โครินธ์ อาเหร่อเล๊อ ต๊าบ่า 13:2 - ลีเทส่อพ๊าอาเซ เร๊อ เห่ขุทวาลู๊2 แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊. အခန်းကိုကြည့်ပါ။Eastern Kayah Shadaw Dialect2 ꤠꤢꤧ꤭ ꤊꤢꤩ꤬ ꤔ꤫ꤤ꤬ꤙꤢꤩ꤬ ꤡꤣꤧ ꤒꤢꤩ꤬ꤡ꤫ꤢꤧ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤡ꤫ꤢꤧ꤬ ꤡꤣꤧ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤒꤣꤧ꤬ꤟꤢꤩ꤬ ꤡꤣꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤊꤢꤩ꤬ ꤞꤤꤑꤢꤩ꤭ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤡꤣꤧ ꤒꤢꤩ꤬ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤣꤧ ꤙꤢꤩ꤬ꤙꤢꤩ꤬, ꤠꤢꤧ꤭ ꤔ꤫ꤤ꤬ꤙꤢꤩ꤬ ꤡꤣꤧ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤔꤢꤪ꤭ꤞꤢꤪꤞꤢꤦ ꤡꤝꤢꤊꤢꤧ꤭ꤙꤢꤩ ꤡꤣꤧ ꤏꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤊꤢꤩ꤬ ꤗꤥ꤬ꤚꤣꤧ ꤢꤨ꤭ ꤒꤥ꤬ ꤟꤢꤩꤔꤣꤧ꤬, ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬ ꤖꤢꤧ꤯ အခန်းကိုကြည့်ပါ။ |
โครินธ์ อาเหร่อเล๊อ ต๊าบ่า 13:2
38 ပူးပေါင်းရင်းမြစ်များ
เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “หม่าเมเตเร๊อ ซี เหว่เถ่แกเบ๊ เกออู โลเน๊ โต่ เอ๊เนอ, ซี เตหยื่อ ปีตี๊ ดื่อ ซีเงเนอ. แว เฮ๊จ๊อจ๊อ ซี๋, เก่ ซี เตหยื่อ อา โอ่ ตี๋ เต๊เปล่ปล่อ ตอปล๊อ เนอแพ๊ ตื๊อดื่อเนอ, ซี เก่ เฮ๊ โฉ่ เออเตเม เน๊อ, ‘ซ๊าซื๊อ จว๊า ตาพาแก เน๊อ เร๊อเหล่โอ่ เบ๊อะเออ,’ เก่เฮ๊หม๋า, อา เก่ ซ๊าซื๊อจว๊า แหน่ แพ๊. ซี เตหยื่อ เก่ โอ เฮ๊เนอ เต เด๊อ ซี เมแจ่ โต่ เนอ, อาโอ่ เตอ เจ๋อ โต่.
แบ่เจ่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เน หยื่อเอ่ เร๊อ เน เก่ ซิปล่อหร่าเหร่ โต่ เฮ๊เนอหม่า ฮู๊ แว เฮ๊ ก่อดุ๊ยเหมาะ เร๊อ อา เซอคราแก เออเนอ, ซี หม๋า ซี เม แจ่เกอดื่อ ฮู๊เนอ แพ๊. ซี เก่ เมแจ่เล๊อ ปา เจ๊อ เร๊อ เนอ ปา. ซี เก่ เฮ๊ โฉ่ เออเตเม เน๊อ, ‘ซ๊อซื๊อ จว๊า ตาพาแก เด๊อ เทอดุซาวา อากูเนอ,’ เฮ๊เนอหม่า อา เก่ ทวาแถ่ เป่ ซี ฮู๊ ซี เฮ๊ เนอ ปา.
เด๊อ เพรหยื่อเอ่ตู๊หมู่ตอกล๊อ อากู เนอ, จอแปแหร่ แด่แถ่ เหร่อเล๊อ เพรโด่แนพู๊ เต๊เห่, เนอโต่โต๊โต่ หม่า เพรโพร เต๊เห่, โซโต่โต๊โต่ หม่า ซ๊าร๊า เต๊เห่, เด๊อคยาเร๊อ แกแย เด๊อ อา เมโล เตโค๊ตีกลี๊ เต๊เห่, แกแย เด๊อ อา พย๊าหนิ เตเตอเรอฉว่าชอ เด๊อ อา แหย่โอ่เหม่แจ่ เป่ อู เตชุ๊ย เต๊เห่, แกแย เด๊อ อา เมจว่า อู เต๊เห่, แกแย เด๊อ อา ยูแกล๊ยูโกล เป่ อู เต๊เห่, เร๊อ แกแย เด๊อ อา เฮ๊เบ่แจ่ โหง่โค๊ตีกลี๊ลู เต๊เห่ เออเนอ เต๊เห่ เฮ๊อ.
เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.
แซ่ฮู๊ จอแปแหร่ เก่ นอเฮ๊เบ่ แว โหง่ เด๊อ อา โตเบ่ เฮ๊เบ่ เนอเต๊เห่ อาเงเนอเรอ, เบ๊อะแว เตเร เป๊อแถ่ เฮ๊ เป่ อู เนอ, กุยจ๊อเบ หนิเป่เกอ เด๊อ แวเง นี๋. โท๊โต่ แซ่ฮู๊ แว เก่ แด๊โฉ่โด่แน ฮาฮา เป่เกออู เร๊อ จอแปแหร่ อา เตซิครือมีลา เด๊อ อา โอ่โอ๊โอ่บี๊ งย๋า ลาเฮ๊อเออ อาเงเนอ, กุยจ๊อเบ หนิเป่ เกอโป่ เด๊อ แวเง นี๋.
โป่แหว่ ซี๋, แซ่ฮู๊ ซี เก่ พย๊า แถ่โลแถ่ม๊อ แต่ ซีเหน่ แต่เหม่ เนอ, กู๊แหน่เออ แว ซิหยื่อ นอซิเง ตาเต ซี เร๊อ เตหมะเตจ๊อ อาจ่ออาแย เด๊อ อู ซิเงโปลน๊อ ลู โต่ เออเนอเต๊อเจ่อ. เมเตเฮ๊เรอ, จอแปแหร่ นอ กู่กล๊อเพรอ แกแยยิวพู๊ เต๊เห่. หม่าแน๊เรอ อา กู่กล๊อเพรอ งยาตื๊อดื่อแฮเง โต่แพ๊ เบ๊อะจอแปแหร่ นว๊าแถ่ หนื่ออื่อเฮ๊อ แกแยยิวพู๊ หม่าโต่ เด๊อ อา หยื่อเอ่ ครี๊ เต๊เห่ อาแกแย บาเพร เฮ๊อ ปา เบ๊อะเนอ แพ๊.
แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.
ကြော်ငြာတွေ