โครินธ์ อาเหร่อเล๊อ ต๊าบ่า 12:13 - ลีเทส่อพ๊าอาเซ เร๊อ เห่ขุทวาลู๊

¹³ ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

Eastern Kayah Shadaw Dialect

¹³ ꤟꤢꤨꤔꤣꤧ꤬ꤟꤣꤧ, ꤘꤣ ꤕꤢꤩ꤬ꤊꤜꤢꤩ꤭ ꤔꤣꤧ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤛꤢꤨꤘꤢ꤬ꤖꤢꤨ, ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤡ꤫ꤢꤦ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤗꤢ꤬ ꤖꤚꤢꤩ꤬ ꤕꤣꤧ꤬ꤜꤢ꤭ꤖꤢꤨ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤡꤢꤦ꤭ꤖꤢꤧ ꤜꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤡꤢꤩ꤬ ꤚ꤫ꤥ꤬ ꤜꤢꤪ꤭ꤕꤜꤤ꤭ ꤜꤢꤨ꤭ ꤘꤣ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤢ꤬ꤊꤢꤨ꤭ ꤖꤢꤧ꤯ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤞꤢꤧ ꤜꤢꤪ꤭ꤕꤜꤤ꤭ ꤜꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤖꤢꤧ꤯

โครินธ์ อาเหร่อเล๊อ ต๊าบ่า 12:13 ပူးပေါင်းရင်းမြစ်များ

เอเฟซัส 4:5

เป แบ่เจ่ จือ ลู เตเพรเพร่ว แพ๊, เป่ เตหยื่อเตแหน่ หม่า เตอเจอเจ๋อ แพ๊ ลู, โท๊โต่ เป เจ โหร่ลู เทอ เตอเจอเจ๋อ แพ๊.

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

เปโตร อาเหร่อเล๊อ ต๊าบ่า 3:21

ซี เจ ซีเหน่ เร๊อ เทอ เออเนอหมา, อา เด๊อะโล แบ๊บือ เฮ๊อ เทอ เด๊อ เพโนอาห์ ทือเค เนอ เนอ, จอแปแหร่ เมแลเปล๊กา เฮ๊อ ซี กู๊แหน่เออ เนอแพ๊. ซี เจ ซีเหน่ เร๊อ เทอ เนอหม่า อา ซู๊ปลีแก เหน่กล่อ กู่เขร่อ เนอ หม่าโต่. หม่าแน๊เรอ, อาเจอูเทอ เออเนอหมา หม่าดื่อ เตอ๊อแล จอแปแหร่ เร๊อ ซี เก่ เม อาเต เด๊อ ซิปล่อ อาโพ๊อาแปละ อากู ฮู๊เนอแพ๊. เหย่ซู่ครี๊ ย๋อ เซอ เร๊อ อา เซอเพร กาคยา อาขว่าอาคยา, ซี เจ ซีเหน่ เร๊อ เทอ เนอหม่า อา เมแลเปล๊กา ซี แพ๊.

ꤚꤥꤗꤢꤩ꤬ 3:29

จอแปแหร่ เออเนอหมา แกแยยิวพู๊ อา จอแปแหร่ ตื๊อดื่อแพ๊ แอ? หม่า แกแยยิวพู๊ หม่าโต่ เต๊เห่ อา จอแปแหร่ หม่า เต่อเกอดื่อ โต่ แอ? จอแปแหร่ เออเนอหมา แกแยยิวพู๊ หม่าโต่ เต๊เห่ อาเง๋ หม่า อาหม่าหม่า.

เพรโด่แนพู๊ เต๊เห่ 1:5

โท๊โต่ อา เฮ๊โป่ เหย่ซี เน๊อ, “คูยอห์น เจ เป่ อู เร๊อ เทอ, หม่าแน๊ เรอ งยาแต่โต่ ปาเนอ อู เก่ ปลวา เป่ ซี เร๊อ แหย่โยบูโพ๊แบ่เจ่ ปา.”

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

ꤜꤢꤨꤊꤢ꤬ 3:16

ฮู๊เนอ อาขว่าอาคยา, คูยอห์น เฮ๊ เหย่ซี ปว๋า เตเพร เน๊อ, “แว เจ ซี เร๊อ เทอ แพ๊, หม่าแน๊เรอ เพร เด๊อ อา เตอเรออาโพร ฉว่าชอ เล๊อเล๊อ เจ๊อ เร๊อ แว เตเพรเนอ อา เก่ แฮ ปา. แว ฉิโล๊ เป่แพ๊ อา แข่แด๊พ๊า เปลอ แพ๊ เน๋อ แว ต่า เร๊อ อา โต่. อา เก่ แฮ เจ ซี เร๊อ แหย่โยบูโพ๊แบ่เจ่ เร๊อ หมิ ปา

มัทธิว 3:11

“เด๊อ ซี ถู่แหล่แต๊แกละ ซีซิปล่อ อาขว่าอาคยา, แว เจ ซี เร๊อ เทอ. หม่าแน๊เรอ แกแย โอ่เตเพร เด๊อ อา เตอเรอฉว่าชอ เล๊อ เจ๊อ เน๊อ แว เตเพรเนอ อา เก่ แฮ เด๊อ แวคยา ปา. อา เก่ เจ ซี เร๊อ แหย่โยบูโพ๊ แบ่เจ่ เร๊อ หมิ ปา. แว กู๊กลอแพ๊ อาแข่แด๊พ๊า เน๋อ อา ต่าเร๊อ แว โต่.

เอเฟซัส 5:26

แซ่ฮู๊ อา เก่บูโพ๊หนิ อา เพรหยื่อเอ่ เออ ตู๊หมู่ตอกล๊อ เต๊เห่เนอ, อา เซอแก เป่ เจ๊อ เด๊อ เหย่ซี อาเง. เร๊อ อา ซู๊ปลีแกเฮ๊อ เหย่ซี เร๊อ เทอ เร๊อ อาลาอาโหง่ เออเนอ เฮ๊อ.

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

ꤛꤥ꤭ꤟꤢ꤬ 1:33

เด๊อ อาเหร่อเค เนอหม่า แว ซิเงแต่ล๋าย เร๊อ อา หม่า แกแย ทวา ฮู๊เออเนอ เตเพร ล๋ายโต่, ตื๊อดื่อเรอ จอแปแหร่ เด๊อ อา นอ แว เด๊อ แว เก่ เจ เป่ อู เร๊อ เทอ เออเตเพรเนอ อา เฮ๊ แว เน๊อ, ‘ช๋า เนอปา เนอ, เก่ เน แม๊เถอะ แหย่โยบูโพ๊แบ่เจ่ แฮแล โอ่ เด๊อ แกแย เตเพร อาลู ปา เฮ๊เนอ อา หม่า หม่าเฮ๊อ แกแย เด๊อ อา เก่ เจ เป่ อู เร๊อ แหย่โยบูโพ๊แบ่เจ่ ปา เนอเตเพร เฮ๊อ.’

โคโลสี 1:27

จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.

เอเฟซัส 3:6

จอแปแหร่ อา เตจ่อเตแย เด๊อ อู ซิเงทว๊า โต่ เออเนอหมา หม่าเฮ๊อ จอแปแหร่ เด๊อะตา เป่เฮ๊อ แกแยยิวพู๊ เตเด๊อะบุ๊ยเด๊อะเตอเรอ เฮ๊อ. เร๊อ เตเด๊อะบุ๊ยเด๊อะเตอเรอ เออเต๊เห่เนอ, ซี แกแยยิวพู๊ หม่าโต่ เต๊เห่ พย๊าหนิ โหร่แซ่เกอเฮ๊อ เร๊อ เหย่ซี เออเนอเฮ๊อ. แกแยยิวพู๊ หม่าโต่ เต๊เห่ เร๊อ แกแยยิวพู๊ เออเต๊เห่เนอ, อา ทวาเฮ๊อ ลู เหน่ เตเพรจือ เฮ๊อ. ล๋อ จอแปแหร่ อ๊อแลแก อาแกแย เต๊เห่เนอ, ซี แกแยยิวพู๊ หม่าโต่ เต๊เห่ เก่ พย๊าหนิ โหร่เกอเฮ๊อ เร๊อ เหย่ซี เฮ๊อ. เด๊อ ซี หยื่อเอ่ เตซิครือมีลา เร๊อ ซี ทวาแถ่เฮ๊อ เต๊อเจ๋อโต เร๊อ เหย่ซู่ครี๊ อาขว่าอาคยา, ซี พย๊าหนิเกอ ลอเฮ๊อ เตเด๊อะบุ๊ยเด๊อะเตอเรอ เนอเต๊เห่ เฮ๊อ.

ꤊꤢ꤬ꤜꤢ꤬ꤒꤤ 3:23

เบ๊อะเตหยื่อเตแหน่ เออ แฮโต่ แต่ล๋ายโต่ เบ๊อะเนอ, เตซว๊าเตแส่ ด๊อโอ่หม่า ตื๊อดื่อปา เป แซ่เน๊อ แกแย โอ่ เด๊อ ทอกู เนอเต๊เห่ เฮ๊อ. เป โอ่ ตื๊อดื่อ เบ๊อะอา ทอกูเนอ โต่เด๊อ จอแปแหร่ เด๊อะโลแถ่ เตหยื่อเตแหน่ โตโพ๊ ปา.

โครินธ์ อาเหร่อเล๊อ ต๊าบ่า 10:2

ล๋อ เหย่ซี เออเต๊เห่เนอ อา แซ่เฮ๊อ เร๊อ เหย่ซี เจ แลแค ล๊อปลี เฮ๊อ เทอ เด๊อ อ๊อโหล่ เออต๊าบ่า อากู เร๊อ เด๊อ เทอดุซาวา เออ อากูเนอ เฮ๊อ. เร๊อ เหย่ซี ทวา กาลอ เฮ๊อ คูโมเสส อา โคเจ่ เด๊อ อา ครวา ลูคยา เต๊เห่ เฮ๊อ.

ꤛꤥ꤭ꤟꤢ꤬ 6:63

แหย่โยบูโพ๊แบ่เจ่ เนอ อา เด๊อะ ซิปล่อเซอเพร ตูจูเพร. แกแยเห่ขุพู๊ เนอ, อา เด๊อะ แจ่ ซิปล่อเซอเพร ตูจูเพร โต่. โหง่ เด๊อ แว เฮ๊เบ่ ซี เออเต๊เห่ เนอหม่า, แหย่โยบูโพ๊แบ่เจ่ อา เตเฮ๊เบ่ เต๊เห่ เร๊อ อา เด๊อะเบ๊ อู ซิปล่อเซอเพร ตูจูเพร.

เอเฟซัส 6:8

เมเตเฮ๊เรอ ซี ซิเงเฮ๊อ เน๊อ, แกแย ทวาหลู่ เต๊เห่ เบ่เบ่, แกแย โอ่ปาลา เต๊เห่ เบ่เบ่, เก่ อา เม เตแร๊ เฮ๊เรอ จอแปแหร่ เก่ เด๊อ อา เตเมหนิคว๊าเก่ ปา.

ꤚꤥꤗꤢꤩ꤬ 4:11

อา ดื๊อตีลี๊พ๊า เนอหม่า อาเนอ เด๊อ คยา แพ๊. เบ๊อะอา ดื๊อตีลี๊ แต่ลา พ๊า โต่ เบ๊อะเนอ, เด๊อ อาเตหยื่อ อาขว่าอาคยา, จอแปแหร่ แด่เฮ๊อ อา ฮู๊ แกแยจ๊อแกแยเต เตเพรเฮ๊อ. ฮู๊เนอเรอ อา เมม๊าเมแดแก ลู เร๊อ เตดื๊อตีลี๊พ๊า ฮู๊เนอ เต๊อเจ่อ แพ๊. ฮู๊เนอเรอ แกแย เด๊อ อา ดื๊อตีลี๊ เกอ เจ๊ออู พ๊า โต่ หม่าแน๊เรอ, อา หยื่อเอ่ จอแปแหร่ เต๊เห่เนอ, เพอับราฮัม ทวา เป่ ลอ แกแย ฮู๊เนอ เต๊เห่ อาเพ เฮ๊อ. ฮู๊เนอ อาขว่าอาคยา, จอแปแหร่ แด่จ๊อแด่เต เกอเฮ๊อ เหย่ซี เฮ๊อ.

ꤛꤥ꤭ꤟꤢ꤬ 1:16

อาบุ๊ยเตอเรอ โอ่เล๊อโอ่บา เจ๊อ อาขว่าอาคยา, เป ล๋อ ปลี พย๊าหนิ เกอดื่อเฮ๊อ เตบุ๊ยเตเตอเรอ เต๊อเจ่อ โท เต๊อเจ่อ เด๊อ ลูโอ่ เฮ๊อ.

ꤚꤥꤗꤢꤩ꤬ 3:22

แกแย เด๊อ อา หยื่อเอ่ เร๊อ เหย่ซู่ครี๊ เมโท เป่เฮ๊อ ลูเง เต๊เห่เนอ, จอแปแหร่ แด่ เฮ๊อ ลู ฮู๊ แกแยจ๊อแกแยเต เนอเฮ๊อ. เออ หม่า แกล๊ เด๊อ จอแปแหร่ เม เป่ ล๋อ แกแย เด๊อ อา หยื่อเอ่ เหย่ซู่ครี๊ เนอเต๊เห่ อาเง เฮ๊อ. เด๊อ จอแปแหร่ อา เป๊เส่เงเนอ อาโค๊อาคยา เร๊อ ลู เตเพร่ว โต่.