตแย๊ เต๊เห่ นี๋. ซี เก่ เมฮู๊เนอ เฮ๊เนอหม่า ซี เม เฮ๊อ ฮู๊ เหย่ซู่ครี๊ อิซว๊าอี๊แส่แก เนอเฮ๊อ.

ทิโมธี เนอบ่า ต๊าบ่า 4:5

หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:12

แกแย เด๊อ อา แด่ทูซิปล่อ เต๊เห่เนอ, ช๋า อา แม๊เถอะ ป่อชิเต่อเบ่ เน๊อ เตแป่เตเช เตอิลออี๊โหล่ เบ๊อะเนอปาเนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา, เมเตเฮ๊เรอ เบ๊อะเหย่ซี เมเป่แก โทเฮ๊อ เตแป่เตเช เตอิลออี๊โหล่ ฮู๊เออ เบ๊อะเนอ, จอแปแหร่ เก่ เด๊อ เหย่ซี เตเซอเพร ตูจูเพร. อาเชหยู่ เด๊อ อา อ๊อแล เน๊อ อา เก่ เด๊อ แกแย เด๊อ อา โมเร๊อ ลู เนอเต๊เห่ ปา.

เธสะโลนิกา เนอบ่า ต๊าบ่า 1:4

ฮู๊เนอ อาขว่าอาคยา, เป แหน่แบ่เจ่ เร๊อดื่อ เป แด๊โฉ่โด่แน โลเป่ เพรหยื่อเอ่ตู๊หมู่ตอกล๊อ เด๊อ อาโร เต๊เห่ เร๊อ ซีหรี่ซีแก. เบ๊อะซี ข่าเบ่ เตเมจาเมจือ เร๊อ เตแป่เตเช เต๊เห่ เบ๊อะเนอ, แด่ทูซิปล่อเบ๊ เร๊อ ซี โอ่หม่าโอ่กลอ เด๊อ ซี เตหยื่อเตแหน่ อากู อาขว่าอาคยา, เป แด่แถ่โล โม เกอเร๊อ แหน่เจ๊อ เป ซิปล่อ.

ทิโมธี เนอบ่า ต๊าบ่า 3:11

โทเรอ แว ข่าเบ่น๊อ อู เมจาเมจือ แว เออเนอ, เร๊อ แว ป่อชิเต่อเบ่ เน๊อ เตแป่เตเช เออเต๊เห่ เด๊อ วีอันทิโอก, วีอิกานีเร๊อ วีอิโคเนยูม เน๊อ วีลิสตรา อากู เนอหม่า, อา เมแคร๊ อาเหน่ เร๊อ แว ฮู๊เตเนอ เน ซิเง โทดื่อเฮ๊อ. แว ข่าเบ่ อู เมจาเมจือ แว หม่าแน๊เรอ ล๋อ เต เออเต๊เห่ เนอหม่า, แบ่เจ่ เมแลเปล๊กา เป่ ลอปลี แว แพ๊.

ꤚꤥꤗꤢꤩ꤬ 15:1

เป เด๊อ อาโอ่ เร๊อ เตหยื่อเตแหน่ ชอ เออเต๊เห่เนอ, เป โตเบ่ แด่ทูซิปล่อ เร๊อ เมจว่า เป่เกอ แกแย เด๊อ อา เตหยื่อเตแหน่ ปีตี๊ปา เร๊อ อาซิปล่อ หร่ารอหร่าเหร่ ปา ดื่อเง เนอเต๊เห่. เป โต ลือเมโม แล เกอเร๊อดื่อ เปเหน่ โต่.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

ꤟꤤꤙꤚꤢꤨ 13:13

ฮู๊เนอเรอ เป เก่ จว๊า ข่าโหร่เกอ เตเป๊อเจ่ออิแช๊ เน๊อ อา เด๊อ วีกลอ เออเนอ โป๋.

ꤚꤥꤗꤢꤩ꤬ 8:24

เป๊อแถ่ เบ๊อะจอแปแหร่ เมแลเปล๊กา เป เนอ, เป แม๊ชือ เด๊อ อา เก่ เม เป่ เป เออเต๊เห่ ปา. หม่าแน๊เรอ แกแย เตเพรเพร เก่ พย๊าหนิ โทเฮ๊อ เต เด๊อ อา แม๊ชือ เออเนอ, อา โหล่ โอ่ป่อแม๊ชือ ปา เร๊อ โต่ เฮ๊อ. อู โอ่ป่อแม๊ชือ เต เด๊อ อู พย๊าหนิ โทเฮ๊อเนอ อา โอ่ เตเพร่ว โต่.

เห่ขุทวาลู่ 29:20

คูยาโคบ เก่ พย๊าหนิ เหมาะราเชล อาเงเนอ, อา เอ่แร เจ๊อ โซซว๊าต๊าหน่า เจ๊อ ตื๊อดื่อเร๊อ อา ย๊อ โมหนิ แหน่เจ๊อ ลู อาขว่าอาคยา, อา เตเน แพ๊ เน๊อ เตอเปล๊อฮู๊ แพ๊.

ꤗꤢ꤬ꤊꤢꤨ 9:23

เร๊อ เหย่ซู่ เฮ๊ ลู เน๊อ, “เมเตเรอ เน จว๊า เฮ๊โต่ เน๊อ, ‘เน เก่ เมแจ่,’ ฮู๊เนอ เมเต? แกแย เตเพรเพร เด๊อ อา หยื่อเอ่ จอแปแหร่ เนอหมา อา เมแจ่ ลอปลี ปว๋า เต๊อเจ่อ แพ๊.”