โครินธ์ อาเหร่อเล๊อ ต๊าบ่า 11:29 - ลีเทส่อพ๊าอาเซ เร๊อ เห่ขุทวาลู๊

²⁹ เบ๊อะซี เอ่ ค๊อมู, ซี โอ แท๊ทือเส่เทอ เออ เบ๊อะเนอ, ซี เบ่ เตเน ตาเต โต่ ครี๊ อาเหน่กล่อ อาโหง่แลช๊า เออเนอ. ซี เก่ เตเน ตาเต โต่ เฮ๊เนอ, จอแปแหร่ เก่ ปลี๊ ซี ปา.

Eastern Kayah Shadaw Dialect

²⁹ ꤙꤣꤧ ꤞꤤ꤭ ꤢꤩ꤬ ꤋꤢꤪꤗꤢꤨ꤭, ꤞꤤ꤭ ꤥ꤭ ꤎꤢ꤬ꤕꤛꤤꤓꤣꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤙꤢꤩ꤬ ꤒꤣꤧ꤬ꤔꤢꤩ꤬ ꤒꤢ꤭ꤒꤢꤩ꤬ ꤒ꤫ꤥ꤬ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤣꤧ꤭ꤔꤣꤧ꤬꤯ ꤞꤤ꤭ ꤊꤢꤩ꤬ ꤒꤣꤧ꤬ꤔꤢꤩ꤬ ꤒꤢ꤭ꤒꤢꤩ꤬ ꤒꤥ꤬ ꤟꤢꤩꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤤ ꤞꤤ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 11:29 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 11:27

ฮู๊เนอเรอ, อูเปเป๋ เบ่เบ่ เด๊อ อา เอ่ ค๊อมูเออ เร๊อ อา โอ แบ่เจ่ อาเทอเบ เด๊อ เตแด่ซิแหน่ซิเตเร ลู โต่ เต๊เห่เนอ, อา เมซื๊อ เฮ๊อ แบ่เจ่ อาเหน่กล่อ เร๊อ อาสุ่ย เออเนอ เฮ๊อ.

โครินธ์ อาเหร่อเล๊อ ต๊าบ่า 11:30

เด๊อ ซี เตเน ตาเต แลแค ฮู๊เนอ โต่ อาขว่าอาคยา, เด๊อ ซีเกล เนอ, แกแยชู๊ยแกแยเช เต๊เห่ หม่า อาโอ่ เอ๊เอ๊, แกแย อ๊าเจ่เหร่เจ่ เต๊เห่ หม่า อา โอ่ปลูโอ่เผ่เผ่, แกแยเซอ หม่า อาโอ่ เต๊เห่เห่.

ꤡꤛꤢꤩ꤭ꤗꤢ꤬ꤎꤣ꤬ 3:1

แว โป่แหว่ ซี๋, ซี โต ทวา โหร่เอ๊ ซ๊าร๊า โต่, เมเตเฮ๊เรอ ฮู๊ ซี ซิเง โทดื่อเนอ เฮ๊อ, เป เด๊อ อา ทวา ซ๊าร๊า เต๊เห่เนอ, จอแปแหร่ เก่ เมจากาคยา ชอเล๊อ เป เน๊อ แกแย เด๊อ อาโร เนอเต๊เห่ ปา.

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.

โครินธ์ อาเหร่อเล๊อ ต๊าบ่า 11:24

เร๊อ อา เฮ๊บุ๊ยเฮ๊เตอเรอแถ่ จอแปแหร่, โทเรอ อา บิเพ๊กยา ค๊อมู เร๊อ อา เฮ๊ เน๊อ, “เออ หม่า แว เหน่กล่อ เด๊อ อา เด๊อะแลแก เด๊อ ซีเง. แซ่ฮู๊ ซี เก่ ซิเงแถ่เบ่ โต่ แว ปว๋า โตโพ๊ เนอเรอ, เม แลแค ฮู๊เออ ปว๋า โตโพ๊ นี๋.”

ꤚꤥꤗꤢꤩ꤬ 13:2

ฮู๊เนอ เร๊อ, แกแย เด๊อ อา ช๊าฉื่อ เพรเป๊อเทอเป๊อเก่ เต๊เห่ เนอหม่า, อา ช๊าฉื่อเฮ๊อ จอแปแหร่ ตี๊หรี่แตแร แด่แถ่ เตเออเนอ เฮ๊อ. โท๊โต่, แกแย เด๊อ อา เม ฮู๊เออ เต๊เห่เนอ, อู เก่ เมจากาคยา เหย่ซี ปา.

ꤡꤛꤢꤩ꤭ꤗꤢ꤬ꤎꤣ꤬ 5:12

โป่แหว่ ซี๋, เด๊อ เตล๋อ ปลี อาเกลเนอ, เต เด๊อ อา โหล่ดุเล๋อ เต๊อเจ่อหม่า หม่าเฮ๊อ เบ๊อะซี อ๊อแล เตเต๊อเจ่อเจ่อ เบ๊อะเนอ, แบ แต่ ซีโหง่ เร๊อ ม๊อขุ, หม่าโต่เร๊อ เห่ขุ, เก่หม่าโต่เรอ เด๊อ เต อาโร เต๊อเจ่อเจ่อ อา เป๊เส่เง ฮู๊เนอ แต่เหม่ นี๋. แซ่ฮู๊ ซี เก่ แลเปล๊ เร๊อ เตเมจากาคยา อาเงเนอ, อา เก่ หม่า เร๊อ “อาหม่า,” เฮ๊ ฮู๊เนอ, อา เก่ หม่าโต่ เฮ๊เรอ “อาหม่าโต่,” เฮ๊ ฮู๊เนอ แพ๊ นี๋.

ꤜꤢꤨꤊꤢ꤬ 7:34

แกแยพู๊คู หม่าเฮ๊อ แวเออ แฮเอ่แฮโอ เกอลาติ เร๊อ ซี เฮ๊ เน๊อ, ‘แม๊มอ, แกแย เออเตเพรเล๊, อา โอฉว่า แหน่เจ๊อ แท๊ทือเส่เทอแย, อา จว๊า แบ๊ซว๊าแบ๊โค ดื่อเง เร๊อ เพรกุย อาหมู่อาร๊า เร๊อ เพรเตเหล่ซื๊อโอ่ เนอเต๊เห่เล,’ ซี เฮ๊ ฮู๊เนอ.

โครินธ์ อาเหร่อเล๊อ ต๊าบ่า 11:28

ฮู๊เนอเรอ เน โต แด๊เฮอแล แม๊เกอเร๊อ ดื่อ เนเหน่, เร๊อ เน โต เอ่โหน่ ค๊อมู, โอโหน่ แท๊ทือเส่เทอ เด๊อ เบกู เออเนอ.