โครินธ์ อาเหร่อเล๊อ ต๊าบ่า 12:1 - ลีเทส่อพ๊าอาเซ เร๊อ เห่ขุทวาลู๊

¹ โป่แหว่ ซี๋, กู๊แหน่เออ, แว ซิหยื่อ โด่แนโปล เป่ ซี เร๊อ เชหยู่ หนิครา เด๊อ แหย่โยบูโพ๊ แบ่เจ่ เด๊อะ ซี เตเพร เร๊อ เตเพร เนอเต๊เห่ อาหรี่อาแก.

Eastern Kayah Shadaw Dialect

¹ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤊꤢꤨꤔ꤫ꤢꤧ꤬ꤣꤧ꤭, ꤠꤢꤧ꤭ ꤞꤤꤛ꤫ꤢꤦ꤬ ꤘꤥ꤬ꤔꤢꤧ꤭ꤕꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤏꤢ꤭ꤛ꤫ꤢꤨ꤬ ꤔ꤫ꤤ꤬ꤋꤚꤢ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧ ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

โครินธ์ อาเหร่อเล๊อ ต๊าบ่า 12:1 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 14:37

แกแย เตเพรเพร เก่ เตเน เกอเร๊อ อาเหน่ เนอ, แว หม่า เพร เด๊อ อา เฮ๊โพร เป่ จอแปแหร่ อา เตหรี่เตแก เตเพร, หม่าโต่เรอ แว หม่า แกแย เด๊อ อา พย๊าหนิ เชหยู่ เด๊อ แหย่โย ตากยา เตเพร เก่เฮ๊เรอ แว รา เต เออเต๊เห่เนอ แบ่เจ่ อา เตเฮ๊แก แพ๊ เนอ อา เบ่ ซิเง แพ๊.

เอเฟซัส 4:11

แซ่ฮู๊ อู เก่ ทวา เพรโดแนพู๊ เต๊เห่, อู เก่ ทวา เพรโพร เต๊เห่, อู เก่ ทวา เพรโด่แน เตซิครือมีลา เต๊เห่, อู เก่ ทวา เพรหยื่อเอ่ตู๊หมู่ตอกล๊อ ซ๊าร๊า เต๊เห่, อู เก่ ทวา เพรอิซว๊า ลีเทส่อพ๊า อาซ๊าร๊า เต๊เห่เนอเรอ, เพร เด๊อ อา เด๊อะตา อู เตแจ่เตลีแม เด๊อ อา โค๊คยาดื่อ ลู เต๊เห่ เออเตเพร เนอหม่า หม่าเฮ๊อ ครี๊ เฮ๊อ.

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

โป่แหว่ ซี, เป ซิหยื่อ นอซิเงเกอ ซี เร๊อ แกแย เด๊อ อา หยื่อเอ่แหน่เอ่เต เร๊อ อา เซอ โทเฮ๊อ เนอเต๊เห่ อาหรี่อาแก. ฮู๊ แกแย เด๊อ อา เตแม๊ชือ โอ่เกออู โต่ เนอเต๊เห่ ซิเปลซิหย่อ เนอ, เป ซิหยื่อ นอทวา เกอ ซี ฮู๊เนอโต่.

โครินธ์ เนอบ่า ต๊าบ่า 1:8

โป่แหว่ ซี๋, เป ซิหยื่อ เด๊อะ ซิเงโล เป่เกอ ซี เร๊อ เบ๊อะเป โอ่ เด๊อ เอเซียเก่ ดุกู เบ๊อะเนอ, เป ข่าเบ่ แหน่เจ๊อ เตจาเตจือ เต๊เห่ อาหรี่อาแก. เตจาเตจือ เด๊อ เป ข่าเบ่ เออเนอ, อาจาอาจือ ตาลว๊าซิลือ เจ๊อ อาขว่าอาคยา, เป เซอเจ๊อเฮ๊อ ปาก๋อ เป เตเน เจ๊อ ฮู๊เนอ.

โครินธ์ อาเหร่อเล๊อ ต๊าบ่า 10:1

แว โคแบ๊ซว๊า ซี๋! แว ซิหยื่อ นอซิเง เกอ ซี เร๊อ เปเพอเปโพ เด๊อ คูโมเสส ซูกา ลู เด๊อ เหร่อเคเนอ เต๊เห่ อาหรี่อาแก. อ๊อโหล่ เด๊อ อา เด๊อะโล เร๊อ จอแปแหร่ แฮแล โอ่เต่อเกอ เร๊อ เหย่ซี เออต๊าบ่า เนอ, อา เก๊โอ่กา เป่ เด๊อ เหย่ซีขุ. โทเรอ เหย่ซี กาจว๊า ตาลว๊าเบ๊ แร๊แร๊แหน่แหน่ ล๊อปลี เร๊อ เทอดุซาวา เด๊อ อู เอ๊ เร๊อ เทอลีดุ เออเนอ แตแล เจ๊อ.

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.